Գլխավոր տեղեկություն
Համար
N 1713-Ն
Տիպ
Որոշում
Ակտի տիպ
Հիմնական ակտ (07.10.2023-մինչ օրս)
Կարգավիճակ
Գործում է
Սկզբնաղբյուր
Միասնական կայք 2023.10.02-2023.10.15 Պաշտոնական հրապարակման օրը 06.10.2023
Ընդունող մարմին
ՀՀ կառավարություն
Ընդունման ամսաթիվ
05.10.2023
Ստորագրող մարմին
ՀՀ փոխվարչապետ
Ստորագրման ամսաթիվ
05.10.2023
Ուժի մեջ մտնելու ամսաթիվ
07.10.2023

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

5 հոկտեմբերի 2023 թվականի N 1713-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ՓԵՏՐՎԱՐԻ 1-Ի N 201-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

 

Ղեկավարվելով «Նորմատիվ իրավական ակտերի մասին» օրենքի 33-րդ, 34-րդ հոդվածների 1-ին մասերի պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2007 թվականի փետրվարի 1-ի «Առողջապահական, հոգաբարձության (խնամակալության), մանկական դաստիարակչական, էներգամատակարարման, գազամատակարարման, ջերմամատակարարման, կապի և աշխատանքի այլ առանձնահատուկ բնույթ ունեցող բնագավառների աշխատողների աշխատանքի և հանգստի ռեժիմի առանձնահատկությունները սահմանելու մասին» N 201-Ն որոշման՝

1) նախաբանը «7-րդ մասի» բառերից հետո լրացնել «, «Հանրակրթության մասին» օրենքի 25-րդ հոդվածի 1-ին մասի» բառերով.

2) որոշման N 5 հավելվածում կատարել հետևյալ լրացումները և փոփոխությունը՝

ա. լրացնել հետևյալ բովանդակությամբ նոր՝ 16.1-ին կետով.

«16.1. Հանրակրթության պետական նոր չափորոշչի ներդրմամբ պայմանավորված՝ հանրակրթական ուսումնական հաստատություններում դասավանդողների դրույքը սահմանվում է՝

1) պարտադիր կրթության առաջին աստիճանում՝ 18 ժամ.

2) պարտադիր կրթության երկրորդ և երրորդ աստիճաններում՝ 20 ժամ:»,

բ. 20-րդ կետում «աշխատաժամանակի տևողությունը սահմանվում է շաբաթական 20 ժամ» բառերը փոխարինել «աշխատաժամանակի տևողությունը անհատական և խմբային պարապմունքների համար սահմանվում է շաբաթական 24 ժամ» բառերով,

գ. 20-րդ կետը լրացնել հետևյալ բովանդակությամբ նոր՝ 20.1-ին ենթակետով.

«20.1) 2026 թվականի սեպտեմբերի 1-ից աշխատաժամանակի տևողությունն անհատական և խմբային պարապմունքների համար սահմանվում է շաբաթական 20 ժամ (այդ թվում՝ սույն հավելվածի 17-րդ կետի 2-րդ ենթակետով սահմանված դեպքերում)՝ բացառությամբ մարզադպրոցներում աշխատող մարզիչմանկավարժների։ Վերջիններիս աշխատանքի և հանգստի առանձնահատկությունները սահմանվում են նշված կազմակերպության կանոնադրությամբ կամ ներքին կարգապահական կանոններով։»:

2. Սույն որոշման 1-ին կետի 2-րդ ենթակետի «ա» պարբերությամբ սահմանված դրույթն ուժի մեջ է մտնում պաշտոնական հրապարակմանը հաջորդող օրվանից, իսկ 2-րդ ենթակետի «բ» պարբերությամբ սահմանվածը՝ 2024 թվականի սեպտեմբերի 1-ից:

 

Հայաստանի Հանրապետության
փոխվարչապետ

 Մ. Գրիգորյան

 

Երևան

 

05.10.2023

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

 

Պաշտոնական հրապարակման օրը՝ 6 հոկտեմբերի 2023 թվական:

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան