Basic information
Number
N 95
Type
Որոշում
Act type
Հիմնական ակտ (02.11.1994-30.06.2000)
Status
Չի գործում
Source
Enactment organisation
Կենտրոնական բանկի վարչություն
Enactment date
02.11.1994
Signing date
02.11.1994
Effective date
02.11.1994
Interrupt date
30.06.2000

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅՈՒՆ

 

Ո Ր Ո Շ ՈՒ Մ

 

2 նոյեմբերի 1994 թվականի N 95

 

Ֆինանսավարկային կազմակերպությունների կողմից բանկային գործառնություններ իրականացնելու արտոնագրումը ժամանակավորապես դադարեցնելու մասին

 

Հայաստանի Հանրապետության կենտրոնական բանկի վարչությունը որոշում է.

1. Մինչև ֆինանսավարկային կազմակերպությունների կողմից բանկային գործառնություններ իրականացնելու համար արտոնագրման նոր կարգի հաստատումը, սույն որոշման ընդունման պահից ժամանակավորապես (մինչև 1995 թվականի հունվարի 1-ը) դադարեցնել հայտերի ընդունումը և նշված կազմակերպությունների արտոնագրումը:

2. Հայաստանի Հանրապետության կենտրոնական բանկի վերահսկողության, կարգավորման և արտոնագրման վարչությանը և Հայաստանի Հանրապետության կենտրոնական բանկի վարչության ս.թ. նոյեմբերի 1-ի թիվ 94 որոշման հիման վրա ստեղծված հանձնաժողովին` 1994 թվականի նոյեմբերի 1-ից մինչև 1995 թվականի հունվարի 1-ը կազմակերպել Հայաստանի Հանրապետության կենտրոնական բանկի կողմից արտոնագրված ֆինանսավարկային կազմակերպությունների` գրավատների և ապահովագրական ընկերությունների վերաարտոնագրման աշխատանքները` հատուկ ուշադրություն դարձնելով այդ կազմակերպությունների ֆինանսատնտեսական գործունեության արդյունքներին և գործադիր ղեկավարների ու գլխավոր հաշվապահների մասնագիտական համապատասխանելիությանը:

3. Հանձնարարել Հայաստանի Հանրապետության կենտրոնական բանկի կողմից բանկային գործառնություններ իրականացնելու համար արտոնագրված գրավատներին ու ապահովագրական ընկերություններին` մինչև սույն թվականի նոյեմբերի 15-ը Հայաստանի Հանրապետության կենտրոնական բանկ ներկայացնել հաշվետվություն` իրենց գործունեության ամբողջ ժամանակաշրջանի համար (հաշվետվության ձևերը կցվում են):

4. Սույն որոշման կատարման հսկողությունը դնել վերահսկողության, կարգավորման և արտոնագրման վարչության վրա:

Change History
Changing Act Corresponding incorporation
30.06.2000, թիվ 174 ---------
Changed acts
Changing Act Corresponding incorporation