ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

19 մայիսի 2022 թվականի

թիվ 84

քաղ. Բիշքեկ

«Եվրասիական տնտեսական միության մասին» 2014 թվականի մայիսի 29-ի պայմանագրի 31-րդ հոդվածի 2-րդ կետին, «Եվրասիական տնտեսական միության շրջանակներում բժշկական արտադրատեսակների (բժշկական նշանակության արտադրատեսակների և բժշկական տեխնիկայի) շրջանառության միասնական սկզբունքների և կանոնների մասին» 2014 թվականի դեկտեմբերի 23-ի համաձայնագրի 4-րդ հոդվածի 2-րդ և 4-րդ կետերին, Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 92-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Եվրասիական տնտեսական հանձնաժողովի խորհրդի 2016 թվականի փետրվարի 12-ի թիվ 46 որոշմամբ հաստատված՝ Բժշկական արտադրատեսակների գրանցման և անվտանգության, որակի ու արդյունավետության փորձաքննության կանոնների 1-ին կետի երկրորդ պարբերությունը շարադրել հետև յալ խմբագրությամբ.

«Սույն կանոնների պահանջները կարող են չկիրառվել այն բժշկական արտադրատեսակների նկատմամբ, որոնց շրջանառությունը կարգավորվում է Միության անդամ պետությունների (այսուհետ՝ անդամ պետություններ) օրենսդրությամբ, և որոնք նախատեսված են ռազմական գործողությունների, արտակարգ իրավիճակների առաջացման, վերացման և կանխարգելման, շրջապատի համար վտանգ ներկայացնող համաճարակային հիվանդությունների տարածման սպառնալիքի, անբարենպաստ քիմիական, կենսաբանական, ճառագայթային գործոնների ազդեցության արդյունքում ստացված հիվանդությունների և ախտահարումների կանխարգելման, ախտորոշման ու բուժման պայմաններում կիրառելու համար, և անդամ պետությունների շուկաներում բժշկական արտադրատեսակների բացակայության սպառնալիքի կամ բացակայության դեպքում՝ անդամ պետություններից առնվազն մեկի նկատմամբ սահմանափակող տնտեսական միջոցների սահմանման պայմաններում։ Սույն կանոնների պահանջների չկիրառումը թույլատրվում է միայն նշված պայմանների գործողության ընթացքում։»։

2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Բ. Սուլթանով	Ա. Կոժոշև	Ա. Օվերչուկ

Պաշտոնական հրապարակման օրը՝ 5 մայիսի 2023 թվական: