ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 242-Ա

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Հայաստանի մանուկներ» բարեգործական հիմնադրամի կողմից իրականացվող` 1,067,340,000 դրամ ընդհանուր արժողությամբ «Համայնքների զարգացում» ծրագիրը` համաձայն հավելվածի:

2. Սահմանել, որ Հայաստանի մանուկներ» բարեգործական հիմնադրամի կողմից (ՀՎՀՀ՝ 02569972) Հայկական բարեգործական ընդհանուր միություն հիմնադրամի հետ (ՀՎՀՀ` 02636688) 2020 թվականի մարտի 5-ին կնքված պայմանագրում նշված գործարքը, որով նախատեսվում է 2022 թվականի մայիսի 1-ից մինչև 2023 թվականի հունիսի 1-ն ընկած ժամանակահատվածում գրասենյակային տարածքի վարձակալություն՝ ամսական 4,306,502 դրամի չափով, առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն՝

3. «Հայաստանի մանուկներ» բարեգործական հիմնադրամին` մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Հ. Մաթևոսյան
Երևան

07.04.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի 2022 թվականի ապրիլի 7-ի N 242-Ա որոշման

1.	Ծրագրի նպատակը	«Հայաստանի մանուկներ» բարեգործական հիմնադրամի (COAF) նպատակն է բարձրացնել գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելը ներառում է զուգահեռաբար իրականացվող կրթական, առողջապահական, սոցիալ-հոգեբանական, տնտեսական և ՔՈԱՖ ՍՄԱՐԹ կենտրոնում իրականացվող կրթական ծրագրեր։ Հիմնադրամը ակտիվորեն իրականացնում է նաև ենթակառուցվածքների կառուցման, վերանորոգման և բարելավման ծրագրեր համայնքներում։ Կրթական ծրագրի նպատակն է զարգացնել շահառու համայնքների երեխաների մտահորիզոնը և կարողությունները՝ ոչ ֆորմալ կրթական ծրագրերի միջոցով։ Առողջապահական ծրագրի նպատակն է պահպանել և բարելավել շահառու համայնքներում ապրող երեխաների և մեծահասակների առողջությունը և կանխարգելել հիվանդությունների առաջացումը՝ շեշտադրելով առողջ ապրելակերպի խրախուսումը և որակյալ առաջնային առողջապահական ծառայությունների հասանելիությունը: Երեխայի և ընտանիքի աջակցության ծրագրի նպատակն է ստեղծել երեխայի վաղ հասակում զարգացման համար անհրաժեշտ միջավայր՝ երեխայի և ընտանիքի աջակցության կենտրոնների միջոցով։ Տնտեսական ծրագրերի նպատակն է զարկ տալ բնակավայրերում տնտեսական զարգացմանը գործարարներին կարողություններ զարգացման և ֆինանսական ներդրումների միջոցով։ ՔՈԱՖ ՍՄԱՐԹ-ի ստեղծման նպատակն է նպաստել համայնքների արագ զարգացմանը՝ դրանք աշխարհին հաղորդակից դարձնելու միջոցով։ Ենթակառուցվածքների կառուցման, վերանորոգման և բարելավման նպատակն է ստեղծել անհրաժեշտ շինություններ և միջավայր` վերը նշված նպատակների իրագործման համար։
2.	Ծրագրի բարեգործական որակման նպատակը	Նախատեսվում է ծրագրի շրջանակներում օգտվել ՀՀ հարկերի, տուրքերի, պարտադիր վճարների գծով՝ օրենքով սահմանված արտոնություններից։
3.	Բարեգործը	«Չիլդրեն Օֆ Արմենիա ֆանդ Ինք.» (Նյու Յորք, ԱՄՆ, 149 5րդ ավենյու, սենյակ 500 (Children of Armenia Fund Inc. 149 5th Ave., Suite 500, New York 10010, USA) և դոկտոր Կարո Հ. Արմենը։
4.	Ծրագիրը կատարողը	«Հայաստանի մանուկներ» բարեգործական հիմնադրամ (ՀՀ քաղ. Երևան 0010, Մելիք Ադամյան 2/2, ՀՎՀՀ՝ 02569972)։
5.	Ծրագրի իրականացման վայրը և բնագավառը	ՀՀ Արմավիրի, Լոռու, Շիրակի, Տավուշի և Արագածոտնի մարզեր: Համայնքային զարգացում։
6.	Ծրագրի բյուջեն	Ծրագրի ընդհանուր բյուջեն կազմում է 1,067,340,000 (մեկ միլիարդ վաթսունյոթ միլիոն երեք հարյուր քառասուն հազար) ՀՀ դրամ։
7.	Բարեգործություն ստացողը	Արմավիրի մարզ՝ Բաղրամյան, Արմավիր և Մեծամոր համայնքները Արագածոտնի մարզ՝ Արագածավան համայնքը Լոռու մարզ՝ Թումանյան, Փամբակ, Լերմոնտովո, Օձուն, Ախթալա, Ալավերդի և Վանաձոր համայնքները Տավուշի մարզ՝ Իջևան և Նոյեմբերյան համայնքները Շիրակի մարզ՝ Արթիկ, Անի և Ախուրյան համայնքները
8.	Ծրագրի իրականացման տևողությունը	2022 թվականի մայիսի 1-ից մինչև 2023 թվականի հունիսի 1-ը:
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	1. Կրթական ծրագիր՝ ընդամենը 6,700,000 ՀՀ դրամ ծրագրի վայրը հանդիսացող բոլոր համայնքներում` 1.1) Խմբակների աշխատանքի կազմակերպման համար նախատեսված նյութեր և պարագաներ ընդամենը 1,000,000 ՀՀ դրամ 1.2) Տպագրական ծառայությունների ձեռքբերում 1,000,000 ՀՀ դրամի շրջանակներում 1.3) Թվով 10 համակարգիչների ձեռքբերում աշակերտների համար։ Բաշխվելու է 10 հատ Շենիկ բնակավայրում։ Ընդամենը 3,700,000 ՀՀ դրամ 1.4) Սպորտային պարագաների ձեռքբերում արևելյան մարտարվեստի և բասկետբոլի խմբակների համար ընդամենը 1,000,000 ՀՀ դրամ 2. Առողջապահական ծրագիր՝ ընդամենը 31,500,000 ՀՀ դրամ, ծրագրի վայրը հանդիսացող բոլոր համայնքներում 2.1) Առողջապահական փաթեթների տրամադրում՝ դեղորայք, հիգիենիկ պարագաներ՝ 7,500,000 ՀՀ դրամ 2.2 ) Բժշկական հաստատությունների վերանորոգում և վերազինում՝ 22,500,000 ՀՀ դրամ 2.3 ) Ուսուցիչների սեմինար-վերապատրաստումների կազմակերպում և իրականացում առողջապահական ծրագրերի շրջանակում՝ ընդամենը 1,500,000 ՀՀ դրամ, ծրագրի վայրը՝ քաղաք Դիլիջան 3. Երեխայի և ընտանիքի աջակցության ծրագիր՝ ընդամենը 50,000,000 ՀՀ դրամ, ծրագրի վայրը հանդիսացող բոլոր համայնքներում 3.1) Երեխայի և ընտանիքի աջակցության կենտրոնների գործունեության համար կահույքի ձեռքբերում՝ 48,000,000 ՀՀ դրամ 3.2) Երեխայի և ընտանիքի աջակցության կենտրոնների գործունեության համար նյութեր և պարագաներ՝ ընդամենը 2,000,000 դրամ 4. Տնտեսական ծրագիր՝ ընդամենը 80,000,000 ՀՀ դրամ 4.1) Պանրի արժեշղթայի զարգացում՝ ծրագրի շրջանակներում պանրի արտադրության սարքավորումների ձեռքբերում՝ 30,000,000 ՀՀ դրամ 4.2) Պանրի արժեշղթայի զարգացում՝ ծրագրի շրջանակներում կերի արտադրության և պահպանման համար անհրաժեշտ սարքավորումների ձեռքբերում՝ 30,000,000 ՀՀ դրամ 4.3 ) Գյուղատնտեսական տեխնիկայի ձեռքբերում՝ 20,000,000 ՀՀ դրամ 5. Ենթակառուցվածքների ծրագիր՝ ընդամենը 519,000,000 ՀՀ դրամ 5.1) Արմավիրի մարզի Քարակերտ բնակավայրում «Մանկան Զարգացման Կենտրոնի» հիմնում։ Նախատեսվում է նախագծել և վերանորոգել մինչև 200 ք/մ տարածք ու կահավորել, տեղադրել նոր պատուհաններ և դռներ, ինչպես նաև կատարել ինժիներական նոր համակարգերի նախագծում և տեղադրում՝ ընդհանուր 86,000,000 ՀՀ դրամ 5.2) Արմավիրի մարզի Մյասնիկյան բնակավայրում ՍՄԱՐԹ կենտրոնի կառուցման նախագծային աշխատանքներ՝ 120,000,000 ՀՀ դրամ 5.3) Լոռու մարզի Դեբետ բնակավայրում մանկապարտեզի կառուցման և նորոգման ծախսերի համաֆինանսավորում՝ 130,000,000 ՀՀ դրամ 5.4) Լոռու մարզի Դեբետ բնակավայրում մանկապարտեզի կահավորում՝ 25,000,000 ՀՀ դրամ 5.5) Լոռու մարզի Դեբետ բնակավայրում բնակիչների տանիքների հիմնանորոգում՝ 48,000,000 ՀՀ դրամ 5.6) Լոռու մարզի Դեբետ, Դսեղ, Վահագնաձոր, Ձորագյուղ համայնքների ու բնակավայրերի տրանսպորտային համակարգի ձևավորման համար ավտոբուսի կանգառների կառուցում՝ 10,000,000 ՀՀ դրամ 5.7) Լոռու մարզի Վահագնի, Դսեղ, Վահագնաձոր, Ձորագյուղ բնակավայրերի տրանսպորտային համակարգի ձևավորման համար ծրագրային ապահովման ձեռքբերում՝ 20,000,000 ՀՀ դրամ 5.8) Լոռու մարզի Վահագնի բնակավայրում «Այցելուների կենտրոնի» շահագործման համար նախատեսված սարքավորումների ձեռքբերում՝ ընդամենը 18,691,544 ՀՀ դրամ 5.9) Լոռու մարզի Վահագնի բնակավայրում «Այցելուների կենտրոնի» ինժիներական համակարգերի, ներառյալ ջեռուցման, հովացման, օդափոխության, կոյուղու, ջրամատակարարման և էլեկտրական ցանցերի տեղադրում, կառուցում և փորձարկում՝ ընդամենը 40,000,000 ՀՀ դրամ 5.10) Լոռու մարզի Վահագնի բնակավայրում «Այցելուների կենտրոնի» դռների և պատուհանների պատրաստում և տեղադրում՝ ընդամենը 20,000,000 ՀՀ դրամ 5.11) Լոռու մարզի Վահագնի բնակավայրի «Այցելուների կենտրոնի» վինիլային հատակի տեղադրում՝ ընդամենը 1,308,456 ՀՀ դրամ 6. ՔՈԱՖ ՍՄԱՐԹ կենտրոնի ծրագրեր՝ ընդամենը 212,500,000 ՀՀ դրամ 6.1) ՔՈԱՖ ՍՄԱՐԹ կենտրոնի ծրագրերն են Անգլերենի, Ռուսերենի, Չինարենի, Ֆինանսների, Կառավարման, Մարքեթինգի, Նկարչության, Թվային նկարչության, Կատարողական արվեստի, Ձայնային ձևավորման, Երաժշտական գործիքների, Վոկալի, Ծրագրավորման, Մեխանիկայի, Ագրոտեխնոլոգիայի, ՎԻ ֆիթնեսի (վիրտուալ իրականություն), Պարի, Յոգայի դասընթացները, Մանկան զարգացման կենտրոնը և «ՍՄԱՐԹ քաղաքացի» հավելվածը։ Նշված բոլոր կրթական ուղղությունների համար նախատեսված է՝ 6.2 ) Կրթական նյութեր ամբողջ ծրագրի ընթացքում՝ 5,500,000 ՀՀ դրամ 6.3) Նորարարական նյութեր ծրագրերի համար ամբողջ ծրագրի ընթացքում՝ 2,000,000 ՀՀ դրամ 6.4 ) Ծրագրային ապահովումներ ամբողջ ծրագրի ընթացքում՝ 8,000,000 ՀՀ դրամ 6.5 ) Համակարգիչների ձեռքբերում ամբողջ ծրագրի ընթացքում՝ 10,000,000 ՀՀ դրամ 6.6 ) Այլ կրթական և տնտեսական նյութեր ամբողջ ծրագրի ընթացքում՝ 5,000,000 ՀՀ դրամ 6.7 ) Երեխաների տեղափոխման տրանսպորտային ծախսեր՝ 140,000,000 ՀՀ դրամ 6.8 ) Ուսուցողական ջերմոցի կառուցում՝ 12,000,000 ՀՀ դրամ 6.9 ) Կենտրոնի ընդլայնման հետ կապված էլեկտրական, սեպտիկ և այլ համակարգերի վերազինում՝ 30,000,000 ՀՀ դրամ 6.10) ՍՄԱՐԹ սենյակներ՝ ընդամենը 5,000,000 ՀՀ դրամ 6.11) Ծրագրային նյութեր և պարագաներ՝ գրքեր, կրթական հավաքածուներ, համակարգչային ծրագրեր, ընդամենը՝ 3,500,000 ՀՀ դրամ 6.12) Ինտերնետի ամսական վճար 4 սենյակների համար՝ ամսական 124,800 ՀՀ դրամ, տարեկան 1,500,000 ՀՀ դրամի շրջանակներում 6.13) Կազմակերպական ծախսեր՝ ընդամենը 162,640,000 ՀՀ դրամ
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	1. ՀՀ տարածքում նախատեսվում է ձեռք բերել 380,000,000 ՀՀ դրամին համարժեք շինանյութ և կառուցապատման համար անհրաժեշտ պարագաներ (ամրան, ցեմենտ, քար, թիթեղ, ապակի, պատուհան, դուռ, երկաթ, մեխ, շինարարական հատուկ հագուստ, ցանկապատ, ցանց), տնտեսական ապրանքներ, խաղահրապարակի համար անհրաժեշտ պարագաներ, խաղեր, դեղորայք, բժշկական պարագաներ, գրենական պիտույքներ, կրթական ծրագրերի համար անհրաժեշտ պարագաներ և նյութեր, գրքեր, քարտեզներ, սպորտային համազգեստ, համազգեստ, շապիկ, գլխարկ, կրթական ծրագրային ապահովումներ, համակարգիչ, պլանշետ, հեռախոս, ինտերնետային մոդեմ և այլն՝ ծրագրի իրականացման ամբողջ ընթացքում։ 2. Նախատեսվում է ներմուծել 20,000,000 ՀՀ դրամին համարժեք խաղահրապարակ, բժշկական սարքավորումներ, համակարգիչներ, լեգո կրթական հավաքածուներ, գրքեր, շորեր, համազգեստներ, գլխարկներ, շապիկներ և այն՝ ծրագրի իրականացման ամբողջ ընթացքում։ 3. Նախատեսվում է կնքել 667,340,000 ՀՀ դրամին համարժեք նախագծման աշխատանքների կատարման, շինարարության վերահսկողության, հեղինակային հսկողության, կապալի, խորհրդատվության տրամադրման, ապրանքների մատակարարման, վառելիքի ձեռքբերման, վարձակալության, իրավաբանական խորհրդատվության մատուցման, սննդի և ռեստորանային ծառայությունների, տպագրական ծառայությունների, ինտերնետային և բջջային ծառայությունների, առաքման ծառայությունների, տրանսպորտային ծառայությունների, աուդիտորական ծառայությունների, IT ծառայությունների և հյուրանոցային ծառայությունների ձեռքբերման պայմանագրեր՝ ծրագրի իրականացման ամբողջ ընթացքում։
11.	Ծրագրի իրականացման հետ կապված կազմակերպական ծախսերը	1.Կազմակերպական ծախսեր ՝ընդամենը 162,640,000 ՀՀ դրամ։ 1․1) Գրասենյակային տարածքի վարձակալություն Երևան քաղաքում (Մելիք Ադամյան 2/2 հասցեում) 01.05.2022 թ. 01.06.2023 թ.՝ ընդամենը 60,840,000 ՀՀ դրամ (ամսական 4,680,000 ՀՀ դրամ) 1․2) Գրասենյակային պարագաների ձեռքբերում ընդամենը՝ 3,000,000 ՀՀ դրամ 1․3) Ինտերնետային և ձայնային ծառայությունների ձեռքբերում՝ ընդամենը 8,800,000 ՀՀ դրամ 1․4) Աուդիտորական ծառայությունների ձեռքբերում 2021 ֆինանսական տարվա համար՝ ընդամենը 3,000,000 ՀՀ դրամ 1․5) Վառելիք՝ 30,000,000 ՀՀ դրամ 1․6) IT ծառայություններ (ծրագրային ապահովում, համակարգչային տեխնիկայի ձեռքբերում)՝ ընդամենը 7,000,000 ՀՀ դրամ 1․7) Անձնակազմի զարգացմանն և ժամանցին ուղված ծախսեր՝ ընդամենը 10,000,000 ՀՀ դրամ 1․8) Իրավաբանական և խորհրդատվական ծառայություններ՝ ընդամենը 7,000,000 ՀՀ դրամ 1․9) Դրամահավաքային միջոցառման կազմակերպում՝ 15,000,000 ՀՀ դրամ 1․10) ՔՈԱՖ ՍՄԱՐԹ Կենտրոնի կոմունալ ծախսեր՝ ընդամենը 12,000,000 ՀՀ դրամ 1․11) Այլ ծախսեր՝ 6,000,000 ՀՀ դրամ
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Նախատեսվում է համագործակցել Հայաստանի Հանրապետության Լոռու, Արմավիրի, Արագածոտնի, Շիրակի և Տավուշի մարզպետարանների և նշված մարզերի համայնքապետարանների հետ։
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

(հավելվածը խմբ. 09.09.22 N 648-Ա)

Հայաստանի Հանրապետության փոխվարչապետ

Հ. Մաթևոսյան

07.04.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ