ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2008 թվականի դեկտեմբերի 26-ին

«ԱԿՑԻԶԱՅԻՆ ՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Ակցիզային հարկի մասին» Հայաստանի Հանրապետության 2000 թվականի հուլիսի 7-ի ՀՕ-79 օրենքի (այսուհետ՝ Օրենք) 3-րդ հոդվածի 1-ին կետից հանել «գինենյութը» բառը և նույն կետը «սպիրտը» բառից հետո լրացնել «(բացառությամբ խաղողի գինենյութից ստացված կոնյակի սպիրտի)» բառերով:

Հոդված 2. Օրենքի 5-րդ հոդվածի 1-ին կետը շարադրել հետևյալ խմբագրությամբ`

«1. Ակցիզային հարկը վճարվում է հետևյալ դրույքաչափերով`

Ապրանքի ծածկա- գիրը` ըստ ԱՏԳԱԱ-ի	Ապրանքախմբի անվանումը	Հարկման բազայի միավորը	Ակցիզային հարկի դրույքաչափը (դրամ)
2203	գարեջուր	ներքին արտադրանքի 1 լիտրի համար ապրանքների ներմուծման դեպքում` 1 լիտրի համար	70       120
2204	խաղողի և այլ գինիներ	բացթողման գնի (առանց ավելացված արժեքի հարկի և ակցիզային հարկի)     ապրանքների ներմուծման դեպքում` մաքսային արժեքի	10 տոկոս, բայց ոչ պակաս, քան 1 լիտրի համար 100 դրամ   20 տոկոս, բայց ոչ պակաս, քան 1 լիտրի համար 200 դրամ
2205	վերմուտ և խաղողի այլ գինիներ, որոնք պարունակում են բուսական և արոմատիկ էքստրակտներ	ներքին արտադրանքի 1 լիտրի համար   ապրանքների ներմուծման դեպքում` 1 լիտրի համար	500     1000
2206	խմորման ենթարկված այլ ըմպելիքներ (խնձորի սիդր, պերրու (տանձի սիդր), մեղրաըմպելիք)	ներքին արտադրանքի 1 լիտրի համար   ապրանքների ներմուծման դեպքում` 1 լիտրի համար	180     200
2207	Էթիլային սպիրտ	ներքին արտադրանքի 1 լիտրի համար (100 տոկոսանոց սպիրտի վերահաշվարկով)   ապրանքների ներմուծման դեպքում` 1 լիտրի համար (100 տոկոսանոց սպիրտի վերահաշվարկով)	600         700
2208	սպիրտային խմիչքներ	բացթողման գնի (առանց ավելացված արժեքի հարկի և ակցիզային հարկի)     ապրանքների ներմուծման դեպքում` մաքսային արժեքի	30 տոկոս, բայց ոչ պակաս, քան 1 լիտրի համար 380 դրամ   40 տոկոս, բայց ոչ պակաս, քան 1 լիտրի համար 760 դրամ
2403	ծխախոտի արդյունաբերական փոխարինիչներ	1 կիլոգրամ	1500
2709	հում նավթ և նավթամթերքներ	1 տոննա	27000
2711 (բացառու- թյամբ 2711 11-ի և 2711 21-ի)	նավթային գազեր և գազանման այլ ածխաջրածիններ (բացառությամբ բնական գազի)	1 տոննա	1000»

Հոդված 3. Օրենքի 5-րդ հոդվածի 2-րդ կետը «7.5 դրամով» բառերից հետո լրացնել «(բացառությամբ խաղողի գինենյութից ստացված կոնյակի սպիրտի)» բառերով:

Հոդված 4. Սույն օրենքն ուժի մեջ է մտնում 2009 թվականի մարտի 1-ից: Սույն օրենքի 2-րդ հոդվածը գործում է մինչև 2012 թվականի հունվարի 1-ը:

Հայաստանի Հանրապետության Նախագահ	Ս. Սարգսյան
2009 թ. հունվարի 15 Երևան ՀՕ-28-Ն