ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏԱՎՈՒՇԻ ՄԱՐԶԻ

ԲԵՐՔԱԲԵՐ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

25 դեկտեմբերի 2019 թ. N 45-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶԻ ԲԵՐՔԱԲԵՐ ՀԱՄԱՅՆՔԻ 2020 Թ. ԲՅՈՒՋԵՆ ՀԱՍՏԱՏԵԼՈՒ ՄԱՍԻՆ

Համայնքի ղեկավարը ավագանուն ներկայացրեց 2020 թվականի համայնքային բյուջեն հետևյալը՝

1. եկամուտների գծով -15448,0 հազար դրամ

2. ծախսերի գծով - 15698,8 հազար դրամ

3. դեֆիցիտի ծածկմանն ուղղված միջոցներ - 250,8 հազար դրամ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 5-րդ կետով և «Հայաստանի Հանրապետության բյուջետային համակարգի մասին» ՀՀ օրենքի 32-րդ հոդվածի պահանջներով, համայնքի ավագանին որոշեց՝

1. Հաստատել Բերքաբեր համայնքի 2020 թվականի համայնքային բյուջեն՝

ա) եկամուտների գծով - 15448,0 հազար դրամ

բ) ծախսերի գծով - 15698,8 հազար դրամ

գ ) դեֆիցիտի ծածկմանն ուղղված միջոցներ - 250,8 հազար դրամ

2. Հաստատել համայնքի բյուջեի եկամուտները ըստ առանձին եկամտատեսակների՝ /հավելված 1/:

3. Հաստատել համայնքի բյուջեի ծախսերն ըստ գործառնական դասակարգման՝ /հավելված 2/:

4. Հաստատել համայնքի բյուջեի ծախսերն ըստ տնտեսագիտական դասակարգման /հավելված 3/:

5. Սահմանել, որ

ա) ծախսերի ֆինանսավորումը կատարվում է ստացված փաստացի մուտքերի սահմաններում` պահպանելով ծախսերի համամասնությունները

բ) թույլատրել համայնքի ղեկավարին գանձապետական հաշվի 2019 թվականի տարեվերջյան ագատ մնացորդն ինքնուրույն ներառել 2020 թվականի բյուջեի եկամտային մասում և ծախսային մասում ընդգրկել առաջնահերթություն պահանջվող ծախսերի ֆինանսավորման համար:

գ) ծախսերի տնտեսագիտական և գործառնական դասակարգման նախատեսված հոդվածների միջև «Հայաստանի Հանրապետության բյուջետային համակարգի մասին» ՀՀ օրենքի 33-րդ հոդվածի 3-րդ կետի համապատասխան կատարվող վերաբաշխումները չեն կարող գերազանցել հաստատված ծավալի 3 %-ը:

6. Սույն որոշումն ուժի մեջ է մտնում պաշտոնական հրապարակմանը հաջորդող 10-րդ օրվանից:

ՀԱՄԱՅՆՔԻ ՂԵԿԱՎԱՐ	Ա. Արզումանյան

Հավելվածներ 1-3

(հավելվածները փոփ. 17.12.20 N 21-Ն)