ԵՐԵՎԱՆԻ ՔԱՂԱՔԱՊԵՏ

N 1196-Ա

«27» մարտի 2024 թ.

Ո Ր Ո Շ ՈՒ Մ

ՇԻՐԱԿԻ ՓՈՂՈՑԻ Հ. 54 ՇԵՆՔԻ Հ. 1 ԲՆԱԿԱՐԱՆԻ ՄԻ ՀԱՏՎԱԾԻ (73.79ՔՄ) ԳՈՐԾԱՌԱԿԱՆ ՆՇԱՆԱԿՈՒԹՅՈՒՆԸ ՓՈԽԵԼՈՒ ՄԱՍԻՆ

Վարչական ակտի ընդունման համար հիմք է հանդիսացել Վարդան Իսրաելյանի դիմումը` Շիրակի փողոցի հ.54 շենքի, սեփականության իրավունքով Վարդան Իսրաելյանին պատկանող հ.1 բնակարանի մի հատվածի (անշարժ գույքի իրավունքների պետական գրանցման 09.09.2014թ. հ.09092014-01-0064 վկայական) գործառական նշանակությունը հասարակական սահմանելու մասին:

Ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, Հայաստանի Հանրապետության կառավարության 2002 թվականի փետրվարի 2-ի հ.88 որոշման հ.1 հավելվածի 7-րդ կետով, հաշվի առնելով Երևանի քաղաքապետարանի աշխատակազմի ճարտարապետության և քաղաքաշինության վարչության 25.12.2023թ. հ.Դ-153793-23 եզրակացությունը, ինչպես նաև 01.03.2024 թվականի «Նախագիծ Ռիելթի» ՍՊԸ-ի կողմից տրված շինությունների բաժանման սխեման և եզրակացությունը.

 1. Շիրակի փողոցի հ.54 շենքի, սեփականության իրավունքով Վարդան Իսրաելյանին պատկանող հ.1 բնակարանի մի հատվածի (73.79քմ) գործառական նշանակությունն, առանց ճարտարապետահատակագծային առաջադրանքի և նախագծային փոփոխությունների, սահմանել որպես հասարակական և ընդգրկել ոչ բնակելի ֆոնդում` «ՀՀՇՆ 31-01-2014» պահանջներին չհակասելու պայմանով։

2. Հանձնարարել Երևան քաղաքի Շենգավիթ վարչական շրջանի ղեկավարին՝ սույն որոշման 1-ին կետում նշված անշարժ գույքը հաշվառել որպես հասարակական:

3. Ընդունել ի գիտություն, որ սույն որոշմամբ սահմանված անշարժ գույքի գործառական նշանակության փոփոխությունը ենթակա է պետական գրանցման` կադաստրի կոմիտեի համապատասխան ստորաբաժանումում:

4. Որոշումն ուժի մեջ է մտնում այն ստանալու հաջորդ օրը:

5.Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով ՀՀ վարչական դատարան` դրա ուժի մեջ մտնելու օրվանից երկամսյա ժամկետում:

6.Որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի անշարժ գույքի կառավարման, ճարտարապետության և քաղաքաշինության վարչությունների պետերի և Շենգավիթ վարչական շրջանի ղեկավարի վրա։

7. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետի առաջին տեղակալ Ա.Փամբուխչյանը:

Տ. Ավինյան