ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

10 հունիսի 2022 թվականի

թիվ 97

քաղ. Նուր-Սուլթան

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ 2014 ԹՎԱԿԱՆԻ ՆՈՅԵՄԲԵՐԻ 12-Ի ԹԻՎ 99 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական հանձնաժողովի խորհուրդը որոշեց.

1. Եվրասիական տնտեսական հանձնաժողովի խորհրդի 2014 թվականի նոյեմբերի 12-ի «Եվրասիական տնտեսական հանձնաժողովում պաշտոններ զբաղեցնելու հետ կապված հարցեր» թիվ 99 որոշման մեջ կատարել հետևյալ փոփոխությունները՝

ա) նշված որոշմամբ հաստատված՝ «Եվրասիական տնտեսական հանձնաժողովի դեպարտամենտներում պաշտոնատար անձանց պաշտոնները զբաղեցնելու համար թեկնածուների ընտրության հարցերով մրցութային հանձնաժողովի մասին» հիմնադրույթի 11-րդ կետը՝

լրացնել «, ինչպես նաև տեսակոնֆերանս-կապի միջոցով» բառերով.

լրացնել հետևյալ բովանդակությամբ պարբերությամբ՝

«Տեսակոնֆերանս-կապի միջոցով մրցույթի անցկացման կարգը հաստատվում է Կոլեգիայի նախագահի հրամանով:».

բ) Եվրասիական հանձնաժողովի կառուցվածքային ստորաբաժանման մեջ թափուր պաշտոն զբաղեցնելու համար մրցույթի անցկացման կարգի (նշված որոշմամբ հաստատված՝ Եվրասիական տնտեսական հանձնաժողովում աշխատանքային պայմանագրի (կոնտրակտի) կնքման, դրա երկարաձգման և լուծման հիմքերի կարգի հավելված) 12-րդ կետը՝

լրացնել «, ինչպես նաև տեսակոնֆերանս-կապի միջոցով» բառերով.

լրացնել հետևյալ բովանդակությամբ պարբերությամբ՝

«Տեսակոնֆերանս-կապի միջոցով մրցույթի անցկացման կարգը հաստատվում է Կոլեգիայի նախագահի հրամանով:»:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո, բայց ոչ շուտ, քան ««Եվրասիական տնտեսական միության մասին» 2014 թվականի մայիսի 29-ի պայմանագրում Եվրասիական տնտեսական հանձնաժողովի կադրային կազմի ձևավորման մեխանիզմը հստակեցնելու մասով փոփոխություններ կատարելու մասին» 2021 թվականի օգոստոսի 5-ի արձանագրությունն ուժի մեջ մտնելու օրվանից։

Եվրասիական տնտեսական հանձնաժողովի խորհրդի անդամներ՝