ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
4 մայիսի 2023 թվականի N 685-Ա
ՈՐՊԵՍ ՆՎԻՐԱՏՎՈՒԹՅՈՒՆ ԳՈՒՅՔ ԸՆԴՈՒՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅԱՆ ՋՐԱՅԻՆ ԿՈՄԻՏԵԻՆ ԱՄՐԱՑՆԵԼՈՒ ԵՎ «ՎԵՈԼԻԱ ՋՈՒՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՎԱՐՁԱԿԱԼՈՒԹՅԱՆ ՀԱՆՁՆԵԼՈՒ ՄԱՍԻՆ
Ղեկավարվելով Հայաստանի Հանրապետության քաղաքացիական օրենսգրքի 594-րդ հոդվածի և «Կառավարչական իրավահարաբերությունների կարգավորման մասին» օրենքի 5-րդ հոդվածի 5-րդ, 6-րդ և 8-րդ մասերի, 9-րդ հոդվածի 5-րդ մասի պահանջներով՝ Հայաստանի Հանրապետության կառավարությունը որոշում է.
1. Որպես նվիրատվություն Հայաստանի Հանրապետությանն ընդունել «ԷՆ ԱՅ ՔՆՍԹՐԱՔՇՆ» սահմանափակ պատասխանատվությամբ ընկերությանը սեփականության իրավունքով պատկանող՝ Երևան քաղաքի Կենտրոն վարչական շրջանի Արգիշտիի փողոց 48/8 շենք, 41 հասցեի 21.3 քառ. մետր մակերեսով պոմպակայանը (անշարժ գույքի նկատմամբ իրավունքների պետական գրանցման վկայական՝ N 25012023-01-0072, շենքի պահպանման և սպասարկման համար անհրաժեշտ (հատկացված) 0.16532 հա մակերեսով հողամասի և շենքի 792.9 քառ. մետր ընդհանուր բաժնային սեփականության գույքի նկատմամբ սեփականատիրոջ բաժնեմասը կազմում է 213/27724) և պոմպակայանի սարքավորումները՝ 10283243 դրամ հաշվեկշռային արժեքով՝ համաձայն հավելվածի։
2. Սույն որոշման 1-ին կետում նշված գույքերն ամրացնել Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին:
3. Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեի նախագահին՝
1) սույն որոշումն ուժի մեջ մտնելուց հետո երկամսյա ժամկետում, «ԷՆ ԱՅ ՔՆՍԹՐԱՔՇՆ» սահմանափակ պատասխանատվությամբ ընկերության տնօրենի հետ համատեղ, ապահովել սույն որոշման 1-ին կետում նշված գույքերի՝ սահմանված կարգով Հայաստանի Հանրապետության անունից նվիրատվության պայմանագրի կնքումը և հանձնման-ընդունման աշխատանքների կատարումը՝ նվիրատվության պայմանագրի նոտարական վավերացման, պայմանագրից բխող գույքային իրավունքների պետական գրանցման և նշված գործողությունների իրականացման համար անհրաժեշտ ծախսերն իրականացնելով ընկերության միջոցների հաշվին.
2) սույն որոշման 1-ին կետում նշված գույքերը Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին ամրացնելուց հետո երկամսյա ժամկետում «Վեոլիա Ջուր» փակ բաժնետիրական ընկերության հետ կնքել համապատասխան համաձայնագիր՝ 2016 թվականի նոյեմբերի 21-ին Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի ու «Վեոլիա Ջուր» փակ բաժնետիրական ընկերության միջև կնքված «Երևան Ջուր», «Հայջրմուղկոյուղի», «Լոռի-ջրմուղկոյուղի», «Շիրակջրմուղկոյուղի» և «Նոր Ակունք» փակ բաժնետիրական ընկերությունների կողմից օգտագործվող ու պահպանվող ջրային համակարգերի և այլ գույքի վարձակալության պայմանագրի շրջանակներում «Վեոլիա Ջուր» փակ բաժնետիրական ընկերությանը վարձակալության հանձնելու նպատակով:
4. Առաջարկել «Վեոլիա Ջուր» փակ բաժնետիրական ընկերությանն ապահովել սույն որոշման 3-րդ կետի 2-րդ ենթակետում նշված համաձայնագրի նոտարական վավերացումը, դրանից բխող գույքային իրավունքների պետական գրանցման և նշված գործողությունների իրականացման համար անհրաժեշտ ծախսերի կատարումը:
|
Հայաստանի Հանրապետության փոխվարչապետ |
Մ. ԳՐԻԳՈՐՅԱՆ |
|
Երևան |
|
05.05.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
|
Հավելված ՀՀ կառավարության 2023 թվականի մայիսի 4-ի N 685-Ա որոշման |
Ց Ա Ն Կ
ԵՐԵՎԱՆ ՔԱՂԱՔԻ ԿԵՆՏՐՈՆ ՎԱՐՉԱԿԱՆ ՇՐՋԱՆԻ ԱՐԳԻՇՏԻԻ ՓՈՂՈՑ 48/8 ՇԵՆՔ, 41 ՀԱՍՑԵԻ ՊՈՄՊԱԿԱՅԱՆԻ ՏԱՐԱԾՔԻ ԵՎ ՊՈՄՊԱԿԱՅԱՆԻ ՍԱՐՔԱՎՈՐՈՒՄՆԵՐԻ
|
NN ը/կ |
Անվանումը |
Չափի միավորը |
Միավորի արժեքը |
Քանակը |
Հաշվեկշռային արժեքը |
|
1. |
Կենտրոնախույս բազմաքայլ պոմպ Grundfos CME 10-2 A-R-A-E- AVBE S-A-D-N հաճախականության կարգավորիչով |
կոմպլեկտ |
1 370 603 |
2 |
2741206 |
|
2. |
Ճնշման տվիչ Grundfos MBS3000 0-16 BAR |
հատ |
79 600 |
2 |
159200 |
|
3. |
Ճնշումային բաք 24 VA Rosso |
հատ |
15 260 |
1 |
15260 |
|
4. |
Էլ. սարքերի տուփ արտաքին MG-8RP |
հատ |
9 700 |
1 |
9700 |
|
5. |
Ավտոմատ SH203-C16 ABB |
հատ |
14 153 |
1 |
14153 |
|
6. |
Մալուխ ՎՎԳ HГ-LS-4*2.5 |
մետր |
896 |
25 |
22400 |
|
7. |
Մանոմետր |
հատ |
11 500 |
2 |
23000 |
|
8. |
Մուֆտ Կոմբի 40x 1-1/2, 32x1-1/4, 1”, 1/2”, 3/4" |
հատ |
370 |
12 |
4 440 |
|
9. |
Ամերիկանկա 1- 1/2՛՛ |
հատ |
12 049 |
2 |
24 098 |
|
10. |
Եռաբաշխիչներ |
հատ |
895 |
10 |
8950 |
|
11. |
Խողովակ PPR 1—1/2” |
մետր |
1 450 |
15 |
21750 |
|
12. |
Միացման անցումներ և դետալներ Vector |
հատ |
1 425 |
14 |
19950 |
|
13. |
Զտիչ ցանցավոր ներքին Vector պարուրակավոր SS 316 1 1/4” |
հատ |
17 310 |
1 |
17310 |
|
14. |
Հետադարձ կափույր թաթիկավոր SS 316 1 1/4” Vector 800PSI |
հատ |
9 050 |
2 |
18100 |
|
15. |
Գնդիկավոր փական ներքին պարուրակավոր SS 316 1 1/2” Vector 1000 PSI |
հատ |
4 200 |
2 |
8400 |
|
16. |
Գնդիկավոր փական արտաք․ և ներքին պարուրակավոր SS 316 1 1/4” Vector 1000 PSI |
հատ |
12 720 |
4 |
50880 |
|
17. |
Գնդիկավոր փական ներքին պարուրակավոր SS 316 3/4“ Vector 1000 PSI |
հատ |
2 830 |
3 |
8490 |
|
18. |
Գնդիկավոր փական ներքին պարուրակավոր 1-1/2 |
հատ |
3 725 |
2 |
7450 |
|
19. |
Ցածր ճնշման ռելե 0-8 բար |
հատ |
22 850 |
1 |
22850 |
|
20. |
Թիվ 41 շինություն /պոմպակայան/ |
քառ. մ |
332659.907 |
21.3 |
7085656 |
|
Ընդամենը |
10283243 |
|
Հայաստանի Հանրապետության |
Ա. Հարությունյան |
|
05.05.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |