ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 ապրիլի 2024 թվականի N 451-Ն

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2006 թվականի հունվարի 12-ի «Նախնական մասնագիտական (արհեստագործական) և միջին մասնագիտական կրթության մասնագիտությունների ցանկերը հաստատելու, Հայաստանի Հանրապետության կառավարության 2000 թվականի մայիսի 18-ի N 242 որոշման մեջ փոփոխություն կատարելու և Հայաստանի Հանրապետության կառավարության մի շարք որոշումներ ուժը կորցրած ճանաչելու մասին» N 73-Ն որոշման՝

1) նախաբանի «5-րդ և 6-րդ մասերին» բառերը փոխարինել «1-ին մասի 5-րդ կետի» բառերով.

2) 1-ին կետից, ինչպես նաև որոշմամբ հաստատված NN 1 և 2 հավելվածների վերնագրերից հանել «, ձևի, տևողության» բառերը.

3) N 1 հավելվածի 1032.01.4 դասիչով «Ոստիկանական գործ» մասնագիտության պարբերությունը շարադրել հետևյալ խմբագրությամբ՝

«

1032.01.4 Ոստիկանական գործ 1032.01.01.4 Ոստիկան - 3 ամիս 1032.01.02.4 Պարեկ  -  մինչև 2024 թվականի հունվարի 1-ը՝ 5 ամիս, իսկ դրանից հետո՝ 6 ամիս 1032.01.03.4 Քրեական ոստիկան - 5 ամիս (առնվազն բակալավրի որակավորմամբ բարձրագույն կրթության հիմքով)

»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

04.04.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 4 ապրիլի 2024 թվական: