«Գրանցված է»

ՀՀ արդարադատության

նախարարության կողմից

11 նոյեմբերի 2016 թ.

Պետական գրանցման թիվ 60016363

Հիմք ընդունելով Հայաստանի Հանրապետության ջրային օրենսգրքի 79.1-րդ հոդվածը և «Իրավական ակտերի մասին» Հայաստանի Հանրապետության օրենքի 72-րդ հոդվածի 1-ին մասի 1-ին կետի «բ» ենթակետը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հաստատել ջրային ոլորտում սակագների սահմանման և վերանայման կարգը` համաձայն հավելվածի:

2. Ուժը կորցրած ճանաչել Հայաստանի Հանրապետության հանրային ծառայությունները կարգավորող հանձնաժողովի 2004 թվականի օգոստոսի 9-ի «Հայաստանի Հանրապետության ջրային համակարգում սակագների սահմանման ու վերանայման կարգը հաստատելու մասին» N 97-Ն որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ հանրային ծառայությունները կարգավորող հանձնաժողովի նախագահ`

Ռ. Նազարյան

Հավելված Հաստատված է ՀՀ հանրային ծառայությունները կարգավորող հանձնաժողովի 2016 թվականի նոյեմբերի 2-ի N 296-Ն որոշմամբ

Կ Ա Ր Գ

ՋՐԱՅԻՆ ՈԼՈՐՏՈՒՄ ՍԱԿԱԳՆԵՐԻ ՍԱՀՄԱՆՄԱՆ ԵՎ ՎԵՐԱՆԱՅՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգը սահմանում է խմելու ջրի մատակարարման, ջրահեռացման (կեղտաջրերի մաքրման) ծառայությունների մատուցման, ոռոգման ջրամատակարարման լիցենզիա ստանալու հայտ ներկայացնող կամ լիցենզիա ունեցող, ինչպես նաև ոռոգման ջրամատակարարման ծառայություններ մատուցող անձանց կողմից համապատասխանաբար խմելու ջրի մատակարարման, ջրահեռացման (կեղտաջրերի մաքրման) կամ ոռոգման ջրամատակարարման ծառայությունների մատուցման սակագների (այսուհետ` Սակագներ) սահմանման ու վերանայման գործընթացը:

(1-ին կետը փոփ. 26.06.24 N 202-Ն)

2. Սույն կարգը չի տարածվում «Ջրօգտագործողների ընկերությունների և ջրօգտագործողների ընկերությունների միությունների մասին» Հայաստանի Հանրապետության օրենքի համաձայն ստեղծված ջրօգտագործողների ընկերությունների և ջրօգտագործողների ընկերությունների միությունների, ինչպես նաև համայնքների, համայնքային բյուջետային հիմնարկների, ոչ առևտրային կազմակերպությունների և բացառապես սեփական կարիքների համար ջրամատակարարում և ջրահեռացում իրականացնող անձանց վրա:

3. Սակագների սահմանման կամ վերանայման առնչությամբ խմելու ջրի մատակարարման, ջրահեռացման (կեղտաջրերի մաքրման) և ոռոգման ջրամատակարարման ծառայություններ մատուցող անձանց կողմից ներկայացվող անհրաժեշտ փաստաթղթերի ձևերը և ցանկը՝ հայտի փաթեթ (այսուհետ` Հայտ) սահմանում է Հայաստանի Հանրապետության հանրային ծառայությունները կարգավորող հանձնաժողովը (այսուհետ` Հանձնաժողով):

(3-րդ կետը լրաց. 26.06.24 N 202-Ն)

4. Սահմանված Սակագները կարող է վերանայվել ինչպես սույն կարգի 1-ին կետում նշված անձանց, այնպես էլ Հանձնաժողովի նախաձեռնությամբ:

5. Սահմանված Սակագներն ուժի մեջ են մտնում որոշումն ընդունվելուց 30 օր հետո, բացառությամբ`

1) ջրային ոլորտում իրականացվող գործունեության համար առաջին անգամ լիցենզիա ստացող անձի Սակագների, որոնք ուժի մեջ են մտնում Հանձնաժողովի որոշմամբ սահմանված ժամկետից.

2) Հանձնաժողովի որոշմամբ ավելի ուշ ժամկետ նախատեսված լինելու դեպքի:

6. Սակագների գործողության ժամկետը մեկ տարուց պակաս չի կարող լինել, բացառությամբ այն դեպքի, երբ սահմանված Սակագների մեծությունների` դատական կարգով բողոքարկման արդյունքում դատարանի վճռի հիման վրա Հանձնաժողովն ընդունում է Սակագների սահմանման վերաբերյալ նոր որոշում:

7. Սակագների սահմանման կամ վերանայման Հայտ ներկայացնող անձը (այսուհետ` Հայտատու) օրենքով սահմանված կարգով պատասխանատվություն է կրում Հանձնաժողով ներկայացվող տեղեկատվության հավաստիության համար:

2. ՍԱԿԱԳՆԵՐԻ ՍԱՀՄԱՆՄԱՆ ԿԱՄ ՎԵՐԱՆԱՅՄԱՆ ՎԵՐԱԲԵՐՅԱԼ ՀԱՅՏԻ ԸՆԴՈՒՆՈՒՄԸ‚ ՔՆՆԱՐԿՈՒՄԸ ԵՎ ՀԱՄԱՊԱՏԱՍԽԱՆ ՈՐՈՇՄԱՆ ԿԱՅԱՑՈՒՄԸ

8. Սակագների սահմանման ու վերանայման համար Հայտատուն համապատասխան հաշվարկներով և հիմնավորումներով Հայտ է ներկայացնում Հանձնաժողով՝ մեկ օրինակից, համաձայն սույն կարգի N 1 հավելվածով սահմանված ցանկի:

(8-րդ կետը խմբ. 26.06.24 N 202-Ն)

8.1. Հայտատուն Սակագների սահմանման ու վերանայման իր մտադրության վերաբերյալ հայտարարությունը սույն կարգի N 3 հավելվածով սահմանված ձևով հրապարակում է Հայաստանի Հանրապետությունում տպագրվող երկու օրաթերթում կամ օրաթերթերի պաշտոնական կայքէջերում և Հայաստանի Հանրապետության հրապարակային ծանուցումների պաշտոնական կայքէջում (http://www.azdarar.am/)` Հայտը Հանձնաժողով մուտքագրելու օրվանից ոչ շուտ, քան 20 աշխատանքային օր առաջ:

(8.1-ին կետը լրաց. 26.06.24 N 202-Ն)

9. Հայտը Հանձնաժողովում մուտքագրվելուց հետո Հանձնաժողովի համապատասխան ստորաբաժանումը սույն կարգի 11-րդ կետում նշված ժամկետում ստուգում է Հայտի ամբողջականությունը և նրանում ընդգրկված փաստաթղթերի ձևակերպման ճշտությունը:

(9-րդ կետը լրաց. 26.06.24 N 202-Ն)

10. Հանձնաժողովը, Հայտում ոչ էական թերությունների (վրիպակների և նման այլ բացթողումների) առկայության, ինչպես նաև փաստաթղթերի թերի լինելու դեպքում, դրանք հայտնաբերելու պահից 2 աշխատանքային օրվա ընթացքում առաջարկում է Հայտատուին 5 աշխատանքային օրվա ընթացքում վերացնել թերությունները, որի դեպքում սույն կարգի 11-րդ կետով սահմանված ժամկետը երկարաձգվում է մինչև Հայտատուի կողմից համապատասխան թերությունների վերացումը, բայց ոչ ավելի, քան դրա համար սահմանված ժամկետի ավարտը:

11. Հանձնաժողովը Հայտն ուսումնասիրության ընդունելու կամ չընդունելու մասին գրավոր տեղեկացնում է Հայտատուին` Հայտը Հանձնաժողովում մուտքագրվելու օրվանից ոչ ուշ, քան 10 աշխատանքային օրվա ընթացքում:

(11-րդ կետը փոփ. 26.06.24 N 202-Ն)

12. Հայտը չի ընդունվում ուսումնասիրության‚ եթե`

1) Հայտում ընդգրկված փաստաթղթերը չեն համապատասխանում սույն կարգով սահմանված պահանջներին.

2) ներկայացված փաստաթղթերում և տեղեկատվություններում առկա են անճշտություններ և անհամապատասխանություններ.

3) Հայտատուն սույն կարգի 10-րդ կետով սահմանված ժամկետում չի վերացրել թերությունները.

4) Հանձնաժողովը ուսումնասիրության չի ընդունել խմելու ջրի մատակարարման, ջրահեռացման (կեղտաջրերի մաքրման) կամ ոռոգման ջրամատակարարման ծառայությունների մատուցման լիցենզիայի տրամադրման հայտը:

(12-րդ կետը խմբ. 26.06.24 N 202-Ն)

13. Հայտն ուսումնասիրության չընդունելու դեպքում այն պահպանվում է Հանձնաժողովում:

(13-րդ կետը փոփ. 26.06.24 N 202-Ն)

14. Հայտն ուսումնասիրության չընդունելու դեպքում Հայտատուն, հայտնաբերված թերությունները վերացնելուց հետո, կարող է նոր Հայտով դիմել Հանձնաժողով: Այդ դեպքում Հայտատուն իրավունք ունի հղում կատարել նախկին Հայտով ներկայացված փաստաթղթերին, եթե նոր Հայտի ներկայացման պահին դրանցում ներկայացված տվյալները չեն փոփոխվել:

(14-րդ կետը փոփ. 26.06.24 N 202-Ն)

15. Սույն կարգի 12-րդ կետում նշված հիմքեր չհայտնաբերվելու դեպքում Հանձնաժողովը Հայտն ընդունում է ուսումնասիրության:

(15-րդ կետը փոփ. 26.06.24 N 202-Ն)

15.1. Հայտի ուսումնասիրության ընթացքում Հայտատուն կարող է դիմել Հանձնաժողով՝ Հայտի ուսումնասիրությունը դադարեցնելու համար։ Այս դեպքում Հայտատուն սույն կարգի համաձայն կարող է նոր Հայտով կրկին դիմել Հանձնաժողով՝ անհրաժեշտության դեպքում հղում կատարելով նախկին Հայտով ներկայացված փաստաթղթերին, եթե դրանցում նոր Հայտի ներկայացման պահին փոփոխություններ տեղի չեն ունեցել։

(15.1-ին կետը լրաց. 26.06.24 N 202-Ն)

16. Սպառողների համար Սակագների սահմանման կամ վերանայման դեպքում.

1) Հայտն ուսումնասիրության ընդունելու մասին Հայտատուին տեղեկացնելու օրվանից հետո 5 աշխատանքային օրվա ընթացքում Հայտը տեղադրվում է Հանձնաժողովի պաշտոնական կայքէջում.

2) մինչև սակագների սահմանման (վերանայման) մասին որոշման նախագիծը Հանձնաժողովի նիստին ներկայացնելու օրը՝

ա. սակագների վերաբերյալ Հանձնաժողովի աշխատակազմի հաշվարկները՝ Հայտով ներկայացված հաշվարկների հետ համեմատականով, տեղադրվում են Հանձնաժողովի ինտերնետային կայքում՝ հնարավորություն ընձեռելով սպառողների շահերը պաշտպանող կազմակերպություններին և շահագրգիռ այլ կողմերին ծանոթանալու, ներկայացնելու իրենց առաջարկությունները և ստանալու պարզաբանումներ,

բ. սպառողների շահերը պաշտպանող կազմակերպությունների և Ընկերության ներկայացուցիչների մասնակցությամբ Հանձնաժողովում կազմակերպվում է քննարկում:

(16-րդ կետը փոփ., խմբ. 28.06.17 N 284-Ն, խմբ. 26.06.24 N 202-Ն)

17. Հանձնաժողովն իրավունք ունի Հայտատուից պահանջել նաև Հայտով ներկայացված ցուցանիշները և տվյալները հիմնավորող լրացուցիչ տեղեկատվություն և փաստաթղթեր, որոնց ներկայացման անհրաժեշտության մասին գրավոր տեղեկացնում է Հայտատուին` նշելով ներկայացման ողջամիտ ժամկետ: Եթե խախտվում է լրացուցիչ տեղեկատվության և փաստաթղթերի ներկայացման համար Հանձնաժողովի գրությունում նշված ժամկետը, ապա սույն կարգի 19-րդ կետում սահմանված ժամկետը երկարաձգվում է ուշացված ժամանակահատվածի չափով:

18. Հանձնաժողովը Հայտը մերժում է, եթե մերժվել է խմելու ջրի մատակարարման, ջրահեռացման (կեղտաջրերի մաքրման) կամ ոռոգման ջրամատակարարման ծառայությունների մատուցման լիցենզիայի տրամադրման հայտը:

19. Հայտն ուսումնասիրության ընդունելու դեպքում Հանձնաժողովը համապատասխան որոշմամբ Հայտը մերժում է, Սակագները սահմանում կամ վերանայում (վերահաստատում կամ փոփոխում) Հայտը Հանձնաժողով ներկայացնելու օրվանից հետո՝ 80 աշխատանքային օրվա ընթացքում։

(19-րդ կետը խմբ. 26.06.24 N 202-Ն)

20. Սակագների սահմանման կամ վերանայման (դրանց մերժման) վերաբերյալ Հանձնաժողովի որոշման պատճենը Հայտատուին է հանձնվում օրենքով սահմանված կարգով և ժամկետում:

3. ՀԱՆՁՆԱԺՈՂՈՎԻ ՆԱԽԱՁԵՌՆՈՒԹՅԱՄԲ ՍԱԿԱԳՆԵՐԻ ՎԵՐԱՆԱՅՈՒՄԸ

21. Հանձնաժողովը սեփական նախաձեռնությամբ սույն կարգի համաձայն կարող է վերանայել գործող Սակագները և սահմանել նոր Սակագներ`

1) ելնելով խմելու ջրի մատակարարման, ջրահեռացման (կեղտաջրերի մաքրման) կամ ոռոգման ջրամատակարարման ծառայություն մատուցող անձի տնտեսական գործունեության արդյունքներից, ներդրումային ծրագրերի և սպառողներին մատուցվող ծառայությունների որակի նկատմամբ ներկայացված պահանջների կատարումից, բացառությամբ սույն կետի 2-րդ ենթակետով նախատեսված դեպքի.

2) եթե մրցութային եղանակով ջրամատակարարման (ջրահեռացման, կեղտաջրերի մաքրման) համակարգերի օգտագործման իրավունքի փոխանցման արդյունքում ջրային ոլորտում գործունեության լիցենզիա ստացած անձի լիցենզիայի պայմաններում ըստ տարիների ամրագրվել են բազիսային Սակագները, դրանց ճշգրտման գործոնները, և տվյալ լիցենզավորված անձը իր լիցենզիայի պայմաններով ամրագրված ժամկետներում Հայտ չի ներկայացրել:

22. Հանձնաժողովն իր նախաձեռնությամբ Սակագների վերանայման գործընթաց ձեռնարկելու դեպքում`

1) նախապես այդ մասին գրավոր տեղեկացնում է խմելու ջրի մատակարարման, ջրահեռացման (կեղտաջրերի մաքրման) կամ ոռոգման ջրամատակարարման ծառայություն մատուցող անձին.

2) խմելու ջրի մատակարարման, ջրահեռացման (կեղտաջրերի մաքրման) կամ ոռոգման ջրամատակարարման ծառայություն մատուցող անձից կարող է պահանջել գործունեությանը վերաբերող անհրաժեշտ տեղեկատվություն.

3) սույն կետի 1-ին ենթակետով նախատեսված գրավոր տեղեկացումից հետո 5 աշխատանքային օրվա ընթացքում իր ինտերնետային կայքում հրապարակում է հաղորդագրություն Սակագների վերանայման գործընթաց սկսելու վերաբերյալ, եթե վերանայվում են սպառողների համար սահմանված Սակագները.

4) եթե վերանայվում են սպառողների համար սահմանված սակագները, ապա մինչև վերանայման մասին որոշման նախագիծը Հանձնաժողովի նիստին ներկայացնելու օրը՝

ա. սակագների վերաբերյալ Հանձնաժողովի աշխատակազմի հաշվարկները տեղադրում է Հանձնաժողովի ինտերնետային կայքում՝ հնարավորություն ընձեռելով սպառողների շահերը պաշտպանող կազմակերպություններին և շահագրգիռ այլ կողմերին ծանոթանալու, ներկայացնելու իրենց առաջարկությունները և ստանալու պարզաբանումներ.

բ. սպառողների շահերը պաշտպանող կազմակերպությունների և Ընկերության ներկայացուցիչների մասնակցությամբ Հանձնաժողովում կազմակերպում է քննարկում:

(22-րդ կետը խմբ. 28.06.17 N 284-Ն)

23. Հանձնաժողովն իր նախաձեռնությամբ Սակագները վերանայում է խմելու ջրի մատակարարման, ջրահեռացման (կեղտաջրերի մաքրման) կամ ոռոգման ջրամատակարարման ծառայություն մատուցող անձին այդ մասին գրավոր տեղեկացնելու օրվանից հետո 80 աշխատանքային օրվա ընթացքում:

Հավելված N 1 ՀՀ հանրային ծառայությունները կարգավորող հանձնաժողովի 2016 թվականի նոյեմբերի 2-ի N 296-Ն որոշմամբ հաստատված կարգի

Ց Ա Ն Կ

ՍԱԿԱԳՆԵՐԻ ՍԱՀՄԱՆՄԱՆ ԿԱՄ ՎԵՐԱՆԱՅՄԱՆ ՀԱՄԱՐ ՀԱՅՏԱՏՈՒԻ ԿՈՂՄԻՑ ՀԱՆՁՆԱԺՈՂՈՎ ՆԵՐԿԱՅԱՑՎՈՂ ԱՆՀՐԱԺԵՇՏ ՓԱՍՏԱԹՂԹԵՐԻ

1. Խմելու ջրի մատակարարման, ջրահեռացման (կեղտաջրերի մաքրման) ծառայություններ մատուցող անձի համար, բացառությամբ սույն ցանկի 2-րդ կետով նախատեսված անձի`

1) Սակագների սահմանման կամ վերանայման դիմում` համաձայն սույն կարգի N 2 հավելվածի,

2) Հայաստանի Հանրապետությունում տպագրվող երկու օրաթերթերում կամ օրաթերթերի պաշտոնական կայքէջերում Սակագների սահմանման կամ վերանայման վերաբերյալ անձի մտադրության մասին հայտարարություն` համաձայն սույն կարգի N 3 հավելվածի,

3) մատուցվող ծառայությունների Սակագների հաշվարկ` համաձայն սույն կարգի N 4 հավելվածի Ձև 4-1-ի,

4) կանխատեսվող տարվա ջրային հաշվեկշռի վերաբերյալ տեղեկատվություն` համաձայն սույն կարգի N 5 հավելվածի Ձև 5-1-ի,

5) շահագործվող պոմպակայանների վերաբերյալ տեղեկատվություն` համաձայն սույն կարգի N 5 հավելվածի Ձև 5-2-ի:

(1-ին կետը փոփ. 26.06.24 N 202-Ն)

2. Մրցութային եղանակով ջրամատակարարման (ջրահեռացման, կեղտաջրերի մաքրման) համակարգերի օգտագործման իրավունքի փոխանցման արդյունքում ջրային ոլորտում գործունեության լիցենզիա ստացած անձի համար, որի լիցենզիայի պայմաններում ըստ տարիների ամրագրվել են բազիսային Սակագները և դրանց ճշգրտման գործոնները`

1) Սակագների սահմանման կամ վերանայման դիմում` համաձայն սույն կարգի N 2 հավելվածի,

2) Հայաստանի Հանրապետությունում տպագրվող երկու օրաթերթերում կամ օրաթերթերի պաշտոնական կայքէջերում Սակագների սահմանման կամ վերանայման վերաբերյալ անձի մտադրության մասին հայտարարություն` համաձայն սույն կարգի N 3 հավելվածի,

3) Մատուցվող ծառայությունների Սակագների հաշվարկ` համաձայն սույն կարգի N 4 հավելվածի Ձև 4-2-ի, բացառությամբ առաջին անգամ Սակագների սահմանման հայտով դիմելու դեպքի,

4) Հաշվարկային տարվան նախորդող 12 ամիսներին փաստացի ջրամատակարարման ծավալների, խմելու ջուրը ոռոգման նպատակով մատակարարելուց և ջրային համակարգն այլ նպատակներով օգտագործումից ստացված հասույթների և գների (վճարների) վերաբերյալ տեղեկատվություն` համաձայն սույն կարգի N 5 հավելվածի Ձև 5-3-ի, բացառությամբ առաջին անգամ Սակագների սահմանման հայտով դիմելու դեպքի:

(2-րդ կետը լրաց. 21.03.18 N 87-Ն, փոփ. 26.06.24 N 202-Ն)

3. Ոռոգման ջրամատակարարում իրականացնող անձի համար`

1) Սակագների սահմանման կամ վերանայման դիմում` համաձայն սույն կարգի N 2 հավելվածի,

2) Հայաստանի Հանրապետությունում տպագրվող երկու օրաթերթերում կամ օրաթերթերի պաշտոնական կայքէջերում Սակագների սահմանման կամ վերանայման վերաբերյալ անձի մտադրության մասին հայտարարություն` համաձայն սույն կարգի N 3 հավելվածի,

3) մատուցվող ծառայությունների Սակագների հաշվարկ` համաձայն սույն կարգի N 4 հավելվածի Ձև 4-3-ի,

4) կանխատեսվող տարվա ջրային հաշվեկշռի վերաբերյալ տեղեկատվություն` համաձայն սույն կարգի N 5 հավելվածի Ձև 5-4-ի,

5) ըստ մասնաճյուղերի պոմպակայանների շահագործման ցուցանիշների վերաբերյալ տեղեկատվություն` համաձայն սույն կարգի N 5 հավելվածի Ձև 5-5-ի,

6) շահագործվող ջրամբարների վերաբերյալ տեղեկատվություն` համաձայն սույն կարգի N 5 հավելվածի Ձև 5-6-ի:

(3-րդ կետը փոփ. 26.06.24 N 202-Ն)

4. Սույն հավելվածի 1-3-րդ կետերով (բացառությամբ 2-րդ ենթակետերի) սահմանված ձևերով Հայտատուի կողմից Հանձնաժողով ներկայացվող փաստաթղթերը պետք է վավերացված լինեն լիազորված անձի ստորագրությամբ և Հայտատուի կնիքով (առկայության դեպքում):

5. Սույն կարգի N 4 և N 5 հավելվածներով սահմանված Ձևերով նախատեսված ցուցանիշները Հայտատուի կողմից կարող են համալրվել նոր տողերով կամ եղած տողերը տրոհվել բաղկացուցիչ մասերի:

(5-րդ կետը լրաց. 26.06.24 N 202-Ն)

(հավելվածը լրաց. 21.03.18 N 87-Ն, փոփ., լրաց. 26.06.24 N 202-Ն)

Հավելված N 2 ՀՀ հանրային ծառայությունները կարգավորող հանձնաժողովի 2016 թվականի նոյեմբերի 2-ի N 296-Ն որոշմամբ հաստատված կարգի

Դ Ի Մ ՈՒ Մ

Խնդրում եմ սահմանել (վերանայել)

_{........................................................................................................................................................................................................................}

 (Հայտատուի անվանումը)

..................................................................................................................................................................

..................................................................................................................................................................

 (մարզը, քաղաքը, բնակավայրը)

..................................................................................................................................................................

..................................................................................................................................................................

............................................................................................................................................. Սակագները:

 (խմելու ջրի մատակարարման, ջրահեռացման (կեղտաջրերի մաքրման) ծառայության

 մատուցման, ոռոգման ջրամատակարարման)

Առաջարկվող ջրամատակարարման Սակագինը` …………………………..:

Առաջարկվող ջրահեռացման (կեղտաջրերի մաքրման) ծառայությունների մատուցման Սակագինը` …………………:

Հավաստում եմ, որ իմ կողմից ներկայացված հայտը պարունակում է ստույգ տեղեկատվություն և անհրաժեշտ հիմնավորող փաստաթղթեր ու հաշվարկներ: Սույնով տալիս եմ իմ համաձայնությունն առ այն, որ Սակագնի սահմանման (վերանայման) գործընթացին առնչվող իրազեկումն իրականացվի սույն դիմումով ներկայացված էլեկտրոնային փոստի հասցեով։ 

Դիմումին կցվում են`

(փաստաթղթերի անվանումը, օրինակների և էջերի քանակը)

1. ..............................................................................................................................................................

2. ..............................................................................................................................................................

3. ..............................................................................................................................................................

4. ..............................................................................................................................................................

5. ..............................................................................................................................................................

_{............................................................................................................................................................................................}

 (Հայտատուի գտնվելու վայրը)

Հեռախոս` …................................... Ֆաքս` ................................................................................................

Էլեկտրոնային փոստ` .................................................................................................................................

_{..........................................................................................................................................................................................................................}

_{.........................................................................................................................................................................................................................}

 (Հայտատուի կոդը, պետական ռեգիստրում գրանցման համարը կամ հաշվառման համարը)

_{..........................................................................................................................................................................................................................}

_{..........................................................................................................................................................................................................................}

 (բանկային տվյալները)

_{............................................................................................................................................................................................................................}

_{.............................................................................................................................................................................................................................}

 (լիազորված անձի պաշտոնը, անունը, ազգանունը, ստորագրությունը)

_{............................................................................................................................................................................................................................}

_{.............................................................................................................................................................................................................................}

 (ամսաթիվը, Հայտատուի կնիքը` առկայության դեպքում)

(հավելվածը լրաց. 26.06.24 N 202-Ն)

Հավելված N 3 ՀՀ հանրային ծառայությունները կարգավորող հանձնաժողովի 2016 թվականի նոյեմբերի 2-ի N 296-Ն որոշմամբ հաստատված կարգի

Ի ԳԻՏՈՒԹՅՈՒՆ ՀԱՍԱՐԱԿՈՒԹՅԱՆ

..................................................................................................................................................................

_{........................................................................................................................................................................................................................}

 (Հայտատուի անվանումը)

..................................................................................................................................................................

_{........................................................................................................................................................................................................................}

 (մարզը, քաղաքը, բնակավայրը)

մտադիր է դիմել Հայաստանի Հանրապետության հանրային ծառայությունները կարգավորող

հանձնաժողով

..................................................................................................................................................................

............................................................................................................................................. Սակագների

 (խմելու ջրի մատակարարման, ջրահեռացման (կեղտաջրերի մաքրման) ծառայության մատուցման,

 ոռոգման ջրամատակարարման)

սահմանման (վերանայման) հայտով:

Գործող ջրամատակարարման Սակագինը` ...........................

Գործող ջրահեռացման (կեղտաջրերի մաքրման) Սակագինը` ............................

Առաջարկվող ջրամատակարարման Սակագինը` ...................................

Առաջարկվող ջրահեռացման (կեղտաջրերի մաքրման) Սակագինը` .................

..................................................................................................................................................................

_{........................................................................................................................................................................................................................}

 (Հայտատուի գտնվելու վայրը, հեռախոսը, ֆաքսը, էլեկտրոնային փոստի հասցեն)

______________________________ / անվանումը/

Հավելված N 4 ՀՀ հանրային ծառայությունները կարգավորող հանձնաժողովի 2016 թվականի նոյեմբերի 2-ի N 296-Ն որոշմամբ հաստատված կարգի Ձև 4-1

 

ԽՄԵԼՈՒ ՋՐԻ ՄԱՏԱԿԱՐԱՐՈՒՄ ԵՎ ՋՐԱՀԵՌԱՑՈՒՄ (ԿԵՂՏԱՋՐԵՐԻ ՄԱՔՐՈՒՄ) ԻՐԱԿԱՆԱՑՆՈՂ ԱՆՁԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԻ ՀԱՇՎԱՐԿ

Կանխատեսվող տարի

20․․․․․ թ․ ․ ․ ․ ․ ․ ․ ․ ․ ․ ․ ․ ․ ․ ․ ․ -ից  20․․․․․ թ. ․ ․ ․ ․ ․ ․ ․ ․ ․ ․ ․ ․ ․ ․ ․ -ը

(նշել ժամանակաշրջանը)

Ձև 4-2

______________________________

/անվանումը/

ԽՄԵԼՈՒ ՋՐԻ ՄԱՏԱԿԱՐԱՐՈՒՄ ԵՎ ՋՐԱՀԵՌԱՑՈՒՄ (ԿԵՂՏԱՋՐԵՐԻ ՄԱՔՐՈՒՄ) ԻՐԱԿԱՆԱՑՆՈՂ ԱՆՁԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԻ ՀԱՇՎԱՐԿ

N	Ցուցանիշներ	Նշանակումներ	Չափի միավոր	_____ հաշվարկային տարի
1.	Բազիսային սակագին (առանց ավելացված արժեքի հարկի)	Tbi	դրամ/խմ
2.	Նախորդող տարիներից տվյալ հաշվարկային տարի տեղափոխված սակագնի մեծություն (առանց ավելացված արժեքի հարկի)	ΔT՛i	դրամ/խմ
3.	Բազիսային սակագնի սղաճով ճշգրտվող բաժնեմասը	ΔIb	%
4.	Բազիսային սակագնի էլեկտրաէներգիայի սակագների փոփոխությամբ ճշգրտվող բաժնեմասը	ΔEPb	%
5.	Բազիսային սակագնի ճշգրտման չենթարկվող բաժնեմասը	ΔNAPb	%
6.	Մանրածախ ջրամատակարարման ծավալներով պայմանավորված բազիսային սակագնի ճշգրտման մեծությունը (առանց ավելացված արժեքի հարկի)	ΔTbi	դրամ/խմ
1)	Հաշվարկային տարվան նախորդող տարվա մանրածախ ջրամատակարարման և ջրահեռացման (կեղտաջրերի մաքրման) ծառայությունների մատուցման գումարային սակագին (առանց ավելացված արժեքի հարկի)	Ti-1	դրամ/խմ
2)	Հաշվարկային տարվան նախորդող տարվա համար ամրագրված մանրածախ ջրամատակարարման բազիսային ծավալ	Vb(i-1)	հազար խմ
3)	Հաշվարկային տարվան նախորդող 12 ամիսների համար սպառողներին մանրածախ ջրամատակարարման փաստացի ծավալ	Vf(i-1)	հազար խմ
4)	Հաշվարկային տարվա համար ամրագրված մանրածախ ջրամատակարարման բազիսային ծավալ, այդ թվում՝	Vbi	հազար խմ
ա.	Խոցելի (սոցիալապես անապահով) սպառող համարվող բաժանորդներին մանրածախ ջրամատակարարման ծավալ	Vխi	հազար խմ
5)	Մանրածախ ջրամատակարարման ծավալների տատանումներով պայմանավորված լիցենզավորված անձի և բաժանորդների միջև ռիսկերի բաշխումը հաշվի առնող գործակից
7.	Սղաճով պայմանավորված բազիսային սակագնի ճշգրտման մեծությունը (առանց ավելացված արժեքի հարկի)		դրամ/խմ
1)	Հաշվարկային տարվա համար սղաճով պայմանավորված ճշգրտման գործակից	KIi
2)	Հաշվարկային տարվան նախորդող տարվա համար սղաճով պայմանավորված ճշգրտման գործակից	KIi-1
3)	Բազիսային սակագնի ճշգրտման հայտի ներկայացման ամսվան նախորդող (եթե հնարավոր չէ, ապա դրան նախորդող) ամսվա (աճողական` ընթացիկ տարվա սկզբից) սպառողական գների ինդեքս	IIi-1
8.	Էլեկտրաէներգիայի սակագների փոփոխությամբ պայմանավորված բազիսային սակագնի ճշգրտման մեծությունը (առանց ավելացված արժեքի հարկի)		դրամ/խմ
1)	Հաշվարկային տարվա համար էլեկտրաէներգիայի սակագների փոփոխությամբ պայմանավորված ճշգրտման գործակից	KEPi
2)	Հաշվարկային տարում ջրամատակարարման և ջրահեռացման (կեղտաջրերի մաքրման) ծառայությունների մատուցման ճշգրտված սակագներն ուժի մեջ մտնելու օրվա դրությամբ գործող էլեկտրաէներգիայի սակագների հիման վրա հաշվարկված լիցենզավորված անձին մատակարարվող էլեկտրաէներգիայի միջին կշռված սակագին (առանց ավելացված արժեքի հարկի)	EPi	դրամ/կՎտժ
3)	Հաշվարկային (պայմանագրային) առաջին տարվա սկզբում գործող էլեկտրաէներգիայի սակագների հիման վրա հաշվարկված լիցենզավորված անձին մատակարարվող էլեկտրաէներգիայի միջին կշռված սակագին (առանց ավելացված արժեքի հարկի)	EPo	դրամ/կՎտժ
9.	Ջրային համակարգն այլ նպատակներով օգտագործումից և խմելու ջուրը ոռոգման նպատակով մատակարարելուց ստացվող լրացուցիչ հասույթով պայմանավորված սակագնի ճշգրտման մեծությունը (առանց ավելացված արժեքի հարկի)		դրամ/խմ
1)	Ջրային համակարգն այլ նպատակներով օգտագործումից և խմելու ջուրը ոռոգման նպատակով մատակարարելուց ստացվող լրացուցիչ հասույթ (առանց ավելացված արժեքի հարկի)	ARf(i-1)	հազար դրամ
10.	Բոլոր գործոններով պայմանավորված բազիսային սակագնի ճշգրտման մեծությունն՝ առանց ավելացված արժեքի հարկի (տող2+տող6+տող7+տող8-տող9)		դրամ/խմ
11.	Հաշվարկային տարվա մանրածախ ջրամատակարարման և ջրահեռացման (կեղտաջրերի մաքրման) ծառայությունների մատուցման ճշգրտված գումարային սակագինն՝ առանց ավելացված արժեքի հարկի (տող1+տող10)	Ti	դրամ/խմ
1)	Հաշվարկային տարվա մանրածախ ջրամատակարարման սակագին (առանց ավելացված արժեքի հարկի)		դրամ/խմ
2)	Հաշվարկային տարվա մանրածախ ջրահեռացման (կեղտաջրերի մաքրման) ծառայության մատուցման սակագին (առանց ավելացված արժեքի հարկի)		դրամ/խմ
12.	Հաշվարկային տարվա մանրածախ ջրամատակարարման և ջրահեռացման (կեղտաջրերի մաքրման) ծառայությունների մատուցման ճշգրտված գումարային սակագինը՝ ներառյալ ավելացված արժեքի հարկը (տող11 x 1.2)	Ti	դրամ/խմ
1)	Հաշվարկային տարվա մանրածախ ջրամատակարարման սակագին (ներառյալ ավելացված արժեքի հարկը)		դրամ/խմ
2)	Հաշվարկային տարվա մանրածախ ջրահեռացման (կեղտաջրերի մաքրման) ծառայության մատուցման սակագին (ներառյալ ավելացված արժեքի հարկը)		դրամ/խմ
12.1.	Հաշվարկային տարվա մանրածախ ջրամատակարարման և ջրահեռացման (կեղտաջրերի մաքրման) ծառայությունների մատուցման գումարային սակագին՝ խոցելի (սոցիալապես անապահով) բաժանորդների համար (ներառյալ ավելացված արժեքի հարկը)	TԽi	հազար խմ
1)	Հաշվարկային տարվա մանրածախ ջրամատակարարման սակագին՝ խոցելի (սոցիալապես անապահով) բաժանորդների համար (ներառյալ ավելացված արժեքի հարկը)	TԽՋՄi	հազար խմ
2)	Հաշվարկային տարվա մանրածախ ջրահեռացման (կեղտաջրերի մաքրման) ծառայության մատուցման սակագին՝ խոցելի (սոցիալապես անապահով) բաժանորդների համար (ներառյալ ավելացված արժեքի հարկը)	TԽՋՀi	հազար խմ
12.2.	Հաշվարկային տարվա մանրածախ ջրամատակարարման և ջրահեռացման (կեղտաջրերի մաքրման) ծառայությունների մատուցման գումարային սակագին՝ մյուս բաժանորդների համար (ներառյալ ավելացված արժեքի հարկը)	TՄi	հազար խմ
1)	Հաշվարկային տարվա մանրածախ ջրամատակարարման սակագին՝ մյուս բաժանորդների համար (ներառյալ ավելացված արժեքի հարկը)	TՄՋՄi	հազար խմ
2)	Հաշվարկային տարվա մանրածախ ջրահեռացման (կեղտաջրերի մաքրման) ծառայության մատուցման սակագին՝ մյուս բաժանորդների համար (ներառյալ ավելացված արժեքի հարկը)	TՄՋՀi	հազար խմ
13.	Հաշվարկային տարվա մեծածախ ջրամատակարարման սակագին (առանց ավելացված արժեքի հարկի)	T1wi	դրամ/խմ
14.	Հաշվարկային տարվա մեծածախ ջրամատակարարման սակագին (ներառյալ ավելացված արժեքի հարկը)	T1wi	դրամ/խմ
15.	Հաշվարկային տարվա մեծածախ ջրահեռացման սակագին (առանց ավելացված արժեքի հարկի)	T2wi	դրամ/խմ
16.	Հաշվարկային տարվա մեծածախ ջրահեռացման սակագին (ներառյալ ավելացված արժեքի հարկը)	T2wi	դրամ/խմ
17.	«Կարեն Դեմիրճյանի անվան Երևանի մետրոպոլիտեն» փակ բաժնետիրական ընկերության ստորգետնյա ջրերի հեռացման սակագին (առանց ավելացված արժեքի հարկի)	T3wi	դրամ/խմ
18.	«Կարեն Դեմիրճյանի անվան Երևանի մետրոպոլիտեն» փակ բաժնետիրական ընկերության ստորգետնյա ջրերի հեռացման սակագին (ներառյալ ավելացված արժեքի հարկը)	T3 wi	դրամ/խմ

1. Սույն ձևով սահմանված ցուցանիշները լրացվում են՝ համաձայն Հանձնաժողովի կողմից Հայտատուին տրամադրված խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման լիցենզիայի պայմանների:

____________________________________ /լիազորված անձի ստորագրությունը/	____________________________________ /անունը, ազգանունը/
Կ.Տ. (առկայության դեպքում)

(ձևը խմբ. 21.03.18 N 87-Ն, խմբ., լրաց. 26.06.24 N 202-Ն)

______________________________ /անվանումը/

Ձև 4-3

ՈՌՈԳՄԱՆ ՋՐԱՄԱՏԱԿԱՐԱՐՈՒՄ ԻՐԱԿԱՆԱՑՆՈՂ ԱՆՁԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԻ ՀԱՇՎԱՐԿ

Կանխատեսվող տարի

20․․․․․ թ․ ․ ․ ․ ․ ․ ․ ․ ․ ․ ․ ․ ․ ․ ․ ․ -ից  20․․․․․ թ. ․ ․ ․ ․ ․ ․ ․ ․ ․ ․ ․ ․ ․ ․ ․ -ը

(նշել ժամանակաշրջանը)

(ձևը խմբ. 26.06.24 N 202-Ն)

(հավելվածը խմբ. 21.03.18 N 87-Ն, խմբ., լրաց. 26.06.24 N 202-Ն)

ՏԵՂԵԿԱՏՎՈՒԹՅՈՒՆ ԽՄԵԼՈՒ ՋՐԻ ՄԱՏԱԿԱՐԱՐՈՒՄ ԵՎ ՋՐԱՀԵՌԱՑՈՒՄ ԻՐԱԿԱՆԱՑՆՈՂ ԸՆԿԵՐՈՒԹՅԱՆ ԿԱՆԽԱՏԵՍՎՈՂ ՏԱՐՎԱ ՋՐԱՅԻՆ ՀԱՇՎԵԿՇՌԻ ՎԵՐԱԲԵՐՅԱԼ

Կանխատեսվող տարի

20․․․․․ թ․ ․ ․ ․ ․ ․ ․ ․ ․ ․ ․ ․ ․ ․ ․ ․ -ից  20․․․․․ թ. ․ ․ ․ ․ ․ ․ ․ ․ ․ ․ ․ ․ ․ ․ ․ -ը

ՏԵՂԵԿԱՏՎՈՒԹՅՈՒՆ ԽՄԵԼՈՒ ՋՐԻ ՄԱՏԱԿԱՐԱՐՈՒՄ ԵՎ ՋՐԱՀԵՌԱՑՈՒՄ (ԿԵՂՏԱՋՐԵՐԻ ՄԱՔՐՄԱՆ) ԻՐԱԿԱՆԱՑՆՈՂ ԱՆՁԻ ԿՈՂՄԻՑ ՇԱՀԱԳՈՐԾՎՈՂ ՊՈՄՊԱԿԱՅԱՆՆԵՐԻ ՎԵՐԱԲԵՐՅԱԼ

Կանխատեսվող տարի

20․․․․․ թ․ ․ ․ ․ ․ ․ ․ ․ ․ ․ ․ ․ ․ ․ ․ ․ -ից  20․․․․․ թ. ․ ․ ․ ․ ․ ․ ․ ․ ․ ․ ․ ․ ․ ․ ․ -ը

Ձև 5-3

______________________________

/անվանումը/

ՏԵՂԵԿԱՏՎՈՒԹՅՈՒՆ

ՀԱՇՎԱՐԿԱՅԻՆ ՏԱՐՎԱՆ ՆԱԽՈՐԴՈՂ 12 ԱՄԻՍՆԵՐԻՆ ՓԱՍՏԱՑԻ ՋՐԱՄԱՏԱԿԱՐԱՐՄԱՆ ԾԱՎԱԼՆԵՐԻ, ԽՄԵԼՈՒ ՋՈՒՐԸ ՈՌՈԳՄԱՆ ՆՊԱՏԱԿՈՎ ՄԱՏԱԿԱՐԱՐԵԼՈՒՑ ԵՎ ՋՐԱՅԻՆ ՀԱՄԱԿԱՐԳՆ ԱՅԼ ՆՊԱՏԱԿՆԵՐՈՎ ՕԳՏԱԳՈՐԾՈՒՄԻՑ ՍՏԱՑՎԱԾ ՀԱՍՈՒՅԹՆԵՐԻ ԵՎ ԳՆԵՐԻ (ՎՃԱՐՆԵՐԻ) ՎԵՐԱԲԵՐՅԱԼ

N

Անվանումներ

Չափի միավոր

ԸՆԴԱՄԵՆԸ

այդ թվում՝

Հունվար

Փետրվար

Մարտ

Ապրիլ

Մայիս

Հունիս

Հուլիս

Օգոս-տոս

Սեպ-տեմբեր

Հոկ-տեմբեր

Նոյեմ-բեր

Դեկ-տեմբեր

1.

Ընդամենը ջրամատակարարման ծավալ, որից՝

հազար խմ

1)

Մանրածախ ջրամատակարարման ծավալ

հազար խմ

2)

Մեծածախ ջրամատակարարման ծավալ

հազար խմ

3)

Սեփական կարիքների համար օգտագործված ջրի ծավալ

հազար խմ

4)

Ոռոգման նպատակով մատակարարված խմելու ջրի ծավալ

հազար խմ

ա.

ոռոգման նպատակով խմելու ջրի մատակարարումից ստացված հասույթ (առանց ավելացված արժեքի հարկի)

հազար դրամ

բ.

ոռոգման նպատակով խմելու ջրի մատակարարման ծառայության գին (առանց ավելացված արժեքի հարկի)

դրամ/խմ

2.

Ջրային համակարգն այլ նպատակներով օգտագործումից ստացված հասույթ (առանց ավելացված արժեքի հարկի)

հազար դրամ

1)

Ջրային համակարգն այլ նպատակներով օգտագործման ծառայության ծավալ

____

2)

Ջրային համակարգն այլ նպատակներով օգտագործման ծառայության գին (վճար)՝ առանց ավելացված արժեքի հարկի

____

3.

Խոցելի (սոցիալապես անապահով) սպառողների կանխատեսվող և փաստացի ջրամատակարարման ծավալի շեղումների արդյունքում լրացուցիչ օգուտ (+) կամ վնաս (-)

հազար դրամ

1)

հաշվարկային տարվան նախորդող տարվա խոցելի (սոցիալապես անապահով) սպառողների հաշվարկային ջրամատակարարման ծավալ

դրամ/խմ

2)

Խոցելի (սոցիալապես անապահով) սպառողների փաստացի ջրամատակարարման ծավալ

դրամ/խմ

3)

հաշվարկային տարվան նախորդող տարվա համար մյուս բաժանորդների և խոցելի (սոցիալապես անապահով) բաժանորդների գումարային սակագների տարբերություն

դրամ/խմ

____________________________________ /լիազորված անձի ստորագրությունը/	____________________________________ /անունը, ազգանունը/
Կ.Տ. (առկայության դեպքում)

(ձևը խմբ. 21.03.18 N 87-Ն, լրաց. 26.06.24 N 202-Ն)

ՏԵՂԵԿԱՏՎՈՒԹՅՈՒՆ ՈՌՈԳՄԱՆ ՋՐԱՄԱՏԱԿԱՐԱՐՈՒՄ ԻՐԱԿԱՆԱՑՆՈՂ ԱՆՁԻ ԿԱՆԽԱՏԵՍՎՈՂ ՏԱՐՎԱ ՋՐԱՅԻՆ ՀԱՇՎԵԿՇՌԻ ՎԵՐԱԲԵՐՅԱԼ

Կանխատեսվող տարի

20․․․․․ թ․ ․ ․ ․ ․ ․ ․ ․ ․ ․ ․ ․ ․ ․ ․ ․ -ից  20․․․․․ թ. ․ ․ ․ ․ ․ ․ ․ ․ ․ ․ ․ ․ ․ ․ ․ -ը

ՏԵՂԵԿԱՏՎՈՒԹՅՈՒՆ ՈՌՈԳՄԱՆ ՋՐԱՄԱՏԱԿԱՐԱՐՈՒՄ ԻՐԱԿԱՆԱՑՆՈՂ ԱՆՁԻ ԸՍՏ ՄԱՍՆԱՃՅՈՒՂԵՐԻ ՊՈՄՊԱԿԱՅԱՆՆԵՐԻ ՇԱՀԱԳՈՐԾՄԱՆ ՑՈՒՑԱՆԻՇՆԵՐԻ ՎԵՐԱԲԵՐՅԱԼ

Կանխատեսվող տարի

20․․․․․ թ․ ․ ․ ․ ․ ․ ․ ․ ․ ․ ․ ․ ․ ․ ․ ․ -ից  20․․․․․ թ. ․ ․ ․ ․ ․ ․ ․ ․ ․ ․ ․ ․ ․ ․ ․ -ը

ՏԵՂԵԿԱՏՎՈՒԹՅՈՒՆ ՈՌՈԳՄԱՆ ՋՐԱՄԱՏԱԿԱՐԱՐՈՒՄ ԻՐԱԿԱՆԱՑՆՈՂ ԱՆՁԻ ԿՈՂՄԻՑ ՇԱՀԱԳՈՐԾՎՈՂ ՋՐԱՄԲԱՐՆԵՐԻ ՎԵՐԱԲԵՐՅԱԼ

Կանխատեսվող տարի

20․․․․․ թ․ ․ ․ ․ ․ ․ ․ ․ ․ ․ ․ ․ ․ ․ ․ ․ -ից  20․․․․․ թ. ․ ․ ․ ․ ․ ․ ․ ․ ․ ․ ․ ․ ․ ․ ․ -ը

(հավելվածը փոփ., խմբ. 28.06.17 N 284-Ն, խմբ. 21.03.18 N 87-Ն, լրաց. 26.06.24 N 202-Ն)