ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
25 նոյեմբերի 2022 թվականի |
թիվ 177 |
քաղ. Բիշքեկ |
ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ 2011 ԹՎԱԿԱՆԻ ՀՈՒԼԻՍԻ 15-Ի ԹԻՎ 710 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածի 2-ին կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 29-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.
1. Մաքսային միության հանձնաժողովի 2011 թվականի հուլիսի 15-ի ««Երկաթուղային շարժակազմի անվտանգության մասին», «Արագընթաց երկաթուղային տրանսպորտի անվտանգության մասին» և «Երկաթուղային տրանսպորտի ենթակառուցվածքի անվտանգության մասին» Մաքսային միության տեխնիկական կանոնակարգերն ընդունելու մասին» թիվ 710 որոշման մեջ կատարել հետևյալ փոփոխությունները.
ա) 3-րդ կետը լրացնել հետևյալ բովանդակությամբ 3.4 ենթակետով.
«3.4. մինչև 2023 թվականի դեկտեմբերի 31-ը գնացքաքարշերի և շարժիչավագոնային շարժակազմի առանցքակալատուփերի համար գլորման հոլովակավոր առանցքակալները (կասետային տիպի) Եվրասիական տնտեսական միության մաքսային տարածքում շրջանառության մեջ դնելը թույլատրվում է այդ արտադրանքի այն համապատասխանության հավաստագրերի առկայության դեպքում, որոնք ստացվել են նշված առանցքակալների՝ հավատարմագրված փորձարկման լաբորատորիայում (կենտրոնում), այդ թվում՝ ցուցադրավահանային [ստենդային] փորձարկումների՝ ստանդարտացված մեթոդով սահմանված պայմանական վազքի առնվազն կեսի ծավալով անցկացման հիման վրա՝ սերտիֆիկացված արտադրանքի հսկողության ենթակա հետագա շահագործմամբ՝ մինչև պայմանական վազքի ամբողջ ծավալը:».
բ) Նշված որոշմամբ ընդունված՝ «Երկաթուղային շարժակազմի անվտանգության մասին» Մաքսային միության տեխնիկական կանոնակարգի (ՄՄ ՏԿ 001/2011) 172-րդ կետը շարադրել հետևյալ խմբագրությամբ.
«172. Այն արտադրանքի համապատասխանության հավաստագիրը, որի բաղկացուցիչ մասերը ենթակա են սույն տեխնիկական կանոնակարգի պահանջներին համապատասխանության հավաստման, կարող է տրվել՝ պայմանով, որ տվյալ բաղկացուցիչ մասերը անցնեն սույն տեխնիկական կանոնակարգի պահանջներին համապատասխանության գնահատման ընթացակարգը։»։
2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից՝ |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից՝ |
Ռուսաստանի Դաշնությունից՝ |
|
Մ. Գրիգորյան |
Ի. Պետրիշենկո |
Ս. Ժումանգարին |
Ա. Կասիմալիև |
Ա. Օվերչուկ |
Պաշտոնական հրապարակման օրը՝ 5 մայիսի 2023 թվական:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|