ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

22 մայիսի 2023 թվականի

թիվ 61

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՄԱՔՍԱՅԻՆ ՏԱՐԱԾՔ ՆԵՐՄՈՒԾՎՈՂ ԱՊՐԱՆՔՆԵՐԻ ԾԱԳՈՒՄԸ ՈՐՈՇԵԼՈՒ ԿԱՆՈՆՆԵՐՈՒՄ (ԱՊՐԱՆՔՆԵՐԻ ԾԱԳՈՒՄԸ ՈՐՈՇԵԼՈՒ ՈՉ ԱՌԱՆՁՆԱՇՆՈՐՀԱՅԻՆ ԿԱՆՈՆՆԵՐՈՒՄ) ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Եվրասիական տնտեսական միության մասին» 2014 թվականի մայիսի 29-ի պայմանագրի 37-րդ հոդվածի 2-րդ կետին, «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 16-րդ կետին և Եվրասիական տնտեսական բարձրագույն խորհրդի՝ 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 11-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Եվրասիական տնտեսական հանձնաժողովի խորհրդի 2018 թվականի հուլիսի 13-ի թիվ 49 որոշմամբ հաստատված՝ Եվրասիական տնտեսական միության մաքսային տարածք ներմուծվող ապրանքների ծագումը որոշելու կանոններում (ապրանքների ծագումը որոշելու ոչ առանձնաշնորհային կանոններում) կատարել փոփոխություններ՝ համաձայն հավելվածի։

2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։

Եվրասիական տնտեսական միության մաքսային տարածք ներմուծվող ապրանքների ծագումը որոշելու կանոններում (ապրանքների ծագումը որոշելու ոչ առանձնաշնորհային կանոններում) կատարվող

1. 8-րդ կետում՝

ա) առաջին պարբերությունը շարադրել հետևյալ խմբագրությամբ.

«8. Սույն կանոնների 5-րդ կետում նշված ապրանքների ծագումը որոշելու չափորոշիչներից տարբերվող ապրանքների ծագումը որոշելու հատուկ չափորոշիչները բերված են ցանկում՝ թիվ 1 հավելվածի համաձայն»

բ) յոթերորդ պարբերությունը «որոնց նկատմամբ» բառերից հետո լրացնել «սույն կանոնների թիվ 1 հավելվածին համապատասխան» բառերով։

2. 21-րդ կետում «հավելվածի համաձայն» բառերը փոխարինել «թիվ 2 հավելվածի համաձայն» բառերով։

3. 33-րդ կետի առաջին պարբերությունում «Հանձնաժողովի կողմից» բառերը փոխարինել «Եվրասիական տնտեսական հանձնաժողովի (այսուհետ՝ Հանձնաժողով) կողմից»։

4. Նշված կանոնների հավելվածի համարակալման վերնագրում «Հավելված» բառը փոխարինել «Հավելված թիվ 2» բառերով։

5. Լրացնել հետևյալ բովանդակությամբ թիվ 1 հավելված.

«ՀԱՎԵԼՎԱԾ ԹԻՎ 1 Եվրասիական տնտեսական միության մաքսային տարածք ներմուծվող ապրանքների ծագումը որոշելու կանոնների (ապրանքների ծագումը որոշելու ոչ առանձնաշնորհային կանոնների)

ՑԱՆԿ

ապրանքների ծագումը որոշելու հատուկ չափորոշիչների

Ապրանքների նկարագրման և ծածկագրման ներդաշնակեցված համակարգի ծածկագիրը	Ապրանքի անվանումը	Ապրանքի ծագումը որոշելու հատուկ չափորոշիչը
1	2	3
8708 70-ից	ընթացային անիվներ, որոնք ոչ ալյումինե անվասկավառակներ են՝ կոմպլեկտավորված (մատակարարման համար հավաքված) բեռնային օդաճնշական ռետինե անվադողերով կամ դողածածկերով	արտադրությունը՝ ցանկացած ապրանքային դիրքերում դասակարգվող նյութերից։Ընդ որում՝ապրանքը համարվում է ծագում ունեցող այն երկրից, որտեղից ծագում են այդպիսի արտադրության մեջ օգտագործվող՝ 4011 ապրանքային դիրքում դասակարգվող նյութերը. Եվրասիական տնտեսական հանձնաժողովի խորհրդի 2018 թվականի հուլիսի 13-ի թիվ 49 որոշմամբ հաստատված՝ Եվրասիական տնտեսական միության մաքսային տարածք ներմուծվող ապրանքների ծագումը որոշելու կանոնների (ապրանքների ծագումը որոշելու ոչ առանձնաշնորհային կանոնների) 14-րդ կետով սահմանված մնացորդային կանոնները չեն կիրառվում։

Ծանոթագրություն։

Սույն ցանկի կիրառման նպատակով անհրաժեշտ է առաջնորդվել ինչպես «Ապրանքների նկարագրման և ծածկագրման ներդաշնակեցված համակարգի մասին» 1983 թվականի հունիսի 14-ի միջազգային կոնվենցիայով սահմանված՝ ապրանքների նկարագրման և ծածկագրման ներդաշնակեցված համակարգի գործող խմբագրության ծածկագրով, այնպես էլ ապրանքի անվանմամբ։»։