ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՈՒՐԴ

Ո Ր Ո Շ ՈՒ Մ

11 դեկտեմբերի 2020 թվականի

թիվ 18

քաղ. Մինսկ

«Ծառայությունների առևտրի, հիմնադրման, գործունեության և ներդրումների իրականացման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 16 հավելված) 42-րդ և 55-րդ կետերին համապատասխան և հաշվի առնելով Եվրասիական տնտեսական հանձնաժողովի տեղեկատվությունը՝ Եվրասիական տնտեսական բարձրագույն խորհուրդը որոշեց.

Եվրասիական տնտեսական բարձրագույն խորհրդի որոշումներում կատարել փոփոխություններ՝ համաձայն հավելվածի:

Եվրասիական տնտեսական բարձրագույն խորհրդի անդամներ՝

ՀԱՎԵԼՎԱԾ Եվրասիական տնտեսական բարձրագույն խորհրդի 2020 թվականի դեկտեմբերի 11-ի թիվ 18 որոշման

1. Եվրասիական տնտեսական բարձրագույն խորհրդի 2016 թվականի դեկտեմբերի 26-ի թիվ 23 որոշմամբ հաստատված՝ եղանակի կանխատեսման և օդերևութաբանության ծառայությունների ոլորտի ազատականացման ծրագրի երկրորդ սյունակում՝

ա) 9-րդ և 19-րդ կետերում «2018 թվական» բառերը փոխարինել «2022 թվական» բառերով.

բ) 23-րդ կետում «2018 թվական» բառերը փոխարինել «2021 թվական» բառերով.

գ) 26-րդ կետում «2019 թվական» բառերը փոխարինել «2022 թվական» բառերով.

դ) 27-րդ կետում «2019 թվական» բառերը փոխարինել «2023 թվականի հունվարի 1» բառերով։

2. Եվրասիական տնտեսական բարձրագույն խորհրդի 2019 թվականի մայիսի 29-ի «Եվրասիական տնտեսական միության անդամ պետությունների օրենսդրությունը եղանակի կանխատեսման և օդերևութաբանության հետ կապված ծառայությունների ոլորտի ազատականացման ծրագրի 8-րդ և 18-րդ կետերին համապատասխան ներդաշնակեցնելու մասին» թիվ 4 որոշման տեքստում «2021 թվականի» բառերը փոխարինել «2023 թվականի» բառերով։

Պաշտոնական հրապարակման օրը՝ 22 հունիսի 2022 թվական: