ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

N 479-Ա

Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Հիսուս Քրիստոսի վերջին օրերի սրբերի եկեղեցու Հայաստանի կրոնական համայնք» կրոնական կազմակերպության կողմից իրականացվող՝ 4,650,000 դրամ ընդհանուր արժողությամբ «Ներառական խաղահրապարակի կառուցում» ծրագիրը՝ համաձայն հավելվածի:

2. Սահմանել, որ «Հիսուս Քրիստոսի վերջին օրերի սրբերի եկեղեցու Հայաստանի կրոնական համայնք» կրոնական կազմակերպության կողմից (ՀՎՀՀ՝ 00413679) «Մագնոն Ա» ՍՊԸ-ի (ՀՎՀՀ` 05554853) և «Կարիտաս-Արեգակ» բարեգործական հիմնադրամի (ՀՎՀՀ` 05550519) հետ 2023 թվականի մայիսի 17-ին կնքված N 6 եռակողմ պայմանագրում նշված գործարքը, որով նախատեսվում է մանկական խաղահրապարակի սարքավորումների պատրաստման և տեղադրման աշխատանքների իրականացում՝ 4,650,000 դրամի չափով՝ առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:

3. «Հիսուս Քրիստոսի վերջին օրերի սրբերի եկեղեցու Հայաստանի կրոնական համայնք» կրոնական կազմակերպությանը՝ Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Տ. Խաչատրյան
Երևան

13.07.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 479-Ա որոշման

1.	Ծրագրի նպատակը	Ներառական խաղահրապարակի կառուցման նպատակն է նպաստել հաշմանդամություն ունեցող անձանց բարեկեցությանը
2.	Ծրագրի բարեգործական որակման նպատակը	Օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից
3.	Բարեգործը	«Հիսուս Քրիստոսի վերջին օրերի սրբերի եկեղեցու Հայաստանի կրոնական համայնք» կրոնական կազմակերպություն քաղաք Երևան, Վրացական փողոց 5, 0051, ՀՎՀՀ՝ 00413679
4.	Ծրագրի կատարողը	«Հիսուս Քրիստոսի վերջին օրերի սրբերի եկեղեցու Հայաստանի կրոնական համայնք» կրոնական կազմակերպություն քաղաք Երևան, Վրացական փողոց 5, 0051, ՀՎՀՀ՝ 00413679
5.	Ծրագրի իրականացման վայրը և բնագավառը	Հայաստանի Հանրապետություն, Շիրակի մարզ, քաղաք Գյումրի, բնագավառը՝ սոցիալական
6.	Ծրագրի բյուջեն	4,650,000 դրամ
7.	Բարեգործություն ստացողը	«Կարիտաս-Արեգակ» բարեգործական հիմնադրամի շահառուներ
8.	Ծրագրի իրականացման տևողությունը	2023 թվականի հուլիսի 5-ից մինչև 2023 թվականի նոյեմբերի 5-ը
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Նախատեսվում է իրականացնել 2023 թվականի հուլիսի 5-ից մինչև 2023 թվականի նոյեմբերի 5-ն ընկած ժամանակահատվածում՝ 4,650,000 դրամի չափով
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Իրականացվելու են ներառական խաղահրապարակի համար նախատեսված սարքավորումների պատրաստում և տեղադրում։ Ընդհանուր բյուջեն՝ 4,650,000 դրամ։ 1․ Փոքրիկ գնդակներ - 1 արկղ – 123,000 դրամ 2․ Զսպանակով ճոճանակ 4 տեղ – 1 հատ – 248,000 դրամ 3․ Սահարան – 1 հատ – 466,000 դրամ 4․ Ճոճանակ անվասայլակի համար – 1 հատ – 579,000 դրամ 5․ Պտույտ անվասայլակի համար – 1 հատ – 609,000 դրամ 6․ Ավազահարթակ անվասայլակի համար – 1 հատ – 498,000 դրամ 7․ Վիգվամ – 1 հատ – 622․000 դրամ 8․ Ներառական վորքաութի համալիր – 1 հատ – 862,000 դրամ 9․ Տեղադրում – 643,000 դրամ
11.	Ծրագրի իրականացման հետ կապված կազմակերպական ծախսերը	Կազմակերպչական ծախսեր չեն նախատեսվում:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Համագործակցություն է նախատեսվում Հայաստանի Հանրապետության տեղական ինքնակառավարման մարմինների հետ:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

Հայաստանի Հանրապետության փոխվարչապետ

Տ. Խաչատրյան

13.07.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ