ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 1116-Ա

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով`

1. Համաշխարհային բանկի խմբի և Արժույթի միջազգային հիմնադրամի տարեկան հանդիպումներին մասնակցելու նպատակով 2022 թվականի հոկտեմբերի 10-17-ը Ամերիկայի Միացյալ Նահանգներ (Վաշինգտոն) գործուղել պատվիրակություն՝ համաձայն հավելվածի:

2. Տիգրան Խաչատրյանի և Վահե Հովհաննիսյանի գործուղման հետ կապված ծախսերը կատարել Հայաստանի Հանրապետության 2022 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին՝ փաստացի կատարված ծախսերը հիմնավորող փաստաթղթերի համաձայն:

3. Ընդունել ի գիտություն, որ Մարտին Գալստյանի և Ներսես Երիցյանի գործուղման հետ կապված ծախսերը կատարվելու են Հայաստանի Հանրապետության կենտրոնական բանկի միջոցների հաշվին:

4. Հայաստանի Հանրապետության ֆինանսների նախարարին` գործուղումից վերադառնալուց հետո եռօրյա ժամկետում Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնել Ամերիկայի Միացյալ Նահանգներ գործուղման արդյունքների մասին հաշվետվությունը:

Հայաստանի Հանրապետության վարչապետ	Ն. Փաշինյան
Երևան

29.09.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ վարչապետի N 1116-Ա որոշման

Տ. Խաչատրյան		- ՀՀ ֆինանսների նախարար (10.10.2022 թ.-15.10.2022 թ.)
Մ. Գալստյան		- ՀՀ կենտրոնական բանկի նախագահ (համաձայնությամբ) (12.10.2022 թ.- 17.10.2022 թ.)
Վ. Հովհաննիսյան		- ՀՀ ֆինանսների նախարարի տեղակալ (10.10.2022 թ.- 15.10.2022 թ.)
Ն. Երիցյան		- ՀՀ կենտրոնական բանկի նախագահի տեղակալ (համաձայնությամբ) (12.10.2022 թ.-17.10.2022 թ.)

Հայաստանի Հանրապետության վարչապետի աշխատակազմի ղեկավար

Ա. Հարությունյան

29.09.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ