ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

23 նոյեմբերի 2023 թվականի N 2035-Ն

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները, Հայաստանի Հանրապետության կառավարության 2021 թվականի նոյեմբերի 18-ի N 1902-Լ որոշման N 1 հավելվածի «Առողջապահության նախարարություն» բաժնի 17-րդ կետի 17.5-րդ ենթակետը` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2020 թվականի դեկտեմբերի 17-ի «2021-2025 թվականների իմունականխարգելման ազգային ծրագիրը և իմունականխարգելման ազգային ծրագրի գերակա միջոցառումների ցանկը» պետական ծրագիրը հաստատելու մասին» N 2129-Ն որոշման (այսուհետ՝ որոշում) մեջ կատարել հետևյալ փոփոխությունները և լրացումները՝

1) որոշման N 1 հավելվածի 2-րդ բաժնի «1. Պատվաստումների ազգային օրացույց»-ը շարադրել նոր խմբագրությամբ՝ համաձայն հավելվածի.

2) որոշման N 1 հավելվածը 64-րդ կետից հետո լրացնել հետևյալ բովանդակությամբ նոր՝ 64.1-ին կետով.

«64.1 Ջրծաղիկի դեմ պատվաստումներն իրականացվում են՝

1) ջրծաղիկի դեմ պատվաստումները կատարվում են 2 դեղաչափ, առաջին դեղաչափը կատարվում է 12 ամսական երեխաներին, երկրորդ դեղաչափը՝ 4-6 տարեկան երեխաներին.

2) նախազորակոչային և զորակոչային տարիքի չպատվաստված անձինք ստանում են 2 դեղաչափ՝ առնվազն 4 շաբաթ ընդմիջումով.

3) չպատվաստված անձինք ստանում են 2 դեղաչափ՝ առնվազն 4 շաբաթ ընդմիջումով.

4) համաճարակաբանական ցուցումով կարող են իրականացվել լրացուցիչ պատվաստումներ՝ առողջապահության բնագավառի լիազոր մարմնի ղեկավարի հրամանով:».

3) որոշման N 1 հավելվածի 68-րդ կետի 1-ին ենթակետը շարադրել հետևյալ խմբագրությամբ.

«1) նախազորակոչային և զորակոչային տարիքում վիրուսային հեպատիտ Ա-ի դեմ պատվաստումը կատարվում է միանվագ՝ 1 դեղաչափ: Տվյալ տարիքին համապատասխան դեղաչափը կարող է փոխվել պատվաստանյութին ուղեկցող հրահանգին համապատասխան.».

4) որոշման N 1 հավելվածը 70-րդ կետից հետո լրացնել հետևյալ բովանդակությամբ նոր՝ 70.1-ին կետով.

«70.1. Կորոնավիրուսայինհիվանդության (COVID-19) դեմ պատվաստումներն իրականացվում են ռիսկի խմբերի շրջանում: Ռիսկի խմբերը սահմանվում են առողջապահության բնագավառի լիազոր մարմնի ղեկավարի հրամանով:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. Փաշինյան
Երևան

23.11.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2023 թվականի նոյեմբերի 23-ի N 2035-Ն որոշման

« 1. ՊԱՏՎԱՍՏՈՒՄՆԵՐԻ ԱԶԳԱՅԻՆ ՕՐԱՑՈՒՅՑ

Պատվաստանյութի անվանումը Պատվաստման հերթական դեղաչափը Պատվաստման ժամկետը Հիվանդությունը/հակածինը ՎՀԲ 1 ծնվելուց հետո՝ 0-24 ժամվա ընթացքում Վիրուսային հեպատիտ Բ ԲՑԺ 1 ծնվելուց հետո՝ 0-48 ժամվա ընթացքում Տուբերկուլյոզ ԱԿԴՓ/ՎՀԲ/ՀԻԲ/ԻՊՊ (DTaP/HepB/Hib/IPV, վեցավալենտ) 1 6 շաբաթական Վեցավալենտ՝ դիֆթերիա, փայտացում, կապույտ հազ, վիրուսային հեպատիտ Բ, հեմոֆիլուս ինֆլուենզա Բ տիպի վարակ, ինակտիվացված պոլիոմիելիտ (թույլատրվում է նաև տվյալ տարիքի համար այլ հակածինների հետ համակցված) ՌՈՏԱ Ռոտավիրուսային վարակ ՊՆԵՎՄՈ (առնվազն 13- վալենտ, կոնյուգացված) Պնևմակոկային վարակ ԱԿԴՓ/ՎՀԲ/ՀԻԲ/ԻՊՊ (DTaP/HepB/Hib/IPV, վեցավալենտ) 2 12 շաբաթական Վեցավալենտ՝ դիֆթերիա, փայտացում, կապույտ հազ, վիրուսային հեպատիտ Բ, հեմոֆիլուս ինֆլուենզա Բ տիպի վարակ, ինակտիվացված պոլիոմիելիտ (թույլատրվում է նաև տվյալ տարիքի համար այլ հակածինների հետ համակցված) ՌՈՏԱ Ռոտավիրուսային վարակ ՊՆԵՎՄՈ (առնվազն 13- վալենտ, կոնյուգացված) Պնևմակոկային վարակ ԱԿԴՓ/ՎՀԲ/ՀԻԲ/ԻՊՊ (DTaP/HepB/Hib/IPV, վեցավալենտ) 3 18 շաբաթական Վեցավալենտ՝ դիֆթերիա, փայտացում, կապույտ հազ, վիրուսային հեպատիտ Բ, հեմոֆիլուս ինֆլուենզա Բ տիպի վարակ, ինակտիվացված պոլիոմիելիտ (թույլատրվում է նաև տվյալ տարիքի համար այլ հակածինների հետ համակցված) ՊՆԵՎՄՈ (առնվազն 13- վալենտ, կոնյուգացված) Պնևմակոկային վարակ ԿԿԽ 1 12 ամսական Կարմրուկ, կարմրախտ, խոզուկ` համակցված ՋՐԾԱՂԻԿԻ ԴԵՄ (2024 թվականից) 1 12 ամսական Ջրծաղիկ ԱԿԴՓ/ԻՊՊ (DTaP/IPV քառավալենտ կամ այլ համակցված) 1 18 ամսական Դիֆթերիա, փայտացում, կապույտ հազ, ինակտիվացված պոլիոմիելիտ (թույլատրվում է նաև տվյալ տարիքի համար այլ հակածինների հետ համակցված՝ վիրուսային հեպատիտ Բ, հեմոֆիլուս ինֆլուենզա Բ տիպի վարակ՝ ՀԻԲ/ՎՀԲ) ԱԿԴՓ/ԻՊՊ (DTaP/IPV, քառավալենտ կամ այլ համակցված) 2 6 տարեկան Կապույտ հազ (ոչ բջջային), դիֆթերիա, փայտացում, ինակտիվացված պոլիոմիելիտ (թույլատրվում է նաև տվյալ տարիքի համար այլ հակածինների հետ համակցված) ԿԿԽ 2 4-6 տարեկան Կարմրուկ, կարմրախտ, խոզուկ` համակցված ՋՐԾԱՂԻԿԻ ԴԵՄ (2027 թվականից) 2 4-6 տարեկան Ջրծաղիկ ՄՊՊ 1 13 տարեկան Մարդու պապիլոմավիրուսային վարակի դեմ պատվաստանյութ 2 Առաջին դեղաչափից 6 ամիս հետո ԱՓԴԿ (Tdap) 2 15-16 տարեկան Փայտացում, դիֆթերիա, կապույտ հազ (ոչ բջջային) (թույլատրվում է նաև տվյալ տարիքի համար այլ հակածինների հետ համակցված) ՄԵՆԻՆԳԱԿՈԿԱՅԻՆ 1 15-16 տարեկան Մենինգակոկային քառավալենտ կոնյուգացված ՊՆԵՎՄՈ (13- վալենտ, կոնյուգացված) 1 Պնևմակոկային վարակ ԿԿԽ 2 դեղաչափի բացակայության դեպքում Կարմրուկ, կարմրախտ, խոզուկ` համակցված ՋՐԾԱՂԻԿԻ ԴԵՄ (2024 թվականից) 1 15-16 տարեկան Ջրծաղիկ 2 Առաջին դեղաչափից 4 շաբաթ հետո ՎՀԱ 1 15-16 տարեկան Վիրուսային հեպատիտ Ա ՏՈՒԼԱՐԵՄԻԱՅԻ ԴԵՄ 1 17 տարեկան Տուլարեմիա ԱԴՓ-Մ 1 26-30 տարեկան Դիֆթերիա, փայտացում` համակցված 2 36-40 տարեկան 3 46-50 տարեկան 4 56-60 տարեկան ՍԵԶՈՆԱՅԻՆ ԳՐԻՊԻ ԴԵՄ Ըստ հրահանգի Ռիսկի խմբեր Սեզոնային գրիպ ՎՀԲ Վիրուսային հեպատիտ Բ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ ԴԵՄ Կորոնավիրուսային հիվանդություն ԿԱՏԱՂՈՒԹՅԱՆ ԴԵՄ Համաճարակաբանական ցուցումով Կատաղություն

»:

Հայաստանի Հանրապետության վարչապետի աշխատակազմի ղեկավար

Ա. ՀԱՐՈՒԹՅՈՒՆՅԱՆ

23.11.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 23 նոյեմբերի 2023 թվական: