ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 դեկտեմբերի 2008 թվականի N 1515-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՊԱՌՈՂԱԿԱՆ ՇՈՒԿԱՅՈՒՄ ՀԱՅՏՆԱԲԵՐՎԱԾ` ՄԱՐԴՈՒ ԱՌՈՂՋՈՒԹՅԱՆ ՀԱՄԱՐ ՎՏԱՆԳԱՎՈՐ ՍՆՆԴԱՄԹԵՐՔԻ, ՍՆՆԴԱՅԻՆ ՀԱՎԵԼՈՒՄՆԵՐԻ ԵՎ սննդամթերքի հետ անմիջական շփման մեջ գտնվող ՆՅՈՒԹԵՐԻ ՄԱՍԻՆ ԾԱՆՈՒՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

(վերնագիրը փոփ. 15.12.22 N 1947-Ն)

Հիմք ընդունելով «Սննդամթերքի անվտանգության մասին» Հայաստանի Հանրապետության օրենքի 6-րդ հոդվածի 1-ին մասի 22.1-ին կետը՝ Հայաստանի Հանրապետության կառավարությունը որոշում է.

(նախաբանը խմբ. 15.12.22 N 1947-Ն)

1. Հաստատել Հայաստանի Հանրապետության սպառողական շուկայում հայտնաբերված` մարդու առողջության համար վտանգավոր սննդամթերքի, սննդային հավելումների և սննդամթերքի հետ անմիջական շփման մեջ գտնվող նյութերի մասին ծանուցման կարգը` համաձայն հավելվածի:

(1-ին կետը փոփ. 15.12.22 N 1947-Ն)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2008 թ. դեկտեմբերի 23 Երևան

Հավելված ՀՀ կառավարության 2008 թվականի դեկտեմբերի 18-ի N 1515-Ն որոշման

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՊԱՌՈՂԱԿԱՆ ՇՈՒԿԱՅՈՒՄ ՀԱՅՏՆԱԲԵՐՎԱԾ` ՄԱՐԴՈՒ ԱՌՈՂՋՈՒԹՅԱՆ ՀԱՄԱՐ ՎՏԱՆԳԱՎՈՐ ՍՆՆԴԱՄԹԵՐՔԻ, ՍՆՆԴԱՅԻՆ ՀԱՎԵԼՈՒՄՆԵՐԻ ԵՎ սննդամթերքի հետ անմիջական շփման մեջ գտնվող ՆՅՈՒԹԵՐԻ ՄԱՍԻՆ ԾԱՆՈՒՑՄԱՆ

(վերնագիրը փոփ. 15.12.22 N 1947-Ն)

1. Սույն կարգով սահմանվում է Հայաստանի Հանրապետության սպառողական շուկայում հայտնաբերված` մարդու առողջության համար վտանգավոր սննդամթերքի, վտանգավոր սննդային հավելումների և սննդամթերքի հետ անմիջական շփման մեջ գտնվող վտանգավոր նյութերի (այսուհետ` վտանգավոր արտադրանք) մասին ծանուցման ընթացակարգը:

(1-ին կետը փոփ. 15.12.22 N 1947-Ն)

2. Սույն կարգը ենթակա է կիրառման սննդամթերքի, սննդային հավելումների, սննդամթերքի հետ անմիջական շփման մեջ գտնվող նյութերի արտադրության և շրջանառության փուլերում վտանգավոր արտադրանք տնօրինող իրավաբանական անձանց ու անհատ ձեռնարկատերերի (այսուհետ` տնտեսավարող սուբյեկտներ) և պետական կառավարման լիազոր մարմնի կողմից:

(2-րդ կետը փոփ. 15.12.22 N 1947-Ն)

3. Տնտեսավարող սուբյեկտը Հայաստանի Հանրապետության սպառողական շուկայում արտադրանքի վտանգավոր լինելու կամ վտանգավոր լինելու վերաբերյալ հիմնավոր կասկած ունենալու դեպքում կամ դրա մասին տեղեկացվելուց հետո կապի ցանկացած միջոցով անհապաղ և սույն կարգով սահմանված ձևով՝ 24 ժամվա ընթացքում ծանուցում է տվյալ արտադրանքի մատակարարին, ձեռք բերողին և լիազոր մարմնին:

4. Տնտեսավարող սուբյեկտը հայտնաբերված վտանգավոր արտադրանքի հետագա իրացումը կանխելու նպատակով «Սննդամթերքի անվտանգության մասին» Հայաստանի Հանրապետության օրենքով սահմանված կարգով ձեռնարկում է համապատասխան միջոցներ:

5. Լիազոր մարմինը ծանուցում ուղարկած տնտեսավարող սուբյեկտից կարող է պահանջել տվյալ արտադրանքին առնչվող այլ լրացուցիչ տեղեկատվություն:

6. Լիազոր մարմինը վտանգավոր արտադրանքի մասին տնտեսավարող սուբյեկտից ստացած տեղեկատվությունը` արտադրանքի լաբորատոր փորձարկման արդյունքում հաստատվելուց հետո 24 ժամվա ընթացքում տրամադրում է զանգվածային լրատվության միջոցներին և այլ շահագրգիռ մարմինների:

Հայաստանի Հանրապետության կառավարության աշխատակազմի ղեկավար

Դ. Սարգսյան

Ձև

____________________________________________________

(լիազոր մարմնի, ծանուցվող տնտեսավարող սուբյեկտի անվանումը, գտնվելու վայրը)

Ծ Ա Ն ՈՒ Ց ՈՒ Մ

ՎՏԱՆԳԱՎՈՐ ԱՐՏԱԴՐԱՆՔԻ ՄԱՍԻՆ

_____ _________________ 200 թ.

Տնտեսավարող սուբյեկտի անվանումը, գտնվելու վայրը _________________________

____________________________________________________________

Վտանգավոր արտադրանքի անվանումը ___________________________________

____________________________________________________________

Արտադրանքի` վտանգավոր լինելու մասին տեղեկատվության աղբյուրը, հայտնաբերման և (կամ)

ստացման ճշգրիտ ժամանակը _________________________________________

____________________________________________________________

Արտադրող (ներմուծող) կազմակերպության անվանումը, գտնվելու վայրը _______________

____________________________________________________________

Վտանգավոր արտադրանքի փաթեթավորումը ________________________________

Վտանգավոր արտադրանքի պահման պայմանները _____________________________

____________________________________________________________

Վտանգավոր արտադրանքի քանակը _____________________________________

Վտանգավոր արտադրանքի խմբաքանակի նույնականացման նշանը, համարը ____________

____________________________________________________________

Վտանգավոր արտադրանքի արտադրման ամսաթիվը և պիտանիության ժամկետը __________

____________________________________________________________

Վտանգավոր արտադրանքն իրացվել է` ____________________________________

____________________________________________________________

(կազմակերպության անվանումը, գտնվելու վայրը, արտահանվող երկիրը)

____________________________________________________________

Տնտեսավարող սուբյեկտի ղեկավար	_____________	_______________
	(ստորագրությունը)	(պաշտոնը)
		_______________
		(անունը, ազգանունը)

 

(հավելվածը փոփ. 15.12.22 N 1947-Ն)