ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

11 մայիսի 2023 թվականի

թիվ 60

քաղ. Մոսկվա

2022 թվականի մայիսի 19-ի «Եվրասիական տնտեսական միությունում փոխադրումների հետագծման համար նավիգացիոն կապարակնիքների կիրառման մասին» համաձայնագրի 3-րդ հոդվածի 3-րդ կետի երկրորդ պարբերության իրագործման նպատակով` Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող՝

այն ապրանքների ռեեստրի ձևը, որոնց նկատմամբ Եվրասիական տնտեսական միության անդամ պետությունների կողմից կիրառվում են հատուկ տնտեսական միջոցներ․

Եվրասիական տնտեսական միության անդամ պետությունների կողմից ներկայացվող այն ապրանքների մասին տեղեկատվության կազմը, որոնց նկատմամբ անդամ պետությունների կողմից կիրառվում են հատուկ տնտեսական միջոցներ

Եվրասիական տնտեսական միության անդամ պետությունների կողմից ներկայացվող այն ապրանքների վերաբերյալ տեղեկատվության ներկայացման կարգը, որոնց նկատմամբ անդամ պետությունների կողմից կիրառվում են հատուկ տնտեսական միջոցներ։

2. Դիմել Եվրասիական տնտեսական միության անդամ պետություններին` Եվրասիական տնտեսական հանձնաժողով այն ապրանքների վերաբերյալ տեղեկատվություն ներկայացնելու խնդրանքով, որոնց նկատմամբ անդամ պետությունների կողմից կիրառվում են հատուկ տնտեսական միջոցներ՝ սույն որոշմամբ հաստատված ձևով՝ անդամ պետությունների տարածքներով նավիգացիոն կապարակնիքների կիրառմամբ փոխադրումների հետագծման ներդրման մասին Հանձնաժողովի որոշումն ուժի մեջ մտնելու օրվանից ոչ ուշ, քան 10 աշխատանքային օր առաջ՝ Եվրասիական տնտեսական միության պաշտոնական կայքում ապրանքների ռեեստրի տեսքով դրա նախնական տեղադրման համար։

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

ՀԱՍՏԱՏՎԱԾ Է Եվրասիական տնտեսական հանձնաժողովի կոլեգիայի 2023 թվականի մայիսի 11-ի թիվ 60 որոշմամբ

Ապրանքի անվանումը	ԵԱՏՄ ԱՏԳ ԱԱ ծածկագիրը	ԵԱՏՄ ԱՏԳ ԱԱ ծածկագրի կիրառման առանձնահատկությունները և ապրանքի անվանումը	Հատուկ տնտեսական միջոցների կիրառումը, երկարաձգումը և (կամ) չեղարկումը սահմանող Եվրասիական տնտեսական միության անդամ պետությունների նորմատիվ իրավական ակտ	Եվրասիական տնտեսական միության անդամ պետությունում հատուկ տնտեսական միջոցների կիրառումն սկսելու և ավարտելու ամսաթիվը (կամ գործողության ժամկետը)	Նույնականացման տեղեկություններ՝ փոխադրվող ապրանքներն այն ապրանքների շարքին դասելու նպատակով, որոնց նկատմամբ Եվրասիական տնտեսական միության անդամ պետության կողմից որոշում է ընդունվել հատուկ տնտեսական միջոցների կիրառման մասին
1.	2.	3.	4.	5.	6.

ՀԱՍՏԱՏՎԱԾ Է Եվրասիական տնտեսական հանձնաժողովի կոլեգիայի 2023 թվականի մայիսի 11-ի թիվ 60 որոշմամբ

1. Ապրանքի անվանումը

2. ԵԱՏՄ ԱՏԳ ԱԱ ծածկագիրը

3. ԵԱՏՄ ԱՏԳ ԱԱ ծածկագրի կիրառման առանձնահատկությունները և ապրանքի անվանումը

4. Հատուկ տնտեսական միջոցների կիրառումը, երկարաձգումը և (կամ) չեղարկումը սահմանող՝ Եվրասիական տնտեսական միության անդամ պետության նորմատիվ իրավական ակտի անվանումը և վավերապայմանները։

5. Եվրասիական տնտեսական միության անդամ պետությունում հատուկ տնտեսական միջոցների կիրառումն սկսելու և ավարտելու ամսաթիվը (կամ գործողության ժամկետը)։

6. Նույնականացման տեղեկություններ՝ փոխադրվող ապրանքներն այն ապրանքների շարքին դասելու նպատակով, որոնց նկատմամբ Եվրասիական տնտեսական միության անդամ պետության կողմից որոշում է ընդունվել հատուկ տնտեսական միջոցների կիրառման մասին։

ՀԱՍՏԱՏՎԱԾ Է Եվրասիական տնտեսական հանձնաժողովի կոլեգիայի 2023 թվականի մայիսի 11-ի թիվ 60 որոշմամբ

1. Այն ապրանքների մասին տեղեկատվություն ներկայացնելը, որոնց նկատմամբ Եվրասիական տնտեսական միության անդամ պետությունները (այսուհետ՝ անդամ պետություններ) կիրառում են հատուկ տնտեսական միջոցներ, իրականացնում են անդամ պետությունների հետևյալ գործադիր մարմինները (այսուհետ՝ գործադիր մարմիններ)՝

Հայաստանի Հանրապետությունում՝ Հայաստանի Հանրապետության էկոնոմիկայի նախարարություն,

Բելառուսի Հանրապետությունում՝ Բելառուսի Հանրապետության արտաքին գործերի նախարարություն,

Ղազախստանի Հանրապետությունում՝ Ղազախստանի Հանրապետության ֆինանսների նախարարության պետական եկամուտների կոմիտե,

Ղրղզստանի Հանրապետությունում՝ Ղրղզստանի Հանրապետության էկոնոմիկայի և կոմերցիայի նախարարություն,

Ռուսաստանի Դաշնությունում՝ Ռուսաստանի Դաշնության տնտեսական զարգացման նախարարություն։

2. Լիազորված մարմինները Եվրասիական տնտեսական հանձնաժողով տեղեկատվություն են ներկայացնում այն ապրանքների մասին, որոնց նկատմամբ անդամ պետությունների կողմից կիրառվում են հատուկ տնտեսական միջոցներ՝ նշված ապրանքների նկատմամբ հատուկ տնտեսական միջոցների կիրառումը, երկարաձգումը և (կամ) չեղարկումն սկսելու օրվանից ոչ ուշ, քան 3 աշխատանքային օր առաջ, իսկ հատուկ տնտեսական միջոցներ սահմանելիս, դրանց կիրառման ժամկետը երկարաձգելիս և այդպիսի միջոցները վերացնելիս՝ այն դեպքերում, որոնք պահանջում են օպերատիվ արձագանք, դրանց կիրառման, երկարաձգման և (կամ) չեղարկման օրվանից ոչ ուշ, քան 5 աշխատանքային օրվա ընթացքում։ Նշված տեղեկատվությունը ներկայացվում է Եվրասիական տնտեսական հանձնաժողովի կոլեգիայի 2023 թվականի մայիսի 11-ի N 60 որոշմամբ հաստատված այն ապրանքների ռեեստրի ձևով, որոնց նկատմամբ Եվրասիական տնտեսական միության անդամ պետությունները կիրառում են հատուկ տնտեսական միջոցներ՝ *x1sx. ձևաչափով։ Տեղեկատվությունն ուղարկվում է հետևյալ էլեկտրոնային հասցեին՝ cis@eecommission.org կամ անդամ պետությունների օրենսդրությամբ սահմանված կարգով՝ նշված էլեկտրոնային փոստի հասցեին ուղարկելով դրա կրկնօրինակը։

3. Եվրասիական տնտեսական հանձնաժողովը լիազորված մարմինների կողմից ներկայացվող տեղեկատվության հիման վրա արդիականացնում է այն ապրանքների ռեեստրը, որոնց նկատմամբ անդամ պետությունները կիրառում են հատուկ տնտեսական միջոցներ, և ապահովում է դրա տեղադրումը Եվրասիական տնտեսական միության պաշտոնական կայքում՝ ոչ ուշ, քան այդ տեղեկատվության ստացման օրվան հաջորդող օրվանից 10 աշխատանքային օրվա ընթացքում։

Պաշտոնական հրապարակման օրը՝ 11 հոկտեմբերի 2023 թվական: