600.0216.30.06.23

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

30 հունիսի 2023 թվականի

N 216-Ն

Ո Ր Ո Շ ՈՒ Մ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հայաստանի Հանրապետության հանրային ծառայությունները կարգավորող հանձնաժողովի 2022 թվականի ապրիլի 20-ի «Էլեկտրական էներգիայի փոխհոսքերի (ինքնավար էներգաարտադրող-երաշխավորված մատակարար) պայմանագրի օրինակելի ձևը սահմանելու և հանրային ծառայությունները կարգավորող հանձնաժողովի 2016 թվականի հոկտեմբերի 5-ի N 273-Ն որոշումն ուժը կորցրած ճանաչելու մասին» N 150-Ն որոշման հավելվածի՝ էլեկտրական էներգիայի փոխհոսքերի (Ինքնավար էներգաարտադրող–Երաշխավորված մատակարար) պայմանագրի օրինակելի ձևի՝

1) 1-ին կետը լրացնել հետևյալ բովանդակությամբ նախադասությամբ.

«Ինքնավար էներգաարտադրողի տեղակայանքների (ինքնավար խմբի դեպքում՝ խմբի էներգաարտադրող հանդիսացող մասնակիցների տեղակայանքների գումարային) դրվածքային հզորությունը կազմում է _________ կՎտ:».

2) 5-րդ կետում «չափով» բառից հետո լրացնել «, բայց ոչ ավելի, քան չվճարված գումարի 10 տոկոսը» բառերը.

3) 13-րդ կետը շարադրել հետևյալ խմբագրությամբ.

«13. ԻԷԱ-ի կողմից՝ Պայմանագրում էլեկտրական էներգիայի արտադրության կամ սպառման նոր կետ ավելացնելու կամ Պայմանագրից արտադրության կամ սպառման կետ հանելու դեպքերում Երաշխավորված մատակարարը, Պայմանագրում փոփոխություններն ուժի մեջ մտնելու Հաշվարկային ամսվանից սկսած, ԻԷԱ-ին ներկայացվող՝ Պայմանագրի N 1 հավելվածում արտացոլում է համապատասխան փոփոխությունները: ԻԷԱ-ի կողմից ինքնավար խումբ ստեղծելու դեպքում Երաշխավորված մատակարարը, Պայմանագրում փոփոխություններն ուժի մեջ մտնելու Հաշվարկային ամսվանից սկսած, խումբը ստեղծող ԻԷԱ-ին ներկայացնում է Պայմանագրի N 2 հավելվածը: Ինքնավար խմբում նոր մասնակից ընդգրկվելու կամ խմբից մասնակից հանվելու դեպքերում Երաշխավորված մատակարարը, Պայմանագրում փոփոխությունները կամ ԷՄԱ կանոնների համաձայն՝ Ինքնավար խմբից մասնակցի հանված համարվելն ուժի մեջ մտնելու Հաշվարկային ամսվանից սկսած, խումբը ստեղծող ԻԷԱ-ին ներկայացվող՝ Պայմանագրի N 2 հավելվածում արտացոլում է համապատասխան փոփոխությունները:».

4) 14-րդ կետի՝

ա. 2-րդ ենթակետում «բաշխման ծառայության դիմաց ամբողջությամբ վճարելու պայմանով» բառերից հետո լրացնել «, բացառությամբ այն դեպքերի, երբ ԷՄԱ կանոնների համաձայն՝ բաշխման ծառայության վճար չի գանձվում» բառերը.

բ. 3-րդ ենթակետի «գ» պարբերությունում «միկրոէներգաարտադրողի» բառը փոխարինել «ՄԷԱ կայանի կամ Որակավորված սպառողի» բառերով.

5) 18-րդ կետը շարադրել հետևյալ խմբագրությամբ.

«18. Պայմանագրի անբաժանելի մաս են կազմում՝

1) ԻԷԱ-ին հատուցման (վճարման) ենթակա և բաշխված (հաշվանցված) էլեկտրական էներգիայի քանակությունների վերաբերյալ ակտի մասին N 1 հավելվածը,

2) Ինքնավար խումբը ստեղծող ԻԷԱ-ին հատուցման (վճարման) ենթակա և բաշխված (հաշվանցված) էլեկտրական էներգիայի քանակությունների վերաբերյալ ակտի մասին N 2 հավելվածը:».

6) 9-րդ բաժինը շարադրել հետևյալ խմբագրությամբ.

« 9. ԿՈՂՄԵՐԻ ՎԱՎԵՐԱՊԱՅՄԱՆՆԵՐԸ

7) 1-ին և 2-րդ հավելվածները շարադրել նոր խմբագրությամբ՝ համաձայն հավելվածի:

2. Սույն որոշումն ուժի մեջ է մտնում 2023 թվականի սեպտեմբերի 1-ից։

Հայաստանի Հանրապետության հանրային ծառայությունները կարգավորող հանձնաժողովի նախագահ՝	Գ. ԲաղրամՅԱՆ
30 հունիսի 2023 թ. ք. Երևան

Հավելված Հայաստանի Հանրապետության հանրային ծառայությունները կարգավորող հանձնաժողովի 2023 թվականի հունիսի 30-ի N 216-Ն որոշման

«Հավելված N 1 Հայաստանի Հանրապետության հանրային ծառայությունները կարգավորող հանձնաժողովի 2022 թվականի ապրիլի 20-ի N 150-Ն որոշմամբ սահմանված պայմանագրի օրինակելի ձևի

Ինքնավար էներգաարտադրող ________________________________________________________________________

Երաշխավորված մատակարար ________________________________________________________________________

Հաշվարկային ամիսը՝ __________ 20___ թ.

1. Սույն ակտի աղյուսակի 13-րդ սյունակում ներկայացված մեծությունը կրում է տեղեկատվական բնույթ և չի մասնակցում հարաբերություններին:

2. Սույն ակտը Երաշխավորված մատակարարի կողմից ԻԷԱ-ին ներկայացվում է մինչև Հաշվարկային ամսվան հաջորդող ամսվա 15-ը:

Հիմքը՝ ______________________________________________________________________________________________

Հավելված N 2 Հայաստանի Հանրապետության հանրային ծառայությունները կարգավորող հանձնաժողովի 2022 թվականի ապրիլի 20-ի N 150-Ն որոշմամբ սահմանված պայմանագրի օրինակելի ձևի

Ինքնավար խումբը ստեղծող Ինքնավար էներգաարտադրող ________________________________________________

Երաշխավորված մատակարար _________________________________________________________________________

Հաշվարկային ամիսը՝ __________ 20___ թ.

1. Սույն ակտի աղյուսակի 13-րդ սյունակում ներկայացված մեծությունը կրում է տեղեկատվական բնույթ և չի մասնակցում հարաբերություններին:

2. Սույն ակտը Երաշխավորված մատակարարի կողմից ներկայացվում է Ինքնավար խումբը ստեղծող ԻԷԱ-ին՝ մինչև Հաշվարկային ամսվան հաջորդող ամսվա 15-ը:

Պաշտոնական հրապարակման օրը՝ 7 հուլիսի 2023 թվական: