ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

24 դեկտեմբերի 2018 թ.

թիվ 83-Ն

Ո Ր Ո Շ ՈՒ Մ

«ՖԻԶԿՈՒԼՏՈՒՐԱՅԻ ԵՎ ՍՊՈՐՏԱՅԻՆ ԱՇԽԱՏԱՆՔՆԵՐԻ ՄԱՍԻՆ» ՁԵՎ 1-ՍՊՈՐՏ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Ֆիզկուլտուրայի և սպորտային աշխատանքների մասին» Ձև 1-սպորտ (տարեկան) վիճակագրական հաշվետվության ձևը՝ համաձայն հավելված 1-ի:

2. Հաստատել «Ֆիզկուլտուրայի և սպորտային աշխատանքների մասին» Ձև 1-սպորտ (տարեկան) վիճակագրական հաշվետվության լրացման հրահանգը՝ համաձայն հավելված 2-ի:

(2-րդ կետը փոփ. 01.12.23 թիվ 44-Ն)

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Բաժին 2. Ոչ օլիմպիական մարզաձևեր

Հ Ր Ա Հ Ա Ն Գ

1. Սույն հրահանգով կարգավորում են «Ֆիզկուլտուրայի և սպորտային աշխատանքների մասին» Ձև 1-սպորտ (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացնում են ֆիզիկական կուլտուրայի և սպորտի բնագավառի կազմակերպությունները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանին հաջորդող տարվա ապրիլի 15-ը:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

 5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

6. Բաժին 1-ի «100», «100.1-100.57» ծածկագրով տողերում լրացվում են՝

1) սյունակ 1-ում՝ մարզաձևի խմբերի քանակը,

2) սյունակ 2-ում` մարզիչ-մանկավարժների, որից՝ սյունակ 3-ում՝ կանանց թվաքանակը,

3) սյունակ 4-ում՝ մարզիկների, որից՝ սյունակ 5-ում՝ կանանց թվաքանակը,

4) սյունակ 6-ում` սյունակ 4-ից գյուղական վայրերում մարզիկների, որից՝ սյունակ 7-ում՝ կանանց թվաքանակները:

7. Բաժին 2-ի «201», «200.1-200.30» ծածկագրով տողերում լրացվում են՝

1) սյունակ 1-ում` մարզաձևի խմբերի քանակը,

2) սյունակ 2-ում` մարզիչ-մանկավարժների, որից՝ սյունակ 3-ում` կանանց թվաքանակը,

3) սյունակ 4-ում մարզիկների, որից՝ սյունակ 5-ում` կանանց թվաքանակը,

4) սյունակ 6-ում` սյունակ 4-ից գյուղական վայրերում մարզիկների, որից՝ սյունակ 7-ում` կանանց թվաքանակը:

8. Բաժին 3-ում (ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը) լրացվում են՝

1) «300» ծածկագրով տողում ` ընդհանուր ֆինանսական միջոցները,

2) «300.1» ծածկագրով տողում` ֆինանսական միջոցների մնացորդը տարեսկզբին,

3) «310» ծածկագրով տողում` ընթացիկ տարվա ֆինանսական մուտքերի ցուցանիշները, այդ թվում՝ «310.1» ծածկագրով տողում՝ բյուջեից (պետական և համայնքային), «310.2» ծածկագրով տողում՝ հաճախողներից պարապմունքների դիմաց վճարումները «310.2» ծածկագրով տողից առանձնացվում են ֆինանսական մուտքերը՝ իրավաբանական անձանցից՝ «310.2.1» և բնակչությունից՝ «310.2.2» ծածկագրով տողերում), «310.3» ծածկագրով տողում՝ նվիրատվությունից, «310.4» ծածկագրով տողում՝ վարձակալությունից և «310.5» ծածկագրով տողում այլ մուտքերը,

4) «320» ծածկագրով տողում՝ ընդհանուր ֆինանսական ծախսերը, որից՝ «320.1» ծածկագրով տողում («Նյութական ծախսեր»)՝ ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

5) «320.2» ծածկագրով տողում («Ոչ նյութական ծառայությունների վճարումներ»)` աշխատողների մասնագիտական ուսուցմանն ուղղված, շենքերի, մեքենաների և սարքավորումների վարձակալական, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

6) «320.3» ծածկագրով տողում` գործուղման ծախսերը,

7) «320.4» ծածկագրով տողում («Աշխատավարձ և դրան հավասարեցված այլ վճարումներ»)՝ հաշվետու ժամանակահատվածում բոլոր աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական աշխատավարձը, լրացուցիչ աշխատավարձը՝ հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները,

8) «320.5» ծածկագրով տողում՝ սպորտային կազմակերպությունների կողմից իրականացված շենքերի և շինությունների, ինչպես նաև մեքենաների և սարքավորումների ձեռք բերման, հիմնավերանորոգման և վերանորոգման ծախսերը,

9) «320.6» ծածկագրով տողում՝ այն ծախսերը (այլ ծախսեր), որոնք «320.1»-«320.5» ծածկագրերով տողերում չեն արտացոլվել,

10) «330» ծածկագրով տողում ՝ ֆինանսական միջոցների մնացորդը տարեվերջին:

(հավելվածը խմբ. 01.12.23 թիվ 44-Ն)