ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 մարտի 2023 թվականի N 366-Ա

Ղեկավարվելով Հայաստանի Հանրապետության քաղաքացիական օրենսգրքի 605-րդ և Հայաստանի Հանրապետության հողային օրենսգրքի 89-րդ հոդվածներով, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ մասով և հիմք ընդունելով 2022 թվականի հունվարի 3-ին Հայաստանի Հանրապետության կառավարության, ի դեմս Հայաստանի Հանրապետության կրթության, գիտության, մշակույթի և սպորտի նախարարության, «Սպորտի աշխարհ» հիմնադրամի և Արթուր Աբրահամի միջև կնքված «Արթուր Աբրահամի անվան մանկապատանեկան մարզահամալիրի կառուցման և անհրաժեշտ գույքով ապահովման մասին» համագործակցության հուշագիրը (այսուհետ՝ հուշագիր)՝ Հայաստանի Հանրապետության կառավարությունը որոշում է.

1. Որպես նվիրաբերություն Հայաստանի Հանրապետությանն ընդունել «Սպորտի աշխարհ» հիմնադրամի սեփականություն հանդիսացող՝ ք. Երևան, Շենգավիթ, Ն. Չարբախ, 3-րդ փողոց 31/13 հասցեում գտնվող, 0,374813, 0,0312 և 0,0422 հա մակերեսով հողամասը (այսուհետ՝ անշարժ գույք, անշարժ գույքի նկատմամբ սեփականության իրավունքի պետական գրանցման վկայական՝ N 22032022-01-0065)։

2. Սույն որոշման 1-ին կետում նշված անշարժ գույքն ամրացնել Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին՝ հուշագրով նախատեսված՝ Արթուր Աբրահամի անվան մանկապատանեկան մարզահամալիրի կառուցման և նոր ստեղծվող իրավաբանական անձի կանոնադրական կապիտալում ներդնելու նպատակով։

3. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝

1) սույն որոշումն ուժի մեջ մտնելուց հետո վեցամսյա ժամկետում ապահովել սույն որոշման 1-ին կետում նշված անշարժ գույքի` օրենքով սահմանված կարգով Հայաստանի Հանրապետության անունից նվիրաբերության պայմանագրի կնքումը, անշարժ գույքի հանձնում-ընդունումը և գույքային իրավունքների պետական գրանցումը՝ դրանց հետ կապված ծախսերն իրականացնելով Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի միջոցների հաշվին.

2) սույն կետի 1-ին ենթակետում նշված աշխատանքների ավարտից հետո իրականացնել անշարժ գույքի գնահատման աշխատանքները։

Հայաստանի Հանրապետության վարչապետ	Ն. ՓաշինՅԱՆ
Երևան

23.03.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ