Basic information
Number
թիվ 9
Type
Որոշում
Act type
Հիմնական ակտ (21.02.2021-մինչ օրս)
Status
Գործում է
Source
Միասնական կայք 2022.06.13-2022.06.26 Պաշտոնական հրապարակման օրը 22.06.2022
Enactment organisation
Եվրասիական տնտեսական հանձնաժողովի կոլեգիա
Enactment date
19.01.2021
Signing organisation
Եվրասիական տնտեսական հանձնաժողովի կոլեգիայի նախագահ
Signing date
19.01.2021
Effective date
21.02.2021

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

 

Ո Ր Ո Շ ՈՒ Մ

 

19 հունվարի 2021 թվականի

թիվ 9

քաղ. Մոսկվա

 

ԱՆԱՎԱՐՏ ՏԵՍՔՈՎ ԲԱՐՁՐ ՃՆՇՄԱՆ ՊՈՂՊԱՏԵ ԲԱԼՈՆՆԵՐԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

 

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց․

1. Անավարտ տեսքով բարձր ճնշման պողպատե բալոնը, որը փակ տիպի գլանաձեւ ռեզերվուար է, որն ստացվել է արտամղման (էքստրուզիայի) մեթոդով՝ անկար եղանակով՝ հատակի ձեւավորմամբ եւ փակ բկանցքով, հետագա մշակման չենթարկված (ներկում, հսկողություն, փոխադրման խցափակիչների, փականների, կափույրների տեղադրում) եւ ավարտուն վիճակում նախատեսված է սեղմված կամ հեղուկացված գազի պահման եւ փոխադրման համար, Արտաքին տնտեսական գործունեության ապրանքային անվանացանկի մեկնաբանման 1-ին եւ 2-րդ (ա) հիմնական կանոններին համապատասխան՝ դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 7311 00 ապրանքային դիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

 

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

 

Պաշտոնական հրապարակման օրը՝ 22 հունիսի 2022 թվական: