ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
29 դեկտեմբերի 2015 թվականի N 1566-Ն
ՄԻՆՉԵՎ ԵՐԿՈՒ ՏԱՐԵԿԱՆ ԵՐԵԽԱՅԻ ԽՆԱՄՔԻ ՆՊԱՍՏ ՆՇԱՆԱԿԵԼՈՒ ԵՎ ՎՃԱՐԵԼՈՒ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՀՈՒՆՎԱՐԻ 30-Ի N 145-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Պետական նպաստների մասին» Հայաստանի Հանրապետության օրենքի 6-րդ հոդվածի 4-րդ մասը, 8-րդ հոդվածի 2-րդ մասը, 28-րդ, 28.1-ին և 28.3-րդ հոդվածները՝ Հայաստանի Հանրապետության կառավարությունը որոշում է.
(նախաբանը փոփ. 22.12.22 N 2020-Ն)
1. Սահմանել, որ մինչև երկու տարեկան երեխայի խնամքի նպաստը նշանակում և վճարում է Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայությունը՝ իր համապատասխան ստորաբաժանումների միջոցով, իսկ սկսած 2017 թվականի հունվարի 1-ից` «Պետական նպաստների մասին» Հայաստանի Հանրապետության օրենքի 6-րդ հոդվածի 1-ին մասով սահմանված՝ քաղաքացու բնակության վայրի տարածքային կենտրոն է համարվում այն տարածքային կենտրոնը, որտեղ փաստացի ներկայացվում են սույն որոշմամբ սահմանված դիմումները:
(1-ին կետը լրաց. 08.12.16 N 1250-Ն, փոփ. 27.05.20 N 844-Ն, 25.03.21 N 396-Ն)
1.1. Մինչև 2 տարեկան երեխայի խնամքի նպաստի չափը սահմանել՝
1) երեխան մինչև 2023 թվականի հունվարի 1-ը ծնված լինելու դեպքում՝ 31600 դրամ (խնամքի նպաստը նշանակվում և վճարվում է «Պետական նպաստների մասին» Հայաստանի Հանրապետության օրենքի 7-րդ գլխով սահմանված կարգով).
2) երեխան 2023 թվականի հունվարի 1-ին և դրանից հետո ծնված լինելու դեպքում, եթե՝
ա. ծնողը չի գտնվում խնամքի արձակուրդում՝ 31600 դրամ (խնամքի նպաստը նշանակվում և վճարվում է «Պետական նպաստների մասին» Հայաստանի Հանրապետության օրենքի 7.1-ին գլխով սահմանված կարգով),
բ. ծնողը գտնվում է խնամքի արձակուրդում՝ «Նվազագույն ամսական աշխատավարձի մասին» Հայաստանի Հանրապետության օրենքի 1-ին հոդվածով սահմանված չափի 50 տոկոսի չափով։
(1.1-ին կետը լրաց. 25.01.18 N 61-Ն, փոփ. 09.01.20 N 3-Ն, 16.12.21 N 2074-Ն, խմբ. 22.12.22 N 2020-Ն)
2. Հաստատել`
1) մինչև երկու տարեկան երեխայի խնամքի նպաստը նշանակելու և վճարելու կարգը` համաձայն N 1 հավելվածի.
2) (ենթակետն ուժը կորցրել է 27.05.20 N 844-Ն)
3) լիազոր մարմնի և վճարահաշվարկային կազմակերպության միջև կնքվող` մինչև երկու տարեկան երեխայի խնամքի նպաստը կանխիկ եղանակով վճարելու ծառայությունների մատուցման պայմանագրի օրինակելի ձևը` համաձայն N 3 հավելվածի.
4) Մինչև երկու տարեկան երեխայի խնամքի նպաստն ազգային օպերատորի կողմից անկանխիկ եղանակով վճարման ծառայությունների մատուցման պայմանագրի օրինակելի ձևը` համաձայն N 4 հավելվածի։
(2-րդ կետը փոփ. 27.05.20 N 844-Ն, լրաց. 10.06.21 N 968-Ն)
3. Հայաստանի Հանրապետության աշխատանքի և սոցիալական հարցերի նախարարին՝ միջոցներ ձեռնարկել մինչև 2016 թվականի հունվարի 1-ը նշանակված խնամքի նպաստի վճարումը, սկսած 2016 թվականի հունվարի 1-ից, Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայության տարածքային կենտրոնների միջոցով իրականացնելն ապահովելու ուղղությամբ:
(3-րդ կետը փոփ. 16.12.21 N 2074-Ն)
4. Ուժը կորցրած ճանաչել Հայաստանի Հանրապետության կառավարության 2014 թվականի հունվարի 30-ի «Պետական նպաստների մասին» Հայաստանի Հանրապետության օրենքի կիրարկումն ապահովելու մասին» N 145-Ն որոշման 2-րդ կետի 8-րդ ենթակետը:
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2016 թվականի հունվարի 1-ից հետո ծագած հարաբերությունների վրա: Սույն որոշման 3-րդ կետն ուժի մեջ է մտնում պաշտոնական հրապարակմանը հաջորդող օրվանից:
6. Մինչև սույն որոշումն ուժի մեջ մտնելը նշանակված՝ մինչև երկու տարեկան երեխայի խնամքի նպաստը համարվում է սույն որոշմամբ սահմանված կարգով նշանակված:
|
Հայաստանի Հանրապետության |
Հ. Աբրահամյան |
|
|
|
Հավելված N 1 |
Կ Ա Ր Գ
ՄԻՆՉԵՎ ԵՐԿՈՒ ՏԱՐԵԿԱՆ ԵՐԵԽԱՅԻ ԽՆԱՄՔԻ ՆՊԱՍՏԸ ՆՇԱՆԱԿԵԼՈՒ ԵՎ ՎՃԱՐԵԼՈՒ
1. Սույն կարգով կարգավորվում են «Պետական նպաստների մասին» Հայաստանի Հանրապետության օրենքի (այսուհետ՝ օրենք) 27-րդ և 28-րդ հոդվածներով սահմանված՝ Հայաստանի Հանրապետության աշխատանքային օրենսգրքով սահմանված կարգով մինչև երեք տարեկան երեխայի խնամքի արձակուրդում (այսուհետ՝ խնամքի արձակուրդ) գտնվող ծնողին, ինչպես նաև Հայաստանի Հանրապետության բնակչության պետական ռեգիստրում «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքով սահմանված` գյուղական բնակավայրի հասցեով հաշվառված և փաստացի բնակվող (այսուհետ` գյուղական բնակավայրում բնակվող) ծնողին մինչև երկու տարեկան երեխայի խնամքի նպաստը (այսուհետ՝ խնամքի նպաստ) նշանակելու և վճարելու հետ կապված հարաբերությունները:
(1-ին կետը լրաց. 21.01.21 N 55-Ն)
2. Սույն կարգում կիրառվող հասկացություններն ունեն հետևյալ իմաստը՝
1) դիմող՝ խնամքի նպաստը նշանակելու և վճարելու դիմում ներկայացրած անձ.
2) խնամքի արձակուրդում գտնվող ծնող՝ օրենքի 27-րդ հոդվածի 1-ին մասում նշված անձ (ում նշանակվում և վճարվում է խնամքի նպաստը).
2.1) գյուղական բնակավայրում բնակվող ծնող՝ օրենքի 27-րդ հոդվածի 1.1-ին մասում նշված անձ (ում նշանակվում և վճարվում է խնամքի նպաստը).
4) տարածքային բաժին՝ Աշխատանքի և սոցիալական հարցերի նախարարության միասնական սոցիալական ծառայության (այսուհետ՝ ծառայություն) տարածքային համապատասխան կենտրոն.
4) երեխա՝ երկու տարին չլրացած երեխա, որն ունի խնամքի արձակուրդում գտնվող ծնող և (կամ) գյուղական բնակավայրում բնակվող ծնող.
5) անձը հաստատող փաստաթուղթ՝
ա. Հայաստանի Հանրապետության քաղաքացիների (այդ թվում՝ երկքաղաքացիների) համար՝ Հայաստանի Հանրապետության քաղաքացու անձնագիրը կամ Հայաստանի Հանրապետության քաղաքացու նույնականացման քարտը, իսկ մինչև 16 տարեկանների դեպքում՝ նաև ծննդյան վկայականը,
բ. օտարերկրյա քաղաքացիների և քաղաքացիություն չունեցող անձանց համար՝ օրենքով կամ միջազգային պայմանագրով սահմանված՝ Հայաստանի Հանրապետությունում բնակվելու իրավունքը (կացության կարգավիճակը) հաստատող փաստաթուղթը,
գ. փախստականի կարգավիճակ ունեցող անձի համար՝ կոնվենցիոն ճամփորդական փաստաթուղթը.
6) բանկ՝ ծառայության հետ Հայաստանի Հանրապետության քաղաքացիական օրենսգրքով սահմանված՝ սոցիալական ապահովության հաշվի պայմանագիր կամ միանվագ դրամական վճարների հաշվի պայմանագիր կնքած բանկ.
7) սոցիալական ապահովության հաշիվ` սոցիալական ապահովության հաշվի պայմանագիր կնքած բանկում Հայաստանի Հանրապետության քաղաքացիական օրենսգրքի 928.9-րդ հոդվածի 1-ին մասով սահմանված կարգով ծնողի անվամբ բացված հատուկ հաշիվ.
8) միանվագ դրամական վճարների հաշիվ` միանվագ դրամական վճարների հաշվի պայմանագիր կնքած բանկում Հայաստանի Հանրապետության քաղաքացիական օրենսգրքի 928.8-րդ հոդվածի 1-ին մասով սահմանված կարգով ծնողի (սույն կարգի 37-րդ կետում նշված դեպքում՝ լիազորված անձի) անվամբ բացված հատուկ հաշիվ.
9) ազգային օպերատոր՝ Հայաստանի Հանրապետության փոստային կապի ազգային օպերատոր․
10) հաշվարկային հաշիվ՝ Հայաստանի Հանրապետության կենտրոնական բանկի իրավական ակտերով սահմանված պահանջների համաձայն ծնողի անվամբ ազգային օպերատորի մոտ բացված էլեկտրոնային փողի հաշվառման հաշիվ, որը կիրառվում է ազգային օպերատորի միջոցով խնամքի նպաստն անկանխիկ եղանակով վճարելու համար:
(2-րդ կետը փոփ., լրաց. 27.05.20 N 844-Ն, խմբ., լրաց. 21.01.21 N 55-Ն, խմբ. 25.03.21 N 396-Ն, լրաց. 08.04.21 N 514-Ն, փոփ. 16.12.21 N 2074-Ն)
3. Խնամքի նպաստը խնամքի արձակուրդում գտնվող ծնողին նշանակվում և վճարվում է, եթե ծնողը և երեխան բնակչության պետական ռեգիստրում հաշվառված են Հայաստանի Հանրապետությունում բնակության վայրի հասցեով և խնամքի նպաստի համար դիմելու օրվա դրությամբ երեխան գտնվում է Հայաստանի Հանրապետությունում:
(3-րդ կետը լրաց. 10.08.17 N 977-Ն, լրաց., փոփ. 21.01.21 N 55-Ն)
3.1. Սույն կարգի 3-րդ կետով սահմանված խնամքի նպաստը նշանակվում է նաև Արցախի Հանրապետությունում գրանցված գործատուի մոտ աշխատող` խնամքի արձակուրդում գտնվող ծնողին, եթե նա և իր երեխան բնակչության պետական ռեգիստրում հաշվառված են Հայաստանի Հանրապետությունում բնակության վայրի հասցեով և Արցախի Հանրապետությունում երեխայի ծնողներին խնամքի նպաստ չի նշանակվել:
(3.1-ին կետը լրաց. 22.09.16 N 966-Ն, փոփ. 21.01.21 N 55-Ն)
3.2. Խնամքի նպաստը գյուղական բնակավայրում բնակվող ծնողին նշանակվում և վճարվում է, եթե երեխան հաշվառված է բնակչության պետական ռեգիստրում Հայաստանի Հանրապետությունում գյուղական բնակավայրի հասցեով և խնամքի նպաստի համար դիմելու օրվա դրությամբ գտնվում է Հայաստանի Հանրապետությունում:
(3.2-րդ կետը լրաց. 21.01.21 N 55-Ն)
4. Խնամքի նպաստը նշանակելու համար դիմողը տարածքային բաժին է ներկայացնում դիմում և անհրաժեշտ փաստաթղթեր: Եթե նպաստը նշանակվում է խնամքի արձակուրդում գտնվող ծնողին, ում մասին տեղեկատվությունը Հայաստանի Հանրապետության օրենսդրությամբ սահմանված է որպես սահմանափակ օգտագործման ենթակա տեղեկատվություն, ապա դիմումին կից ներկայացվում է նաև խնամքի արձակուրդում գտնվելու մասին տեղեկանքը՝ ստորագրված և կնքված գործատուի կնիքով։ Տեղեկանքում նշվում են՝
1) ծնողի անունը, ազգանունը, անձը հաստատող փաստաթղթի սերիան և համարը, հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքի համարը.
2) խնամքի արձակուրդի սկիզբը (օրը, ամիսը, տարեթիվը) և ավարտը (օրը, ամիսը, տարեթիվը).
3) երեխայի (ում ծննդյան կապակցությամբ ծագել է արձակուրդի իրավունքը) ծննդյան օրը, ամիսը, տարեթիվը:
(4-րդ կետը փոփ. 08.12.16 N 1250-Ն, խմբ. 10.08.17 N 977-Ն, լրաց. 21.01.21 N 55-Ն)
4.1. Սույն կարգի 3.1-ին կետում նշված անձին խնամքի նպաստ նշանակելու դիմումը և անհրաժեշտ փաստաթղթերը տարածքային բաժին ներկայացվելու դեպքում Արցախի Հանրապետությունում գրանցված գործատուի մոտ խնամքի արձակուրդում գտնվելու և Արցախի Հանրապետությունում խնամքի նպաստ չնշանակվելու վերաբերյալ տեղեկատվությունը Արցախի Հանրապետության աշխատանքի և սոցիալական հարցերի նախարարությունից ստանում է ծառայությունը` ծառայության պետի սահմանած կարգով:
(4.1-ին կետը լրաց. 22.09.16 N 966-Ն, փոփ. 21.01.21 N 55-Ն)
5. (կետն ուժը կորցրել է 10.08.17 N 977-Ն)
6. Ներկայացված փաստաթղթերի և առկա տեղեկատվության (այդ թվում` առցանց դիմումով մուտքագրված տվյալների) հիման վրա տարածքային բաժինը դիմումը և անհրաժեշտ փաստաթղթերը ներկայացվելուց հետո 10 աշխատանքային օրվա ընթացքում, իսկ սույն կարգի 4.1-ին կետում նշված դեպքում` 30 աշխատանքային օրվա ընթացքում, որոշում է՝
1) մերժել խնամքի նպաստ նշանակելը և դրա մասին տեղեկացնել ծնողին.
2) նշանակել և վճարել խնամքի նպաստը:
(6-րդ կետը լրաց. 22.09.16 N 966-Ն, 10.08.17 N 977-Ն)
7. Տարածքային բաժինը մերժում է խնամքի արձակուրդում գտնվող ծնողին խնամքի նպաստ նշանակելը, եթե՝
1) համաձայն Հայաստանի Հանրապետության կառավարության 2019 թվականի դեկտեմբերի 19-ի N 1849-Ն որոշմամբ սահմանված կարգով «Եկամտային հարկի, շահութահարկի և սոցիալական վճարի անձնավորված հաշվառման մասին» Հայաստանի Հանրապետության օրենքով սահմանված տեղեկատվական բազայից ստացված տեղեկատվության՝ ծնողը չի գտնվում խնամքի արձակուրդում.
2) դիմումը ներկայացվել է երեխայի երկու տարին լրանալու կամ խնամքի արձակուրդն ավարտվելու օրվանից հետո.
3) ծնողը և երեխան, ըստ բնակչության պետական ռեգիստրի, հաշվառված չեն Հայաստանի Հանրապետությունում բնակության վայրի հասցեով.
4) երեխան, համաձայն Հայաստանի Հանրապետության կառավարության 2006 թվականի հունիսի 22-ի N 884-Ն որոշմամբ սահմանված՝ Հայաստանի Հանրապետության սահմանային էլեկտրոնային կառավարման տեղեկատվական համակարգում առկա տեղեկատվության, դիմելու օրվա դրությամբ չի գտնվել Հայաստանի Հանրապետությունում.
5) երեխան գտնվում է բնակչության սոցիալական պաշտպանության կազմակերպությունում (մանկատանը) կամ ունի առանց ծնողական խնամքի մնացած երեխայի կարգավիճակ.
6) սույն կարգի 4.1-ին կետում նշված դեպքում, համաձայն Արցախի Հանրապետության իրավասու մարմնից ստացված տեղեկատվության, ծնողը չի գտնվում խնամքի արձակուրդում, կամ Արցախի Հանրապետությունում երեխայի ծնողներից մեկին նշանակվել է խնամքի նպաստ:
(7-րդ կետը լրաց. 22.09.16 N 966-Ն, փոփ., լրաց. 10.08.17 N 977-Ն, լրաց. 27.05.20 N 844-Ն, խմբ. 21.01.21 N 55-Ն)
7.1. Տարածքային բաժինը մերժում է գյուղական բնակավայրում բնակվող ծնողին խնամքի նպաստ նշանակելը, եթե՝
1) ծնողը երեխայի ծննդյան կամ խնամքի նպաստի համար դիմելու օրվա դրությամբ առնվազն մեկ տարի անընդմեջ հաշվառված չէ գյուղական բնակավայրի հասցեով.
2) երեխան, ըստ բնակչության պետական ռեգիստրի, սույն կարգի 6-րդ կետում նշված որոշումն ընդունելու օրվա դրությամբ հաշվառված չէ Հայաստանի Հանրապետությունում գյուղական բնակավայրի հասցեով.
3) ծնողը օտարերկրյա քաղաքացի է և երեխայի ծննդյան կամ խնամքի նպաստի համար դիմելու օրվա դրությամբ առնվազն երեք տարի անընդմեջ հաշվառված չէ Հայաստանի Հանրապետությունում բնակության վայրի հասցեով.
4) երեխան գտնվում է բնակչության սոցիալական պաշտպանության կազմակերպությունում (մանկատանը) կամ ունի առանց ծնողական խնամքի մնացած երեխայի կարգավիճակ.
5) երեխան, համաձայն Հայաստանի Հանրապետության կառավարության 2006 թվականի հունիսի 22-ի N 884-Ն որոշմամբ սահմանված՝ Հայաստանի Հանրապետության սահմանային էլեկտրոնային կառավարման տեղեկատվական համակարգում առկա տեղեկատվության, դիմելու օրվա դրությամբ չի գտնվել Հայաստանի Հանրապետությունում.
6) դիմումը ներկայացվել է երեխայի երկու տարին լրանալու օրվանից հետո.
7) երեխայի խնամքի կապակցությամբ օրենքի 27-րդ հոդվածի 1.1-ին մասի հիման վրա արդեն նշանակվել է խնամքի նպաստ:
(7.1-ին կետը լրաց. 21.01.21 N 55-Ն)
8. Խնամքի նպաստ նշանակելը մերժելու օրվան հաջորդող հինգ աշխատանքային օրվա ընթացքում տարածքային բաժինը պատշաճ կարգով տեղեկացնում է ծնողին, բացառությամբ սույն կարգի 43-րդ կետում նշված դեպքի: Եթե տարածքային բաժինը որոշման մասին տեղեկացնում է փոստային ծառայության միջոցով, ապա որոշումն ուղարկվում է ծնողին՝ բնակչության պետական ռեգիստրում առկա՝ Հայաստանի Հանրապետությունում բնակության վայրի հասցեով: Սույն կետով սահմանված դեպքում, եթե նախորդ դիմումը մերժելու մասին որոշում ընդունելու օրվանից հետո մեկ ամսվա ընթացքում կրկին ներկայացվում է նույն ծնողին խնամքի նպաստ նշանակելու դիմում, ապա դիմելու օր է համարվում նախորդ դիմումը ներկայացնելու օրը (բացառությամբ այն դեպքի, երբ գյուղական բնակավայրում բնակվող ծնողին խնամքի նպաստ նշանակելու դիմումը մերժվել է սույն կարգի 7.1-ին կետի 2-4-րդ ենթակետերում նշված հիմքերով): Այս դեպքում մերժված դիմումին կից ներկայացված փաստաթղթերը համարվում են նոր դիմումին կից ներկայացված փաստաթղթեր՝ բացառությամբ դիմողի անձը հաստատող փաստաթղթի, որը ներկայացվում է անկախ որևէ հանգամանքից:
(8-րդ կետը լրաց. 10.08.17 N 977-Ն, 21.01.21 N 55-Ն)
9. Եթե դիմումը մերժվում է սույն կարգի 7-րդ կետի 1-ին ենթակետով սահմանված հիմքով, ապա տարածքային բաժինը դրա մասին որոշում ընդունելու օրվանից հետո 15 օրվա ընթացքում գրությամբ տեղեկացնում է գործատուին (գործատուներին): Սույն կետում նշված գրության օրինակելի ձևը սահմանում է ծառայությունը:
(9-րդ կետը փոփ. 21.01.21 N 55-Ն)
10. Սույն կարգի 6-րդ կետի 2-րդ ենթակետում նշված՝ խնամքի նպաստը նշանակելու և վճարելու որոշման դեպքում տարածքային բաժինը խնամքի նպաստը նշանակում և վճարում է ծնողին:
11. Եթե ծնողը խնամքի տակ ունի մեկից ավելի մինչև 2 տարեկան երեխա, ապա խնամքի նպաստը նշանակվում է յուրաքանչյուր երեխայի համար:
12. Խնամքի արձակուրդում գտնվող ծնողին խնամքի նպաստը նշանակելուց հետո 15 օրվա ընթացքում տարածքային բաժինը դրա մասին գրությամբ տեղեկացնում է գործատուին: Սույն կետում նշված գրության օրինակելի ձևը սահմանում է ծառայությունը:
(12-րդ կետը փոփ. 21.01.21 N 55-Ն)
13. Եթե խնամքի նպաստը նշանակվել է խնամքի արձակուրդում գտնվող ծնողին, ում վերաբերող տեղեկատվությունը Հայաստանի Հանրապետության օրենսդրությամբ սահմանված է որպես սահմանափակ օգտագործման ենթակա տեղեկատվություն, ապա ծնողի` աշխատանքի անցնելու դեպքում (խնամքի արձակուրդի ժամկետը լրանալու կամ խնամքի արձակուրդը, մինչև ժամկետը լրանալը, ընդհատվելու դեպքում) գործատուն դրա մասին տեղեկացնում է ծառայությանը՝ նշված հանգամանքներն առաջանալու օրվան հաջորդող 15 օրվա ընթացքում: Տեղեկացման մեջ նշվում են՝
ա. ծնողի անունը, ազգանունը, անձը հաստատող փաստաթղթի սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը (եթե առկա է),
բ. խնամքի արձակուրդի սկիզբը (օրը, ամիսը, տարեթիվը) և ընդհատումը կամ ավարտը (օրը, ամիսը, տարեթիվը),
գ. խնամքի արձակուրդի ընդհատման կամ ավարտման հիմքը:
(13-րդ կետը խմբ. 10.08.17 N 977-Ն, լրաց. 21.01.21 N 55-Ն)
14. Խնամքի նպաստը խնամքի արձակուրդում գտնվող ծնողին նշանակվում է դիմումը խնամքի արձակուրդում գտնվելու ընթացքում ներկայացվելու դեպքում՝
1) խնամքի արձակուրդն սկսելու (մեկից ավելի գործատուների մոտ աշխատելու դեպքում՝ որևէ գործատուի մոտ խնամքի արձակուրդն սկսելու, սույն կարգի 15-րդ կետում նշված դեպքում՝ հաջորդ երեխայի (երեխաների) 70 օրականը լրանալու) ամսվան հաջորդող ամսվա 1-ից, եթե դիմումը և անհրաժեշտ փաստաթղթերը ներկայացվել են խնամքի արձակուրդն սկսելու ամսվան հաջորդող 12 ամսվա ընթացքում.
2) դիմելու ամսվան հաջորդող ամսվա 1-ից, եթե դիմումը և անհրաժեշտ փաստաթղթերը ներկայացվել են խնամքի արձակուրդն սկսելու (մեկից ավելի գործատուների մոտ աշխատելու դեպքում՝ որևէ գործատուի մոտ խնամքի արձակուրդն սկսելու, սույն կարգի 15-րդ կետում նշված դեպքում՝ հաջորդ երեխայի (երեխաների) 70 օրականը լրանալու) ամսվան հաջորդող 12-րդ ամսվանից հետո:
(14-րդ կետը լրաց. 10.08.17 N 977-Ն, խմբ. 21.01.21 N 55-Ն)
14.1. Խնամքի նպաստը գյուղական բնակավայրում բնակվող ծնողին նշանակվում է դիմումը մինչև երեխայի 2 տարին լրանալը ներկայացվելու դեպքում՝
1) երեխայի 70 օրականը լրանալու ամսվան հաջորդող ամսվա 1-ից, եթե ծնողի՝ գյուղական բնակավայրի հասցեով հաշվառվելու մեկ տարին լրանում է մինչև երեխայի ծնվելու օրը, և դիմումն ու անհրաժեշտ փաստաթղթերը ներկայացվել են երեխայի 70 օրականը լրանալու ամսվան հաջորդող տասներկու ամսվա ընթացքում.
2) գյուղական բնակավայրի հասցեով հաշվառվելու մեկ տարին լրանալու ամսվան հաջորդող ամսվա 1-ից (բայց երեխայի 70 օրականը լրանալու ամսվան հաջորդող ամսվա 1-ից ոչ շուտ), եթե ծնողի՝ գյուղական բնակավայրի հասցեով հաշվառվելու մեկ տարին լրանում է երեխայի ծնվելու օրվանից հետո, և դիմումն ու անհրաժեշտ փաստաթղթերը ներկայացվել են հաշվառվելու մեկ տարին լրանալու ամսվան հաջորդող տասներկու ամսվա ընթացքում.
3) դիմելու ամսվան հաջորդող ամսվա 1-ից, եթե դիմումը և անհրաժեշտ փաստաթղթերը ներկայացվել են սույն մասի 1-ին և 2-րդ կետերում նշված տասներկուամսյա ժամկետը լրանալուց հետո:
(14.1-ին կետը լրաց. 21.01.21 N 55-Ն)
15. Եթե ծնողը, մինչև խնամքի նպաստ ստանալու իրավունքը դադարելը, հաջորդ երեխայի (երեխաների) ծննդյան կապակցությամբ ևս ձեռք է բերում խնամքի նպաստի իրավունք, ապա հաջորդ երեխայի (երեխաների) համար ևս խնամքի նպաստը նշանակելու համար տարածքային բաժին է ներկայացվում դիմում: Սույն կետով սահմանված դիմումը ներկայացվում է խնամքի նպաստ նշանակելու դիմում ներկայացնելու համար սահմանված կարգով: Այս դեպքում խնամքի արձակուրդում գտնվող ծնողին հաջորդ երեխայի (երեխաների) համար խնամքի նպաստը նշանակվում է հաջորդ երեխայի (երեխաների) 70 օրականը լրանալու ամսվան հաջորդող ամսվա 1-ից:
(15-րդ կետը լրաց. 21.01.21 N 55-Ն)
16. Ծնողի՝ խնամքի նպաստ ստանալու իրավունքը դադարում է Հայաստանի Հանրապետության օրենսդրությամբ սահմանված կարգով ստացված տեղեկատվության կամ ծնողի կամ այլ անձի ներկայացրած դիմումի հիման վրա:
17. Ծնողի՝ խնամքի նպաստ ստանալու իրավունքը դադարում է և խնամքի նպաստի վճարումը դադարեցվում է սույն կարգի 16-րդ կետով սահմանված համապատասխան հանգամանքն առաջանալու ամսվան հաջորդող ամսվա 1-ից:
18. Եթե խնամքի նպաստը նշանակվել և վճարվում է երկու և ավելի երեխաների համար, ապա սույն կարգի 16-րդ կետի հիման վրա դադարեցվում է բոլոր երեխաների համար նշանակված խնամքի նպաստ ստանալու իրավունքը՝ բացառությամբ սույն կարգի 19-րդ կետում նշված դեպքերի:
19. Եթե խնամքի նպաստը նշանակվել և վճարվում է երկու և ավելի երեխաների համար, երեխայի 2 տարեկանը լրանալու, երեխայի՝ բնակչության սոցիալական պաշտպանության կազմակերպություն (մանկատուն) ընդունվելու, առանց ծնողական խնամքի մնացած երեխայի կարգավիճակ ձեռք բերելու, երեխայի՝ Հայաստանի Հանրապետությունից անընդմեջ 90 օր և ավելի ժամկետով բացակայելու (եթե խնամքի նպաստ նշանակվել է գյուղական բնակավայրում բնակվող ծնողին), երեխայի՝ օտարերկրյա բնակության վայրի հասցեով հաշվառվելու և երեխայի մահվան դեպքերում դադարեցվում է տվյալ երեխայի համար նշանակված խնամքի նպաստ ստանալու իրավունքը:
(19-րդ կետը փոփ. 21.01.21 N 55-Ն)
20. Երեխայի՝ Հայաստանի Հանրապետությունից 12 ամիս (եթե նպաստը նշանակվել է խնամքի արձակուրդում գտնվող ծնողին) կամ 90 օր (եթե խնամքի նպաստ նշանակվել է գյուղական բնակավայրում բնակվող ծնողին) և ավելի ժամկետով բացակայելու հանգամանքը ճշտվում է Հայաստանի Հանրապետության կառավարության 2006 թվականի հունիսի 22-ի N 884-Ն որոշմամբ սահմանված՝ Հայաստանի Հանրապետության սահմանային էլեկտրոնային կառավարման տեղեկատվական համակարգում առկա՝ երեխայի կողմից Հայաստանի Հանրապետության սահմանը հատելու մասին տեղեկատվության հիման վրա:
(20-րդ կետը փոփ., լրաց. 21.01.21 N 55-Ն)
21. Եթե խնամքի արձակուրդում գտնվող ծնողի խնամքի նպաստ ստանալու իրավունքը դադարել է ծնողի` աշխատանքի անցնելու (խնամքի արձակուրդի ժամկետը լրանալու կամ խնամքի արձակուրդը, մինչև ժամկետը լրանալը, ընդհատվելու), իսկ եթե ծնողը գտնվում է խնամքի արձակուրդում մի քանի գործատուների մոտ, ապա բոլոր գործատուների մոտ աշխատանքի անցնելու (խնամքի արձակուրդի ժամկետը լրանալու կամ խնամքի արձակուրդը, մինչև ժամկետը լրանալը, ընդհատվելու) հիմքով, ապա խնամքի նպաստ ստանալու իրավունքը վերականգնելու համար տարածքային բաժին են ներկայացվում դիմում և անհրաժեշտ փաստաթղթեր: Խնամքի նպաստ ստանալու իրավունքը վերականգնվում է, եթե դիմումը ներկայացնելու օրվա դրությամբ անձն ունի խնամքի նպաստի իրավունք: Եթե խնամքի արձակուրդում գտնվող ծնողի մասին տեղեկատվությունը Հայաստանի Հանրապետության օրենսդրությամբ սահմանված է որպես սահմանափակ օգտագործման ենթակա տեղեկատվություն, ապա խնամքի նպաստ ստանալու իրավունքը վերականգնելու համար ներկայացվում է նաև սույն կարգի 4-րդ կետում նշված տեղեկանքը: Սույն կետում նշված դեպքում խնամքի նպաստ ստանալու իրավունքը վերականգնվում է՝
1) կրկին խնամքի նպաստի իրավունք ձեռք բերելու (կրկին խնամքի արձակուրդում գտնվելու) օրվան հաջորդող ամսվա 1-ից, եթե դիմումը և անհրաժեշտ փաստաթղթերը ներկայացվել են կրկին խնամքի նպաստի իրավունք ձեռք բերելու (կրկին խնամքի արձակուրդում գտնվելու) ամսվան հաջորդող տասներկու ամսվա ընթացքում.
2) դիմելու ամսվան հաջորդող ամսվա 1-ից, եթե դիմումը և անհրաժեշտ փաստաթղթերը ներկայացվել են սույն կետի 1-ին ենթակետում նշված ժամկետը լրանալուց հետո:
(21-րդ կետը լրաց. 22.09.16 N 966-Ն, խմբ. 10.08.17 N 977-Ն, լրաց., խմբ., փոփ. 21.01.21 N 55-Ն)
21.1. Սույն կարգի 21-րդ կետում նշված դեպքում սույն կարգի 3.1-ին կետում նշված ծնողի` խնամքի նպաստ ստանալու իրավունքը վերականգնվում է սույն կարգի 4.1-ին կետում նշված կարգով ստացված` խնամքի արձակուրդում գտնվելու և խնամքի նպաստ չնշանակվելու վերաբերյալ տեղեկատվության հիման վրա:
(21.1-ին կետը լրաց. 22.09.16 N 966-Ն)
22. Բացառությամբ սույն կարգի 21-րդ կետով սահմանված դեպքի՝ խնամքի նպաստ ստանալու իրավունքը դադարեցվելուց հետո խնամքի նպաստ ստանալու իրավունքը չի վերականգնվում: Եթե խնամքի նպաստ ստանալու իրավունքը դադարեցվելուց հետո նույն երեխայի խնամքի կապակցությամբ ծնողը կրկին ձեռք է բերում խնամքի նպաստի իրավունք, ապա այս դեպքում անձին խնամքի նպաստ է նշանակվում դիմումը և անհրաժեշտ փաստաթղթերը ներկայացնելու ամսվան հաջորդող ամսվա 1-ից:
(22-րդ կետը խմբ. 10.08.17 N 977-Ն)
22.1. Խնամքի արձակուրդում գտնվող ծնողի խնամքի նպաստ ստանալու իրավունքը խնամքի արձակուրդի ժամկետը լրանալու կամ խնամքի արձակուրդը, մինչև ժամկետը լրանալը, ընդհատվելու դեպքում, եթե ծնողն աշխատանքի չի անցել, և գործատուն Հայաստանի Հանրապետության կառավարության 2012 թվականի դեկտեմբերի 20-ի N 1676-Ն որոշմամբ սահմանված կարգով ներկայացված գրանցման մասին հայտի հիման վրա ճշտում է խնամքի արձակուրդն ավարտվելու (ընդհատվելու) մասին տեղեկատվությունը (կամ չեղարկում է գրանցման մասին հայտը), ապա խնամքի նպաստի վճարումը շարունակելու համար տարածքային բաժին է ներկայացվում դիմում։ Այս դեպքում, եթե դիմումը ներկայացվում է մինչև խնամքի նպաստ ստանալու իրավունքը դադարեցնելը (խնամքի արձակուրդում գտնվելու ընթացքում), ապա խնամքի նպաստի վճարումը շարունակվում է դիմումը ներկայացնելուն հաջորդող ամսվա 1-ից, իսկ չվճարված նպաստի գումարները վճարվում են անցած ամբողջ ժամանակահատվածի համար, որի ընթացքում ծնողը խնամքի նպաստի իրավունք է ունեցել։ Խնամքի նպաստ ստանալու իրավունքը դադարեցնելուց հետո դիմումը ներկայացվելու դեպքում չվճարված նպաստի գումարները վճարվում են ընդհանուր հիմունքներով՝ դիմումը ներկայացվելու ամսվան նախորդող ժամանակահատվածի այն ամիսների համար, որոնց ընթացքում անձն ունեցել է խնամքի նպաստ ստանալու իրավունք: Սույն կետի դրույթները կիրառվում են նաև այն դեպքերում, երբ խնամքի նպաստ ստանալու իրավունքը դադարում է ծնողի հետ կնքած աշխատանքային պայմանագիրը լուծվելու հիման վրա (երբ գործատուն չեղարկում է աշխատանքային պայմանագիրը լուծվելու դեպքում ներկայացված գրանցման մասին հայտը) կամ տեղեկատվական բազայում մուտքագրված սխալ տեղեկատվության հիման վրա։
(22.1-ին կետը լրաց. 10.08.17 N 977-Ն, փոփ. 27.05.20 N 844-Ն, խմբ. 21.01.21 N 55-Ն)
23. Յուրաքանչյուր ամսվա խնամքի նպաստը վճարվում է տվյալ ամսվա ընթացքում:
24. Խնամքի նպաստը վճարվում է անկանխիկ եղանակով: Եթե ծնողն առաջին կամ երկրորդ խմբի հաշմանդամ է, ապա խնամքի նպաստը վճարվում է անկանխիկ կամ կանխիկ եղանակով` ծնողի դիմումի հիման վրա: Խնամքի նպաստի վճարման եղանակը կամ վճարող կազմակերպությունն ընտրելու (փոխելու) համար ծնողը դիմում է տարածքային բաժին: Անկանխիկ եղանակով վճարելու համար դիմումում նշվում է բանկի կամ ազգային օպերատորի անվանումը, որտեղից ծնողը ցանկանում է ստանալ խնամքի նպաստը: Խնամքի նպաստը անկանխիկ եղանակով՝ ազգային օպերատորի միջոցով ստանալու համար նպաստառուն ազգային օպերատորի հետ կնքում է էլեկտրոնային փողի հաշվառման հաշվի բացման և համալրման պայմանագիր: Նպաստառուի պահանջով նրան տրամադրվում է էլեկտրոնային փողի հաշվառման հաշվի բացման և համալրման պայմանագիր կնքելը հավաստող տեղեկանք՝ տարածքային բաժին ներկայացնելու համար: Տեղեկանքում նշվում են նպաստառուի անունը, ազգանունը, անձը հաստատող փաստաթուղթը, էլեկտրոնային փողի հաշվառման հաշվի բացման և համալրման պայմանագիրը կնքելու օրը, ամիսը, տարին։
(24-րդ կետը լրաց. 27.05.20 N 844-Ն, խմբ. 08.04.21 N 514-Ն, փոփ. 10.06.21 N 968-Ն)
24.1. Սույն կարգի 24-րդ կետում նշված դիմումին կից ներկայացվում է նաև այդ կետում նշված տեղեկանքը, եթե այդ դիմումով նպաստառուն խնամքի նպաստը ցանկանում է ստանալ ազգային օպերատորի միջոցով:
(24.1-ին կետը լրաց. 10.06.21 N 968-Ն)
25. Խնամքի նպաստն անկանխիկ եղանակով վճարելը խնամքի նպաստի գումարը ծնողի անվամբ բանկում բացված սոցիալական ապահովության հաշվին կամ ազգային օպերատորի մոտ բացված հաշվարկային հաշվին փոխանցելն է:
(25-րդ կետը փոփ. 27.05.20 N 844-Ն, լրաց. 08.04.21 N 514-Ն)
26. Խնամքի նպաստը կանխիկ եղանակով վճարելը գումարի տրամադրումն է անձամբ ծնողին կամ նրա փոխարեն խնամքի նպաստը ստանալու՝ օրենքով այդ իրավունքն ունեցող անձին:
26.1. Եթե օրենքի 39-րդ հոդվածի 12-րդ մասում նշված՝ խնամքի նպաստի վճարման եղանակը փոխելու, խնամքի նպաստ վճարելը վերսկսելու, խնամքի նպաստ ստանալու իրավունքը վերականգնելու դիմումը չի ներկայացվում մինչև նույն հոդվածով սահմանված՝ խնամքի նպաստի վճարումը կանխիկ եղանակով շարունակելու ժամկետները, ապա վճարումը շարունակվում է անկանխիկ եղանակով։ Այս դեպքում դիմում չներկայացրած շահառուի համար, օրենքի 28-րդ հոդվածի 8-րդ մասի հաշվառմամբ, խնամքի նպաստն անկանխիկ եղանակով վճարող կազմակերպության ընտրությունը ծրագրային մոդուլի միջոցով կատարում է ծառայությունը՝
1) Երևան, Գյումրի և Վանաձոր քաղաքներում` 2021 թվականի հուլիս ամսվա խնամքի նպաստի վճարման ցուցակ ձևավորելիս․
2) այլ քաղաքներում (բացառությամբ սույն կետի 1-ին կետում նշված քաղաքների)` 2022 թվականի հունվար ամսվա խնամքի նպաստի վճարման ցուցակ ձևավորելիս.
3) 1000 և ավելի բնակիչ ունեցող գյուղերում` 2023 թվականի հունվար ամսվա խնամքի նպաստի վճարման ցուցակ ձևավորելիս.
4) մինչև 1000 բնակիչ ունեցող գյուղերում` 2024 թվականի հունվար ամսվա խնամքի նպաստի վճարման ցուցակ ձևավորելիս:
(26.1-ին կետը լրաց. 08.04.21 N 514-Ն, փոփ. 16.12.21 N 2074-Ն)
26.2 ․ Սույն կարգի 26.1-ին կետում նշված ամսվա վճարման ցուցակ ձևավորելիս խնամքի նպաստը համապատասխան բնակավայրում հաշվառված՝ կանխիկ եղանակով ստացող անձանց համար անկանխիկ եղանակով վճարող կազմակերպությունը (բանկը կամ ազգային օպերատորը) ծրագրային մոդուլի կիրառմամբ պատահականության սկզբունքով ընտրվում է՝ հաշվի առնելով այդ ամսվա խնամքի նպաստի վճարման ցուցակում ներառման ենթակա՝ տվյալ բնակավայրում անկանխիկ եղանակով խնամքի նպաստ ստացող անձանց թվի համամասնություններն ըստ վճարող կազմակերպությունների։
(26.2-րդ կետը լրաց. 08.04.21 N 514-Ն)
26.3 ․ Սույն կարգի 26.2-րդ կետում նշված ամսվա վճարման ցուցակում ընդգրկվում են սույն կետում սահմանված կարգով ընտրված վճարող կազմակերպությունները։ Վճարման ցուցակը վճարող կազմակերպություն ուղարկելուց հետո 3 աշխատանքային օրվա ընթացքում ծառայությունն ընտրված վճարող կազմակերպության մասին տեղեկացնում է խնամքի նպաստ ստացող անձին՝ հետադարձ կապի բջջային հեռախոսահամարին կամ էլեկտրոնային փոստի հասցեին (առկայության դեպքում) էլեկտրոնային հաղորդագրություն ուղարկելու միջոցով։
(26.3-րդ կետը լրաց. 08.04.21 N 514-Ն, փոփ. 16.12.21 N 2074-Ն)
26.4. Եթե սույն կարգի 26.2-րդ կետով սահմանված կարգով ձևավորված՝ սույն կարգի 26.1-ին կետում նշված ամսվա վճարման ցուցակում կանխիկ եղանակով ստացող անձի համար անկանխիկ եղանակով վճարող կազմակերպությունն ընտրվել է Ազգային օպերատորը, ապա սույն կարգի 26.1-ին կետի 1-ին ենթակետում նշված դեպքում՝ մինչև 2021 թվականի հուլիսի 26-ը, իսկ նույն կետի մյուս ենթակետերում նշված դեպքերում՝ մինչև տվյալ ենթակետում նշված ամսվա 20-ը, Ազգային օպերատորը խնամքի նպաստ ստացող անձի հետ կնքում է էլեկտրոնային փողի հաշվառման հաշվի բացման և համալրման պայմանագիր և վճարում է խնամքի նպաստը։ Այս դեպքում տվյալ ամսվա փոխադարձ հաշվարկների ակտի հետ միասին Ազգային օպերատորը էլեկտրոնային եղանակով՝ Հայաստանի Հանրապետության կենտրոնական բանկի կողմից սահմանված միջոցներով (CBANet միջհամակարգչային ցանցի միջոցով) ծառայություն է ներկայացնում՝
1) սույն կարգի 26.1-ին կետում նշված ամսվա վճարման ցուցակ ներառված, սակայն վճարման ցուցակը ստանալու օրվա դրությամբ էլեկտրոնային փողի հաշվառման հաշվի բացման և համալրման պայմանագիր չկնքած՝ խնամքի նպաստ ստացող անձանց տվյալները՝ անունը, ազգանունը (առկայության դեպքում` հայրանունը), անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.
2) էլեկտրոնային փողի հաշվառման հաշվի բացման և համալրման պայմանագիր կնքելու օրը, ամիսը, տարին։
(26.4-րդ կետը լրաց. 22.07.21 N 1182-Ն)
26.5. Եթե սույն կարգի 26.2-րդ կետով սահմանված կարգով ձևավորված՝ սույն կարգի 26.1-ին կետում նշված ամսվա վճարման ցուցակում կանխիկ եղանակով ստացող անձի համար անկանխիկ եղանակով վճարող կազմակերպությունն ընտրվել է Ազգային օպերատորը և սույն կարգի 26.1-ին կետի 1-ին ենթակետում նշված դեպքում՝ մինչև 2021 թվականի հուլիսի 26-ը, իսկ նույն կետի մյուս ենթակետերում նշված դեպքերում՝ մինչև տվյալ ենթակետում նշված ամսվա 20-ը, Ազգային օպերատորը խնամքի նպաստ ստացող անձի հետ չի կնքել էլեկտրոնային փողի հաշվառման հաշվի բացման և համալրման պայմանագիր, ապա խնամքի նպաստի գումարը չի վճարվում և վերադարձվում է պետական բյուջե։ Այս դեպքում խնամքի նպաստը հաջորդ ամիս վճարվում է անկանխիկ եղանակով՝ սույն կարգի 26.2-րդ կետով սահմանված կարգով ընտրված բանկի միջոցով, եթե խնամքի նպաստ ստացող անձը չի ներկայացնում վճարող կազմակերպություն ընտրելու դիմում։
(26.5-րդ կետը լրաց. 22.07.21 N 1182-Ն)
26.6. 2023 թվականի հունվարի 31-ի դրությամբ ազգային օպերատորի միջոցով խնամքի նպաստն անկանխիկ եղանակով ստացող անձի համար, օրենքի 28-րդ հոդվածի 8-րդ մասի հաշվառմամբ, խնամքի նպաստն անկանխիկ եղանակով վճարող բանկի ընտրությունը ծրագրային մոդուլի միջոցով կատարում է ծառայությունը՝ 2023 թվականի փետրվար ամսվա խնամքի նպաստի վճարման ցուցակ ձևավորելիս։ Այս դեպքում ազգային օպերատորի փոխարեն անձի համար վճարող կազմակերպությունը՝ բանկն ընտրվում է ծրագրային մոդուլի կիրառմամբ պատահականության սկզբունքով՝ սույն կարգի 26.2-րդ և 26.3-րդ կետերով սահմանված կարգով՝ առաջնահերթություն տալով Հայաստանի Հանրապետության կառավարության 2022 թվականի մայիսի 19-ի N 723-Լ որոշմամբ սահմանված գործընկեր բանկերին (համամասնությունը կիրառելով գործընկեր բանկերի, իսկ տվյալ բնակավայրում դրանց միջոցով կենսաթոշակ ստացող անձանց բացակայության դեպքում՝ մյուս բանկերի համար):
(26.6-րդ կետը լրաց. 02.02.23 N 134-Ն)
27. Խնամքի նպաստը նաև վճարվում է ծնողի տված և նոտարի վավերացրած լիազորագրով, եթե լիազորագրով խնամքի նպաստը վճարելու մասին գրավոր դիմումը և լիազորագիրը ներկայացվում են տարածքային բաժին:
28. (կետն ուժը կորցրել է 08.04.21 N 514-Ն)
29. (կետն ուժը կորցրել է 08.04.21 N 514-Ն)
30. Խնամքի նպաստը վճարելը դադարեցվում է.
1) ծնողի՝ խնամքի նպաստ ստանալու իրավունքը դադարելու դեպքում՝ խնամքի նպաստ ստանալու իրավունքը դադարելու օրվանից.
2) խնամքի նպաստը լիազորագրով վճարվելու դեպքում (ներկայացվել է խնամքի նպաստը լիազորագրով վճարելու դիմում)՝ լիազորագրի գործողության ժամկետը լրանալու ամսվան հաջորդող ամսվա 1-ից կամ լիազորագիրը տալու ամսվան հաջորդող 12-րդ ամսվանից հետո՝ այդ ժամկետը լրանալու օրվան հաջորդող ամսվա 1-ից.
3) ծնողին կամ նրա լիազորած անձին 12 ամիս անընդմեջ խնամքի նպաստ չվճարելու դեպքում՝ 12-րդ ամիսը լրանալու ամսվան հաջորդող ամսվա 1-ից.
4) երեխայի և (կամ) ծնողի՝ Հայաստանի Հանրապետությունից անընդմեջ 12 ամիս և ավելի ժամանակով բացակայելու դեպքում՝ այդ ժամկետը լրանալու օրվան հաջորդող ամսվա 1-ից, եթե խնամքի նպաստը նշանակվել է խնամքի արձակուրդում գտնվող ծնողին:
(30-րդ կետը լրաց. 10.08.17 N 977-Ն, փոփ., լրաց. 21.01.21 N 55-Ն)
31. Խնամքի նպաստը վճարելը վերսկսվում է՝
1) սույն կարգի համաձայն դիմումի հիման վրա խնամքի նպաստ ստանալու իրավունքը վերականգնվելու դեպքում՝ վերականգնելու օրվանից.
2) եթե խնամքի նպաստ վճարելը դադարեցվել է սույն կարգի 30-րդ կետի 2-րդ, 3-րդ և 4-րդ կետերով սահմանված հիմքերից որևէ մեկով և ծնողը դիմելու օրվա դրությամբ ունի խնամքի նպաստ ստանալու իրավունք (խնամքի նպաստ ստանալու իրավունքը դադարեցված չէ)՝ սույն կարգի 32-րդ կետում նշված դիմումի հիման վրա, դիմումը ներկայացնելու հաջորդ ամսվա 1-ից:
(31-րդ կետը փոփ. 10.08.17 N 977-Ն)
32. Խնամքի նպաստի վճարումը վերսկսելու համար տարածքային բաժին են ներկայացվում դիմում և անհրաժեշտ փաստաթղթեր:
(32-րդ կետը խմբ. 10.08.17 N 977-Ն)
33. Սույն կարգի 32-րդ կետում նշված դիմումի հիման վրա խնամքի նպաստ վճարելը վերսկսելու դեպքում ծնողին է վճարվում դիմումը ներկայացնելու ամսվան նախորդող ամբողջ ժամանակահատվածի այն ամիսների չվճարված խնամքի նպաստի գումարը, որոնց ընթացքում ծնողն ունեցել է խնամքի նպաստ ստանալու իրավունք: Ընդ որում, սույն կետում նշված դեպքում ծնողի խնամքի նպաստը վճարելը վերսկսվում է և չվճարված խնամքի նպաստի գումարը վճարվում է, եթե երեխան, համաձայն Հայաստանի Հանրապետության կառավարության 2006 թվականի հունիսի 22-ի N 884-Ն որոշմամբ սահմանված՝ Հայաստանի Հանրապետության սահմանային էլեկտրոնային կառավարման տեղեկատվական համակարգում առկա տեղեկատվության՝ գտնվում է Հայաստանի Հանրապետությունում: Խնամքի նպաստ ստանալու իրավունքը վերականգնվում է և խնամքի նպաստը վճարելը վերսկսվում է, եթե ծնողը դիմելու օրվա դրությամբ ունի խնամքի նպաստի իրավունք:
(33-րդ կետը փոփ. 21.01.21 N 55-Ն)
34. Սույն կարգի 6-րդ կետի համաձայն նշանակված, սակայն ծնողի մահվան պատճառով չվճարված խնամքի նպաստի գումարը վճարվում է երեխայի օրինական ներկայացուցչին (ծնողին, խնամակալին, որդեգրողին), եթե խնամքի նպաստն ստանալու համար երեխայի օրինական ներկայացուցիչը դիմել է ոչ ուշ, քան խնամքի նպաստի իրավունք ունեցող ծնողի մահվանից հետո՝ վեց ամսվա ընթացքում: Այդ ժամկետը լրանալուց հետո չվճարված խնամքի նպաստի գումարը վճարվում է ժառանգության վկայագիր ներկայացնող անձին:
(34-րդ կետը փոփ. 10.08.17 N 977-Ն)
35. Եթե խնամքի նպաստը վճարելը վերսկսելու (խնամքի նպաստն ստանալու իրավունքը վերականգնելու) դիմումը ներկայացրել է ծնողը, ապա խնամքի նպաստը վճարվում է ընդհանուր կարգով, անկանխիկ եղանակով, ծնողի ընտրությամբ՝ բանկի կամ ազգային օպերատորի միջոցով (բացառությամբ այն դեպքի, երբ ծնողն առաջին կամ երկրորդ խմբի հաշմանդամ է):
(35-րդ կետը լրաց. 27.05.20 N 844-Ն, խմբ. 08.04.21 N 514-Ն)
36. Եթե խնամքի նպաստը վճարելը վերսկսելու (խնամքի նպաստն ստանալու իրավունքը վերականգնելու) դիմումը ներկայացրել է այլ անձ, ապա խնամքի նպաստը (չվճարված խնամքի նպաստի գումարը) վճարվում է բացառապես անկանխիկ եղանակով՝ ծնողի անվամբ բանկում բացված սոցիալական ապահովության հաշվին կամ ծնողի հաշվարկային հաշվին փոխանցելու միջոցով:
(36-րդ կետը փոփ. 27.05.20 N 844-Ն, լրաց. 08.04.21 N 514-Ն)
37. Բացառությամբ սույն կարգի 34-րդ կետում նշված դեպքի՝ խնամքի նպաստ ստանալու իրավունքը դադարելու դեպքում չվճարված խնամքի նպաստը վճարվում է ծնողի կամ այլ անձի դիմումի հիման վրա՝ բանկում ծնողի անվամբ բացված միանվագ դրամական վճարների հաշվին կամ ծնողի հաշվարկային հաշվին փոխանցելու միջոցով: Այս դեպքում, եթե դիմումին կից ներկայացվում է ծնողի տված՝ խնամքի նպաստն այլ անձի վճարելու վերաբերյալ նոտարի վավերացրած կամ դրան հավասարեցված լիազորագիրը, ապա չվճարված խնամքի նպաստն անկանխիկ եղանակով վճարվում է լիազորված անձի անվամբ բանկում բացված միանվագ դրամական վճարների հաշվին կամ լիազորված անձի հաշվարկային հաշվին փոխանցվելու միջոցով:
(37-րդ կետը խմբ. 27.05.20 N 844-Ն, լրաց. 08.04.21 N 514-Ն)
37․1. Սույն կարգի 37-րդ կետում նշված դեպքում ծնողի կամ լիազորված անձի անվամբ բանկային հաշիվ բացելու համար անհրաժեշտ տվյալները բանկին փոխանցելուց հետո Հայաստանի Հանրապետության քաղաքացիական օրենսգրքի 928.8-րդ հոդվածի 3-րդ մասով սահմանված պահանջը (բանկային հաշվին առկա միջոցները դուրս գրելու կարգադրությունը) բանկին կարող է ներկայացնել նաև հաշվետիրոջ (ծնողի, իսկ սույն կարգի 37-րդ կետում նշված դեպքում՝ լիազորված անձի տված՝ իր անվամբ բացված բանկային հաշվին առկա միջոցները մասնակի կամ ամբողջությամբ դուրս գրելու (բանկային հաշվին առկա միջոցները վճարելու) վերաբերյալ նոտարի վավերացրած կամ դրան հավասարեցված լիազորագիրը:
(37.1-ին կետը լրաց. 27.05.20 N 844-Ն)
38. Սույն կարգի 37-րդ կետում նշված դեպքում չվճարված խնամքի նպաստը վճարվում է դիմումը ներկայացնելու օրվան նախորդող ամբողջ ժամանակահատվածի այն ամիսների համար, որոնց ընթացքում անձն ունեցել է խնամքի նպաստ ստանալու իրավունք:
(38-րդ կետը փոփ. 21.01.21 N 55-Ն)
39. Եթե անձի խնամքի արձակուրդը սկսվել է 2015 թվականին և 2016 թվականին նա դիմում է խնամքի նպաստ նշանակելու համար, ապա երեխայի խնամքի նպաստը նշանակվում է խնամքի արձակուրդն սկսելու ամսվան հաջորդող ամսվա 1-ից, եթե ծնողը դիմել է ոչ ուշ, քան իրավունքը ծագելուց հետո՝ 12 ամսվա ընթացքում:
40. Խնամքի նպաստը նշանակվում է, խնամքի նպաստ ստանալու իրավունքը վերականգնվում է և խնամքի նպաստի վճարումը վերսկսվում է նաև առցանց ներկայացված տեղեկատվության հիման վրա՝ բացառությամբ այն դեպքերի, երբ խնամքի նպաստը նշանակվում է կամ նշանակվել է սույն կարգի 3.1-ին կետում նշված ծնողին կամ այն ծնողին, ում մասին տեղեկատվությունը Հայաստանի Հանրապետության օրենսդրությամբ սահմանված է որպես սահմանափակ օգտագործման ենթակա։
(40-րդ կետը լրաց. 10.08.17 N 977-Ն)
41. Սույն կարգի 40-րդ կետի հիման վրա խնամքի նպաստ նշանակելու, խնամքի նպաստ ստանալու իրավունքը վերականգնելու և խնամքի նպաստի վճարումը վերսկսելու համար՝ դիմողը www.ssa.am կայքէջից մուտք է գործում առցանց տվյալները ներկայացնելու ծրագրային միջավայր (այսուհետ՝ ծրագրային միջավայր) և համապատասխան ծրագրային գործիքակազմի միջոցով մուտքագրում է խնամքի նպաստ նշանակելու համար անհրաժեշտ և պարտադիր լրացման ենթակա դաշտերի տվյալները։ Դիմողը ծրագրային միջավայր մուտք է գործում՝
1) մինչև բջջային կապի հեռախոսահամարի կիրառմամբ անհատի խիստ նույնականացման նպատակով բջջային էլեկտրոնային թվային ստորագրության օպերատորի կողմից մատուցվող ծառայություններից փաստացի (լիարժեք) օգտվելու համար անհրաժեշտ պայմանների ձևավորումը (ներառյալ Հայաստանի Հանրապետության աշխատանքի և սոցիալական հարցերի նախարարության և բջջային էլեկտրոնային թվային ստորագրության օպերատորի միջև անհատի խիստ նույնականացման համակարգի սպասարկման մասին պայմանագիր կնքելը, անհատի խիստ նույնականացման ծառայությունների ամբողջական գործարկումը, այդ ծառայությունների հասանելիությունը և մատչելիությունը)՝ www.ssa.am կայքէջի կողմից տրամադրված մուտքի անվան և գաղտնաբառի կիրառմամբ (տրամադրվում է www.ssa.am կայքէջում գրանցվելիս).
2) նույնականացման քարտի կիրառմամբ.
3) բջջային էլեկտրոնային թվային ստորագրության օպերատորի կողմից թողարկված բջջային կապի հեռախոսահամարի կիրառմամբ։
Եթե դիմողը ծրագրային միջավայր մուտք է գործում նույնականացման քարտի կամ սույն կարգով սահմանված հեռախոսահամարի միջոցով, ապա դիմողի նույնականացումն իրականացվում է Հայաստանի Հանրապետության կառավարության 2017 թվականի մայիսի 25-ի N 572-Ն որոշման պահանջների համաձայն։
(41-րդ կետը լրաց. 10.08.17 N 977-Ն, փոփ. 21.01.21 N 55-Ն)
42. Համապատասխան ծրագրային գործիքակազմի միջոցով ծրագրային միջավայրում մուտքագրված տվյալներն ինքնաշխատ եղանակով համադրվում են Հայաստանի Հանրապետության կառավարության 2019 թվականի դեկտեմբերի 19-ի N 1849-Ն որոշմամբ սահմանված կարգով Հայաստանի Հանրապետության քաղաքացիական կացության ակտերի գրանցման մարմնի տեղեկատվական բազայից և «Եկամտային հարկի, շահութահարկի և սոցիալական վճարի անձնավորված հաշվառման մասին» Հայաստանի Հանրապետության օրենքով սահմանված տեղեկատվական բազայից ստացված տեղեկատվության հետ և՝
1) մերժվում է խնամքի նպաստը սույն կարգի 40-րդ կետի հիման վրա նշանակելը (խնամքի նպաստ ստանալու իրավունքի վերականգնումը և խնամքի նպաստի վճարումը վերսկսելը) և դրա մասին առցանց (անմիջապես) ծանուցվում է դիմողին, եթե համապատասխան ծրագրային գործիքակազմի միջոցով ծրագրային միջավայրում մուտքագրված և Հայաստանի Հանրապետության քաղաքացիական կացության ակտերի գրանցման մարմնի տեղեկատվական բազայից կամ «Եկամտային հարկի, շահութահարկի և սոցիալական վճարի անձնավորված հաշվառման մասին» Հայաստանի Հանրապետության օրենքով սահմանված տեղեկատվական բազայից ստացված տվյալներում առկա են անհամապատասխանություններ (սխալներ), կամ առկա է սույն կարգի 40-րդ կետում նշված հանգամանքներից որևէ մեկը.
2) թույլատրվում է խնամքի նպաստը սույն կարգի 40-րդ կետի հիման վրա նշանակելը (խնամքի նպաստ ստանալու իրավունքի վերականգնումը և խնամքի նպաստի վճարումը վերսկսելը) և դրա մասին հաղորդագրություն է ուղարկվում ծրագրային միջավայրում մուտքագրված էլեկտրոնային փոստի հասցեին և e-citizen համակարգում ծնողին հատկացված պաշտոնական էլեկտրոնային փոստի հասցեին, եթե համապատասխան ծրագրային գործիքակազմի միջոցով ծրագրային միջավայրում մուտքագրված և Հայաստանի Հանրապետության քաղաքացիական կացության ակտերի գրանցման մարմնի տեղեկատվական բազայից ու «Եկամտային հարկի, շահութահարկի և սոցիալական վճարի անձնավորված հաշվառման մասին» Հայաստանի Հանրապետության օրենքով սահմանված տեղեկատվական բազայից ստացված տվյալներում առկա չեն անհամապատասխանություններ (սխալներ), և առկա չէ սույն կարգի 40-րդ կետում նշված հանգամանքներից որևէ մեկը։
(42-րդ կետը լրաց. 10.08.17 N 977-Ն, 27.05.20 N 844-Ն, փոփ. 21.01.21 N 55-Ն)
43. Խնամքի նպաստը նշանակելու, խնամքի նպաստ ստանալու իրավունքը վերականգնելու և խնամքի նպաստի վճարումը վերսկսելու համար ծրագրային միջավայրում մուտքագրվող տվյալներին կից փաստաթղթեր (էլեկտրոնային լուսապատճեններ) չեն ներկայացվում: Եթե տարածքային բաժինը մերժում է առցանց ներկայացված տվյալների հիման վրա խնամքի նպաստի նշանակումը (խնամքի նպաստ ստանալու իրավունքի վերականգնումը և խնամքի նպաստի վճարումը վերսկսելը), ապա դրա մասին համապատասխան հաղորդագրություն է ուղարկվում ծրագրային միջավայրում մուտքագրված էլեկտրոնային փոստի հասցեին և e-citizen համակարգում ծնողին հատկացված պաշտոնական էլեկտրոնային փոստի հասցեին:
(43-րդ կետը լրաց. 10.08.17 N 977-Ն)
(հավելվածը լրաց. 22.09.16 N 966-Ն, փոփ. 08.12.16 N 1250-Ն, լրաց., խմբ., փոփ. 10.08.17 N 977-Ն, 27.05.20 N 844-Ն, 21.01.21 N 55-Ն, խմբ. 25.03.21 N 396-Ն, լրաց., խմբ., փոփ. 08.04.21 N 514-Ն, փոփ., լրաց. 10.06.21 N 968-Ն, լրաց. 22.07.21 N 1182-Ն, փոփ. 16.12.21 N 2074-Ն, լրաց. 02.02.23 N 134-Ն)
|
Հայաստանի Հանրապետության |
Դ. Հարությունյան |
|
Հավելված N 2 |
(հավելվածն ուժը կորցրել է 27.05.20 N 844-Ն)
|
Հավելված N 3 |
Օրինակելի ձև
խնամքի նպաստը կանխիկ եղանակով վճարելու
ծառայությունների մատուցման պայմանագրի
Պ Ա Յ Մ Ա Ն Ա Գ Ի Ր
ԽՆԱՄՔԻ ՆՊԱՍՏԸ ԿԱՆԽԻԿ ԵՂԱՆԱԿՈՎ ՎՃԱՐԵԼՈՒ
ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ
| քաղ. Երևան |
____ _____________ 20 թ. |
Հայաստանի Հանրապետության աշխատանքի և սոցիալական հարցերի նախարարությունը (այսուհետ՝ լիազոր մարմին), ի դեմս Հայաստանի Հանրապետության աշխատանքի և սոցիալական հարցերի նախարար ___________________ -ի, ով գործում է 2002 թվականի նոյեմբերի 14-ի N 1821-Ն որոշմամբ հաստատված՝ Հայաստանի Հանրապետության աշխատանքի և սոցիալական հարցերի նախարարության կանոնադրության հիման վրա, և ___________________________ վճարահաշվարկային կազմակերպությունը, ի դեմս _____________________________ -ի, ով գործում է իր կանոնադրության հիման վրա (այսուհետ՝ կատարող) կնքեցին սույն պայմանագիրը հետևյալի մասին:
I. ՊԱՅՄԱՆԱԳՐՈՒՄ ԿԻՐԱՌՎՈՂ ՀԱՍԿԱՑՈՒԹՅՈՒՆՆԵՐԸ
1. Սույն պայմանագրում կիրառվող հասկացություններն ունեն հետևյալ իմաստները՝
1) նպաստ՝ «Պետական նպաստների մասին» Հայաստանի Հանրապետության օրենքի (այսուհետ՝ օրենք) 27-րդ հոդվածով սահմանված խնամքի նպաստ.
2) ծնող՝ օրենքի 27-րդ հոդվածում նշված ծնող, որդեգրող կամ խնամակալ, ում նշանակվում և վճարվում է նպաստը:
II. ՊԱՅՄԱՆԱԳՐԻ ԱՌԱՐԿԱՆ ԵՎ ԱՅԼ ՊԱՅՄԱՆՆԵՐ
2. Սույն պայմանագրով կատարողը պարտավորվում է իր բանկային հաշվին մուտքագրված նպաստի գումարները, ըստ պատվիրատուի կողմից ներկայացված՝ սույն պայմանագրի N 1 հավելվածով սահմանված տեղեկատվության (այսուհետ՝ վճարման ցուցակ), մինչև տվյալ ամսվա 20-ը տրամադրել ծնողին կամ այլ անձի:
3. Կատարողը սույն պայմանագրի 2-րդ կետով սահմանված ծառայությունը մատուցում է ծնողի բնակության վայրի հասցեում կամ իր սպասարկման գրասենյակում:
4. Կատարողի (նրա աշխատողի) գործողությունների կամ անգործության հետևանքով պետությանը կամ այլ անձանց պատճառած նյութական վնասը լրիվ ծավալով ենթակա է հատուցման:
5. Սույն պայմանագրով նախատեսված ծառայությունը կատարողի կողմից մատուցված է համարվում նախորդ ամսվա ընթացքում նպաստի գումարների վճարման արդյունքների մասին սույն պայմանագրի N 2 հավելվածով սահմանված տեղեկատվություն պարունակող փոխադարձ հաշվարկների ակտի (այսուհետ՝ փոխադարձ հաշվարկների ակտ) հաստատման պահից:
6. Կողմերը սույն պայմանագրի կատարման համար անհրաժեշտ տեղեկատվությունը փոխանակում են փոխհամաձայնեցված կարգով:
III. ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ
7. Կողմերն իրավունք ունեն՝
1) սույն պայմանագրով սահմանված կարգով դադարեցնելու պայմանագրի գործողությունը.
2) օրենքով սահմանված կարգով բողոքարկելու մյուս կողմի գործողությունները և (կամ) անգործությունը.
3) իրականացնելու օրենքներով, այլ իրավական ակտերով, սույն պայմանագրով նախատեսված այլ իրավունքներ:
8. Կատարողն իրավունք ունի սույն պայմանագրով սահմանված կարգով ստանալու ծառայությունների մատուցման միջնորդավճարի գումարը:
9. Պատվիրատուն իրավունք ունի՝
1) ցանկացած ժամանակ ստուգելու կատարողի մատուցած ծառայությունների ընթացքը և որակը՝ առանց միջամտելու կատարողի գործողություններին.
2) կատարողից պահանջելու անհապաղ վերացնել հայտնաբերված թերությունները:
10. Կատարողը պարտավոր է՝
1) տվյալ ամսվա նպաստի գումարներն իր հաշվի համարին մուտքագրվելու և վճարման ցուցակն ստանալու օրվան հաջորդող աշխատանքային օրվանից սկսած՝ ապահովել ծառայության մատուցումն իր սպասարկման գրասենյակում.
2) նպաստի գումարը ծնողին տրամադրելու նպատակով ծնողի բնակության վայրի հասցե այցելել առնվազն 2 անգամ (եթե առաջին այցելության արդյունքում հնարավոր չի եղել նպաստի գումարը տրամադրել ծնողին).
3) նպաստի գումարը տրամադրել բացառապես վճարման ցուցակում ներառված անձին՝ անձը հաստատող փաստաթղթի հիման վրա.
4) նպաստի գումարի վճարումը դադարեցնելու օրվան հաջորդող երրորդ աշխատանքային օրվանից ոչ ուշ պատվիրատուին տրամադրել նախորդ ամսվա վճարման արդյունքների մասին տեղեկատվությունը, իսկ հինգերորդ աշխատանքային օրվանից ոչ ուշ՝ փոխադարձ հաշվարկների ակտը և Հայաստանի Հանրապետության պետական բյուջե փոխանցել իր բանկային հաշվին փոխանցված, սակայն վճարման ցուցակում ներառված անձանց չտրամադրված նպաստի գումարները.
5) պատվիրատուի պահանջով տրամադրել անձնավորված տեղեկատվություն նպաստի գումարը վճարման ցուցակում ներառված անձին տրամադրելու մասին:
11. Պատվիրատուն պարտավոր է՝
1) տվյալ ամսվա վճարման ցուցակը կատարողին տրամադրելու օրվան հաջորդող աշխատանքային օրվանից ոչ ուշ կատարողի հաշվին փոխանցել վճարման ենթակա գումարը՝ ըստ պատվիրատուի և կատարողի փոխադարձ համաձայնությամբ սահմանված համամասնությունների.
2) փոխադարձ հաշվարկների ակտը հաստատելու օրվան հաջորդող աշխատանքային օրվա ընթացքում կատարողին փոխանցել սույն պայմանագրով սահմանված ծառայությունների միջնորդավճարի գումարը:
IV. ՊԱՅՄԱՆԱԳՐԻ ԳԻՆԸ
12. Սույն պայմանագրով նախատեսված՝ մինչև 2021 թվականի դեկտեմբերի 30-ը մատուցած ծառայությունների համար պատվիրատուն կատարողին վճարում է ծնողին տրամադրված նպաստի գումարի մեկ տոկոսի չափով միջնորդավճար:
2022 թվականի հունվարի 1-ից մինչև 2022 թվականի փետրվարի 28-ը ներառյալ պատվիրատուն կատարողին սույն պայմանագրով նախատեսված ծառայությունների համար վճարում է ծնողին տրամադրված նպաստի գումարի 1.56 տոկոսի չափով միջնորդավճար:
2022 թվականի մարտի 1-ից մինչև 2022 թվականի դեկտեմբերի 30-ը ներառյալ պատվիրատուն կատարողին սույն պայմանագրով նախատեսված ծառայությունների համար վճարում է ծնողին տրամադրված նպաստի գումարի 1.38 տոկոսի չափով միջնորդավճար՝ Երևան քաղաքում, 1.66 տոկոսի չափով միջնորդավճար՝ Հայաստանի Հանրապետության քաղաքային այլ բնակավայրերում, 1.56 տոկոսի չափով միջնորդավճար՝ Հայաստանի Հանրապետության գյուղական բնակավայրերում։
2023 թվականի հունվարի 1-ից պատվիրատուն կատարողին սույն պայմանագրով նախատեսված ծառայությունների համար վճարում է ծնողին տրամադրված նպաստի գումարի 1.63 տոկոսի չափով միջնորդավճար։
(12-րդ կետը խմբ. 16.12.21 N 2048-Ն, լրաց. 15.12.22 N 1918-Ն)
V. ՎԵՃԵՐԻ ԼՈՒԾՄԱՆ ԿԱՐԳԸ
13. Սույն պայմանագրի կապակցությամբ վեճեր ու տարաձայնություններ առաջանալու դեպքում դրանք լուծվում են տասնհինգ օրվա ընթացքում՝ բանակցությունների միջոցով, իսկ բանակցությունների միջոցով համաձայնություն ձեռք չբերվելու դեպքում՝ Հայաստանի Հանրապետության օրենսդրությամբ սահմանված կարգով:
14. Վեճերի ու տարաձայնությունների վերաբերյալ բանակցությունների կամ դատական գործընթացների ժամանակահատվածում կողմերը պարտավոր են գործել սույն պայմանագրի համաձայն:
VI. ԵԶՐԱՓԱԿԻՉ ԴՐՈՒՅԹՆԵՐ
15. Սույն պայմանագրում փոփոխություններ և լրացումներ կատարվում են կողմերի փոխադարձ համաձայնությամբ և Հայաստանի Հանրապետության օրենսդրությամբ սահմանված կարգով՝ լրացուցիչ համաձայնագրեր կնքելու միջոցով, որոնք կհանդիսանան սույն պայմանագրի անբաժանելի մասը:
16. Սույն պայմանագիրը կազմված է հավասարազոր իրավաբանական ուժ ունեցող երկու օրինակից: Յուրաքանչյուր կողմին տրվում է պայմանագրի մեկ օրինակ:
17. Սույն պայմանագիրը լուծվում է կողմերի փոխադարձ համաձայնությամբ կամ պայմանագրի կատարումից միակողմանի հրաժարվելու դեպքում: Պայմանագիրը լուծելու վերաբերյալ առաջարկությունը մի կողմը մյուս կողմին ներկայացնում է պայմանագրի լուծման նախատեսվող ժամկետից առնվազն երկու ամիս առաջ:
18. Սույն պայմանագիրը լուծվում է պայմանագրով ստանձնած պարտավորությունները ոչ պատշաճ կատարելու հետևանքով պատճառած վնասները լրիվ հատուցելու պայմանով:
19. Սույն պայմանագիրն ուժի մեջ է մտնում և կողմերի համար պարտադիր է դառնում կնքելու պահից և գործում է անորոշ ժամկետով:
VII. ԿՈՂՄԵՐԻ ԳՏՆՎԵԼՈՒ ՎԱՅՐԵՐԸ, ԲԱՆԿԱՅԻՆ ՎԱՎԵՐԱՊԱՅՄԱՆՆԵՐԸ ԵՎ ՍՏՈՐԱԳՐՈՒԹՅՈՒՆՆԵՐԸ
|
Հայաստանի Հանրապետության աշխատանքի և սոցիալական հարցերի նախարարություն |
_______________________________ | |
|
Գտնվելու վայրը՝ ՀՀ, քաղ. Երևան, Կառավարական N 3 շենք |
Գտնվելու վայրը՝ | |
| Հեռ. _____________________ | Հեռ. _____________________ | |
| Էլ. փոստ _____________________ | Էլ. փոստ ____________________ | |
| ՀՎՀՀ _____________________ | ||
|
Նախարար __________________________ |
__________________________________ | |
|
|
|
Հավելված N 1
խնամքի նպաստը կանխիկ
եղանակով վճարելու ծառայությունների
մատուցման պայմանագրի
Ց Ա Ն Կ
ՎՃԱՐՄԱՆ ՑՈՒՑԱԿՈՒՄ ՆԵՐԱՌՎՈՂ ՏՎՅԱԼՆԵՐԻ
1. Վճարահաշվարկային կազմակերպության անվանումը
2. Ծնողի անունը, ազգանունը (հայրանունը), անձը հաստատող փաստաթղթի սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը, առկայության դեպքում՝ ծնողի փոխարեն նպաստն ստանալու՝ օրենքով այդ իրավունքն ունեցող անձի անունը, ազգանունը (հայրանունը), անձը հաստատող փաստաթղթի սերիան և համարը
3. Ծնողի հաշվառման (հաշվառման) վայրի հասցեն՝ ըստ բնակչության պետական ռեգիստրի
4. Վճարման ցուցակում ներառված անձին վճարման ենթակա նպաստի գումարը (այդ թվում՝ տվյալ ամսվան նախորդող ժամանակահատվածի համար)՝ ըստ ժամանակահատվածի
5. Վճարման ենթակա ընդհանուր գումարի չափը
Հավելված N 2
խնամքի նպաստը կանխիկ
եղանակով վճարելու ծառայությունների
մատուցման պայմանագրի
Ց Ա Ն Կ
ՓՈԽԱԴԱՐՁ ՀԱՇՎԱՐԿՆԵՐԻ ԱԿՏՈՒՄ ՆԵՐԱՌՎՈՂ ՏՎՅԱԼՆԵՐԻ
1. Ամիսը, որի ընթացքում իրականացվել են նպաստի վճարումները
2. Նպաստ ստացած անձանց թիվը
3. Վճարված նպաստի գումարը
4. Հայաստանի Հանրապետության պետական բյուջե (փոխանցված) փոխանցման ենթակա՝ իր բանկային հաշվին փոխանցված, սակայն վճարման ցուցակում ներառված անձանց չտրամադրված գումարների հանրագումարը
5. Մատուցված ծառայությունների միջնորդավճարի գումարը
6. Կողմերի վավերապայմանները, կնիքները և լիազորված անձանց անունները, ազգանուններն ու ստորագրությունները
7. Փոխադարձ հաշվարկների ակտը կնքելու օրը, ամիսը, տարեթիվը
(հավելվածը խմբ. 16.12.21 N 2048-Ն, լրաց. 15.12.22 N 1918-Ն)
|
Հայաստանի Հանրապետության |
Դ. Հարությունյան |
|
Հավելված N 4 |
Օ Ր Ի Ն Ա Կ Ե Լ Ի Ձ Ե Վ
ՄԻՆՉԵՎ ԵՐԿՈՒ ՏԱՐԵԿԱՆ ԵՐԵԽԱՅԻ ԽՆԱՄՔԻ ՆՊԱՍՏՆ ԱԶԳԱՅԻՆ ՕՊԵՐԱՏՈՐԻ ԿՈՂՄԻՑ ԱՆԿԱՆԽԻԿ ԵՂԱՆԱԿՈՎ ՎՃԱՐՄԱՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ՊԱՅՄԱՆԱԳՐԻ
| քաղ. Երևան |
___ ______________ թ. |
Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայությունը (այսուհետ` պատվիրատու), ի դեմս ծառայության պետ ________ -ի, որը գործում է ՀՀ աշխատանքի և սոցիալական հարցերի նախարարի 2021 թվականի մարտի 17-ի թիվ 37-Լ հրամանով հաստատված կանոնադրության հիման վրա, և ______________ Հայաստանի Հանրապետության փոստային կապի ազգային օպերատոր «Հայփոստ» ՓԲԸ-ն (այսուհետ` կատարող)` ի դեմս _____________ -ի, որը գործում է իր կանոնադրության հիման վրա, կնքեցին սույն պայմանագիրը հետևյալի մասին.
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն պայմանագրում կիրառվող հասկացություններն ունեն հետևյալ իմաստները՝
1) խնամքի նպաստ` մինչև երկու տարեկան երեխայի խնամքի նպաստ.
2) նպաստառու` խնամքի արձակուրդում գտնվող ծնող, որդեգրող, խնամակալ կամ գյուղական բնակավայրում բնակվող ծնող, որին նշանակվել և վճարվում է խնամքի նպաստ.
3) էլեկտրոնային փողի հաշվառման հաշիվ՝ Հայաստանի Հանրապետության կենտրոնական բանկի իրավական ակտերով սահմանված պահանջների համաձայն՝ նպաստառուի անվամբ կատարողի մոտ բացված էլեկտրոնային փողի հաշվառման հաշիվ, որը կիրառվում է խնամքի նպաստը անկանխիկ եղանակով վճարելու համար.
4) անձը հաստատող փաստաթուղթ՝
ա. Հայաստանի Հանրապետության քաղաքացիների համար` Հայաստանի Հանրապետության քաղաքացու անձնագիր կամ Հայաստանի Հանրապետության քաղաքացու նույնականացման քարտ,
բ. օտարերկրյա քաղաքացիների և քաղաքացիություն չունեցող անձանց համար` օրենքով կամ միջազգային պայմանագրով սահմանված` Հայաստանի Հանրապետությունում բնակվելու իրավունքը (կացության կարգավիճակը) հաստատող փաստաթուղթ,
գ. փախստականի կարգավիճակ ունեցող անձի համար` կոնվենցիոն ճամփորդական փաստաթուղթ:
2. Պատվիրատուն կատարողին է տրամադրում սույն պայմանագրի N 1 ձևում նշված տեղեկությունները (այսուհետ` վճարման ցուցակ), իսկ կատարողը համապատասխան դրամական միջոցներն ընդունելու օրվան հաջորդող աշխատանքային օրվանից ոչ ուշ հանրային ծառայությունների համարանիշով կամ հանրային ծառայությունների համարանիշ չստանալու մասին տեղեկանքով նույնականացնում է նպաստառուին և խնամքի նպաստի գումարը մուտքագրում այդ հաշվին:
3. Կողմերն անվերապահորեն ընդունում են, որ կատարողը նպաստառուի էլեկտրոնային փողի հաշվառման հաշվին առկա միջոցները մարում է կանխիկ կամ անկանխիկ եղանակով նպաստառուին վճարելու միջոցով կամ նպաստառուն իրականացնում է էլեկտրոնային փողով վճարում:
(3-րդ կետը փոփ. 16.12.21 N 2048-Ն)
4. Էլեկտրոնային փողի հաշվառման հաշվին մուտքագրվում է բացառապես խնամքի նպաստի գումարը (էլեկտրոնային փողի հաշվառման հաշիվը համալրվում է բացառապես պատվիրատուի կողմից՝ խնամքի նպաստի գումարով):
5. Նպաստառուի էլեկտրոնային փողի հաշվառման հաշվին մուտքագրված խնամքի նպաստի գումարները տնօրինելուն առնչվող հարաբերությունները, այդ թվում` էլեկտրոնային փողի հաշվառման հաշվի սպասարկմանն առնչվող, կարգավորվում են նպաստառուի և կատարողի միջև կնքված էլեկտրոնային փողի թողարկման և սպասարկման համար էլեկտրոնային փողի հաշվառման հաշվի բացման և համալրման պայմանագրով (այսուհետ՝ էլեկտրոնային փողի թողարկման և սպասարկման պայմանագիր)։
6. Սույն պայմանագրի ձևերով նախատեսված տեղեկատվությունը և սույն պայմանագրի կատարման համար անհրաժեշտ փաստաթղթերը (տեղեկատվությունները) պատվիրատուի և կատարողի միջև փոխանակվում են Հայաստանի Հանրապետության կառավարության 2019 թվականի դեկտեմբերի 19-ի N 1849-Ն որոշմամբ սահմանված կարգով՝ էլեկտրոնային եղանակով կամ Հայաստանի Հանրապետության կենտրոնական բանկի կողմից սահմանված միջոցներով (CBANet միջբանկային համակարգչային ցանցի միջոցով):
7. Սույն պայմանագրով նախատեսված ծառայությունը կատարողի կողմից պատվիրատուին մատուցված է համարվում նախորդ ամսվա ընթացքում վճարման արդյունքների մասին սույն պայմանագրի N 2 ձևով սահմանված տեղեկությունները պարունակող փոխադարձ հաշվարկների ակտի հաստատման պահից:
II. ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ
8. Կողմերն իրավունք ունեն՝
1) սույն պայմանագրով սահմանված կարգով դադարեցնելու պայմանագրի գործողությունը.
2) օրենքով սահմանված կարգով բողոքարկելու մյուս կողմի գործողությունները և (կամ) անգործությունը.
3) իրականացնելու օրենքներով, այլ իրավական ակտերով, սույն պայմանագրով նախատեսված այլ իրավունքներ:
9. Կատարողը պարտավոր է՝
1) համաձայն վճարման ցուցակի, հաշվի առնելով նաև սույն պայմանագրի 4-րդ կետի պահանջը, խնամքի նպաստի գումարը մուտքագրել նպաստառուի գործող էլեկտրոնային փողի հաշվառման հաշվին դրամական միջոցների ընդունման օրվան հաջորդող աշխատանքային օրվանից ոչ ուշ, եթե ավելի կարճ ժամկետներ նախատեսված չեն օրենքով կամ այլ նորմատիվ իրավական ակտերով.
2) պատվիրատուի՝ սույն պայմանագրի N 3 ձևով սահմանված տեղեկատվությունը պարունակող կարգադրության (պահանջի) հիման վրա, այն ստանալու օրվան հաջորդող աշխատանքային օրվանից ոչ ուշ, դրանում նշված գումարի չափով, առանց նպաստառուի համաձայնության, նրա էլեկտրոնային փողի հաշվառման հաշվից հետգանձել միջոցները (բավարար միջոցներ չլինելու դեպքում` էլեկտրոնային փողի հաշվառման հաշվում առկա հասանելի մնացորդի չափով) և ոչ ուշ, քան հաջորդ աշխատանքային օրը փոխանցել Հայաստանի Հանրապետության պետական բյուջե` միաժամանակ ապահովելով սույն պայմանագրի N 4 ձևով սահմանված տեղեկությունները լիազոր մարմին ներկայացնելը: Կատարողը պատասխանատվություն չի կրում էլեկտրոնային փողի հաշվառման հաշիվ մուտքագրված` Հայաստանի Հանրապետության օրենսդրության խախտմամբ (սխալ) վճարված այն գումարների համար, որոնք նպաստառուն (օգտագործողը) մարել է (էլեկտրոնային փողի հաշվառման հաշվից ելքագրվել են)՝ մինչև պատվիրատուից սույն ենթակետում նշված կարգադրությունը (պահանջը) ստանալու օրվան հաջորդող աշխատանքային օրը.
3) էլեկտրոնային եղանակով կամ նպաստառուի` կատարողին անձամբ ներկայացրած պահանջի դեպքում անվճար տրամադրել նրա էլեկտրոնային փողի հաշվառման հաշվին մուտքագրված և մարված խնամքի նպաստի գումարների մասին տեղեկատվություն (քաղվածք)` առնվազն յուրաքանչյուր ամիսը մեկ անգամ՝ նպաստառուի նախընտրած եղանակով՝ թղթային տարբերակով (տրամադրում է առձեռն կամ փոստային առաքմամբ) կամ էլեկտրոնային եղանակով (ուղարկում է դիմումում նշված էլեկտրոնային փոստի հասցեով կամ հեռախոսահամարին).
4) նպաստառուի անվամբ էլեկտրոնային փողի հաշվառման հաշիվը բացել և սպասարկել, ծառայությունները մատուցել, այդ թվում՝ նպաստառուի բնակության վայրի հասցեում կամ կազմակերպության գրասենյակում կամ ավտոմատ գանձման մեքենաների կամ կանխիկացման այլ ինքնասպասարկման սարքերի միջոցով Էլեկտրոնային փողը կանխիկացնել անվճար (առանց միջնորդավճարների)։ 2022 թվականի հունվարի 1-ին և դրանից հետո քաղաքային բնակավայրերում նպաստառուի բնակության վայրի հասցեում նրա Էլեկտրոնային փողի հաշվառման հաշվին առկա միջոցները կանխիկ եղանակով վճարելու դեպքում ծառայությունները մատուցել նպաստառուի և կատարողի միջև կնքված Էլեկտրոնային փողի թողարկման և սպասարկման պայմանագրով սահմանված գնով (վճարում է նպաստառուն).
5) նպաստառուին սպասարկել նաև այն դեպքում, երբ նա ներկայացնում է վճարման ցուցակում նշված` անձը հաստատող փաստաթղթից տարբեր՝ անձը հաստատող այլ վավերական փաստաթուղթ, եթե դրանով կատարողը կարողանում է նույնականացնել այդ անձին:
(9-րդ կետը խմբ. 24.09.21 N 1549-Ն, փոփ. 16.12.21 N 2048-Ն)
10. Պատվիրատուն պարտավոր է`
1) տվյալ ամսվա վճարման ցուցակը կատարողին տրամադրելու օրվան հաջորդող աշխատանքային օրվանից ոչ ուշ կատարողի էլեկտրոնային փողի հաշվառման հաշվին փոխանցել վճարման ենթակա ամբողջ գումարը.
2) սույն պայմանագրով սահմանված դեպքերում կատարող ներկայացնել սահմանված ձևի կարգադրություն.
3) նպաստառուի մահվան մասին տեղեկատվություն ստանալու օրվան հաջորդող աշխատանքային օրվանից ոչ ուշ սույն պայմանագրի N 5 ձևով սահմանված տվյալները տրամադրել կատարողին և դադարեցնել նպաստի գումարի վճարումը.
4) «Փոստային կապի մասին» Հայաստանի Հանրապետության օրենքով սահմանված կարգով ապահովել սույն պայմանագրի շրջանակներում իրեն հայտնի դարձած` գաղտնիք համարվող տեղեկությունների գաղտնիությունը:
III. ՊԱՅՄԱՆԱԳՐԻ ԳԻՆԸ
11. Սույն պայմանագրով նախատեսված՝ մինչև 2021 թվականի դեկտեմբերի 30-ը մատուցած ծառայությունների համար պատվիրատուն կատարողին վճարում է ծնողին տրամադրված նպաստի գումարի մեկ տոկոսի չափով միջնորդավճար:
2022 թվականի հունվարի 1-ից պատվիրատուն կատարողին քաղաքային բնակավայրերում ծառայությունները մատուցում է անվճար, իսկ գյուղական բնակավայրերում 2022 թվականի հունվարի 1-ից մինչև 2023 թվականի հունվարի 31-ը ներառյալ պատվիրատուն կատարողին վճարում է ծնողին տրամադրված նպաստի գումարի 1.56 տոկոսի չափով միջնորդավճար:
2023 թվականի փետրվարի 1-ից պատվիրատուն կատարողին սույն պայմանագրով նախատեսված ծառայությունները մատուցում է անվճար:
(11-րդ կետը խմբ. 24.09.21 N 1549-Ն, 16.12.21 N 2048-Ն, փոփ., լրաց. 15.12.22 N 1918-Ն)
12. Կատարողը նպաստառուի անվամբ էլեկտրոնային փողի հաշվառման հաշիվ բացելու և սպասարկելու, ծառայությունների մատուցման համար ծառայությունների վարձավճար չի գանձում:
IV. ԵԶՐԱՓԱԿԻՉ ԴՐՈՒՅԹՆԵՐ
13. Սույն պայմանագրում փոփոխություններ և լրացումներ կատարվում են կողմերի փոխադարձ համաձայնությամբ և Հայաստանի Հանրապետության օրենսդրությամբ սահմանված կարգով` լրացուցիչ համաձայնագրեր կնքելու միջոցով, որոնք կհանդիսանան սույն պայմանագրի անբաժանելի մասը:
14. Սույն պայմանագիրը կազմված է հավասարազոր իրավաբանական ուժ ունեցող երկու օրինակից։ Յուրաքանչյուր կողմին տրվում է պայմանագրի մեկ օրինակ։
15. Սույն պայմանագիրը լուծվում է կողմերի փոխադարձ համաձայնությամբ կամ պայմանագրի կատարումից միակողմանի հրաժարվելու դեպքում: Պայմանագիրը լուծելու վերաբերյալ առաջարկությունը մի կողմը մյուս կողմին ներկայացնում է պայմանագրի լուծման նախատեսվող ժամկետից առնվազն երկու ամիս առաջ:
16. Պայմանագիրը լուծելու վերաբերյալ առաջարկություն ներկայացնող կողմը պարտավոր է պայմանագիրը լուծելու մասին նպաստառուին պատշաճ կարգով ծանուցել պայմանագրի լուծման նախատեսվող ժամկետից առնվազն մեկ ամիս առաջ: Սույն պայմանագրի իմաստով պատշաճ կարգով ծանուցում է համարվում պայմանագիրը լուծելու մասին դիմումում նշված հեռախոսահամարին հաղորդագրություն կամ էլեկտրոնային փոստի հասցեով տեղեկություն ուղարկելը կամ նպաստառուի բնակության վայրի հասցեով ծանուցելը:
17. Սույն պայմանագիրը լուծվում է լուծման օրվա դրությամբ պայմանագրով ստանձնած պարտավորությունները կողմերի կողմից պատշաճ կատարելու, ինչպես նաև չկատարելու կամ ոչ պատշաճ կատարելու հետևանքով պատճառված վնասները լրիվ հատուցելու պայմանով:
18. Սույն պայմանագիրն իրավաբանական ուժ է ստանում այն կնքելու օրը, իսկ սույն պայմանագրի 19-րդ կետում նշված դեպքում` այդ կետում նշված համաձայնագրով նախատեսված` սույն պայմանագիրը կատարելու համար անհրաժեշտ ծրագրային ապահովումը ներդնելու օրը և գործում է մինչև _____ ________________ 20 _____ թվականը:
19. Ըստ անհրաժեշտության` սույն պայմանագիրը կատարելու համար անհրաժեշտ ծրագրային ապահովումը մշակվում և ներդրվում է Հայաստանի Հանրապետության օրենսդրությամբ սահմանված կարգով կնքված` սույն պայմանագրի անբաժանելի մասը կազմող լրացուցիչ համաձայնագրի համաձայն` սույն պայմանագիրը կնքելու ամսվան հաջորդող 3-րդ ամսվանից ոչ ուշ:
V. ԿՈՂՄԵՐԻ ԳՏՆՎԵԼՈՒ ՎԱՅՐԸ, ՎԱՎԵՐԱՊԱՅՄԱՆՆԵՐԸ ԵՎ ՍՏՈՐԱԳՐՈՒԹՅՈՒՆՆԵՐԸ
|
Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայություն |
---------------------------------------- | |
|
Գտնվելու վայրը՝ ՀՀ, քաղ. Երևան, Նալբանդյան 13 |
Գտնվելու վայրը՝ ---------------------------------------- ---------------------------------------- | |
|
Հեռ. ---------------------------------------- |
Հեռ. ---------------------------------------- | |
|
Էլ. փոստ -------------------------------------- |
Էլ. փոստ ----------------------------------- | |
|
|
ՀՎՀՀ --------------------------------------- | |
|
Նախարար ---------------------------------------- (անունը, ազգանունը) |
--------------------------------------- (համապատասխան լիազորություններով օժտված անձի պաշտոնը, անունը, ազգանունը) | |
|
---------------------------------------- (ստորագրությունը) |
----------------------------------------- (ստորագրությունը) |
Ձև N 1
Մինչև երկու տարեկան երեխայի խնամքի նպաստն
ազգային օպերատորի կողմից անկանխիկ
եղանակով վճարման ծառայությունների մատուցման
պայմանագրի
Ց Ա Ն Կ
ԷԼԵԿՏՐՈՆԱՅԻՆ ՓՈՂԻ ՀԱՇՎԱՌՄԱՆ ՀԱՇԻՎ ԲԱՑԵԼՈՒ ՀԱՄԱՐ ԱՆՀՐԱԺԵՇՏ (ՎՃԱՐՄԱՆ ՑՈՒՑԱԿ ՆԵՐԱՌՎՈՂ) ՏՎՅԱԼՆԵՐԻ, ՈՐՈՆՔ ԼԻԱԶՈՐ ՄԱՐՄԻՆԸ ՏՐԱՄԱԴՐՈՒՄ Է ԿԱՏԱՐՈՂԻՆ
1. Կատարողի անվանումը (ծածկագիրը).
2. Նպաստառուի անունը, ազգանունը, առկայության դեպքում` հայրանունը.
3. Նպաստառուի անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.
4. Նպաստի գործի համարը և վճարման ենթակա գումարի չափը.
5. Նպաստառուի էլեկտրոնային փոստի հասցեն և հեռախոսահամարը (առկայության դեպքում):
Ձև N 2
Մինչև երկու տարեկան երեխայի խնամքի
նպաստն ազգային օպերատորի կողմից անկանխիկ
եղանակով վճարման ծառայությունների մատուցման
պայմանագրի
Ց Ա Ն Կ
ՆՊԱՍՏԻ ՎՃԱՐՈՒՄՆԵՐԻՆ ՎԵՐԱԲԵՐՈՂ` ՓՈԽԱԴԱՐՁ ՀԱՇՎԱՐԿՆԵՐԻ ԱԿՏ ՆԵՐԱՌՎՈՂ ՏՎՅԱԼՆԵՐԻ, ՈՐՈՆՔ ԿԱՏԱՐՈՂԸ ՏՐԱՄԱԴՐՈՒՄ Է ՊԱՏՎԻՐԱՏՈՒԻՆ
1. Կատարողի անվանումը (ծածկագիրը).
2. Հաշվետու ամսվա տարեթիվը և ամիսը, որին վերաբերում է փոխադարձ հաշվարկների ակտը.
3. Հաշվետու ամսվա վճարման ցուցակներում ներառված նպաստառուների ընդհանուր թիվը.
4. Հաշվետու ամսվա վճարման ցուցակների հիման վրա վճարման ենթակա (կատարողին փոխանցված) խնամքի նպաստի ընդհանուր գումարը.
5. Խնամքի նպաստի գործերի թիվը, որոնց էլեկտրոնային փողի հաշվառման հաշիվներից խնամքի նպաստի գումարները հաշվետու ամսվա ընթացքում, պատվիրատուի համապատասխան կարգադրության հիման վրա, կատարողը վերադարձրել է Հայաստանի Հանրապետության պետական բյուջե (ըստ գանձապետական հաշիվների).
6. Պատվիրատուի կարգադրության հիման վրա հաշվետու ամսվա ընթացքում կատարողի կողմից Հայաստանի Հանրապետության պետական բյուջե վերադարձված կենսաթոշակների գումարների հանրագումարը․
7. Հաշվետու ամսվա ընթացքում կատարողին փոխանցված խնամքի նպաստի և ՀՀ պետական բյուջե, ըստ գանձապետական հաշիվների, վերադարձված գումարների տարբերությունը:
Ձև N 3
Մինչև երկու տարեկան երեխայի խնամքի
նպաստն ազգային օպերատորի կողմից անկանխիկ
եղանակով վճարման ծառայությունների մատուցման
պայմանագրի
Ց Ա Ն Կ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵ ՎԵՐԱԴԱՐՁՄԱՆ ԵՆԹԱԿԱ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԴՐՈՒԹՅԱՆ ԽԱԽՏՄԱՄԲ (ՍԽԱԼ) ՎՃԱՐՎԱԾ ՆՊԱՍՏԻ ԳՈՒՄԱՐՆԵՐԻ ԵՎ ՆՊԱՍՏԱՌՈՒՆԵՐԻ ՏՎՅԱԼՆԵՐԻ, ՈՐՈՆՔ ԼԻԱԶՈՐ ՄԱՐՄԻՆԸ ՏՐԱՄԱԴՐՈՒՄ Է ԿԱՏԱՐՈՂԻՆ
1. Կատարողի անվանումը (ծածկագիրը).
2. Նպաստառուի անունը, ազգանունը, առկայության դեպքում` հայրանունը.
3. Նպաստառուի անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.
4. Նպաստառուի գործի համարը և վճարման ենթակա գումարի չափը.
5. Հայաստանի Հանրապետության օրենսդրության խախտմամբ (սխալ) վճարված (վճարման ցուցակով փոխանցված) խնամքի նպաստի` վերադարձման ենթակա գումարի չափը.
7. Գանձապետական հաշիվը, որին պետք է փոխանցել (վերադարձնել) Հայաստանի Հանրապետության օրենսդրության խախտմամբ (սխալ) վճարված գումարը:
Ձև N 4
Մինչև երկու տարեկան երեխայի խնամքի
նպաստն ազգային օպերատորի կողմից անկանխիկ
եղանակով վճարման ծառայությունների մատուցման
պայմանագրի
Ց Ա Ն Կ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵ ՎԵՐԱԴԱՐՁՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԴՐՈՒԹՅԱՆ ԽԱԽՏՄԱՄԲ (ՍԽԱԼ) ՎՃԱՐՎԱԾ ՆՊԱՍՏԻ ԳՈՒՄԱՐՆԵՐԻ ԵՎ ՆՊԱՍՏԱՌՈՒՆԵՐԻ ՏՎՅԱԼՆԵՐԻ, ՈՐՈՆՔ ԿԱՏԱՐՈՂԸ ՏՐԱՄԱԴՐՈՒՄ Է ՊԱՏՎԻՐԱՏՈՒԻՆ
1. Կատարողի անվանումը (ծածկագիրը).
2. Նպաստառուի անունը, ազգանունը, առկայության դեպքում` հայրանունը.
3. Նպաստառուի անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.
4. Հայաստանի Հանրապետության օրենսդրության խախտմամբ (սխալ) վճարված և Հայաստանի Հանրապետության պետական բյուջե վերադարձման ենթակա՝ նպաստի գործի համարը և վճարման ենթակա գումարի չափը.
5. Հայաստանի Հանրապետության պետական բյուջե փաստացի փոխանցված (վերադարձված)՝ Հայաստանի Հանրապետության օրենսդրության խախտմամբ (սխալ) վճարված նպաստի գումարի չափը.
6. Գանձապետական հաշիվը, որին փոխանցվել է Հայաստանի Հանրապետության օրենսդրության խախտմամբ (սխալ) վճարված նպաստի գումարը.
7. Հայաստանի Հանրապետության օրենսդրության խախտմամբ (սխալ) վճարված նպաստի գումարը Հայաստանի Հանրապետության պետական բյուջե վերադարձնելու օրը, ամիսը, տարեթիվը:
Ձև N 5
Մինչև երկու տարեկան երեխայի խնամքի
նպաստն ազգային օպերատորի կողմից անկանխիկ
եղանակով վճարման ծառայությունների մատուցման
պայմանագրի
Ց Ա Ն Կ
ՄԱՀԱՑԱԾ ՆՊԱՍՏԱՌՈՒԻ ՏՎՅԱԼՆԵՐԻ
1. Կատարողի անվանումը (ծածկագիրը).
2. Մահացած նպաստառուի անունը, ազգանունը, առկայության դեպքում` հայրանունը.
3. Նպաստառուի անձը հաստատող փաստաթղթի տեսակը, սերիան և համարը, հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը.
4. Նպաստի գործի համարը.
5. Նպաստառուի մահվան մասին տեղեկատվությունն ստանալու օրը, ամիսը, տարեթիվը:
(հավելվածը լրաց. 10.06.21 N 968-Ն, խմբ. 24.09.21 N 1549-Ն, փոփ., խմբ. 16.12.21 N 2048-Ն, փոփ., լրաց. 15.12.22 N 1918-Ն)
| Փոփոխող ակտ | Համապատասխան ինկորպորացիան |
|---|