ԵՐԵՎԱՆԻ ՔԱՂԱՔԱՊԵՏ

N 1779-Ա

«14» մայիսի 2024 թ.

Ո Ր Ո Շ ՈՒ Մ

ՀԱՂԹԱՆԱԿ ՏԵՂԱՄԱՍԻ Հ.9-2 ՀԱՍՑԵՈՒՄ ԳՏՆՎՈՂ ՀՈՂԱՄԱՍԻ ՍԱՀՄԱՆՆԵՐԸ ՃՇՏԵԼՈՒ ԵՎ ՀԱՏԱԿԱԳԻԾ ԹՈՂԱՐԿԵԼՈՒ ՄԱՍԻՆ

 Վարչական ակտի ընդունման համար հիմք է հանդիսացել Մարտին Հունանյանի դիմումը՝ Հաղթանակ տեղամասի հ.9-2 (վարելահող) հասցեում գտնվող հողամասի սահմանները ճշտելու և հատակագիծ թողարկելու մասին։

 Հարցի քննարկման համար հիմք են հանդիսացել հողի սեփականության իրավունքի 28.07.1995թ. հ.Ա026341 պետական ակտը և 2023 թվականի դեկտեմբերի 6-ի ըստ օրենքի ժառանգության իրավունքի հ.8790 վկայագիրը:

 Հարցի ուսումնասիրությունից և տեղագրական հանույթի ճշգրտումից պարզվել է, որ քննարկվող հասցեում գտնվող հողամասի փաստացի մակերեսը կազմում է 6916.74քմ, պետական ակտում ամրագրված` 7400.0քմ մակերեսի փոխարեն, որից` 2686.32քմ մակերեսով հողամասը բարձր լարման հոսանքալարերի անվտանգության գոտու սահմաններում է:

 Քննարկվող` 4230.42քմ /6916.74քմ - 2686.32քմ/ մակերեսով հողամասն ընդգրկված չէ հողային օրենսգրքի 60-րդ հոդվածով նախատեսված սահմանափակումների ցանկում և ՀՀ կառավարության 2020թ. հունիսի 4-ի հ.1023-Ն որոշմամբ հաստատված հավելվածների համաձայն՝ գտնվում է Երևան քաղաքի հողերի տարածագնահատման համաձայնեցված սխեմայի 12-րդ գոտում:

 Ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, հողային օրենսգրքի 52-րդ և 59-րդ հոդվածներով, հաշվի առնելով Մալաթիա-Սեբաստիա վարչական շրջանի ղեկավարի աշխատակազմի կողմից կազմված հատակագիծ-սխեման և Երևանի քաղաքապետարանի աշխատակազմի ճարտարապետության և քաղաքաշինության վարչության 12.01.2024թ. հ.Դ-164490-23 եզրակացությունը.

1. Սահմանել, որ Հաղթանակ տեղամասի հ.9-2 հասցեում գտնվող հողամասի (վարելահող) սահմանները որոշվում են 4230.42քմ մակերեսի համար սահմանված կարգով հաստատված հատակագծով:

2. Սույն որոշումից ծագող իրավունքը ենթակա է պետական գրանցման ՀՀ կադաստրի կոմիտեում:

3. Որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։

4. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինու-թյան, անշարժ գույքի կառավարման վարչությունների պետերի վրա:

5. Որոշման կատարման ընթացքի նկատմամբ հսկողությունն ապահովում է Երևանի քաղաքապետի առաջին տեղակալ Ա. Փամբուխչյանը:

Տ. Ավինյան