ԵՎՐԱՍԻԱԿԱՆ ՏՆՏԵՍԱԿԱՆ ՀԱՄԱՅՆՔ
ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎ
Ո Ր Ո Շ ՈՒ Մ
9 դեկտեմբերի 2011 թվականի N 877
«ԱՆՎԱՎՈՐ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ԱՆՎՏԱՆԳՈՒԹՅԱՆ ՄԱՍԻՆ» ՄԱՔՍԱՅԻՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳԻ ԸՆԴՈՒՆՄԱՆ ՄԱՍԻՆ
Փոփոխող փաստաթղթերի ցանկ (Եվրասիական տնտեսական հանձնաժողովի խորհրդի 2013 թվականի հունվարի 30-ի N 6 որոշման, Եվրասիական տնտեսական հանձնաժողովի կոլեգիայի 2014 թվականի դեկտեմբերի 2-ի N 223 որոշման, Եվրասիական տնտեսական հանձնաժողովի խորհրդի 2015 թվականի մայիսի 28-ի N 27, 2015 թվականի հոկտեմբերի 14-ի N 78 որոշումների, Եվրասիական տնտեսական հանձնաժողովի կոլեգիայի 2016 թվականի հունիսի 7-ի N 65 որոշման, Եվրասիական տնտեսական հանձնաժողովի խորհրդի 2016 թվականի հուլիսի 11-ի N 56 որոշման, Եվրասիական տնտեսական հանձնաժողովի կոլեգիայի 2016 թվականի դեկտեմբերի 13-ի N 164 որոշման, Եվրասիական տնտեսական հանձնաժողովի խորհրդի 2018 թվականի փետրվարի 16-ի N 29 որոշման, Եվրասիական տնտեսական հանձնաժողովի կոլեգիայի 2018 թվականի դեկտեմբերի 25-ի N 219 որոշման, Եվրասիական տնտեսական հանձնաժողովի խորհրդի 2019 թվականի հունիսի 21-ի N 66 որոշման խմբագրությամբ, Ռոսստանդարտի 2017 թվականի մարտի 29-ի N 647 հրամանով կատարված փոփոխություններով)
«Բելառուսի Հանրապետությունում, Ղազախստանի Հանրապետությունում և Ռուսաստանի Դաշնությունում տեխնիկական կանոնակարգման միասնական սկզբունքների և կանոնների մասին» 2010 թվականի նոյեմբերի 18-ի համաձայնագրի 13-րդ հոդվածին համապատասխան՝ Մաքսային միության հանձնաժողովը (այսուհետ՝ Հանձնաժողով) որոշեց.
1. Ընդունել «Անվավոր տրանսպորտային միջոցների անվտանգության մասին» Մաքսային միության տեխնիկական կանոնակարգը (ՄՄ ՏԿ 018/2011) (կցվում է)։
2. Ուժը կորցրել է`
(Եվրասիական տնտեսական հանձնաժողովի կոլեգիայի 2018 թվականի դեկտեմբերի 25-ի N 219 որոշում)
3. Սահմանել՝
3.1. «Անվավոր տրանսպորտային միջոցների անվտանգության մասին» Մաքսային միության տեխնիկական կանոնակարգը (այսուհետ՝ Տեխնիկական կանոնակարգ) ուժի մեջ է մտնում 2015 թվականի հունվարի 1-ից.
3.2. Մաքսային միության նորմատիվ իրավական ակտերով կամ Մաքսային միության անդամ պետության օրենսդրությամբ սահմանված պարտադիր պահանջներին համապատասխանության գնահատման (հավաստման) մասին փաստաթղթերը, որոնք տրամադրվել կամ ընդունվել են Տեխնիկական կանոնակարգի տեխնիկական կանոնակարգման օբյեկտ հանդիսացող արտադրանքի առնչությամբ (այսուհետ՝ արտադրանք)՝ մինչև Տեխնիկական կանոնակարգն ուժի մտնելու օրը, վավերական են մինչև դրանց գործողության ժամկետի ավարտը, սակայն ոչ ուշ, քան 2016 թվականի հուլիսի 1-ը՝ բացառությամբ տրանսպորտային միջոցների և բաղադրիչների խմբաքանակների, որոնց գործողության ժամկետը սահմանափակվում է քանակական քվոտայով։
Նշված փաստաթղթերը, որոնք տրամադրվել կամ ընդունվել են մինչև սույն որոշման պաշտոնական հրապարակման օրը, վավերական են՝ մինչև դրանց գործողության ժամկետի ավարտը։
Նշված փաստաթղթերը կարող են նաև օգտագործվել որպես ապացուցողական նյութեր՝ սույն տեխնիկական կանոնակարգի պահանջների կատարումը ստուգելու նպատակով, այդ թվում՝ նշված փաստաթղթերի գործողությունը Մաքսային միության բոլոր անդամ պետությունների տարածքում տարածելու համար։
Սույն կետի առաջին պարբերության մեջ նշված փաստաթղթերը սույն տեխնիկական կանոնակարգով սահմանված կարգով տարածելիս՝ կիրառվում են նշված փաստաթղթերի ձևակերպման պահին՝ մինչև սույն տեխնիկական կանոնակարգն ուժի մեջ մտնելը գործող պահանջները։ Նման դեպքում Տեխնիկական կանոնակարգի հիման վրա տրամադրված փաստաթղթի գործողության ժամկետը պետք է համապատասխանի այն փաստաթղթի գործողության ժամկետին, որը գործողության մեջ էր մինչև սույն տեխնիկական կանոնակարգն ուժի մեջ մտնելը։
Տեխնիկական կանոնակարգն ուժի մեջ մտնելու օրվանից սկսած Մաքսային միության նորմատիվ իրավական ակտերով կամ Մաքսային միության անդամ պետության օրենսդրությամբ ավելի վաղ սահմանված պարտադիր պահանջներին արտադրանքի համապատասխանության գնահատման (հավաստման) մասին փաստաթղթերի տրամադրում կամ ընդունում չի թույլատրվում.
3.2.1. Բելառուսի Հանրապետությունում և Ռուսաստանի Դաշնությունում ազգային օրենսդրությանը համապատասխան` մինչև տեխնիկական կանոնակարգն ուժի մեջ մտնելը տրամադրված N3, O3 և O4 կատեգորիաների տրանսպորտային միջոցների տիպի հաստատումներն ունեն ուղղակի գործողություն Ղազախստանի Հանրապետության տարածքում մինչև դրանց գործողության ժամկետի ավարտը, սակայն 2016 թվականի հուլիսի 1-ից ոչ ուշ.
(3.2.1 ենթակետն ավելացվել է Եվրասիական տնտեսական հանձնաժողովի խորհրդի 2015 թվականի մայիսի 28-ի N 27 որոշմամբ)
3.2.2. Սույն Որոշման 3.2.1 ենթակետին համապատասխան՝ Ղազախստանի Հանրապետության տարածքում շրջանառության մեջ դրված տրանսպորտային միջոցների թիվը չի կարող գերազանցել N3 կատեգորիայի համար 2100 հատը, O3 և O4 կատեգորիաների համար՝ 2100 հատը.
(3.2.2 ենթակետն ավելացվել է Եվրասիական տնտեսական հանձնաժողովի խորհրդի 2015 թվականի մայիսի 28-ի N 27 որոշմամբ, Եվրասիական տնտեսական հանձնաժողովի կոլեգիայի 2016 թվականի հունիսի 7-ի N 65 որոշման խմբագրությամբ)
3.2.3. Ղազախստանի Հանրապետության տարածքում արտադրվող «Toyota» (առևտրային անվանումը՝ «Fortuner») տրանսպորտային միջոցի նկատմամբ տեխնիկական կանոնակարգն ուժի մեջ մտնելուց առաջ տրամադրած կամ ընդունած Ղազախստանի Հանրապետության օրենսդրությամբ սահմանված պարտադիր պահանջներին համապատասխանության գնահատման (հավաստման) փաստաթղթերը վավեր են մինչև 2017 թվականի մարտի 28-ը ներառյալ.
(3.2.3 ենթակետն ավելացվել է Եվրասիական տնտեսական հանձնաժողովի կոլեգիայի 2016 թվականի հունիսի 7-ի N 65 որոշմամբ)
3.2.4. 2016 թվականի հուլիսի 1-ից Ղազախստանի Հանրապետության տարածքում սույն որոշման 3.2.3 ենթակետին համապատասխան շրջանառության մեջ դրված տրանսպորտային միջոցների թիվը չի կարող գերազանցել 1900 հատը.
(3.2.4 ենթակետն ավելացվել է Եվրասիական տնտեսական հանձնաժողովի կոլեգիայի 2016 թվականի հունիսի 7-ի N 65 որոշմամբ)
3.2.5. Մինչև 2024 թվականի հունվարի 31-ը ներառյալ թույլատրվում է չհանդերձել M1, М2, Мз, N1, N2 և N3 կատեգորիաների այն տրանսպորտային միջոցները (հենասարքերը) արտակարգ օպերատիվ ծառայությունների կանչի սարքվածքով կամ համակարգով կամ լրահանդերձել Տեխնիկական կանոնակարգի 1-ին կետի երկրորդ պարբերությանը համապատասխան ընդունված՝ Եվրասիական տնտեսական միության անդամ պետության նորմատիվ իրավական ակտերով սահմանված պարտադիր պահանջներին համապատասխանող սարքվածքով կամ համակարգով (բացառությամբ վտանգավոր բեռների փոխադրման համար նախատեսված տրանսպորտային միջոցների և երեխաների փոխադրման համար հատուկ նախատեսված տրանսպորտային միջոցների), որոնք պատրաստված են Եվրասիական տնտեսական միության մաքսային տարածքում և, որոնց նկատմամբ գործում են տրանսպորտային միջոցի տեսակի հաստատումները (հենասարքի տեսակի հաստատումները):
Սույն ենթակետի առաջին պարբերությունում նշված տրանսպորտային միջոցները (հենասարքերը) պետք է մինչև 2024 թվականի դեկտեմբերի 31-ը տրանսպորտային միջոցի (հենասարքի) արտադրողի կողմից լրահանդերձված լինեն արտակարգ օպերատիվ ծառայությունների կանչի սարքվածքով կամ համակարգով:
Սույն որոշումն ուժի մեջ մտնելու օրվանից մինչև 2023 թվականի հունվարի 31-ը շրջանառության մեջ բաց թողնված այդպիսի տրանսպորտային միջոցների (հենասարքերի) իրացումն առանց արտակարգ օպերատիվ ծառայությունների կանչի սարքվածքների կամ համակարգերի, իրականացվում է տրանսպորտային միջոցները (հենասարքերը) արտակարգ օպերատիվ ծառայությունների կանչի սարքվածքով կամ համակարգով լրահանդերձելու անհրաժեշտության մասին սպառողներին պարտադիր տեղեկացնելու և տրանսպորտային միջոցի էլեկտրոնային անձնագրում (տրանսպորտային միջոցի հենասարքի էլեկտրոնային անձնագրում) համապատասխան տեղեկատվությունը նշելու պայմանով:
Եվրասիական տնտեսական միության մեկ անդամ պետության տարածքում արտադրված և դրա տարածքում շահագործման մեջ գտնվող տրանսպորտային միջոցները (հենասարքերը) Տեխնիկական կանոնակարգի պահանջներին համապատասխանող արտակարգ օպերատիվ ծառայությունների կանչի սարքվածքով կամ համակարգով լրացուցիչ չհանդերձելու դեպքում այդպիսի տրանսպորտային միջոցների (հենասարքերի) վրա 2024 թվականի դեկտեմբերի 31-ից տարածվում են սույն որոշման 3.2.6 ենթակետի երկրորդ պարբերության դրույթները:
Սույն որոշումը կատարելու նկատմամբ վերահսկողությունն ապահովվում է Եվրասիական տնտեսական միության անդամ պետությունների լիազորված մարմինների կողմից անդամ պետությունների օրենսդրությանը համապատասխան:
(3.2.5-րդ ենթակետը լրաց. ԵՏՀԿ 17.08.21 թիվ 101, փոփ. ԵՏՀԿ 21.12.21 թիվ 183, ԵՏՀԿ 14.06.22 թիվ 92, փոփ., լրաց. ԵՏՀԽ 23.09.22 թիվ 161)
3.2.6. Տեխնիկական կանոնակարգի I բաժնի 1-ին կետի երկրորդ պարբերության մեջ նշված տրանսպորտային միջոցները շրջանառության մեջ դնելն ու շահագործման մեջ գտնվելը թույլատրվում են դրանց անվտանգության ապահովման պայմանով և միայն Եվրասիական տնտեսական միության այն անդամ պետության տարածքում, որտեղ այդ տրանսպորտային միջոցներն արտադրվել են` բացառությամբ սույն կետի երկրորդ պարբերության մեջ նշված դեպքի: Այդպիսի տրանսպորտային միջոցների նկատմամբ Տեխնիկական կանոնակարգով նախատեսված՝ համապատասխանության գնահատման մասին փաստաթղթերի ձևակերպումն արգելվում է:
Արգելվում է տեխնիկական կանոնակարգի I բաժնի 1-ին կետի երկրորդ պարբերության մեջ նշված տրանսպորտային միջոցների տիրապետման, օգտագործման, տնօրինման իրավունքների իրականացումը Եվրասիական տնտեսական միության անդամ պետությունների տարածքներում, բացառությամբ այն անդամ պետության տարածքի, որտեղ արտադրվել են այդ տրանսպորտային միջոցները, եթե մյուս անդամ պետությունների օրենսդրությամբ այդ տրանսպորտային միջոցների նկատմամբ այլ բան սահմանված չէ:
(3.2.6-րդ ենթակետը լրաց. ԵՏՀԿ 05.04.22 թիվ 45)
3.2.7. Մինչև 2024 թվականի փետրվարի 1-ը Հայաստանի Հանրապետությունում, Ղազախստանի Հանրապետությունում թույլատրվում է Եվրասիական տնտեսական միության անդամ պետության տարածքում արտադրված կամ Եվրասիական տնտեսական միության այդպիսի անդամ պետության տարածք օտարերկրյա արտադրողների պաշտոնական ներկայացուցիչների կողմից ներմուծված՝ М և N կատեգորիաների տրանսպորտային միջոցների համապատասխանության գնահատումը և շրջանառության մեջ դնելը՝ առանց կիրառելու Տեխնիկական կանոնակարգի թիվ 2 հավելվածի 113-րդ ու 114-րդ կետերը և Տեխնիկական կանոնակարգի թիվ 3 հավելվածի 16-րդ և 17-րդ կետերը:
Մինչև 2024 թվականի փետրվարի 1-ը Բելառուսի Հանրապետությունում, Ղրղզստանի Հանրապետությունում և Ռուսաստանի Դաշնությունում առանց տրանսպորտային միջոցներն արտակարգ օպերատիվ ծառայությունների կանչի համակարգերով (սարքվածքներով) համալրելուն ներկայացվող պահանջների կիրառման, շրջանառության մեջ դրվող տրանսպորտային միջոցների համապատասխանության գնահատում անցկացնելու առանձնահատկությունները սահմանվում են համապատասխանաբար Բելառուսի Հանրապետության կառավարության, Ղրղզստանի Հանրապետության նախարարների կաբինետի կամ Ռուսաստանի Դաշնության կառավարության նորմատիվ իրավական ակտերին համապատասխան:
Արգելվում է սույն կետի առաջին և երկրորդ պարբերություններում նշված տրանսպորտային միջոցների տիրապետման, օգտագործման և տնօրինման իրավունքների իրականացումը Եվրասիական տնտեսական միության անդամ պետությունների տարածքներում, բացառությամբ Եվրասիական տնտեսական միության այն անդամ պետության տարածքի, որում այդ տրանսպորտային միջոցներն արտադրվել են կամ որի տարածք դրանք ներմուծվել են օտարերկրյա արտադրողների պաշտոնական ներկայացուցիչների կողմից, եթե Եվրասիական տնտեսական միության համապատասխան անդամ պետությունների օրենսդրությամբ այլ բան սահմանված չէ այդպիսի տրանսպորտային միջոցների նկատմամբ:
(3.2.7-րդ ենթակետը լրաց. ԵՏՀԿ 15.04.22 թիվ 77, փոփ. ԵՏՀԽ 23.09.22 թիվ 161)
3.2.8. Մինչև 2024 թվականի փետրվարի 1-ը Հայաստանի Հանրապետությունում, Բելառուսի Հանրապետությունում, Ղազախստանի Հանրապետությունում և Ղրղզստանի Հանրապետությունում թույլատրվում է սեփական կարիքների համար այդ պետությունների տարածքներ ներմուծվող М և N կատեգորիաների առանձին տրանսպորտային միջոցների համապատասխանության գնահատումը և շրջանառության մեջ բացթողումը՝ առանց տեխնիկական կանոնակարգի թիվ 4 հավելվածի 5-րդ բաժնի դրույթների կիրառման։
Սույն ենթակետի առաջին պարբերության մեջ նշված տրանսպորտային միջոցների տիրապետման, օգտագործման, տնօրինման իրավունքների իրականացումը Եվրասիական տնտեսական միության մյուս անդամ պետությունների տարածքներում չի թույլատրվում, եթե Եվրասիական տնտեսական միության համապատասխան անդամ պետությունների օրենսդրությամբ այդ տրանսպորտային միջոցների համար այլ բան սահմանված չէ։
(3.2.8-րդ ենթակետը լրաց. ԵՏՀԿ 21.06.22 թիվ 105, փոփ. ԵՏՀԽ 15.02.23 թիվ 20)
3.2.9. Տեխնիկական կանոնակարգի 1-ին կետի երրորդ պարբերության մեջ նշված տրանսպորտային միջոցները շրջանառության մեջ դնելը և շահագործման մեջ գտնվելը թույլատրվում են դրանց անվտանգությունն ապահովելու պայմանով և միայն այն պետության տարածքում, որտեղ ներմուծվել են այդ տրանսպորտային միջոցները (Հայաստանի Հանրապետության տարածքում կամ Բելառուսի Հանրապետության տարածքում): Այդ տրանսպորտային միջոցների նկատմամբ չի թույլատրվում տեխնիկական կանոնակարգով նախատեսված՝ համապատասխանության գնահատման մասին փաստաթղթերի ձևակերպումը:
Տեխնիկական կանոնակարգի 1-ին կետի երրորդ պարբերության մեջ նշված տրանսպորտային միջոցների տիրապետման, օգտագործման, տնօրինման իրավունքների իրականացումը չի թույլատրվում Եվրասիական տնտեսական միության անդամ պետությունների տարածքներում՝ բացառությամբ համապատասխանաբար Հայաստանի Հանրապետության տարածքի կամ Բելառուսի Հանրապետության տարածքի, եթե մյուս անդամ պետությունների օրենսդրությամբ այդ տրանսպորտային միջոցների նկատմամբ այլ բան սահմանված չէ:
(3.2.9-րդ ենթակետը լրաց. ԵՏՀԽ 19.08.22 թիվ 120)
3.2.11. Տեխնիկական կանոնակարգի I բաժնի 1-ին կետի հինգերորդ պարբերությունում նշված տրանսպորտային միջոցների՝ շրջանառության մեջ բաց թողնելը և շահագործման մեջ գտնվելը թույլատրվում է դրանց անվտանգության ապահովման պայմանով և բացառապես Ղազախստանի Հանրապետության տարածքում: Այդ տրանսպորտային միջոցների նկատմամբ չի թույլատրվում Տեխնիկական կանոնակարգով նախատեսված՝ համապատասխանության գնահատման մասին փաստաթղթերի ձևակերպում:
Տեխնիկական կանոնակարգի I բաժնի 1-ին կետի հինգերորդ պարբերությունում նշված տրանսպորտային միջոցների տիրապետման, օգտագործման և տնօրինման իրավունքների իրացումը չի թույլատրվում Եվրասիական տնտեսական միության անդամ պետությունների տարածքներում՝ բացառությամբ Ղազախստանի Հանրապետության:
(3.2.11-րդ ենթակետը լրաց. ԵՏՀԽ 21.04.23 թիվ 34)
3.3. Մինչև 2016 թվականի հուլիսի 1-ը թույլատրվում է Մաքսային միության նորմատիվ իրավական ակտերով կամ Մաքսային միության անդամ պետության օրենսդրությամբ ավելի վաղ սահմանված պարտադիր պահանջներին համապատասխան արտադրանքի արտադրությունը և շրջանառության մեջ դնելը՝ նշված պարտադիր պահանջներին արտադրանքի համապատասխանության գնահատման (հավաստման) մասին այն փաստաթղթերի առկայության դեպքում, որոնք տրամադրվել կամ ընդունվել են մինչև Տեխնիկական կանոնակարգն ուժի մեջ մտնելու օրը։
Նշված արտադրանքը մակնշվում է համապատասխանության ազգային նշանով (շուկայում շրջանառության նշանով)՝ Մաքսային միության անդամ պետությունների օրենսդրությանը կամ Հանձնաժողովի 2010 թվականի սեպտեմբերի 20-ի N 386 որոշմանը համապատասխան։
Այդպիսի արտադրանքի մակնշումը Մաքսային միության անդամ պետությունների շուկայում արտադրանքի շրջանառության միասնական նշանով չի թույլատրվում.
3.4. Սույն Որոշման 3.2 ենթակետում նշված համապատասխանության գնահատման (հավաստման) մասին փաստաթղթերի գործողության ժամկետում շրջանառության մեջ դրված արտադրանքի շրջանառությունը թույլատրվում է արտադրանքի՝ Մաքսային միության անդամ պետության օրենսդրությանը համապատասխան սահմանված պիտանիության ժամկետի (ծառայության ժամկետի) ընթացքում.
3.5. Տեխնիկական կանոնակարգի 46-րդ և 47-րդ կետերով նախատեսված պլանային հսկողություն անցկացնելու ժամկետը 2022 թվականին վրա հասնելու դեպքում սերտիֆիկացման մարմինը, հայտատուի հայտի հիման վրա, իրավունք ունի ընդունելու որոշում՝ այդպիսի հսկողության անցկացումը մինչև 12 ամիս ժամկետով տեղափոխելու վերաբերյալ՝ սերտիֆիկացված արտադրանքն արտադրելու տեխնոլոգիական պրոցեսի անփոփոխության հաստատման և արտադրանքի վերաբերյալ տեխնոլոգիական փաստաթղթերի առկայության դեպքում։
(3.5-րդ ենթակետը լրաց. ԵՏՀԿ 21.06.22 թիվ 103)
3.6. Մինչև 2024 թվականի դեկտեմբերի 31-ը.
3.6.1. Տեխնիկական կանոնակարգի 25-րդ կետը կիրառվում է՝ հաշվի առնելով այն, որ օտարերկրյա արտադրողի լիազորված ներկայացուցիչներն իրավունք ունեն լինելու հայտատուներ՝ տրանսպորտային միջոցի տիպի հաստատումը (շասսիի տիպի հաստատումը) իրականացնելու, դրա գործողությունը տարածելու կամ ժամկետը երկարաձգելու դեպքում:
3.6.2. Տեխնիկական կանոնակարգի 26-րդ կետը չի կիրառվում:
(3.6-րդ ենթակետը լրաց. ԵՏՀԽ 19.08.22 թիվ 132)
3.7. Եվրասիական տնտեսական միության այն անդամ պետության մասին տեղեկատվությունը, որի տարածքում թույլատրվում է իրականացնել սույն որոշման 3.2.5 ենթակետի չորրորդ պարբերությունում ու 3.2.7 և 3.2.8 ենթակետերում նշված տրանսպորտային միջոցների տիրապետման, օգտագործման և տնօրինման իրավունքները, նշվում է այդպիսի տրանսպորտային միջոցի էլեկտրոնային անձնագրում:
Տեխնիկական կանոնակարգի պահանջներին համապատասխանող՝ արտակարգ օպերատիվ ծառայությունների կանչի սարքվածքով կամ համակարգով այդպիսի տրանսպորտային միջոցները լրահանդերձելու դեպքում սույն ենթակետի առաջին պարբերությունում նշված տեղեկատվությունը հանվում է տրանսպորտային միջոցի էլեկտրոնային անձնագրից:
(3.7-րդ ենթակետը լրաց. ԵՏՀԽ 23.09.22 թիվ 161)
4. Հանձնաժողովի քարտուղարությանը՝ Կողմերի հետ համատեղ նախապատրաստել Տեխնիկական կանոնակարգի իրականացման համար անհրաժեշտ միջոցառումների ծրագրի նախագիծ և սույն որոշումն ուժի մեջ մտնելու օրվանից, եռամսյա ժամկետում, սահմանված կարգով այն ներկայացնել Հանձնաժողովի հաստատմանը։
5. Ռուսական կողմին՝
5.1. Առնվազն երեք տարին մեկ անգամ նախապատրաստել Տեխնիկական կանոնակարգում դրա թարմացման համար փոփոխություններ կատարելու մասին առաջարկություններ՝ տրանսպորտային միջոցների առնչությամբ անվտանգության պահանջների համաձայնեցման վերաբերյալ միջազգային համաձայնագրերում Կողմերի մասնակցության մասով պարտավորությունների կատարման հետ կապված։
5.2. Առնվազն տարին մեկ անգամ ապահովել սույն որոշման 2-րդ կետում նշված ստանդարտների ցանկերի թարմացումը՝ ցանկերում ներառված ստանդարտների դիտանցման և կիրառման արդյունքների, ինչպես նաև Կողմերի մարմինների առաջարկությունների հիման վրա։
5.3. Հաշվի առնելով Կողմերի առաջարկությունները՝ մշակել և սահմանված կարգով Հանձնաժողովի քննարկմանը ներկայացնել միջպետական ստանդարտների մշակման (փոփոխությունների կատարման, վերանայման) ծրագրի նախագիծը։
5.4. Մինչև 2012 թվականի դեկտեմբերի 31-ն ընկած ժամանակահատվածում մշակել և Հանձնաժողովի հաստատմանը ներկայացնել տրանսպորտային միջոցի տիպի հաստատման, ամրաշրջանակի (շասսի) տիպին հաստատման, Տեխնիկական կանոնակարգին համապատասխանությունը հաստատող փաստաթուղթը վերացնելու մասին ծանուցումների, տրանսպորտային միջոցի կառուցվածքի անվտանգության մասին վկայականների և տրանսպորտային միջոցի՝ դրա կառուցվածքում կատարված փոփոխություններով, անվտանգության պահանջներին համապատասխանության մասին վկայականների ձևաթղթերի լրացման Կանոնները, որոնք, այդ թվում, ներառում են նշված փաստաթղթերի ձևաթղթերը և համարների կազմության նկատմամբ պահանջները։
5.5. Սույն որոշումն ուժի մեջ մտնելու օրվանից սկսած եռամսյա ժամկետում մշակել Տեխնիկական կանոնակարգում փոփոխությունների նախագիծ՝ սանիտարական տրանսպորտին ներկայացվող պահանջներ սահմանելու նպատակով, և սահմանված կարգով ներկայացնել այն Հանձնաժողովի քարտուղարություն։
6. Կողմերին՝
6.1. Մինչև Տեխնիկական կանոնակարգն ուժի մեջ մտնելու օրը՝ սահմանել Տեխնիկական կանոնակարգի պահանջների պահպանման նկատմամբ պետական հսկողություն (վերահսկողություն) իրականացնելու համար պատասխանատու պետական հսկողության (վերահսկողության) մարմիններ, և Հանձնաժողովին տեղեկացնել դրա մասին.
6.2. Տեխնիկական կանոնակարգն ուժի մեջ մտնելու օրվանից՝ ապահովել Տեխնիկական կանոնակարգի պահանջների պահպանման նկատմամբ պետական հսկողության (վերահսկողության) իրականացումը։
7. Սույն որոշումն ուժի մեջ է մտնում դրա պաշտոնական հրապարակման օրվանից 15 օր հետո, եթե այդ ժամկետի ընթացքում Կողմերը չհայտարարեն Տեխնիկական կանոնակարգին իրենց հավանություն տալու կասեցման մասին։
Մաքսային միության հանձնաժողովի անդամներ՝
|
Բելառուսի (ստորարություն) Ս. ՌՈՒՄԱՍ |
Ղազախստանի (ստորարություն) ՈՒ. ՇՈՒԿԵԵՎ |
Ռուսաստանի (ստորարություն) Ի. ՇՈՒՎԱԼՈՎ |
(կանոնակարգը լրաց. ԵՏՀԽ 05.04.22 թիվ 45, խմբ., լրաց. ԵՏՀԽ 15.04.22 թիվ 54, լրաց. ԵՏՀԽ 19.05.22 թիվ 86, ԵՏՀԽ 19.08.22 թիվ 120, փոփ. ԵՏՀԽ 17.10.22 թիվ 167, լրաց. ԵՏՀԽ 21.04.23 թիվ 34)