ԿՈԼԵԳԻԱ

Ո Ր Ո Շ ՈՒ Մ

27 դեկտեմբերի 2023 թվականի

թիվ 189

քաղ. Մոսկվա

ՄԱՆԳԱՆԻ ՀԱՆՔԱՔԱՐԵՐԻ ԵՎ ԽՏԱՀԱՆՔԵՐԻ, ԱՅԴ ԹՎՈՒՄ՝ ՉՈՐ ԱՐՏԱԴՐԱՆՔԻ ՎԵՐԱՀԱՇՎԱՐԿՈՎ՝ ՄԱՆԳԱՆԻ 20% ԶԱՆԳՎԱԾԱՅԻՆ ԲԱԺԻՆ ԿԱՄ ԱՎԵԼԻ ՊԱՐՈՒՆԱԿՈՒԹՅԱՄԲ ԵՐԿԱԹԱԽԱՌՆ ՄԱՆԳԱՆԻ ՀԱՆՔԱՔԱՐԵՐԻ ԵՎ ԽՏԱՀԱՆՔԵՐԻ ՀԱՄԱՐ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՄԻԱՍՆԱԿԱՆ ՄԱՔՍԱՅԻՆ ՍԱԿԱԳՆԻ ՆԵՐՄՈՒԾՄԱՆ ՄԱՔՍԱՏՈՒՐՔԻ ԴՐՈՒՅՔԱՉԱՓ ՍԱՀՄԱՆԵԼՈՒ ՄԱՍԻՆ

«Եվրասիական տնտեսական միության մասին» 2014 թվականի մայիսի 29-ի պայմանագրի 42-րդ և 45-րդ հոդվածներին և «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 16-րդ և 18-րդ կետերին համապատասխան՝ Եվրասիական տնտեսական հանձնաժողովի կոլեգիան որոշեց.

1. ԵԱՏՄ ԱՏԳ ԱԱ 2602 00 000 0 ծածկագրով դասակարգվող՝ մանգանի հանքաքարերի և խտահանքերի, այդ թվում՝ չոր արտադրանքի վերահաշվարկով, մանգանի 20% զանգվածային բաժին կամ ավելի պարունակությամբ երկաթախառն մանգանի հանքաքարերի և խտահանքերի համար սահմանել Եվրասիական տնտեսական հանձնաժողովի խորհրդի 2021 թվականի սեպտեմբերի 14-ի թիվ 80 որոշմամբ հաստատված՝ Եվրասիական տնտեսական միության միասնական մաքսային սակագնի ներմուծման մաքսատուրքի դրույքաչափ՝ մաքսային արժեքի 0 տոկոսի չափով՝ 2024 թվականի հունվարի 1-ից մինչև 2025 թվականի դեկտեմբերի 31-ը ներառյալ։

2. Եվրասիական տնտեսական հանձնաժողովի խորհրդի 2021 թվականի սեպտեմբերի 14-ի թիվ 80 որոշմամբ հաստատված՝ Եվրասիական տնտեսական միության միասնական մաքսային սակագնի մեջ կատարել հետևյալ փոփոխությունները՝

ա) ԵԱՏՄ ԱՏԳ ԱԱ 2602 00 000 0 ծածկագրով դիրքում Եվրասիական տնտեսական միության միասնական մաքսային սակագնի ծանոթագրությանը կատարվող «^44Դ)» հղումը փոխարինել «^86Դ)» հղումով.

բ) Եվրասիական տնտեսական միության միասնական մաքսային սակագնի ծանոթագրություններում՝

44Դ ծանոթագրությունն ուժը կորցրած ճանաչել.

լրացնել հետևյալ բովանդակությամբ 86Դ ծանոթագրությամբ՝

«^86Դ) Ներմուծման մաքսատուրքի դրույքաչափը՝ մաքսային արժեքից 0 (զրո) %-ի չափով, կիրառվում է 01.01.2024 թվականից մինչև 31.12.2025 թվականը ներառյալ։»:

3. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո և տարածվում է 2024 թվականի հունվարի 1-ից հետո ծագած իրավահարաբերությունների վրա։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

Պաշտոնական հրապարակման օրը՝ 26 հունիսի 2024 թվական: