ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

28 սեպտեմբերի 2022 թվականի

թիվ 131

քաղ. Մոսկվա

ԲԵՐԱՆԻ ԽՈՌՈՉԻ ԻՐԻԳԱՏՈՐԸ ԵՎ ԴՐԱ ԲՌՆԱԿԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Բերանի խոռոչի իրիգատորը, որը ներկառուցված պոմպով 20 կգ-ից ոչ ավելի քաշով էլեկտրական սարք է, ունի գլխադիրների ամրակման համար բռնակ, գլխադիրներ, ջրի շիթի մատակարարումը միացնող կառավարման (ռեժիմների փոխարկման) բլոկ, սնուցման բլոկ, ջրի ռեզերվուար, նախատեսված է կենցաղային (տնային) նպատակներով ատամները, լնդերը, միջատամային տարածքները, օրթոպեդիկ կոնստրուկցիաները, իմպլանտները, բերանի և լեզվի լորձաթաղանթի մակերեսը ճնշման տակ ջրի շիթի օգնությամբ մաքրելու ժամանակ օգտագործելու համար, որը նաև մերսման ազդեցություն է թողնում լնդերի վրա, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8509 80 000 0 ենթադիրքում:

2. Բերանի խոռոչի իրիգատորի բռնակը, որը պլաստմասսաներից պատրաստված արտադրատեսակ է՝ գլխադիրների ամրակման համար անցք ունեցող կորպուսի տեսքով, ջրի շիթի մատակարարումը միացնող (անջատող) կոճակով, իրիգատորի կորպուսին միացման համար ճկափողով, նախատեսված է ջրի շիթի մատակարարման համար իրիգատորի կազմում օգտագործելու համար, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան՝ դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8509 90 000 0 ենթադիրքում:

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Պաշտոնական հրապարակման օրը՝ 5 մայիսի 2023 թվական: