ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 897-Լ

Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը և 34-րդ հոդվածի 1-ին մասը և ղեկավարվելով «Կառավարչական իրավահարաբերությունների կարգավորման մասին» օրենքի 9-րդ հոդվածի 1-ին մասի 1-ին և 2-րդ կետերով, 2-րդ մասի 2-րդ կետով և 21-րդ հոդվածի 1-ին մասով՝

1. Հայաստանի Հանրապետության վարչապետի 2018 թվականի հունիսի 11-ի «Հայաստանի Հանրապետության պետական եկամուտների կոմիտեի կանոնադրությունը հաստատելու մասին» N 702-Լ որոշմամբ (այսուհետ` որոշում) հաստատված Պետական եկամուտների կոմիտեի կառուցվածքում կատարել հետևյալ կառուցվածքային փոփոխությունները՝

1) Մաքսային հսկողության վարչությունից, Արևելյան, Հարավային և Հյուսիսային մաքսատուն-վարչություններից առանձնացման եղանակով ստեղծել Արտաքին տնտեսական գործունեության մաքսային սպասարկման և հսկողության վարչություն.

2) Երևանի մաքսային սպասարկման կենտրոն-մաքսատուն վարչությունը միացնել Արտաքին տնտեսական գործունեության մաքսային սպասարկման և հսկողության վարչությանը.

3) Մաքսային հսկողության վարչությունից, Հյուսիսային մաքսատուն-վարչությունից առանձնացման եղանակով ստեղծել Պետական սահմանի ցամաքային անցման կետերում մաքսային սպասարկման և հսկողության վարչություն.

4) Հարավային և Արևելյան մաքսատուն-վարչությունները միացնել Պետական սահմանի ցամաքային անցման կետերում մաքսային սպասարկման և հսկողության վարչությանը.

5) Հյուսիսային մաքսատուն-վարչությունը միաձուլել Արևմտյան մաքսատուն-վարչությանը և ստեղծել Էլեկտրոնային առևտրի և օդային տրանսպորտով իրականացվող փոխադրումների վարչություն.

6) Մաքսային հսկողության վարչությունը միաձուլել Հետբացթողումային հսկողության վարչությանը և ստեղծել Հետբացթողումային հսկողության և ստուգումների վարչություն:

(1-ին կետը փոփ. 20.10.23 N 1049-Լ)

2. Որոշմամբ հաստատված հավելվածում կատարել հետևյալ լրացումները և փոփոխությունները՝

1) հավելվածի 28-րդ կետում`

ա. 10-րդ, 19-21-րդ և 23-րդ ենթակետերն ուժը կորցրած ճանաչել,

բ. 11-րդ ենթակետում «Հետբացթողումային հսկողության» բառերը փոխարինել «Հետբացթողումային հսկողության և ստուգումների» բառերով,

գ. 22-րդ ենթակետում «Արևմտյան մաքսատուն-վարչություն» բառերը փոխարինել «Էլեկտրոնային առևտրի և օդային տրանսպորտով իրականացվող փոխադրումների վարչություն» բառերով,

դ. լրացնել հետևյալ բովանդակությամբ նոր՝ 25-26-րդ ենթակետերով.

«25) Արտաքին տնտեսական գործունեության մաքսային սպասարկման և հսկողության վարչություն.

26) Պետական սահմանի ցամաքային անցման կետերում մաքսային սպասարկման և հսկողության վարչություն.»:

3. Սույն որոշումն ուժի մեջ է մտնում հրապարակմանը հաջորդող տասներորդ օրը։

4. Սույն որոշման 1-ին կետով նախատեսված կառուցվածքային փոփոխության ենթարկվող կառուցվածքային ստորաբաժանումների գործունեությունը համարվում է դադարեցված սույն որոշման 1-ին կետով ստեղծվող վարչությունների հաստիքների առնվազն 50% համալրելուն հաջորդող օրվանից։

Հայաստանի Հանրապետության վարչապետ	Ն. Փաշինյան
Երևան

05.09.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ