ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

94-րդ հոդվածի 1-ին կետին համապատասխան և «Եվրասիական տնտեսական միության մասին» 2014 թվականի մայիսի 29-ի պայմանագրի 95-րդ հոդվածի 2-րդ կետի իրականացումն ապահովելու նպատակներով Եվրասիական տնտեսական հանձնաժողովի խորհուրդը որոշեց.

1. Հաստատել կից ներկայացվող այն զգայուն գյուղատնտեսական ապրանքների ցանկը, որոնց մասով Եվրասիական տնտեսական միության անդամ պետությունների կողմից իրականացվում է արտադրության զարգացման պլանների (ծրագրերի) փոխադարձ տրամադրում (այսուհետ՝ ցանկ):

2. Եվրասիական տնտեսական միության անդամ պետություններին՝

սույն Որոշումն ուժի մեջ մտնելու օրվանից 30 օրացուցային օրվա ընթացքում միմյանց և Եվրասիական տնտեսական հանձնաժողովին տրամադրել ցանկում նշված զգայուն գյուղատնտեսական ապրանքներից յուրաքանչյուրի առնչությամբ արտադրության զարգացման գործող պլանները (ծրագրերը)` ռուսերենով կամ անդամ պետության պետական լեզվով (կից ներկայացնելով ռուսերեն թարգմանությունը).

ցանկում նշված զգայուն գյուղատնտեսական ապրանքների արտադրության զարգացման նոր պլանների (ծրագրերի) ընդունման կամ գործող պլաններում (ծրագրերում) փոփոխություններ կատարելու օրվանից 30 օրացուցային օրվա ընթացքում այդպիսի պլանները (ծրագրերը) տրամադրել միմյանց և Եվրասիական տնտեսական հանձնաժողովին` ռուսերենով կամ անդամ պետության պետական լեզվով (կից ներկայացնելով ռուսերեն թարգմանությունը).

ցանկում փոփոխություններ կատարելու մասին առաջարկություններ նախապատրաստելիս հաշվի առնել, որ զգայուն գյուղատնտեսական ապրանքներ են համարվում այն գյուղատնտեսական ապրանքները, որոնց արտադրությունն ու փոխադարձ առևտուրը սոցիալ-տնտեսական կարևորություն ունեն Եվրասիական տնտեսական միության անդամ պետությունների ագրոարդյունաբերական համալիրի և գյուղական տարածքների կայուն զարգացման համար։

Եվրասիական տնտեսական հանձնաժողով ուղարկել «Եվրասիական տնտեսական միության մասին» 2014 թվականի մայիսի 29-ի պայմանագրի 95-րդ հոդվածի 2-րդ կետով նախատեսված խորհրդակցությունների անցկացման վերաբերյալ առաջարկներ ոչ ուշ, քան խորհրդակցությունների անցկացման ենթադրյալ օրվանից 30 օրացուցային օր առաջ:

(2-րդ կետը լրաց. ԵՏՀԽ 15.09.17 թիվ 62)

3. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի 2016 թվականի փետրվարի 12-ի թիվ 66 որոշմամբ

Պաշտոնական հրապարակման օրը՝ 22 հունիսի 2022 թվական: