ԵՎՐԱՍԻԱԿԱՆ ՏՆՏԵՍԱԿԱՆ ՀԱՄԱՅՆՔ
ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎ
Ո Ր Ո Շ ՈՒ Մ
28 մայիսի 2010 թվականի թիվ 299
ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆՈՒՄ ՍԱՆԻՏԱՐԱԿԱՆ ՄԻՋՈՑՆԵՐԻ ԿԻՐԱՌՄԱՆ ՄԱՍԻՆ
Փոփոխող փաստաթղթերի ցանկ
(Մաքսային միության հանձնաժողովի 2010 թվականի օգոստոսի 17-ի թիվ 341, 2010 թվականի սեպտեմբերի 20-ի թիվ 383, 2010 թվականի հոկտեմբերի 14-ի թիվ 432, 2010 թվականի նոյեմբերի 18-ի թիվ 456, 2011 թվականի մարտի 2-ի թիվ 566, 2011 թվականի մարտի 2-ի թիվ 567, 2011 թվականի մարտի 2-ի թիվ 568, 2011 թվականի մարտի 2-ի թիվ 571, 2011 թվականի ապրիլի 7-ի թիվ 622, 2011 թվականի հոկտեմբերի 18-ի թիվ 828, 2011 թվականի հոկտեմբերի 18-ի թիվ 829, 2011 թվականի դեկտեմբերի 9-ի թիվ 859, 2011 թվականի դեկտեմբերի 9-ի թիվ 888, 2011 թվականի դեկտեմբերի 9-ի թիվ 889 որոշումների,
Եվրասիական տնտեսական հանձնաժողովի կոլեգիայի 2012 թվականի ապրիլի 19-ի թիվ 34 որոշման,
Եվրասիական տնտեսական հանձնաժողովի խորհրդի 2012 թվականի հունիսի 15-ի թիվ 36, 2012 թվականի հունիսի 15-ի թիվ 37, 2012 թվականի հուլիսի 20-ի թիվ 64 որոշումների,
Եվրասիական տնտեսական հանձնաժողովի կոլեգիայի 2012 թվականի օգոստոսի 16-ի թիվ 125, 2012 թվականի օգոստոսի 23-ի թիվ 141 որոշումների,
Եվրասիական տնտեսական հանձնաժողովի խորհրդի 2012 թվականի օգոստոսի 24-ի թիվ 73 որոշման,
Եվրասիական տնտեսական հանձնաժողովի կոլեգիայի 2012 թվականի նոյեմբերի 6-ի թիվ 206, 2012 թվականի նոյեմբերի 6-ի թիվ 208 որոշումների,
Եվրասիական տնտեսական հանձնաժողովի խորհրդի 2012 թվականի դեկտեմբերի 17-ի թիվ 114, 2012 թվականի դեկտեմբերի 17-ի թիվ 115 որոշումների,
Եվրասիական տնտեսական հանձնաժողովի կոլեգիայի 2013 թվականի հունվարի 15-ի թիվ 6, 2014 թվականի մայիսի 13-ի թիվ 71, 2014 թվականի հուլիսի 7-ի թիվ 101 որոշումների,
Եվրասիական տնտեսական հանձնաժողովի խորհրդի 2014 թվականի սեպտեմբերի 18-ի թիվ 78 որոշման,
Եվրասիական տնտեսական հանձնաժողովի կոլեգիայի 2014 թվականի նոյեմբերի 18-ի թիվ 209, 2015 թվականի նոյեմբերի 10-ի թիվ 149 որոշումների,
Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի թիվ 82 որոշման, Եվրասիական տնտեսական հանձնաժողովի կոլեգիայի 2015 թվականի դեկտեմբերի 8- թիվ 162, 2016 թվականի հոկտեմբերի 25-ի թիվ 118, 2017 թվականի հունիսի 30-ի թիվ 80, 2017 թվականի օգոստոսի 29-ի թիվ 107, 2018 թվականի հունվարի 23- թիվ 12 որոշումների,
Եվրասիական տնտեսական հանձնաժողովի խորհրդի 2018 թվականի փետրվարի 16-ի թիվ 5 որոշման,
Եվրասիական տնտեսական հանձնաժողովի կոլեգիայի 2018 թվականի մայիսի 10-ի թիվ 76 որոշման,
Եվրասիական տնտեսական հանձնաժողովի խորհրդի 2018 թվականի հունիսի 14-ի թիվ 64, 2019 թվականի փետրվարի 22-ի թիվ 8 որոշումների,
Եվրասիական տնտեսական հանձնաժողովի կոլեգիայի 2019 թվականի մայիսի 21-ի թիվ 78,
Եվրասիական տնտեսական հանձնաժողովի խորհրդի 2019 թվականի սեպտեմբերի 9-ի թիվ 97 որոշման խմբագրությամբ)
Մաքսային միության հանձնաժողովը որոշեց.
1. Հաստատել`
- Եվրասիական տնտեսական միության մաքսային սահմանի վրա և մաքսային տարածքում պետական սանիտարահամաճարակաբանական վերահսկողության (հսկողության) ենթակա արտադրանքի (ապրանքների) միասնական ցանկը (այսուհետ՝ Միասնական ցանկ, թիվ 1 հավելված).
(Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի թիվ 82 որոշման խմբագրությամբ)
- Սանիտարահամաճարակաբանական վերահսկողության (հսկողության) ենթակա արտադրանքին (ապրանքներին) ներկայացվող միասնական սանիտարահամաճարակաբանական և հիգիենիկ պահանջները (այսուհետ՝ Միասնական սանիտարական պահանջներ, թիվ 2 հավելված).
(Եվրասիական տնտեսական հանձնաժողովի կոլեգիայի 2015 թվականի նոյեմբերի 10-ի թիվ 149 որոշման խմբագրությամբ)
ԿոնսուլտանտՊլյուս. Ծանոթագրություն.
Արտադրանքի (ապրանքների) անվտանգությունը հաստատող փաստաթղթի միասնական ձևի հաստատման մասով 1-ին կետը ուժը կորցրել է 2019 թվականի հունիսի 1-ին՝ բացառությամբ մինչև նշված ամսաթիվը տրված՝ պետական գրանցման մասին վկայականների մասին տեղեկությունների արդիականացման դեպքերի:
- Արտադրանքի (ապրանքների) անվտանգությունը հաստատող փաստաթղթի միասնական ձևը (պետական գրանցման վկայականի միասնական ձևը) (թիվ 3 հավելված).
(Փաստաթղթի միասնական ձևը ուժը կորցրել է 2019 թվականի հունիսի 1-ից:
Եվրասիական տնտեսական հանձնաժողովի կոլեգիայի 2017 թվականի հունիսի 30-ի թիվ 80 որոշում)
- Եվրասիական տնտեսական միության մաքսային սահմանով և Եվրասիական տնտեսական միության մաքսային տարածքում պետական սանիտարահամաճարակաբանական վերահսկողության (հսկողության) իրականացման կարգը (թիվ 4 հավելված):
(Եվրասիական տնտեսական հանձնաժողովի խորհրդի 2018 թվականի փետրվարի 16-ի թիվ 5 որոշման խմբագրությամբ)
2. Բելառուսի Հանրապետության, Ղազախստանի Հանրապետության և Ռուսաստանի Դաշնության Կառավարություններին՝ 2010 թվականի հուլիսի 1-ից կիրառել Միասնական ցանկն ու Միասնական սանիտարական պահանջները:
2-1. Սահմանել, որ Միասնական սանիտարական պահանջները կիրառվում են նշված պահանջներին արտադրանքի համապատասխանության մասին այն փաստաթղթերի հիման վրա արտադրվող և շրջանառության մեջ դրվող՝ Մաքսային միության տեխնիկական կանոնակարգերի գործողություն ոլորտում ընդգրկվող արտադրանքի նկատմամբ (այսուհետ՝ արտադրանք), որոնք տրվում կամ ընդունվում են՝
- մինչև 2012 թվականի հունիսի 1-ը՝ 14-րդ բաժնի մասով՝ «Անհատական պաշտպանության միջոցներին ներկայացվող պահանջներ»՝ «Անհատական պաշտպանության միջոցների անվտանգության մասին» Մաքսային միության տեխնիկական կանոնակարգն ուժի (ՄՄ ՏԿ 019/2011) մեջ մտնելու հետ կապված.
- մինչև 2012 թվականի հուլիսի 1-ը՝
2-րդ բաժնի մասով՝ «Մանկական տեսականու ապրանքներին ներկայացվող անվտանգության պահանջներ» և՝ ըստ 8-րդ բաժնի: «Երեխաների և դեռահասների համար նախատեսված տպագիր գրքերին և պոլիգրաֆիական արդյունաբերության այլ արտադրատեսակների ներկայացվող անվտանգության պահանջները»՝ «Խաղալիքների անվտանգության մասին Մաքսային միության տեխնիկական կանոնակարգը (ՄՄ ՏԿ 008/2011) և «Երեխաների ու դեռահասների համար նախատեսված արտադրանքի անվտանգության մասին» Մաքսային միության տեխնիկական կանոնակարգն (ՄՄ ՏԿ 007/2011) ուժի մեջ մտնելու հետ կապված.
4-րդ բաժնի մասով՝ «Օծանելիքակոսմետիկական արտադրանքին և բերանի խոռոչի հիգիենայի միջոցներին ներկայացվող պահանջներ»՝ «Օծանելիքակոսմետիկական արտադրանքի անվտանգության մասին» Մաքսային միության տեխնիկական կանոնակարգն (ՄՄ ՏԿ 009/2011) ուժի մեջ մտնելու հետ կապված.
10-րդ բաժնի մասով՝ «Մարդու մաշկի հետ շփվող արտադրատեսակների համար նյութերին (արտադրատեսակներին), հագուստին, կոշիկներին ներկայացվող պահանջներ»՝ «Թեթև արդյունաբերության արտադրանքի անվտանգության մասին» Մաքսային միության տեխնիկական կանոնակարգն (ՄՄ ՏԿ 017/2011) ուժի մեջ մտնելու հետ կապված.
16-րդ բաժնի մասով՝ «Սննդամթերքի և սննդային միջավայրերի հետ շփման համար նախատեսված պոլիմերային և այլ նյութերից պատրաստված նյութերին և արտադրատեսակներին ներկայացվող պահանջներ»՝ «Փաթեթվածքի անվտանգության մասին» Մաքսային միության տեխնիկական կանոնակարգն (ՄՄ ՏԿ 05/2011) ուժի մեջ մտնելու հետ կապված.
- մինչև 2013 թվականի հուլիսի 1-ը՝
(պարբերությունն ավելացվել է Եվրասիական տնտեսական հանձնաժողովի կոլեգիայի 2014 թվականի հուլիսի 7-ի թիվ 101 որոշմամբ)
1-ին բաժնի մասով՝ «Սննդամթերքի անվտանգությանը և սննդային արժեքին ներկայացվող պահանջներ»՝ «Սննդամթերքի մակնշման մասին» Մաքսային միության տեխնիկական կանոնակարգի (ՄՄ ՏԿ 022/2011) տեխնիկական կանոնակարգման օբյեկտ հանդիսացող սննդամթերքի մակնշմանը ներկայացվող պահանջների մասով, «Հացահատիկի անվտանգության մասին» (ՄՄ ՏԿ 015/2011), «Ճարպայուղային արտադրանքի տեխնիկական կանոնակարգ» (ՄՄ ՏԿ 024/2011) և «Մրգերից և բանջարեղենից ստացված հյութամթերքի տեխնիկական կանոնակարգ» (ՄՄ ՏԿ 023/2011) Մաքսային միության տեխնիկական կանոնակարգերի տեխնիկական կանոնակարգման օբյեկտ հանդիսացող արտադրանքին ներկայացվող պահանջների մասով՝ նշված տեխնիկական կանոնակարգերն ուժի մեջ մտնելու հետ կապված.
(Եվրասիական տնտեսական հանձնաժողովի կոլեգիայի 2014 թվականի նոյեմբերի 18-ի թիվ 209 որոշման խմբագրությամբ)
22-րդ բաժնի մասով՝ «Սննդային հավելումների և բուրավետիչների անվտանգության պահանջներ» և 23-րդ բաժնի մասով՝ «Տեխնոլոգիական օժանդակ միջոցների անվտանգության պահանջներ»՝ «Սննդային հավելումների, բուրավետիչների և տեխնոլոգիական օժանդակ միջոցների անվտանգության պահանջները» Մաքսային միության տեխնիկական կանոնակարգի (ՄՄ ՏԿ 029/2012) տեխնիկական կանոնակարգման օբյեկտ հանդիսացող արտադրանքին ներկայացվող պահանջների մասով՝ նշված տեխնիկական կանոնակարգն ուժի մեջ մտնելու հետ կապված.
(պարբերությունն ավելացվել է Եվրասիական տնտեսական հանձնաժողովի կոլեգիայի 2014 հուլիսի 7-ի թիվ 101 որոշմամբ)
- մինչև 2014 թվականի մայիսի 1-ը՝ 1-ին բաժնի մասով՝ «Սննդամթերքի անվտանգությանը և սննդային արժեքին ներկայացվող պահանջներ»՝ «Կաթի և կաթնամթերքի անվտանգության մասին» (ՄՄ ՏԿ 033/2013) և «Մսի և մսամթերքի անվտանգության մասին» (ՄՄ ՏԿ 034/2013) Մաքսային միության տեխնիկական կանոնակարգերի տեխնիկական կանոնակարգման օբյեկտ հանդիսացող արտադրանքին ներկայացվող պահանջների մասով՝ նշված տեխնիկական կանոնակարգերն ուժի մեջ մտնելու հետ կապված.
(պարբերությունն ավելացվել է Եվրասիական տնտեսական հանձնաժողովի կոլեգիայի 2014 թվականի մայիսի 13-ի թիվ 71 որոշմամբ)
- մինչև 2014 թվականի հուլիսի 1-ը՝ 6-րդ բաժնի մասով՝ «Պոլիմերային և պոլիմեր պարունակող շինարարական նյութերին և կահույքին ներկայացվող պահանջներ»՝ «Կահույքագործական արտադրանքի անվտանգության մասին» Մաքսային միության տեխնիկական կանոնակարգի (ՄՄ ՏԿ 025/2012) տեխնիկական կանոնակարգման օբյեկտ հանդիսացող արտադրանքին ներկայացվող պահանջների մասով՝ նշված տեխնիկական կանոնակարգն ուժի մեջ մտնելու հետ կապված.
(պարբերությունն ավելացվել է Եվրասիական տնտեսական հանձնաժողովի կոլեգիայի 2014 թվականի մայիսի 13-ի թիվ 71 որոշմամբ)
- մինչև 2014 թվականի մարտի 1-ը՝ 19-րդ բաժնի մասով՝ «Արտադրական նշանակության քիմիական և նավթաքիմիական արտադրանքին ներկայացվող պահանջներ»՝ «Քսայուղերին, յուղերին և հատուկ յուղերին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 030/2012) տեխնիկական կանոնակարգման օբյեկտ հանդիսացող սառեցնող հեղուկներին (ծածկագիրը՝ ԵԱՏՄ ԱՏԳ ԱԱ 3820 00 000 0-ից) ներկայացվող պահանջների մասով.
(պարբերությունն ավելացվել է Եվրասիական տնտեսական հանձնաժողովի կոլեգիայի 2015 թվականի նոյեմբերի 10-ի թիվ 149 որոշմամբ)
- մինչև 2017 թվականի նոյեմբերի 15-ը՝ 13-րդ բաժնի մասով՝ «Սիգարետներին և ծխախոտահումքին ներկայացվող պահանջներ»՝ «Ծխախոտային արտադրանքի տեխնիկական կանոնակարգ» Մաքսային միության տեխնիկական կանոնակարգի (ՄՄ ՏԿ 035/2014)» տեխնիկական կանոնակարգման օբյեկտ հանդիսացող արտադրանքին ներկայացվող պահանջների մասով՝ նշված տեխնիկական կանոնակարգն ուժի մեջ մտնելու հետ կապված.
(պարբերությունն ավելացվել է Եվրասիական տնտեսական հանձնաժողովի կոլեգիայի 2016 թվականի հոկտեմբերի 25-ի թիվ 118 որոշմամբ)
- մինչև 2019 թվականի սեպտեմբերի 1-ը՝ 1-ին բաժնի մասով՝ «Սննդամթերքի անվտանգությանը և սննդային արժեքին ներկայացվող պահանջներ»՝ «Ձկան և ձկնամթերքի անվտանգության մասին» Եվրասիական տնտեսական միության տեխնիկական կանոնակարգի (ԵԱՏՄ ՏԿ 040/2016) տեխնիկական կանոնակարգման օբյեկտ հանդիսացող արտադրանքին ներկայացվող պահանջների մասով՝ նշված տեխնիկական կանոնակարգն ուժի մեջ մտնելու հետ կապված.
(պարբերությունն ավելացվել է Եվրասիական տնտեսական հանձնաժողովի կոլեգիայի 2017 թվականի օգոստոսի 29-ի թիվ 107 որոշմամբ)
- մինչև 2020 թվականի հուլիսի 1-ը՝ 1-ին բաժնի մասով՝ «Սննդամթերքի անվտանգությանը և սննդային արժեքին ներկայացվող պահանջներ»՝ «Փաթեթավորված խմելու ջրի, այդ թվում՝ բնական հանքային ջրի անվտանգության մասին» Եվրասիական տնտեսական միության տեխնիկական կանոնակարգի (ԵԱՏՄ ՏԿ 044/2017) տեխնիկական կանոնակարգման օբյեկտ հանդիսացող արտադրանքին ներկայացվող պահանջների մասով, ըստ 9-րդ բաժնի՝ «Տարաների մեջ լցված խմելու ջրին ներկայացվող պահանջները» և ըստ 21-րդ բաժնի՝ «Հանքային ջրերին ներկայացվող պահանջները»՝ նշված տեխնիկական կանոնակարգն ուժի մեջ մտնելու հետ կապված:
(պարբերությունն ավելացվել է Եվրասիական տնտեսական հանձնաժողովի կոլեգիայի 2018 թվականի մայիսի 10-ի թիվ 76 որոշմամբ)
Արտադրանքը կարող է արտադրվել, ներմուծվել և շրջանառության մեջ գտնվել Մաքսային միության տարածքում մինչև Մաքսային միության հանձնաժողովի և Եվրասիական տնտեսական հանձնաժողովի իրավական ակտերով նախատեսված անցումային ժամանակահատվածների ավարտը:
(2-1 կետն ավելացվել է Եվրասիական տնտեսական հանձնաժողովի կոլեգիայի 2012 թվականի օգոստոսի 23-ի թիվ 141 որոշմամբ)
3. Բելառուսի Հանրապետության, Ղազախստանի Հանրապետության և Ռուսաստանի Դաշնության լիազորված մարմիններին՝ 2010 թվականի հուլիսի 1-ից ապահովել՝
պետական գրանցման վկայականների տրամադրումը՝ սույն որոշման 3-րդ հավելվածի համաձայն.
Մաքսային միության մաքսային սահմանի վրա և մաքսային տարածքում սանիտարահամաճարակաբանական վերահսկողության (հսկողության) իրականացումը՝ սույն որոշման 4-րդ հավելվածի համաձայն:
4. Կողմերին՝ մինչև 2010 թվականի հունիսի 7-ն ընկած ժամկետում Մաքսային միության հանձնաժողովի քարտուղարություն ներկայացնել.
4.1. տեղեկություններ սանիտարական միջոցների կիրառման ոլորտի լիազորված մարմինների մասին.
4.2. Մաքսային միության մաքսային սահմանի անցման կետերում սանիտարակարանտինային կետերի ցանկերը.
4.3. արտադրանքի (ապրանքների) անվտանգությունը հաստատող փաստաթղթերի ցանկերը և նմուշները՝ 2010 թվականի հուլիսի 1-ից:
5. Մաքսային միության հանձնաժողովի քարտուղարությանը՝ մինչև 2010 թվականի հունիսի 10-ն ընկած ժամկետում Կողմերին ուղարկել սույն որոշման 4-րդ կետի համաձայն ստացված տեղեկությունները և նյութերը:
6. Սույն որոշման 1-ին, 2-րդ և 3-րդ կետերն ուժի մեջ են մտնում 2010 թվականի հուլիսի 1-ից:
Մաքսային միության հանձնաժողովի անդամներ՝
|
Բելառուսի (ստորագրություն) Ս. ՌՈՒՄԱՍ |
Ղազախստանի (ստորագրություն) ՈՒ. ՇՈՒԿԵԵՎ |
Ռուսաստանի (ստորագրություն) Ի. ՇՈՒՎԱԼՈՎ |
ՇՈՒՎԱԼՈՎ
Պաշտոնական հրապարակման օրը՝ 13 հունվարի 2023 թվական: