ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 1394-Ա

Ղեկավարվելով «Կառավարության կառուցվածքի և գործունեության մասին» օրենքի 7-րդ հոդվածի 5-րդ մասով և հիմք ընդունելով կառավարության 2005 թվականի դեկտեմբերի 29-ի N 2335-Ն որոշումը՝

1. Սփյուռքի գործերի գլխավոր հանձնակատար Զարեհ Ջոն Սինանյանին 2022 թվականի դեկտեմբերի 2-4-ը ներառյալ գործուղել Ֆրանսիայի Հանրապետություն (Փարիզ)՝ Ֆրանս-հայկական խորհրդի կողմից համաշխարհային հայկական գագաթնաժողովում հաստատված նպատակներին հասնելու անհրաժեշտ թիրախային գործողությունները սահմանելու համար կազմակերպվող հանրային քննարկմանը մասնակցելու նպատակով, այնուհետև 2022 թվականի դեկտեմբերի 4-10-ը ներառյալ գործուղել Ամերիկայի Միացյալ Նահանգներ (Լոս Անջելես)՝ Թեքեյան մշակութային միության հիմնադրման 75-ամյակին նվիրված միջոցառումների եզրափակիչ արարողությանը մասնակցելու, ինչպես նաև համայնքային, բարեգործական, հոգևոր-մշակութային կառույցների, պետական և տեղական իշխանության, գործարար շրջանակների ներկայացուցիչների հետ հանդիպումներ ունենալու և համագործակցության հետագա ուղիները քննարկելու նպատակով:

2. Զարեհ Ջոն Սինանյանի՝ Ֆրանսիայի Հանրապետություն և Ամերիկայի Միացյալ Նահանգներ գործուղման հետ կապված ծախսերը կատարել 2022 թվականի պետական բյուջեով Հայաստանի Հանրապետության վարչապետի աշխատակազմի «Հայաստան-Սփյուռք գործակցության» ծրագրի «Աշխատանք սփյուռքի համայնքներում» միջոցառման համար նախատեսված միջոցների հաշվին:

3. Սփյուռքի գործերի գլխավոր հանձնակատարին՝ գործուղումից վերադառնալուց հետո եռօրյա ժամկետում Հայաստանի Հանրապետության վարչապետի աշխատակազմ ներկայացնել Ֆրանսիայի Հանրապետություն և Ամերիկայի Միացյալ Նահանգներ գործուղման արդյունքների մասին հաշվետվություն:

Հայաստանի Հանրապետության վարչապետ	Ն. Փաշինյան
Երևան

25.11.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ