ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

23 սեպտեմբերի 2022 թվականի

թիվ 142

քաղ. Մոսկվա

«Սանիտարական, անասնաբուժասանիտարական և կարանտինային բուսասանիտարական միջոցառումների կիրառման մասին» արձանագրության 3-րդ կետին («Եվրասիական տնտեսական միության մասին» 2014 թվականի մայիսի 29-ի պայմանագրի 12-րդ հավելված) և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 48-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Մաքսային միության հանձնաժողովի 2010 թվականի մայիսի 28-ի թիվ 299 որոշմամբ հաստատված՝ Եվրասիական տնտեսական միության մաքսային սահմանին և Եվրասիական տնտեսական միության մաքսային տարածքում պետական սանիտարահամաճարակաբանական հսկողություն (վերահսկողություն) իրականացնելու կարգում կատարել փոփոխություններ՝ համաձայն հավելվածի։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո, բայց 2022 թվականի մարտի 31-ին ստորագրված՝ ««Եվրասիական տնտեսական միության մասին» 2014 թվականի մայիսի 29-ի պայմանագրում փոփոխություններ կատարելու մասին» արձանագրությունն ուժի մեջ մտնելու օրվանից ոչ շուտ։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ս. Ժումանգարին	Ա. Կասիմալիև	Ա. Օվերչուկ

ՀԱՎԵԼՎԱԾ Եվրասիական տնտեսական հանձնաժողովի խորհրդի 2022 թվականի սեպտեմբերի 23-ի թիվ 142 որոշման

1. 3-րդ կետը լրացնել հետևյալ բովանդակությամբ 8-րդ ենթակետով.

«8) մարդու առողջության վրա վնասակար ազդեցություն՝ հսկողության վերցված ապրանքների, բնակության միջավայրի գործոնների ազդեցությունը, որը սպառնալիք է ստեղծում մարդու կյանքի կամ առողջության կամ հետագա սերունդների կյանքի ու առողջության համար։»։

2. 13-րդ կետը լրացնել հետևյալ բովանդակությամբ պարբերությամբ.

«Սանիտարահակահամաճարակային միջոցառումներն անցկացվում են՝ հաշվի առնելով մարդու առողջության վրա վնասակար ազդեցության ռիսկի գնահատումը (այսուհետ՝ ռիսկի գնահատում)՝ այդ ռիսկի վերացման կամ նվազեցման, ինֆեկցիոն և զանգվածային ոչ ինֆեկցիոն հիվանդությունների (թունավորումների) առաջացումն ու տարածումը կանխելու ու դրանք վերացնելու նպատակով։»։

3. 29-րդ կետի երկրորդ պարբերությունը «լիազորված մարմինների կողմից» բառերից հետո լրացնել «՝ հաշվի առնելով ռիսկի գնահատումը» բառերով։

4. 37-րդ կետն առաջին պարբերությունից հետո լրացնել հետևյալ բովանդակությամբ պարբերությամբ.

«ռիսկի գնահատման անցկացում.»։

5. 39-րդ կետի երկրորդ պարբերությունը «միջոցների ձեռնարկման» բառերից հետո լրացնել «՝ հաշվի առնելով ռիսկի գնահատման արդյունքները» բառերով։

6. 40-րդ կետի վեցերորդ պարբերությունը լրացնել «՝ հաշվի առնելով ռիսկի գնահատման արդյունքները» բառերով։

Պաշտոնական հրապարակման օրը՝ 5 մայիսի 2023 թվական: