1.

Ծրագրի նպատակը

Ծրագրի նպատակներն են.

1. Ստեղծել հարմարավետ կենցաղային պայմաններ ու միջավայր ծրագրի շահառուների համար:

2. Բարձրացնել շահառուների կյանքի որակը, հնարավորություն տալ վարել ակտիվ կենսակերպ՝ նպաստելով զինվորական ծառայության/հայրենիքի պաշտպանության ժամանակ վնասվածք, խեղում կամ հիվանդություն ձեռք բերած անձանց սոցիալական վերաինտեգրմանը:

3. Ստեղծել հնարավորություն մարզաբնակ շահառուներին ունենալ կացարան մայրաքաղաքին մոտ՝ ուսանելու կամ ամբուլատոր պայմաններով տևական բուժում ստանալու ժամանակահատվածում:

2.

Ծրագրի բարեգործական որակման նպատակը

Ակնկալվում է ծրագրի շրջանակներում օգտվել ՀՀ հարկերի գծով օրենքով սահմանված արտոնություններից:

3.

Բարեգործը

1. «Ընտանիքի փրկության ֆոնդ» («Family Rescue Fund») հիմնադրամ

Հասցե՝ ԱՄՆ, Գլենդել, Հարվարդի փ. 105

Հարկային կոդ՝ 47-4095670,

2. «Վեթերանս օֆ Արմենիա» (Veterans of Armenia)

Հասցե՝ 1146 N Գլխավոր պ. #684 Գլենդել Կ.Ա. 91202

Հարկային կոդ՝ 85-3766890,

3. Հայ օգնության միություն

Իրավաբանական հասցե՝ Նալբանդյան 116/24

ՀՎՀՀ 01512885,

4. Ուան Արմենիա բարեգործական հասարակական կազմակերպությունը

Հասցե՝ ՀՀ, քաղ. Երևան, Մելիք Ադամյան 2/2, 5-րդ հարկ

ՀՎՀՀ՝ 02622324,

5. «Լիրա-Ա» բարեգործական հիմնադրամ («Лира-А» Благотворительный фонд)

Հասցե՝ 142007, Մոսկվայի շրջան, ք. Դոմոդեդովո, Իլյուշկինի փ., տ. 2

Հարկային կոդ՝ 5009125444,

6. Այլ ոչ առևտրային կազմակերպությունների և անհատների հանգանակություններ:

4.

Ծրագիրը կատարողը

«Զինվորի տուն» բարեգործական հասարակական կազմակերպություն

Իրավաբանական հասցե՝ քաղ. Երևան, Աբովյան 58

ՀՎՀՀ 00904586

5.

Ծրագրի իրականացման վայրը և բնագավառը

ՀՀ, համայնք Աբովյան, գյուղ Բալահովիտ 7-րդ փողոց 1/2, սոցիալական բնագավառ

6.

Ծրագրի բյուջեն

Ծրագրի բյուջեն 900,000,000 դրամ է

7.

Բարեգործությունն ստացողը

Ծրագրի շահառու են հանդիսանում զինվորական ծառայության ընթացքում վնասվածք խեղում կամ հիվանդություն ձեռք բերած անձինք:

8.

Ծրագրի իրականացման տևողությունը

10/03/2023 թ. – 10/03/2027 թ.

9.

Միջոցառումների նկարագրությունը և ժամկետները անհրաժեշտ ֆինանսական միջոցների ծավալը

Բնակելի համալիրը նախատեսվում է կառուցել հետևյալ հասցեով՝ ՀՀ Կոտայքի մարզ, գյուղ Բալահովիտ, 7-րդ փողոց, թիվ 1/2 հողամաս: Ծրագրի շրջանակում նախատեսվում է կառուցել 8 մեկհարկանի առանձնատուն և 1 երկհարկանի կացարան, 1 մարզադահլիճ, կանաչապատ այգի, որոնք ամբողջությամբ հարմարեցված կլինեն տեղաշարժման խնդիր ունեցող անձանց կարիքներին:

Առանձնատների կառուցումից հետո՝ յուրաքանչյուր տուն իր համար սահմանազատված հողամասի հետ միասին պետք է նվիրաբերվի շահառուներին, իսկ կացարանը նախատեսված է լինելու այն մարզաբնակ շահառուների համար, որոնք տևական ժամանակ մասնակցելու են կազմակերպության կողմից իրականացվող ուսումնական ծրագրերին և/կամ ցերեկային ստացիոնար կամ ամբուլատոր բուժում են ստանալու «Զինվորի տուն» վերականգնողական կենտրոնում: Բուժման կամ ուսման ընթացքում կացարանը շահառուներին տրամադրվելու է անհատույց օգտագործման իրավունքով:

1. Կառուցապատում - 550.000.000 դրամ,

2. Տարածքի բարեկարգման աշխատանքներ - 150.000.000 դրամ,

3. Կահավորում - 200.000.000 դրամ:

Միջոցառումները նախատեսված է իրականացնել 10/03/2023 թ. – 10/03/2027 թ.:

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. Նախագծանախահաշվային փաստաթղթերի կազմում – 25,000,000 դրամ,

2. Տեխնիկական վերահսկողության ծառայություններ - 25,000,000 դրամ,

3. Շինարարական աշխատանքների մասով ծառայություների մատուցման պայմանագիր – 420,000,000 դրամ,

4. Ենթակառուցվածքների կառուցում - 80,000,000 դրամ,

5. Տարածքի բարեկարգում և կահավորում - 150,000,000 դրամ,

6. Կահույքի ձեռքբերում - 50,000,000 դրամ,

7. Սարքավորումների ձեռքբերում - 120,000,000 դրամ,

8. Կենցաղային տեխնիկայի ձեռքբերում - 30,000,000 դրամ:

11.

Ծրագրի իրականացման հետ կապված ծախսերը

Ծրագրի իրականացման հետ կապված կազմակերպական ծախսեր չեն նախատեսվում:

12.

Համագործակցությունը պետական կառավարման, տեղական ինքնակառավարման մարմինների, այլ

կազմակերպությունների հետ

Ծրագրի շրջանակներում համագործակցություն չի նախատեսվում:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

1. Օրենքով սահմանված կարգով տեղեկատվության ներկայացում ՀՀ կառավարության 2003 թվականի հունվարի 16-ի թիվ 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով լիազոր մարմնին:

2. Հաշվետվությունների ներկայացում ծրագրի բարեգործներին: