ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2018 ԹՎԱԿԱՆԻ ԴԵԿՏԵՄԲԵՐԻ 24-Ի ԹԻՎ 82-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետի և 18-րդ հոդվածի 4-րդ մասի, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հայաստանի Հանրապետության վիճակագրության պետական խորհրդի 2018 թվականի դեկտեմբերի 24-ի ««Կոյուղու աշխատանքի մասին» Ձև 1-կոյուղի (տարեկան) վիճակագրական ամփոփ հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2002 թվականի օգոտոսի 12-ի թիվ 177-Ն որոշումն ուժը կորցրած ճանաչելու մասին» թիվ 82-Ն որոշման (այսուհետ՝ որոշում) 1-ին և 2-րդ կետերով հաստատված հավելված 1-ը և հավելված 2-ը շարադրել նոր խմբագրությամբ՝ համաձայն հավելված 1-ի և հավելված 2-ի:

2. Որոշման 2-րդ կետից հանել «ձևի» բառը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Նախագահ՝

Ս. Մնացականյան

Հավելված 1 Հայաստանի Հանրապետության վիճակագրության պետական խորհրդի 2023 թվականի նոյեմբերի 1-ի թիվ 25-Ն որոշման

«Հավելված 1 Հայաստանի Հանրապետության վիճակագրության պետական խորհրդի 2018 թվականի դեկտեմբերի 24-ի թիվ 82-Ն որոշման

Բաժին 1. Կոյուղու ցանցերի միագիծ երկարությունները

կմ

Բաժին 2. Կոյուղի բաց թողնված կեղտաջրերի ծավալն

հազար խոր. մ

Բաժին 3. Ֆինանսական մուտքերը

հազար դրամ

Մարզ	Տողի ծած-կագիրը	Կոյուղու և կոյուղու ցանցերի արտադ-րական կա-րողություն-ների միջին տարեկան հաշվե-կշռային արժեքը	Մուտքեր, ընդա-մենը	այդ թվում`					Ջրհեռա-ցումից և կեղտաջրերի մաքրումից տարիների ընթացքում գոյացած պարտքերը		որից` բնակչու-թյունից
				բյուջեից	կեղտաջրերի բաց թողումից ստացված մուտքեր		նվիրատ-վութ-յունից	այլ մուտ-քեր	ընդա-մենը	հաշվե-տու տարում	ընդա-մենը	հաշվե-տու տարում
					ընդա-մենը	որից` բնակչու-թյունից
Ա	Բ	1	2	3	4	5	6	7	8	9	10	11
Ընդամենը ՀՀ	300
ք.Երևան	300.1
Արագածոտն	300.2
Արարատ	300.3
Արմավիր	300.4
Գեղարքունիք	300.5
Լոռի	300.6
Կոտայք	300.7
Շիրակ	300.8
Սյունիք	300.9
Վայոց ձոր	300.10
Տավուշ	300.11

Բաժին 4. Ֆինանսական ծախսերը

հազար դրամ

Հավելված 2 Հայաստանի Հանրապետության վիճակագրության պետական խորհրդի 2023 թվականի նոյեմբերի 1-ի թիվ 25-Ն որոշման

«Հավելված 2 Հայաստանի Հանրապետության վիճակագրության պետական խորհրդի 2018 թվականի դեկտեմբերի 24-ի թիվ 82-Ն որոշման

Հ Ր Ա Հ Ա Ն Գ

«ԿՈՅՈՒՂՈՒ ԱՇԽԱՏԱՆՔԻ ՄԱՍԻՆ» ՁԵՎ 1- ԿՈՅՈՒՂԻ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը կարգավորում է «Կոյուղու աշխատանքի մասին» Ձև 1-կոյուղի (տարեկան) վիճակագրական ամփոփ հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

 2. Հաշվետվությունը ներկայացնում են Հայաստանի Հանրապետությունում գործող ջրամատակարարմամբ և ջրահեռացմամբ զբաղվող կազմակերպությունները (այսուհետ՝ ռեսպոնդենտներ), որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում են Հայաստանի Հանրապետության վիճակագրական կոմիտե` մինչև հաշվետու ժամանակաշրջանին հաջորդող տարվա ապրիլի 1-ը:

4. Հաշվետվություն չեն ներկայացնում, եթե իրականացնում են.

1) միայն տեխնիկական հոսքաջրերի հեռացում,

2) միայն մթնոլորտային տեղումների (առանձին կոյուղիներ) հեռացում:

5. Հաշվետվության առաջին և երկրորդ բաժինները լրացվում են ըստ հանրապետության, մարզերի, ըստ մարզի առանձին քաղաքների և ամփոփ գյուղական վայրերի, իսկ երրորդ և չորորդ բաժիններն` ըստ հանրապետության և մարզերի:

6. Հաշվետվության դիմային էջի «Փաստացի գործունեության հիմնական տեսակի» ծածկագիրը ռեսպոնդենտները լրացնում են՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

 7. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԼՐԱՑՄԱՆ ԿԱՐԳԸ

8. Բաժին 1-ում լրացվում է կոյուղու ցանցերի միագիծ երկարությունները, որտեղ՝

1) սյունակ 1-ում լրացվում է գլխավոր կոլեկտորների միագիծ երկարությունները,

2) սյունակ 2-ում լրացվում է միջթաղային և միջբակային ցանցերի միագիծ երկարությունը,

3) սյունակ 3-ում լրացվում է կոյուղու փողոցային ցանցերի միագիծ երկարությունը, որից առանձնացվում է փոխարինման կարիք ունեցող ցանցերի միագիծ երկարությունը (սյունակ 4):

9. Բաժին 2-ում լրացվում է կոյուղի բաց թողնված կեղտաջրերի ծավալն, որտեղ՝

1) սյունակ 1-ում լրացվում է կոյուղի բաց թողնված կեղտաջրերի քանակը: Հաշվետու տարում կոյուղի բաց թողնված կեղտաջրերի փաստացի քանակությունը որոշվում է բաժանորդների կողմից ներկայացված հաշիվներով: Բաժանորդից հեռացված կեղտաջրերի քանակության հաշվառման հիմքերի բացակայության դեպքում, կեղտաջրերի քանակը ընդունում են հավասար ջրմուղով ստացված ջրի քանակությանը: Եթե բաժանորդն ունի ջրամատակարարման այլ աղբյուրներ (սեփական ջրամբար, աղբյուր և այլն), ապա կոյուղի բաց թողնված կեղտաջրերի քանակությունը որոշվում է բաժանորդի կողմից փաստացի ստացած ջրի ծավալով (չափիչ սարքերի, պոմպերի արտադրողականությամբ, տեխնոլոգիական կարիքների համար օգտագործված ջրով և այլն), կամ հեռացվող կեղտաջրերի քանակի փաստացի չափումներով:

2) սյունակ 2-ում լրացվում է կոյուղի բաց թողնված կեղտաջրերի ընդհանուր քանակից կոյուղու առանձին ցանցերից ընդունված կեղտաջրերի քանակը,

3) սյունակ 3-ում լրացվում է մաքրող սարքավորումներով բաց թողնված կեղտաջրերի քանակությունը, որը որոշվում է այդ սարքավորումների վրա տեղադրված չափիչ սարքերի տվյալներով: Եթե կեղտաջրերի մաքրումը կատարվում է միայն կոշտ պարզեցմամբ (կեղտաջրերն անցկացվում են ցանցերի կամ ցանցապատերի միջով), ապա այդ կեղտաջրերը «մաքրող սարքավորումներով բաց թողնված կեղտաջրեր» ցուցանիշի մեջ չեն հաշվառվում,

3) սյունակ 4-ում լրացվում է առանց մաքրման հեռացված, սյունակ 5-ում՝ այլ կոյուղիներում հեռացված կեղտաջրերի քանակները:

10. Բաժին 3-ում լրացվում է բոլոր տեսակի ֆինանսական մուտքերը, որտեղ՝

1) սյունակ 1-ում լրացվում է կոյուղու և կոյուղու ցանցերի արտադրական կարողությունների միջին տարեկան հաշվեկշռային արժեքը,

2) սյունակ 2-ում լրացվում է բոլոր տեսակի ֆինանսական մուտքերը, որից առանձնացվում է բյուջեից մուտքերը (սյունակ 3), բաց թողնված կեղտաջրերից ստացված մուտքերը (սյունակ 4), մուտքեր նվիրատվությունից (սյունակ 6) և այլ մուտքեր (սյունակ 7): Սյունակ 4–ից առանձնացվում է բնակչությունից ստացված մուտքերը (սյունակ 5):

3) սյունակ 8-ում լրացվում են ջրահեռացումից և կեղտաջրերի մաքրումից տարիների ընթացքում գոյացած պարտքերը, որից հաշվետու տարում գոյացածը` սյունակ 9-ում: Բնակչությանը մատուցված ծառայություններից գոյացած պարտքերի մասով` համապատասխանաբար 10 և 11 սյունակներում:

11. Բաժին 4-ում լրացվում է ֆինանսական ծախսերը, որտեղ՝

1) սյունակ 1-ում լրացվում է ընդհանուր ծախսերը,

2) «նյութական ծախսեր» սյունակ 2-ում լրացվում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

3) «ոչ նյութական ծառայությունների վճարումները»՝ սյունակ 3-ում, լրացվում են աշխատողների մասնագիտական պատրաստմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

4) «գործուղման ծախսեր»՝ սյունակ 4-ում, լրացվում են հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները,

5) «աշխատավարձ և դրան հավասարեցված այլ վճարումներ» սյունակ 5-ում լրացվում են հաշվետու ժամանակահատվածում բոլոր աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական աշխատավարձը, լրացուցիչ աշխատավարձը՝ հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները,

6) սյունակ 6-ում լրացվում են կազմակերպությունների կողմից կատարված շենքերի և շինությունների, ինչպես նաև մեքենաների և սարքավորումների ձեռքբերման և վերանորոգման ծախսերը,

7) սույն կետի 1-6-րդ ենթակետերում նշված սյունակներում չընդգրկված և ընթացիկ գործունեության հետ կապված այլ ծախսերը լրացվում են սյունակ 7-ում:

12. Ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը:

13. Ֆինանսական մուտքերի և ծախսերի վերաբերյալ տվյալները լրացվում են հաշվապահական հաշվառման փաստաթղթերի համապատասխան տողերի հիման վրա:»:

Պաշտոնական հրապարակման օրը՝ 9 նոյեմբերի 2023 թվական: