1.

Ծրագրի նպատակը

Իրականացնել մինչև 18 տարեկան կյանքի դժվարին իրավիճակում հայտնված երեխաների կարճաժամկետ և երկարաժամկետ ընտանեկան տիպի խնամքը և դաստիարակությունը, ինչպես նաև երեխաների համար ձևավորել հոգատար և ապահով ընտանեկան միջավայր, որը կապահովի նրանց ներդաշնակ զարգացումը և հետագա ինտեգրումը:

«ՍՕՍ-Մանկական Գյուղեր» հայկական բարեգործական հիմնադրամն իրականացնում է կյանքի դժվարին իրավիճակում հայտնված երեխաների ընտանեկան տիպի խնամքի ապահովումը: ՍՕՍ ընտանեկան տանը խնամք և դաստիարակություն են ստանում առավելագույնը յոթ երեխա: Յուրաքանչյուր ընտանեկան տուն ներառում է չորս ննջասենյակ, հյուրասենյակ, խոհանոց և ճաշասենյակ, չորս սանհանգույց` համապատասխան լվացարաններով և զուգարաններով, մեկ տնտեսական սենյակ և խորդանոց: Յուրաքանչյուր ՍՕՍ ընտանիք ղեկավարվում է ՍՕՍ ծնողի կողմից, որն ապրում և աշխատում է ՍՕՍ ընտանեկան տանը:

2.

Ծրագրի բարեգործական

որակման նպատակը

Սահմանված կարգով օգտվել Հայաստանի Հանրապետության հարկերի, տուրքերի, պարտադիր վճարների օրենքներով նախատեսվող արտոնություններից:

3.

Բարեգործը

ՍՕՍ Մանկական Գյուղեր Միջազգային կազմակերպություն (Հերման Գմայների փողոց 51 A-6020 Իննսբրուկ, Ավստրիա)

4.

Ծրագրի կատարողը

«ՍՕՍ-Մանկական Գյուղեր» հայկական բարեգործական հիմնադրամ (ՀՎՀՀ` 03517269, Հայաստանի Հանրապետության քաղ.Երևան, Հր. Քոչարի 8, բն. 18-19 )

5.

Ծրագրի իրականացման վայրը և բնագավառը

Ծրագիրն իրականացվում է Հայաստանի Հանրապետության Կոտայքի Մարզ, գ. Կոտայք, Հերման Գմայների փողոց 1:

«ՍՕՍ-Մանկական Գյուղեր» հայկական բարեգործական հիմնադրամի «Կոտայք» մասնաճյուղը (այսուհետ` մասնաճյուղ) գտնվում է Հայաստանի Հանրապետության Կոտայքի մարզի Կոտայք համայնքի կողմից անհատույց օգտագործման համար հանձնված շուրջ 6 հեկտար ընդհանուր հողատարածքի վրա: Այնտեղ գտնվում է 13 ընտանեկան տուն, վարչատնտեսական և ուսումնական շինություններ: Վերոնշյալ բոլոր շենքներն ու շինությունները, ինչպես նաև դրանցում օգտագործվող գույքը կազմակերպության սեփականությունն են և հիմնականում ձեռք են բերվել ՍՕՍ Մանկական Գյուղեր Միջազգային կազմակերպության (Հերման Գմայների փողոց 51 A-6020 Իննսբրուկ, Ավստրիա) կողմից հատկացված միջոցներով:

Ծրագիրն առնչվում է սոցիալական բնագավառին:

6.

Ծրագրի բյուջեն

1,081,381,285 դրամ

7.

Բարեգործությունն ստացողը

Ծրագրի շահառուներ են հանդիսանում կյանքի դժվարին իրավիճակում հայտնված մինչև 18 տարեկան շուրջ 70 երեխա, որոնք «ՍՕՍ-Մանկական Գյուղեր» հայկական բարեգործական հիմնադրամի մասնաճյուղ ուղղորդվում են Աշխատանքի և սոցիալական հարցերի նախարարության կողմից տրված ուղեգրի, (Հայաստանի Հանրապետության կառավարության 2015 թվականի սեպտեմբերի 25-ի «Երեխաների, տարեց և (կամ) հաշմանդամություն ունեցող անձանց խնամքի տրամադրման կարգը և պայմանները սահմանելու, տարեց և (կամ) հաշմանդամություն ունեցող անձանց խնամքի տրամադրումը մերժելու հիմք հանդիսացող հիվանդությունների ցանկը հաստատելու և Հայաստանի Հանրապետության կառավարության մի շարք որոշումներ ուժը կորցրած ճանաչելու մասին» N 1112-Ն որոշման), խնամակալության և հոգաբարձության մարմինների կողմից ներկայացված գրությունների (որոշումների), ինչպես նաև ծնողների (օրինական ներկայացուցիչների) դիմումների հիման վրա:

8.

Ծրագրի իրականացման

տևողությունը

2023 թվականի հունվարի 27-ից մինչև 2025 թվականի դեկտեմբերի 31-ը

9.

Միջոցառումների նկարագրությունը և ժամկետները, անհրաժեշտ ֆինանսական

միջոցների ծավալը

1. ՍՕՍ ընտանիքի շրջանակներում շուրջ 70 երեխաների շարունակական խնամքի և դաստիարակության անընդմեջ իրականացում մասնավորապես սննդի, լվացող նյութերի և հիգիենայի պարագաների, հագուստի և կոշիկի, դպրոցական ծախսերի, այլ ընտանեկան ծախսերի, ինչպես նաև կենսաբանական ընտանիքին  աջակցության տրամադրում՝ 249,159,060 դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

2. Կրթադաստիարակչական, մարզամշակութային միջոցառումների և ամառային հանգստի կազմակերպում, մասնավորապես՝ նախասիրությունների խմբակների, մինչև հիմնադրամի կողմից իրականացվող ծրագրի մեջ ներգրավվելը հանրակրթական դպրոցներ չհաճախած կամ թերհաճախած երեխաների համար հատուկ դասընթացների և առանձնահատուկ ընդունակություններ ունեցող երեխաների արտադասարանային պարապմունքների կազմակերպում, ինչպես նաև ուսումնական հաստատություններում վճարովի հոսքերում սովորողների ուսման վարձեր, մասնավորապես՝ մասնագետների վարձավճարների, անհրաժեշտ պարագաների և նյութերի ձեռքբերում, մարզամշակութային միջոցառումների, մարզական խաղերի, օլիմպիադաների, մրցաշարերի, համերգների, թատերական և կրկեսային ներկայացումների, էքսկուրսիաների, մանկական դիսկոտեկների, ազգային ավանդական և միջազգային տոնական միջոցառումների և շուրջ 70 երեխաների ամառային հանգստի կազմակերպում ճամբարային և առողջարանային համալիրներում՝ 87,597,084 դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

3. Առողջության առաջնային պահպանում և հոգեբանական աջակցություն երեխաներին, մասնավորապես՝ երեխաների համար դեղորայքի, բժշկական օժանդակ սարքավորումների ձեռքբերում, բժշկական հետազոտությունների, թերապևտիկ և վիրաբուժական ծախսերի իրականացում` 12,000,000 դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

4. Կոմունալ ծառայությունների ձեռքբերում (ծրագրային ծախսեր)` 42,102,717 դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

5. Գույքի, անհրաժեշտ տեխնիկայի (լվացքի մեքենա, սառնարան, հեռուստացույց, փոշեկուլ, ջեռոց, պահարան, սեղան, աթոռ և անհրաժեշտությունից ելնելով այլ տեխնիկա և գույք) ձեռքբերում և վերանորոգում, այդ թվում մանկական գյուղի տարածքի և շինությունների վերանորոգում և արդիականացում` 25,108,404 դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

6. Ծրագրի մասնագիտական անձնակազմի (սաների հետ անմիջականորեն աշխատող անձնակազմի) աշխատավարձերի և բժշկական ապահովագրության (ՍՕՍ-մայր դաստիարակ, դաստիարակի օգնականի, մանկավարժական անձնակազմի, դպրոցական ավտոբուսի վարորդի) վճարներ՝ 382,146,604 դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

7. Տրանսպորտային միջոցների (տրանսպորտային միջոցները բացառապես օգտագործվում են շահառուների առաջնային կարիքների համար) նորոգման, տեխնիկական սպասարկման, շահագործման ծառայությունների և վառելանյութի ձեռքբերում` 33,920,970 դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

8. ՍՕՍ-մայր դաստիարակներին տրամադրվելիք կենսաթոշակ` 65,980,350 դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

9. Տրանսպորտային այլ ծախսերը (տաքսի և բեռնափոխադրումներ) (օգտագործվում է տնայցերի և ծրագրային այլ գործառնությունների ընթացքում)՝ 19,037,004 դրամ, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

10. Կազմակերպական ծախսերը (աշխատակազմի աշխատավարձ, դասընթացներ, սուպերվիզիաներ, գրասենյակային պարագաներ, տրանսպորտային ծախսեր, այլ կազմակերպական ծախսեր) կազմում են 164,329,092 դրամ 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածի համար:

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. ՍՕՍ ընտանիքի շրջանակներում շուրջ 70 երեխաների շարունակական խնամքի և դաստիարակության անընդմեջ իրականացման ծախսերը՝

1) շահառուների համար սննդի ձեռքբերում ` 110,598,600 դրամ,

2) շահառուների համար լվացող նյութերի և հիգիենայի պարագաների ձեռքբերում` 11,677,800 դրամ,

3) շահառուների համար հագուստի, կոշիկի և այլ առաջնային անհրաժեշտության պարագաների ձեռքբերում` 62,917,500 դրամ,

4) դպրոցական պարագաների (գրենական պիտույքներ և դպրոցական պայուսակ), դասագրքերի ձեռքբերում՝ 15,869,700 դրամ:

2. Կրթադաստիարակչական ծրագրերի, մարզամշակութային միջոցառումների և ամառային հանգստի կազմակերպման ծախսերը՝

1) մարզամշակութային միջոցառումների, մարզական խաղերի, օլիմպիադաների, մրցաշարերի, համերգների, թատերական և կրկեսային ներկայացումների, էքսկուրսիաների, մանկական դիսկոտեկների, ազգային ավանդական և միջազգային տոնական միջոցառումների կազմակերպման և մասնակցության վճարներ՝ 20,214,084 դրամ,

2) շուրջ 70 երեխաների համար ճամբարային և առողջարանային համալիրներում ամառային հանգստի կազմակերպման նպատակով ծառայությունների ձեռքբերում` 59,259,000 դրամ;

3. Առողջության առաջնային պահպանում (դեղորայք, բժշկական հետազոտության ծախսեր) և հոգեբանական աջակցություն երեխաներին՝

1) երեխաների համար դեղորայքի, բժշկական օժանդակ սարքավորումների (ջերմաչափ, տոնոմետր, պուլսօքսիմետր և անհրաժեշտությունից ելնելով այլ սարքավորումներ) ձեռքբերում ` 4,500,000 դրամ,

2) հոգեբանական աջակցության ծախսեր` 7,500,000 դրամ:

4. Կոմունալ ծառայությունների (ծրագրային ծախսեր) ձեռքբերում՝

1) էլեկտրաէներգիայի վարձավճար` 15,082,785 դրամ,

2) ջրամատակարարման վարձավճար` 600,000 դրամ,

3) գազամատակարարման վարձավճար` 25,816,932 դրամ,

4) աղբահանություն վարձավճար` 603,000 դրամ:

5. Գույքի, անհրաժեշտ տեխնիկայի (լվացքի մեքենա, սառնարան, հեռուստացույց, փոշեկուլ, ջեռոց, պահարան, սեղան, աթոռ և անհրաժեշտությունից ելնելով այլ տեխնիկա և գույք) ձեռքբերում և վերանորոգում, այդ թվում մանկական գյուղի տարածքի և շինությունների վերանորոգում` 25,108,404 դրամ:

6. Տրանսպորտային միջոցների նորոգման, տեխնիկական սպասարկման, շահագործման և վառելանյութի ձեռքբերման ծախսեր` 33,920,970 դրամ:

7. Տրանսպորտային այլ ծառայությունների ձեռքբերում (տաքսի և բեռնափոխադրում) (օգտագործվում է տնայցերի և ծրագրային այլ գործառնությունների ընթացքում)՝ 19,037,004 դրամ:

8. Կազմակերպական ծախսեր՝

1) աշխատակիցների համար դասընթացների, սեմինարների կազմակերպման նպատակով ծառայությունների ձեռքբերում` 7,890,000 դրամ,

2) սուպերվիզիաների կազմակերպում (հոգեբանական աջակցություն) ՍՕՍ-մայր դաստիարակների համար` 4,042,500.00 դրամ,

3) հեռահաղորդակցության և գրասենյակային պարագաների ձեռքբերում` 6,600,000.00 դրամ,

4) տեղեկատվական նյութերի, ֆիլմերի, նկարների, բրոշյուրների և այլ նմանատիպ նյութերի և ծառայությունների ձեռքբերոում` 1,380,000.00 դրամ,

5) հանդիպումների, միջոցառումների կազմակերպման համար անհրաժեշտ նյութեր, հյուրասիրություն` 3,900,000.00 դրամ,

6) այլ կազմակերպչական ծախսեր (բանկային, փոստային ծախսեր, հարկեր և տուրքեր և այլ չնախատեսված ծախսեր)` 2,250,000.00 դրամ:

11.

Ծրագրի իրականացման հետ կապված կազմակերպական ծախսերը

1. Կազմակերպական ծախսերը 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածի համար կազմում են՝ 164,329,092 դրամ, որը համապատասխանաբար կազմում է բյուջեի 15.2 տոկոսը, այդ թվում`

1) աշխատակազմի աշխատավարձ և դրան հավասարեցված վճարումներ և բժշկական ապահովագրություն` 138,266,592.00 դրամ,

2) դասընթացներ, սեմինարների կազմակերպում աշխատակիցների համար` 7,890,000.00 դրամ,

3) սուպերվիզիաների կազմակերպում (հոգեբանական աջակցություն) ՍՕՍ-մայր դաստիարակների համար` 4,042,500.00 դրամ,

4) հեռահաղորդակցություն և գրասենյակային պարագաներ` 6,600,000.00 դրամ,

5) տեղեկատվական նյութեր, ֆիլմեր, նկարներ, բրոշյուրներ և այլն` 1,380,000.00 դրամ,

6) հանդիպումների, միջոցառումների կազմակերպման համար անհրաժեշտ նյութեր, հյուրասիրություն` 3,900,000.00 դրամ,

7) այլ կազմակերպչական ծախսեր (բանկային, փոստային ծախսեր, հարկեր և տուրքեր և այլ չնախատեսված ծախսեր)` 2,250,000.00 դրամ:

12.

Համագործակցությունը պետական կառավարման, տեղական ինքնակառավարման մարմինների, այլ

կազմակերպությունների հետ

Ծրագրի իրականացման ընթացքում կազմակերպությունը համագործակցելու է ՀՀ աշխատանքի և սոցիալական հարցերի նախարարության, ՀՀ կրթության, գիտության, մշակույթի և սպորտի նախարարության, ՀՀ առողջապահության նախարարության, ՀՀ ոստիկանության, ինչպես նաև ՀՀ Կոտայքի մարզպետարանի, տեղական ինքնակառավարման մարմինների, միասնական սոցիալական ծառայության, երեխաների պաշտպանության հարցերով զբաղվող տեղական և միջազգային հասարակական կազմակերպությունների լայն շրջանակների հետ:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

սահմանված կարգով կներկայացվեն տեղեկություններ: