Օ Ր Ե Ն Ք Ը

Ընդունված է 2008 թվականի ապրիլի 10-ին

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԱՎՈՐ ԿՈՉՈՒՄՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Հայաստանի Հանրապետության պատվավոր կոչումների մասին» Հայաստանի Հանրապետության 2004 թվականի հունիսի 11-ի ՀՕ-105-Ն օրենքի (այսուհետ՝ Օրենք) 3-րդ հոդվածը «ժդ» կետի «գործիչ» բառից հետո լրացնել «վաստակավոր մարզիչ, ֆիզիկական կուլտուրայի վաստակավոր աշխատող» բառերով։

Հոդված 2. Օրենքի 17-րդ հոդվածում՝
 

1) վերնագիրը և 1-ին մասը «գործչի» բառից հետո լրացնել «վաստակավոր մարզչի, ֆիզիկական կուլտուրայի վաստակավոր աշխատողի» բառերով, իսկ վերնագրի «կոչում» բառը փոխարինել «կոչումները» բառով.

2) 1-ին մասի «պատվավոր կոչում է շնորհվում» բառերը փոխարինել «պատվավոր կոչումները շնորհվում են» բառերով։

Հոդված 3. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը։

Հայաստանի Հանրապետության Նախագահ	Ս. Սարգսյան
2008 թ. մայիսի 5 Երևան ՀՕ-31-Ն