ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 207-Ա

Համաձայն «Նորմատիվ իրավական ակտերի մասին» օրենքի 34-րդ հոդվածի 1-ին մասի և հիմք ընդունելով «Բարեգործության մասին» օրենքի 13-րդ հոդվածի 2-րդ մասի 3-րդ կետը՝

1. Հայաստանի Հանրապետության փոխվարչապետի 2022 թվականի հունիսի 8-ի «ՋիԷյջԷմ-Արմենիա» զարգացման հիմնադրամի կողմից իրականացվող «Վայոց ձորի մարզի Արենի համայնքի մանկապարտեզի կառուցում» ծրագրի մասին» N 399-Ա որոշման մեջ կատարել հետևյալ փոփոխությունները՝

1) 1-ին կետում «1,202,440,885,37» թիվը փոխարինել «1,266,589,390.77» թվով.

2) 2-րդ կետում «577,190,678,43» թիվը փոխարինել «627,391,068.66» թվով.

3) հավելվածը շարադրել նոր խմբագրությամբ՝ համաձայն հավելվածի:

2. Հայաստանի Հանրապետության փոխվարչապետի 2023 թվականի մարտի 7-ի «Հայաստանի Հանրապետության փոխվարչապետի 2022 թվականի հունիսի 8-ի N 399-Ա որոշման մեջ փոփոխություններ կատարելու և նույն որոշմամբ հաստատված ծրագրին հարակից գործարքի մասին» N 180-Ա որոշման 2-րդ կետում «625,250,206.94» թիվը փոխարինել «597,225,165.29» թվով:

3. Սահմանել, որ «ՋիԷյջԷմ-Արմենիա» զարգացման հիմնադրամի կողմից (ՀՎՀՀ՝ 00235036) կնքված՝ ստորև նշված պայմանագրերով նախատեսված գործարքներն անմիջականորեն կապված են Հայաստանի Հանրապետության փոխվարչապետի 2022 թվականի հունիսի 8-ի N 399-Ա որոշման իրականացման հետ և դրա համար ունեն զգալի նշանակություն՝

1) «ՎԱԵԼԿՈՆ» ՍՊԸ-ի հետ (ՀՎՀՀ՝ 02596346) 2024 թվականի փետրվարի 16-ին կնքված N 202402/01 պայմանագրում նշված գործարքը, որով նախատեսվում է շինարարական աշխատանքների իրականացում` 38,453,156.82 դրամի չափով, առանց ավելացված արժեքի հարկի.

2) «Քիդ Սպորտ» ՍՊԸ-ի հետ (ՀՎՀՀ՝ 00518325) 2024 թվականի փետրվարի 19-ին կնքված N 19.02-24/1 պայմանագրում նշված գործարքը, որով նախատեսվում է մանկական խաղային համալիրի խաղասարքերի մատակարարման և տեղադրման աշխատանքների իրականացում` 3,520,000 դրամի չափով, առանց ավելացված արժեքի հարկի:

Հայաստանի Հանրապետության փոխվարչապետ	Տ. Խաչատրյան
Երևան

26.03.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 207-Ա որոշման

«Հավելված ՀՀ փոխվարչապետի N 399-Ա որոշման

1. Ծրագրի նպատակը Վայոց ձորի մարզի Արենի համայնքի մանկապարտեզի կառուցում, որով կիրականացվեն համայնքի շուրջ 120 երեխայի կրթումն ու դաստիարակումը՝ բարեկարգ և լուսավոր պայմաններում։ 2. Ծրագրի բարեգործական որակման նպատակը Օրենքով սահմանված կարգով օգտվել ՀՀ հարկերի, պարտադիր վճարների, տուրքերի և այլ գծով արտոնություններից 3. Բարեգործը ՋիԷյՋէմ բարեգործական հիմնադրամ (հասցե՝ ԱՄՆ, 9701 Ուիլշայր ԲիԷլՎիԴի 1106, Բեվերլի Հիլս ՍիԷյ 90212) 4. Ծրագիրը կատարողը ՋիԷյՋէմ-Արմենիա զարգացման հիմնադրամ (հասցե՝ Բաղրամյան պող. 25, 61 սենյակ, Արաբկիր, Երևան, Հայաստանի Հանրապետություն, ՀՎՀՀ` 00235036) 5. Ծրագրի իրականացման վայրը և բնագավառը Վայոց ձորի մարզի Արենի համայնքի Արենի բնակավայր, սոցիալական 6. Ծրագրի բյուջեն 1,266,589,390.77 դրամ 7. Բարեգործություն ստացողը Վայոց ձորի մարզի Արենի համայնք 8. Ծրագրի իրականացման տևողությունը 2022 թվականի մայիսի 23-ից մինչև 2024 թվականի սեպտեմբերի 30-ը 9. Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը 1) Վայոց ձորի մարզի Արենի համայնքի մանկապարտեզի կառուցում՝ 627,391,068.66 դրամ արժողությամբ: Նախատեսվում է իրականացնել 2022 թվականի մայիսի 23-ից մինչև 2024 թվականի սեպտեմբերի 30-ն ընկած ժամանակահատվածում: 2) Վայոց ձորի մարզի Արենի համայնքի մանկապարտեզին կից առանձնացված մասնաշենքի՝ դահլիճի կառուցում՝ 597,225,165.29 դրամ արժողությամբ, այդ թվում՝ մանկապարտեզի և դահլիճի շինությունների համալիր-ավարտական հարդարման աշխատանքների և ինժեներական համակարգերի, դուռ-լուսամուտների և վիտրաժների տեղադրում, հենապատի կառուցում, ընդհանուր տարածքի բարեկարգում և այլն: Նախատեսվում է իրականացնել 2023 թվականի ապրիլի 1-ից մինչև 2024 թվականի սեպտեմբերի 30-ն ընկած ժամանակահատվածում: 3) Վայոց ձորի մարզի Արենի համայնքի մանկապարտեզի շինարարական և մոնտաժային լրացուցիչ աշխատանքներ, այդ թվում հակահրդեհային-ազդանշանային համակարգի տեղադրում, մոնտաժում՝ 38,453,156.82 դրամ արժողությամբ: Նախատեսվում է իրականացնել 2024 թվականի փետրվարի 16-ից մինչև 2024 թվականի սեպտեմբերի 30-ը: 4) Վայոց ձորի մարզի Արենի համայնքի մանկապարտեզի խաղահրապարակի համար մանկական համալիրի, պտուտակի մատակարարում և տեղադրում՝ 3,520,000 դրամ արժողությամբ: Նախատեսվում է իրականացնել 2024 թվականի փետրվարի 8-ից մինչև 2024 թվականի սեպտեմբերի 30-ը: 10. Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը 1) Վայոց ձորի մարզի Արենի համայնքի մանկապարտեզի կառուցման շինարարական աշխատանքների իրականացում՝ 627,391,068.66 դրամ: 2) Վայոց ձորի մարզի Արենի համայնքի մանկապարտեզին կից առանձնացված մասնաշենքի կառուցման շինարարական աշխատանքների իրականացում՝ 597,225,165.29 դրամ: 3) Վայոց ձորի մարզի Արենի համայնքի մանկապարտեզի հակահրդեհային- ազդանշանային համակարգի իրականացում՝ 38,453,156.82 դրամ արժողությամբ: 4) Վայոց ձորի մարզի Արենի համայնքի մանկապարտեզի խաղահրապարակի համար մանկական համալիրի, պտուտակի մատակարարում և տեղադրում՝ 3,520,000 դրամ արժողությամբ: 11. Ծրագրի իրականացման հետ կապված կազմակերպչական ծախսերը Կազմակերպչական ծախսեր նախատեսված չեն: 12. Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ Հայաստանի Հանրապետության Վայոց ձորի մարզի Արենի համայնք 13. Ծրագրի արդյունավետության նկատմամբ վերահսկողության մեխանիզմների նկարագրությունը Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով:

»:

Հայաստանի Հանրապետության փոխվարչապետ

Տ. Խաչատրյան

26.03.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ