ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԳՅՈՒՄՐԻ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

«24» դեկտեմբերի 2020 թվական N 223-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ 2021 ԹՎԱԿԱՆԻ ԲՅՈՒՋԵՆ ՀԱՍՏԱՏԵԼՈՒ ՄԱՍԻՆ

 Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետի, «Հայաստանի Հանրապետության բյուջետային համակարգի մասին» օրենքի 6-րդ հոդվածի 2-րդ մասի, 27-33-րդ հոդվածների դրույթներով և հիմք ընդունելով Գյումրի համայնքի ղեկավարի կողմից ներկայացված Գյումրի համայնքի 2021 թվականի բյուջեի նախագիծը՝ Գյումրի համայնքի ավագանին որոշում է.

1. Հաստատել Հայաստանի Հանրապետության Շիրակի մարզի Գյումրի համայնքի 2021 թվականի բյուջեն՝ համաձայն հավելվածի, ծախսերի և եկամուտների հետևյալ հաշվեկշռվածությամբ՝

1) եկամուտներ՝ 5 374 536 918 (հինգ միլիարդ երեք հարյուր յոթանասունչորս միլիոն հինգ հարյուր երեսունվեց հազար ինը հարյուր տասնութ) Հայաստանի Հանրապետության դրամ,

2) ծախսեր՝ 6 129 478 818 (վեց միլիարդ մեկ հարյուր քսանինը միլիոն չորս հարյուր յոթանասունութ հազար ութ հարյուր տասնութ) Հայաստանի Հանրապետության դրամ:

(1-ին կետը փոփ. 09.02.21 N 4-Ն, 10.03.21 N 23-Ն)

◙(1-ին կետում 14.05.21 N 94-Ն որոշման 1-ին կետով նախատեսված փոփոխությունները չեն իրականացվել հիմնական և փոփոխող իրավական ակտերի միջև առկա տեքստային անհամապատասխանության պատճառով:)

1. Սահմանել որ՝

Համայնքի ղեկավարը համայնքի 2021 թվականի բյուջեի կատարման ընթացքում կարող է կատարել վերաբաշխումներ բյուջեով հաստատված հատկացումների ընդհանուր գումարի 10%-ի սահմաններում, սույն որոշումով հաստատված ծախսերի գործառական դասակարգման առանձին խմբերի և ենթախմբերի, ինչպես նաև ենթախմբերի ներսում, այն պայմանով, որ թույլ չտրվի սույն որոշմամբ յուրաքանչյուր ենթախմբի գծով նախատեսված հատկացումների կրճատում ոչ ավել, քան 20%-ի չափով կամ ավելացում 35%-ից ավելի չափով:

3. Թույլատրել համայնքի ղեկավարին սույն որոշմամբ հաստատված հատկացումների սահմաններում.

1) համայնքի ավագանու մշտական գործող համապատասխան հանձնաժողովի ներկայացմամբ հաստատել սոցիալական ծրագրերով նախատեսված ծառայությունների և շահառուների ցանկն ու կազմակերպել վճարումների կատարումը,

2) բյուջետային ծախսերի տնտեսագիտական դասակարգման այլ ծախսերի (միջոցառումների կազմակերպում), նվիրատվությունների և սուբսիդիաների համար նախատեսված հոդվածներով հատկացումների վերծանումը և ծախսերի իրականացումը:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 Հայաստանի Հանրապետության Շիրակի մարզի Գյումրի համայնքի ավագանի

Կողմ (23)	Դեմ (0)	Ձեռնպահ (0)
Հ. Կարապետյան
Լ. Խաչատրյան
Տ. Հովհաննիսյան
Մ. Սահակյան
Լ. Սանոյան
Վ. Եդիգարյան
Ա. Գրիգորյան
Վ. Հունանյան
Գ. Սարգսյան
Կ. Միքայելյան
Տ. Փանոսյան Գ. Գրիգորյան
Կ. Թաթարյան
Ս. Աստոյան
Ա. Խաչատրյան
Ա. Աղանյան
Հ. Եղիազարյան
Լ. Բարսեղյան
Ա. Վարդանյան
Ա. Խաչատրյան Գ. Մաթևոսյան Ա. Ղարաղազանյան
Հ. Պողոսյան Ա. Առաքելյան

Հայաստանի Հանրապետության Շիրակի մարզի Գյումրի համայնքի ղեկավար`	ՍԱՄՎԵԼ ԲԱԼԱՍԱնյան
ք. Գյումրի «24» դեկտեմբերի 2020 թվական

 

Հավելված Հայաստանի Հանրապետության Շիրակի մարզի Գյումրի համայնքի ավագանու 2020 թվականի դեկտեմբերի 24-ի N 223-Ն որոշման

(հավելվածները խմբ., լրաց. 09.02.21 N 4-Ն, խմբ. 10.03.21 N 23-Ն, 14.05.21 N 94-Ն)

Պաշտոնական հրապարակման օրը՝ 5 օգոստոսի 2021 թվական: