ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

14 մայիսի 2019 թվականի

թիվ 70

քաղ. Մոսկվա

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Այն պատրաստուկները, որոնք կազմված են խառնած կամ չխառնած նյութերից, որպես ակտիվ բաղադրիչ պարունակում են ցանկացած նյութ (բացի հակաբիոտիկներից կամ դրանց ածանցյալներից, հորմոններից, ալկալոիդներից կամ դրանց ածանցյալներից) և որպես օժանդակ բաղադրիչ պարունակում են վիտամիններ կամ Եվրասիական տնտեսական միության արտաքին տնտեսական գործունեության միասնական ապրանքային անվանացանկի 2936 ապրանքային դիրքի այլ նյութեր, բաժնեծրարված են դոզավորված դեղաձևերի տեսքով կամ մանրածախ վաճառքի համար նախատեսված կաղապարների կամ փաթեթվածքների մեջ, կիրառվում են տարբեր ծագումնաբանություն ունեցող հիվանդությունների բուժման համար կամ կանխարգելիչ նպատակներով, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան, դասակարգվում են Եվրասիական տնտեսական միության արտաքին տնտեսական գործունեության միասնական ապրանքային անվանացանկի 3004 50 000 ենթադիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Տ. Սարգսյան

Պաշտոնական հրապարակման օրը՝ 22 հունիսի 2022 թվական