Ո Ր Ո Շ ՈՒ Մ

9 նոյեմբերի 2017 թվականի N 1440-Ն

ԷԼԵԿՏՐՈՆԱՅԻՆ ՀՍԿՈՂՈՒԹՅԱՆ ՄԻՋՈՑՆԵՐԻ ՖԻՆԱՆՍԱՎՈՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

(վերնագիրը փոփ. 30.03.23 N 447-Ն)

Հիմք ընդունելով «Պրոբացիայի մասին» Հայաստանի Հանրապետության օրենքի 44-րդ հոդվածի 5-րդ մասը` Հայաստանի Հանրապետության կառավարությունը որոշում է.

1. Սահմանել էլեկտրոնային հսկողության միջոցների ֆինանսավորման կարգը՝ համաձայն հավելվածի:

(1-ին կետը փոփ. 30.03.23 N 447-Ն)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը՝ բացառությամբ այլընտրանքային խափանման միջոցների և անվտանգության միջոցների հետ համակցված կիրառվող էլեկտրոնային հսկողության վերաբերյալ դրույթների, որոնք ուժի մեջ են մտնում 2018 թվականի հունվարի 1-ից:

Հայաստանի Հանրապետության վարչապետ	Կ. Կարապետյան
2017 թ. նոյեմբերի 17 Երևան

Կ Ա Ր Գ

ԷԼԵԿՏՐՈՆԱՅԻՆ ՀՍԿՈՂՈՒԹՅԱՆ ՄԻՋՈՑՆԵՐԻ ՖԻՆԱՆՍԱՎՈՐՄԱՆ
(վերնագիրը խմբ. 30.03.23 N 447-Ն)

1. Սույն կարգով կարգավորվում են էլեկտրոնային հսկողության միջոցների ֆինանսավորման հետ կապված հարաբերությունները:

2. Էլեկտրոնային հսկողության ծառայությունների ֆինանսավորումն իրականացվում է դատական ակտով՝ պետական բյուջեի կամ պրոբացիայի շահառուի միջոցների հաշվին։ Էլեկտրոնային հսկողության ծառայությունները պրոբացիայի շահառուի միջոցների հաշվին ֆինանսավորվելու դեպքում` ֆինանսավորման ծախսերը պետք է համարժեք լինեն պրոբացիայի շահառուի ֆինանսական դրությանը:

3. Միջնորդություն ներկայացնողը դատարան է ներկայացնում առաջարկ էլեկտրոնային հսկողության միջոցների կիրառումը պրոբացիայի շահառուի միջոցների հաշվին կիրառելու վերաբերյալ:

4. Պրոբացիայի շահառուի մոտ բավարար դրամական միջոցների բացակայությունը չի կարող հիմք հանդիսանալ էլեկտրոնային հսկողության կիրառումը մերժելու համար:

5. Էլեկտրոնային հսկողության ծառայություններն իրականացվում են Հայաստանի Հանրապետության արդարադատության նախարարությանը հատկացված պետական միջոցների հաշվին:

6. Էլեկտրոնային հսկողության ծառայությունների ֆինանսավորման գումարի չափը հաշվարկում է պրոբացիայի ծառայությունը՝ սույն կարգի 7-րդ և 8-րդ կետերում նշված բանաձևերի համաձայն, որը վեցամսյա պարբերականությամբ հրապարակվում է պրոբացիայի ծառայության պաշտոնական կայքէջում:

7. Էլեկտրոնային հսկողության ռադիոալիքային սարքավորումների կիրառման դեպքում՝ պրոբացիայի մեկ շահառուի հաշվով օրական ծախսը հաշվարկվում է հետևյալ բանաձևով՝

ՕԾ = ՁԳ+ՊԾ+ՉԾ,

որտեղ՝

ՕԾ-ն օրական ծախսն է,

ՁԳ-ն էլեկտրոնային հսկողության ռադիոալիքային սարքավորումների ձեռքբերման օրական գինն է,

ՊԾ-ն սարքի շահագործման համար անհրաժեշտ պահպանման օրական ծախսն է,

ՉԾ-ն չկանխատեսված այլ ծախսերն են, որոնք հնարավոր չէ նախօրոք կանխատեսել (օրինակ, սարքերի պահեստամասերի ձեռքբերում, սպասարկման ծառայությունների շուկայական գների փոփոխություն).

1) էլեկտրոնային հսկողության ռադիոալիքային սարքավորումների ձեռքբերման օրական գինը հաշվարկվում է հետևյալ բանաձևով՝

ա. ՕԳ1 = ՁԳ/ՕԳԺ,

որտեղ՝

ՕԳ1 -ն անձնական նույնականացման սարքի ձեռքբերման օրական գինն է,

ՁԳ-ն անձնական նույնականացման սարքի ձեռքբերման գինն է,

ՕԳԺ-ն սարքի օգտակար օգտագործման ժամկետն է.

բ. ՕԳ2 = ՁԳվ /Օգգ,

որտեղ՝

ՕԳ2 -ը ֆիքսված վերահսկման սարքակազմի ձեռքբերման օրական գինն է,

ՁԳվ-ն ֆիքսված վերահսկման սարքակազմի ձեռքբերման գինն է,

ՕԳԳ-ն սարքի օգտակար օգտագործման ժամկետն է.

գ. ՕԳ3 = ՁԳԱ /ՕԳԺ1,

որտեղ՝

ՕԳ3-ը հաղորդող անլար սարքի ձեռքբերման օրական գինն է,

ՁԳԱ-ն հաղորդող անլար սարքի ձեռքբերման գինն է,

ՕԳԺ1-ը սարքի օգտակար օգտագործման ժամկետն է.

դ. ՕԳ4= ՁԳՍ /ՕԳԺ2 /ՇԹ,

որտեղ՝

ՕԳ4-ը սերվերի շահագործման օրական գինն է,

ՁԳՍ-ն սերվերի ձեռքբերման գինն է,

ՕԳԺ2-ը սարքի օգտակար օգտագործման ժամկետն է,

ՇԹ-ն սպասարկվող պրոբացիայի շահառուների թիվն է.

ե. ՕԳԾ = ՁԳ Ծ/ ՕԳԺ3/ՇԹՍ, որտեղ՝ ՕԳԾ-ն ծրագրի (soſtware) շահագործման օրական գինն է,

ՁԳԾ-ն ծրագրի ձեռքբերման գինն է,

ՕԳԺ3-ը սարքի օգտակար օգտագործման ժամկետն է,

ՇԹՍ-ն սպասարկվող պրոբացիայի շահառուների թիվն է.

զ. ՕԳՄ = ՕԺՄ+ՕՀՄ,

որտեղ՝

ՕԳՄ-ն մոնիթորինգի իրականացման օրական գինն է,

ՕԺՄ-ն մոնիթորինգի կենտրոնի կահավորման համար անհրաժեշտ տեխնիկայի փոխհատուցման օրական արժեքն է,

ՕՀՄ-ն մոնիթորինգ իրականացնող աշխատողների աշխատավարձի օրական հատուցումն է

2) սարքի շահագործման համար անհրաժեշտ պահպանման օրական ծախսը հաշվարկվում է հետևյալ բանաձևով՝

ա. ՕԳՍ = ԱԳ/ՕԹ/ՇԹ1,

որտեղ՝

ՕԳՍ-ն սերվերի սպասարկման օրական գինն է,

ԱԳ-ն սերվերի սպասարկման ամսական գինն է,

ՕԹ-ն ամսվա օրերի թիվն է,

ՇԹ1-ը սպասարկվող պրոբացիայի շահառուների թիվն է.

բ. ՕԳԿ =ԱՄՀ /ՕԹԱ/ ՇԹ2,

որտեղ՝

ՕԳԿ-ն սերվերի՝ համացանցին կցվելու օրական գինն է (կապուղիների օրական գինը),

ԱՄՀ-ն սերվերի՝ համացանցին կցվելու ամսական գինն է, ՕԹԱ-ն ամսվա օրերի թիվն է,

ՇԹ2-ը սպասարկվող պրոբացիայի շահառուների թիվն է.

գ. ՕԳՄհ = ԱԳՄհ /ՕԹ1 /ՇԹ2, որտեղ՝ՕԳՄհ-ն մոնիթորինգի կենտրոնի՝ համացանցին կցվելու օրական գինն է,

ԱԳՄհ-ն մոնիթորինգի կենտրոնի՝ համացանցին կցվելու ամսական գինն է,

ՕԹ1-ն ամսվա օրերի թիվն է,

ՇԹ2 -ը սպասարկվող պրոբացիայի շահառուների թիվն է.

դ. ՕԳՏԽ = ԱԳՏԽ/ԱՕԹ/ՍՇԹ,

որտեղ՝

ՕԳՏԽ-ն համակարգիչների և ծրագրի տեխնիկական սպասարկման օրական գինն է,

ԱԳՏԽ-ն համակարգիչների և ծրագրի տեխնիկական սպասարկման ամսական գինն է,

ԱՕԹ-ն ամսվա օրերի թիվն է, ՍՇԹ-ն սպասարկվող պրոբացիայի շահառուների թիվն է.

3) չկանխատեսված այլ ծախսերը հաշվարկվում են հետևյալ բանաձևով՝

ՉԾԱ= (ՕԳՌ +ՕԾՊ ) * 10 %,

որտեղ՝

ՉԾԱ-ն չկանխատեսված այլ ծախսերն են,

ՕԳՌ-ն էլեկտրոնային հսկողության ռադիոալիքային սարքավորումների ձեռքբերման օրական գինն է,

ՕԾՊ-ն սարքի շահագործման համար անհրաժեշտ պահպանման օրական ծախսն է:

8. Էլեկտրոնային հսկողության գլոբալ տեղորոշման համակարգով (GPS) աշխատող սարքավորումների կիրառման դեպքում՝ պրոբացիայի մեկ շահառուի հաշվով օրական ծախսը հաշվարկվում է հետևյալ բանաձևով՝

ՕԾGPS = ՕԳGPS +ՕԾՊ GPS +ՉԾGPS,

որտեղ՝

ՕԾGPS -ն էլեկտրոնային հսկողության գլոբալ տեղորոշման համակարգով (GPS) աշխատող սարքավորումների կիրառման օրական ծախսն է,

ՕԳGPS -ն էլեկտրոնային հսկողության գլոբալ տեղորոշման համակարգով (GPS) աշխատող սարքավորումների ձեռքբերման օրական գինն է,

ՕԾՊ GPS -ն սարքի շահագործման համար անհրաժեշտ պահպանման օրական ծախսն է,

ՉԾGPS -ը չկանխատեսված այլ ծախսերն են.

1) էլեկտրոնային հսկողության գլոբալ տեղորոշման համակարգով (GPS) աշխատող սարքավորումների ձեռքբերման օրական գինը հաշվարկվում է հետևյալ բանաձևով՝

ա. ՕԳԱՆՍ = ՁԳԱՆՍ /ՕԳԺԱՆՍ,

որտեղ՝

ՕԳԱՆՍ -ն անձնական նույնականացման սարքի ձեռքբերման օրական գինն է,

ՁԳԱՆՍ -ն անձնական նույնականացման սարքի ձեռքբերման գինն է,

ՕԳԺԱՆՍ -ն սարքի օգտակար օգտագործման ժամկետն է.

բ. ՕԳGPS = ՁԳGPS /ՕԳԺGPS,

որտեղ՝

ՕԳGPS -ը GPS արբանյակային օպերատիվ-հետախուզական սարքի ձեռքբերման օրական գինն է,

ՁԳGPS -ը GPS արբանյակային օպերատիվ-հետախուզական սարքի ձեռքբերման գինն է,

ՕԳԺ GPS -ը սարքի օգտակար օգտագործման ժամկետն է.

գ. ՍՀՕԳ =ՁԳՍ /ՕԳԺՍ/ՇԹՍ1,

որտեղ՝

ՍՀՕԳ -ն սերվերի շահագործման օրական գինն է,

ՁԳՍ -ն սերվերի ձեռքբերման գինն է,

ՕԳԺՍ -ն սարքի օգտակար օգտագործման ժամկետն է,

ՇԹՍ1 -ը սպասարկվող պրոբացիայի շահառուների թիվն է.

դ. ՕԳsօſt ware =ԾԳ/ԾՕԳԺ/ՍՇԹ1,

որտեղ՝

ՕԳsօſtware-ն ծրագրի (soſtware) շահագործման օրական գինն է,

ԾԳ-ն ծրագրի ձեռքբերման գինն է,

ԾՕԳԺ-ն ծրագրի օգտակար օգտագործման ժամկետն է,

ՍՇԹ1 -ն սպասարկվող պրոբացիայի շահառուների թիվն է.

ե. ՕԳՄ=ՕԺ+ՕՀ,

որտեղ՝

ՕԳՄ -ն մոնիթորինգի իրականացման օրական գինն է,

ՕԺ-ն մոնիթորինգի կենտրոնի կահավորման համար անհրաժեշտ տեխնիկայի դիմաց փոխհատուցման օրական արժեքն է,

ՕՀ-ն մոնիթորինգ իրականացնող աշխատողների աշխատավարձի օրական հատուցումն է.

2) սարքի շահագործման համար անհրաժեշտ պահպանման օրական ծախսը հաշվարկվում է հետևյալ բանաձևով՝

ա. ՕԳ=ՍԱԳ/ԱՕԹ/ՍՇԹ,

որտեղ՝

ՕԳ-ն սերվերի սպասարկման օրական գինն է,

ՍԱԳ-ն սերվերի սպասարկման ամսական գինն է,

ԱՕԹ-ն ամսվա օրերի թիվն է,

ՍՇԹ-ն սպասարկվող պրոբացիայի շահառուների թիվն է.

բ. ՕԳԿ=ԱԳԿ/ԱՕԹ/ԿՍՇԹ,

որտեղ՝

ՕԳԿ-ն սերվերի՝ համացանցին կցվելու օրական գինն է (կապուղիների օրական գինը),

ԱԳԿ-ն սերվերի՝ համացանցին կցվելու ամսական գինն է,

ԱՕԹ-ն ամսվա օրերի թիվն է,

ԿՍՇԹ-ն սպասարկվող պրոբացիայի շահառուների թիվն է.

գ. ՕԳՄԿ = ԱԳՄԿ /ՕԹ/ՍՇԹՄԿ,

որտեղ՝

ՕԳՄԿ-ն մոնիթորինգի կենտրոնը համացանցին կցելու օրական գինն է,

ԱԳՄԿ-ն մոնիթորինգի կենտրոնը համացանցին կցելու ամսական գինն է,

ՕԹ-ն ամսվա օրերի թիվն է,

ՍՇԹՄԿ-ն սպասարկվող պրոբացիայի շահառուների թիվն է.

դ. ՕԳ ԾՍ =ԱԳՏխ /ԱՕԹ/ՍՇԹ,

որտեղ՝

ՕԳ ԾՍ-ն համակարգիչների և ծրագրի տեխնիկական սպասարկման օրական գինն է,

ԱԳՏխ-ն համակարգիչների և ծրագրի տեխնիկական սպասարկման ամսական գինն է,

ԱՕԹ-ն ամսվա օրերի թիվն է,

ՍՇԹ-ն սպասարկվող պրոբացիայի շահառուների թիվն է.

ե. GPS-ն արբանյակային օպերատիվ-հետախուզական սարքի քարտի սպասարկման օրական վճարն է.

3) չկանխատեսված այլ ծախսերը հաշվարկվում են հետևյալ բանաձևով՝

ՉԾ= (ՕԳGPS +ՕԾ )* 10 %,

որտեղ՝

ՉԾ-ն չկանխատեսված այլ ծախսերն են,

ՕԳGPS-ն էլեկտրոնային հսկողության գլոբալ տեղորոշման համակարգով (GPS) աշխատող սարքավորումների ձեռքբերման օրական գինն է,

ՕԾ-ն սարքի շահագործման համար անհրաժեշտ պահպանման օրական ծախսն է:

9. Էլեկտրոնային հսկողության միջոցները ձեռք են բերվում «Գնումների մասին» Հայաստանի Հանրապետության օրենքով սահմանված կարգով:

(հավելվածը խմբ. 30.03.23 N 447-Ն)