1.

Ծրագրի նպատակը

Ծրագրի նպատակն է ցուցաբերել սոցիալական և հոգեբանական աջակցություն հասարակության հետևյալ խմբերին, ինչպես նաև նպաստել նրանց մասնագիտական հմտությունների ձեռքբերմանը՝

1․ Բոլոր տեսակի բռնության ենթարկված անօթևան կանայք, ովքեր ունեն մինչև 10 (տասը) տարեկան երեխա (երեխաներ):

2․ Հղիներ, ովքեր չունեն ապաստան և պաշտպանության կարիք ունեն:

2.

Ծրագրի բարեգործական որակման նպատակը

Ծրագրի շրջանակներում Հայաստանի Հանրապետության օրենքով սահմանված կարգով նախատեսվում է օգտվել Հայաստանի Հանրապետության հարկերի, տուրքերի և պարտադիր վճարների գծով արտոնություններից:

3.

Բարեգործը

Ամերիկայի Միացյալ Նահանգների քաղաքացիներ, Կալիֆոռնիա նահանգի Սիլ Բիչ քաղաքի բնակիչներ, ամերիկահայ բարեգործներ՝ տեր և տիկին Ղազարյանները և նրանց ընտանիքը՝ Սեդա-Յունիս Ղազարեան Յունիսի (անձնագրի N AU0448316, տրված՝ 30.09.2021 թ., 001-ի կողմից) և Զուհրաբ-Բարսեղ Ղազարյան Բարսեղի (անձնագրի N AU0448317, տրված՝ 30.09.2021 թ., 001-ի կողմից)

4.

Ծրագիրը կատարողը

«Արմենիան Լայթհաուս» բարեգործական հիմնադրամ, գտնվելու վայրը ՝ Հայաստանի Հանրապետություն, Արմավիրի մարզ, Փարաքար համայնք, գյուղ Պտղունք, Վարդանանց 1, հեռ.՝ 043500503, թեժ գիծ՝ 20-80, հարկ վճարողի հաշվառման համար՝ 01557357

5.

Ծրագրի իրականացման վայրը և

բնագավառը

Հայաստանի Հանրապետություն, Արմավիրի մարզ, գյուղ Պտղունք, Վարդանանց 1, բնագավառը՝ սոցիալական

6.

Ծրագրի բյուջեն

$217000 (երկու հարյուր տասնյոթ հազար) Ամերիկայի Միացյալ Նահանգների դոլարին համարժեք դրամ

7.

Բարեգործությունն ստացողը

Հայաստանի Հանրապետությունում բնակվող ՝

1․ Բոլոր տեսակի բռնության ենթարկված և անօթևան դարձած կանայք, ովքեր ունեն մինչև 10 (տասը) տարեկան երեխա (երեխաներ):

2․ Հղիներ, ովքեր չունեն ապաստան և պաշտպանության կարիք ունեն:

8.

Ծրագրի իրականացման տևողությունը

2024 թվականի հունվարի 1-ից մինչև 2024 թվականի դեկտեմբերի 31-ը

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

1. «Մայրատուն» ծրագրի շրջանակներում շահառուները կարող են ապաստան գտնել Հայաստանի Հանրապետության Արմավիրի մարզի Պտղունք գյուղի Վարդանանց 1 հասցեում գտնվող՝ հիմնադրամի շենքում:

2. Ապաստանում կարող են բնակություն հաստատել բռնության ենթարկված և անօթևան հղիներ ու կանայք, ովքեր ունեն մինչև 10 (տասը) տարեկան երեխա (երեխաներ): Մայրատանը նրանք ստանում են՝

1) մոր և երեխայի համար նախատեսված սենյակ (անվճար).

2) 4-անգամյա սնունդ, $22000 (քսաներկու հազար) Ամերիկայի Միացյալ Նահանգների դոլարին համարժեք դրամ.

3) բեռով բեռնված կոնտեյների ներմուծում օտարերկրյա պետությունից ՝ $152000 (հարյուր հիսուներկու հազար) Ամերիկայի Միացյալ Նահանգների դոլարին համարժեք դրամ, որը ներառում է՝

ա․ հագուստ, կոշիկ, հիգիենայի և կենցաղային պարագաներ և այն ամենը, ինչ անհրաժեշտ է մորն ու մանկանը $137000 (հարյուր երեսունյոթ հազար) Ամերիկայի Միացյալ Նահանգների դոլարին համարժեք դրամ արժողությամբ,

բ․ 15000 (տասնհինգ հազար) Ամերիկայի Միացյալ Նահանգների դոլարին համարժեք դրամը իրենից ներկայացնում է բեռով բեռնված կոնտեյների բեռնափոխադրման ծախսը.

4) ծրագիրն ունի նաև դաստիարակչական նպատակ, որի իրականացման համար ծառայում են հիմնադրամի համակարգչային սենյակը, խաղասենյակը, կարի սենյակը, ֆիլմերի ցուցադրման համար նախատեսված սենյակը, մարզասրահը, մատնահարդարի և վարսահարդարի սենյակները (նշված ծառայություններն անվճար են).

5) 2024 թվականի հունվարի 1-ից մինչև 2024 թվականի դեկտեմբերի 31-ը կազմակերպչական ծախսերը կազմում են $43000 (քառասուներեք հազար) Ամերիկայի Միացյալ Նահանգների դոլարին համարժեք դրամ, որից՝

ա․ կոմունալ ծախսեր (գազ, էլեկտրաէներգիա, ջուր)՝ $11000 (տասնմեկ հազար) Ամերիկայի Միացյալ Նահանգների դոլարին համարժեք դրամ,

բ․ հեռախոսային և ինտերնետային ծառայություններ՝ $1500 (հազար հինգ հարյուր) Ամերիկայի Միացյալ Նահանգների դոլարին համարժեք դրամ,

գ. հոգեբանի անվճար ծառայություն (հոգեբանի աշխատավարձը հոգում է հիմնադրամը) $10000 (տասը հազար ) Ամերիկայի Միացյալ Նահանգների դոլարին համարժեք դրամ՝ ներառյալ հարկերը,

դ․ գրասենյակային, տնտեսական ծախսեր և գույքի ձեռքբերում՝ $12500 (տասներկու հազար հինգ հարյուր) Ամերիկայի Միացյալ Նահանգների դոլարին համարժեք դրամ,

ե․ մեքենայի շահագործման և տրանսպորտային ծախսեր $8000 (ութ հազար) Ամերիկայի Միացյալ Նահանգների դոլարին համարժեք դրամ:

3. Նշված միջոցառումներն իրականացվելու են 2024 թվականի հունվարի 1-ից մինչև 2024 թվականի դեկտեմբերի 31-ը:

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

2024 թվականի հունվարի 1-ից մինչև 2024 թվականի դեկտեմբերի 31-ը ծրագիրն իրականացնելու համար նախատեսվում է՝

1. Սննդի ձեռքբերում՝ Հայաստանի Հանրապետության տարածքում՝ $22000 (քսաներկու հազար) Ամերիկայի Միացյալ Նահանգների դոլարին համարժեք դրամ:

2. Բեռով բեռնված կոնտեյների ներմուծում օտարերկրյա պետությունից ՝ $152000 (հարյուր հիսուներկու հազար) Ամերիկայի Միացյալ Նահանգների դոլարին համարժեք դրամ, որը ներառում է՝

1) հագուստ, կոշիկ, հիգիենայի և կենցաղային պարագաներ և այն ամենը, ինչ անհրաժեշտ է մորն ու մանկանը $137000 (հարյուր երեսունյոթ հազար) Ամերիկայի Միացյալ Նահանգների դոլարին համարժեք դրամ արժողությամբ,

2) 15000 (տասնհինգ հազար) Ամերիկայի Միացյալ Նահանգների դոլարին համարժեք դրամը իրենից ներկայացնում է բեռով բեռնված կոնտեյների բեռնափոխադրման ծախսը:

3. Կոմունալ ծառայությունների ձեռքբերում (գազ, էլեկտրաէներգիա, ջուր)՝ $11000 (տասնմեկ հազար) Ամերիկայի Միացյալ Նահանգների դոլարին համարժեք դրամ:

4. Հեռախոսային և ինտերնետային ծառայությունների ձեռքբերում՝ $1500 (հազար հինգ հարյուր)

Ամերիկայի Միացյալ Նահանգների դոլարին համարժեք դրամ:

5. Գրասենյակային ծախսեր և գույքի ձեռքբերում՝ $12500 (տասներկու հազար հինգ հարյուր) Ամերիկայի Միացյալ Նահանգների դոլարին համարժեք դրամ:

6․ Մեքենայի շահագործման և տրանսպորտային ծախսեր $8000 (ութ հազար) Ամերիկայի Միացյալ Նահանգների դոլարին համարժեք դրամ:

11.

Կազմակերպական ծախսեր

2024 թվականի հունվարի 1-ից մինչև 2024 թվականի դեկտեմբերի 31-ը կազմակերպական ծախսերը կազմում են $43000 (քառասուներեք հազար) Ամերիկայի Միացյալ Նահանգների դոլարին համարժեք դրամ՝

1․ Կոմունալ ծախսեր (գազ, էլեկտրաէներգիա, ջուր)՝ $11000 (տասնմեկ հազար) Ամերիկայի Միացյալ Նահանգների դոլարին համարժեք դրամ:

2․ Հեռախոսային և ինտերնետային ծառայություններ՝ $1500 (հազար հինգ հարյուր) Ամերիկայի Միացյալ Նահանգների դոլարին համարժեք դրամ:

3. Հոգեբանի անվճար ծառայություն (հոգեբանի աշխատավարձը հոգում է հիմնադրամը)՝ $10000 (տասը հազար) Ամերիկայի Միացյալ Նահանգների դոլարին համարժեք դրամ:

4. Գրասենյակային ծախսեր և գույքի ձեռքբերում՝ $12500 (տասներկու հազար հինգ հարյուր) Ամերիկայի Միացյալ Նահանգների դոլարին համարժեք դրամ:

5. Մեքենայի շահագործման և տրանսպորտային ծախսեր $8000 (ութ հազար) Ամերիկայի Միացյալ Նահանգների դոլարին համարժեք դրամ:

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

1․ Աշխատանքի և սոցիալական հարցերի նախարարություն 2․ Հայաստանի Հանրապետության ոստիկանություն

3․ Առողջապահության նախարարություն

4․ Կրթության, գիտության, մշակույթի և սպորտի նախարարություն

5․ Տեղական հասարակական, բարեգործական կազմակերպություններ, հիմնադրամներ, համայնքներ և թաղապետարաններ, մարզպետարաններ

6․ Հասարակական կազմակերպություններ, որոնք առնչվում են ընտանեկան բռնության և ընտանեկան համակարգի հետ

13.

Ծրագրի արդյունավետության

նկատմամբ վերահսկողության

մեխանիզմների նկարագրությունը

1․ Ծրագրի իրականացման վերաբերյալ տեղեկության ներկայացում հիմնադիր-գործադիր տնօրենին և

հոգաբարձուների խորհրդին:

2․ Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով տեղեկությունների ներկայացում լիազոր մարմնին: