Հայաստանի Հանրապետության Գերագույն խորհրդի 1994 թվականի մայիսի 25-ի «Նախկին ԽՍՀՄ արտտնտբանկի հայկական հանրապետական բանկի հաճախորդների` Հայաստանի Հանրապետության ռեզիդենտ հանդիսացող ֆիզիկական անձանց սառեցված արտարժութային հաշիվներում եղած միջոցները Հայաստանի Հանրապետության պետական ներքին արտարժութային պարտք վերաձեվակերպելու մասին» որոշման մասին

Ի կատարումն Հայաստանի Հանրապետության Գերագույն խորհրդի 1994 թվականի մայիսի 25-ի «Նախկին ԽՍՀՄ արտտնտբանկի հայկական հանրապետական բանկի հաճախորդների` Հայաստանի Հանրապետության ռեզիդենտ հանդիսացող ֆիզիկական անձանց սառեցված արտարժութային հաշիվներում եղած միջոցները Հայաստանի Հանրապետության պետական ներքին արտարժութային պարտք վերաձևակերպելու մասին» որոշման, Հայաստանի Հանրապետության կենտրոնական բանկի վարչությունը որոշում է`

1. Սահմանել, որ նախկին ԽՍՀՄ արտտնտբանկի հայկական հանրապետական բանկի հաճախորդների` Հայաստանի Հանրապետության ռեզիդենտ հանդիսացող ֆիզիկական անձանց մասով Հայաստանի Հանրապետության պետական ներքին արտարժութային պարտքի սպասարկումն իրականացվում է Հայներարտբանկի միջոցով:

2. Սահմանել, որ սույն որոշման 1-ին կետի կատարման հետ կապված ծախսերը փոխհատուցվում են Հայաստանի Հանրապետության կենտրոնական բանկի միջոցների հաշվին:

3. Համաձայնեցնել Հայաստանի Հանրապետության ֆինանսների նախարարության հետ պետական ներքին արտարժութային պարտքի սպասարկման հետ կապված միջոցների հատկացման ժամկետները և կարգը:

4. Սահմանել, որ Հայաստանի Հանրապետության պետական ներքին արտարժութային պարտքի մարման նպատակով Հայաստանի Հանրապետության ֆինանսների նախարարության կողմից հատկացված, սակայն 1995 թվականի օգոստոսի 1-ի դրությամբ պարտատերերի կողմից չպահանջված գումարները Հայաստանի Հանրապետության կենտրոնական բանկի կողմից ենթակա են վերականգնման Հայաստանի Հանրապետության հանրապետական բյուջե: Հետագա վճարումները կատարվում են Հայաստանի Հանրապետության ֆինանսների նախարարության համապատասխան վճարման հանձնարարագրի հիման վրա:

5. Ապահովել նախկին ԽՍՀՄ արտտնտբանկի հայկական հանրապետական բանկի դրամարկղում առկա արտարժույթի փոխարկումն ԱՄՆ-ի դոլարների:

6. Մինչև ս.թ. նոյեմբերի 10-ը ապահովել Հայաստանի Հանրապետության կառավարության կողմից սահմանված գրաֆիկին համապատասխան երկրորդ փուլում մարման ենթակա գումարների փոխարկումն ԱՄՆ-ի դոլարների:

7. Մինչև ս.թ. հուլիսի 28-ը Հայաստանի Հանրապետության պետական ներքին արտարժութային պարտքի սպասարկման նպատակով Հայներարտբանկում բացել հատուկ արտարժութային հաշիվ:

8. Սույն որոշման կատարման հսկողությունը դնել Հայաստանի Հանրապետության կենտրոնական բանկի միջազգային և արժութային գործառնությունների վարչության վրա:

քաղ. Երևան թիվ 58