ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

22 սեպտեմբերի 2020 թվականի

թիվ 113

քաղ. Մոսկվա

«Եվրասիական տնտեսական միության մասին» 2014 թվականի մայիսի 29-ի պայմանագրի 95-րդ հոդվածի 1-ին կետի 4-րդ ենթակետի իրագործման նպատակով և «Եվրասիական տնտեսական միության շրջանակներում գյուղատնտեսական կենդանիների հետ սելեկցիոն տոհմային աշխատանքի կատարման միասնականացմանն ուղղված միջոցների մասին» 2019 թվականի հոկտեմբերի 25-ի համաձայնագրի (այսուհետ՝ Համաձայնագիր) 3-րդ հոդվածին համապատասխան՝ Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող՝ Եվրասիական տնտեսական միության անդամ պետություններում գյուղատնտեսական կենդանիների նոր ցեղատեսակների, տիպերի, գծերի և կրոսների ապրոբացիա անցկացնելու կարգը։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո, սակայն Համաձայնագիրն ուժի մեջ մտնելու օրվանից ոչ շուտ:

Եվրասիական տնտեսական հանձնաժողովի կոլեգիայի նախագահ`

Մ. Մյասնիկովիչ

1. Սույն կարգը մշակվել է «Եվրասիական տնտեսական միության մասին» 2014 թվականի մայիսի 29-ի պայմանագրի 95-րդ հոդվածի 1-ին կետի 4-րդ ենթակետի իրագործման նպատակով և «Եվրասիական տնտեսական միության շրջանակներում գյուղատնտեսական կենդանիների հետ սելեկցիոն տոհմային աշխատանքի կատարման միասնականացմանն ուղղված միջոցների մասին» 2019 թվականի հոկտեմբերի 25-ի համաձայնագրի 3-րդ հոդվածին համապատասխան, և դրանով սահմանվում են Եվրասիական տնտեսական միության անդամ պետություններում (այսուհետ՝ անդամ պետություններ) գյուղատնտեսական կենդանիների նոր ցեղատեսակների, տիպերի, գծերի և կրոսների ապրոբացիա անցկացնելու կանոնները։

2. Սույն կարգի նպատակներով օգտագործվում են հասկացություններ, որոնք ունեն հետևյալ իմաստը՝

ապրոբացիա՝ մեկ տեսակի կենդանիների ամբողջական խմբի՝ այն պահանջներին համապատասխանության որոշում, որոնք թույլ են տալիս սահմանել դրանց պատկանելությունը կենդանիների որոշակի նոր ցեղատեսակին, տիպին, գծին, կրոսին.

կրոս՝ մեկ կամ մի քանի ցեղատեսակներին պատկանող կենդանիների գծերի (տիպերի) խաչասերումից ստացվող՝ սերունդ հանդիսացող կենդանիների խումբ.

գիծ՝ մեկ կամ մի քանի նախահայրերից ծագող՝ գենետիկորեն միատարր կենդանիների խումբ.

ցեղատեսակ՝ մարդու կողմից ստեղծված՝ ընդհանուր ծագում ունեցող կենդանիների խումբ, որն ունի գենետիկորեն պայմանավորված՝ տնտեսապես օգտակար կենսաբանական և մորֆոլոգիական հատկություններ, որոնք սպեցիֆիկ են կենդանիների տվյալ խմբի համար, հնարավորություն են տալիս այն տարբերակել այդ տեսակի մյուս ցեղատեսակներից և կայուն փոխանցվում են ժառանգաբար.

տիպ՝ կենդանիների խումբ, որը սկզբնական ցեղատեսակից ակնհայտ տարբերության դեպքում ժառանգում է սկզբնական ցեղատեսակի առավել էական հատկանիշները, ընդ որում՝ պահպանելով սկզբնական ցեղատեսակի գենոտիպը կամ գենոտիպերի համակցությունն արտացոլող հիմնական հատկանիշները, և որը համապատասխանում է սկզբնական ցեղատեսակի գենոտիպին կամ գենոտիպերի համակցությանը՝ բացառությամբ այն շեղումների, որոնք առաջանում են այնպիսի մեթոդների կիրառման արդյունքում, ինչպիսիք են սկզբնական ցեղատեսակից անհատական ընտրությունը, ներմուծական խաչասերումը, գենային ինժեներիան։

Սույն կարգում օգտագործվող մյուս հասկացությունները կիրառվում են «Եվրասիական տնտեսական միության շրջանակներում գյուղատնտեսական կենդանիների հետ սելեկցիոն տոհմային աշխատանքի կատարման միասնականացմանն ուղղված միջոցների մասին» 2019 թվականի հոկտեմբերի 25-ի համաձայնագրով սահմանված իմաստներով:

3. Գյուղատնտեսական կենդանիների նոր ցեղատեսակները, տիպերը, գծերը և կրոսները (այսուհետ՝ սելեկցիոն նվաճումներ) ենթակա են ապրոբացիայի։

4. Սելեկցիոն նվաճումների ապրոբացիան անցկացվում է հետևյալ պայմանների պահպանման դեպքում՝

ա) ապրոբացիայի ենթարկվող սելեկցիոն նվաճման տոհմային կենդանիների գլխաքանակի նվազագույն թվաքանակը համապատասխանում է պահանջներին՝ համաձայն թիվ 1 հավելվածի.

բ) ապրոբացիայի համար ներկայացվող սելեկցիոն նվաճման մեջ գործարանային գծերի նվազագույն քանակը, ինչպես նաև այն տնտեսությունների (նախիրների) նվազագույն քանակը, որտեղ պահվում է ապրոբացիայի ենթարկվող սելեկցիոն նվաճման տոհմային կենդանիների գլխաքանակը (ապրոբացիայի պահի դրությամբ), համապատասխանում են պահանջներին՝ համաձայն թիվ 2 հավելվածի.

գ) ապրոբացիայի ենթարկվող սելեկցիոն նվաճումն արտադրողների ծագումը և դրանց մոտ գենետիկական անոմալիաների բացակայությունը հաստատվել են մոլեկուլային գենետիկական փորձաքննությամբ.

դ) ապրոբացիայի համար ներկայացվող սելեկցիոն նվաճման տոհմային կենդանիների և դրանց նախնիների (առնվազն չորս սերունդ) մասին տեղեկություններն ընդգրկվել են անդամ պետության տոհմային կենդանիների հաշվառման ռեեստրում։

5. Սելեկցիոն նվաճումների ապրոբացիա անցկացնելիս կենդանիները հետազոտվում են տարբերակելիության, միատարրության, հիվանդությունների նկատմամբ կայունության և հաստատունության մասով՝ Եվրասիական տնտեսական հանձնաժողովի կողմից սահմանված մեթոդիկաներին համապատասխան։

6 ախքան Եվրասիական տնտեսական հանձնաժողովի կողմից սույն կարգի 5-րդ կետում նշված մեթոդիկաները սահմանվելը՝ անդամ պետություններում կիրառվում են անդամ պետությունների օրենսդրությամբ նախատեսված՝ կենդանիների հետազոտության մեթոդիկաները։

7. Սելեկցիոն նվաճման ապրոբացիայի կազմակերպմանն ու անցկացմանը ներկայացվող պահանջները (այդ թվում՝ ապրոբացիայի անցկացման դիմում ներկայացնելու կարգին, փաստաթղթերի լրակազմությանը, անդամ պետության լիազորված մարմնի կողմից դրանց ուսումնասիրման, ապրոբացիայի արդյունքներով փաստաթղթերի տրման կարգին և ժամկետներին, ինչպես նաև այդ փաստաթղթերի տրամադրումը մերժելու հիմքերին առնչվող) սահմանվում են անդամ պետության օրենսդրությամբ։

ՊԱՀԱՆՋՆԵՐ

ապրոբացիայի ենթարկվող նոր ցեղատեսակների, տիպերի, գծերի և կրոսների տոհմային կենդանիների գլխաքանակի նվազագույն թվաքանակին ներկայացվող

Կենդանիների տեսակը և սեռը	Գլխաքանակի (գլուխների*) թվաքանակը
	ցեղատեսակը	տիպը	գիծը	կրոսը
1. Խոշոր եղջերավոր անասուններ կաթնատու և կաթնամսատու ցեղատեսակներ՝ կովեր	2000	1000	250	-
արտադրող ցուլեր (կենդանի և տնտեսությունը լքած՝ սերմնային արտադրանքի պաշարով)	20	10	5	-
մսատու ցեղատեսակներ՝ կովեր	1000	500	150	-
արտադրող ցուլեր (կենդանի և տնտեսությունը լքած ՝ սերմնային արտադրանքի պաշարով)	25	10	5	-
2. Խոզեր
մայր խոզեր հիմնական՝ 1000		500	50	-
արտադրող արու խոզեր՝ 100		50	5	-
3. Ոչխարներ նրբագեղմ և կիսանրբագեղմ ցեղատեսակներ՝
մայր ոչխարներ արտադրող խոյեր	2000 50	1000 25	200 5	- -
մսաճարպատու կոպտաբուրդ և  կիսակոպտաբուրդ ցեղատեսակներ՝
մայր ոչխարներ արտադրող խոյեր	4000 100	2000 50	200 5	- -
կարակուլային ցեղատեսակ՝
սև, մոխրագույն և գունավոր երանգների՝
մայր ոչխարներ արտադրող խոյեր	- -	1000 20	500 10	- -
հազվագյուտ օրիգինալ երանգների՝
մայր ոչխարներ արտադրող խոյեր	- -	500 10	250 5	- -
4. Այծեր
մայր այծեր արտադրող այծեր	1000 20	500 10	250 5	- -
5. Ձիեր
մայր ձիեր արտադրող հովատակեր	500 25	100 10	30 5	- -
6. Ուղտեր
մայր ուղտեր արտադրող ուղտեր	400 30	150 8	30 4	- -
7. Եղջերուներ
մայր եղջերուներ արտադրող եղջերուներ	300 30	100 10	30 4	- -
8. Թռչուններ
հավեր	10000	6000	3000	6000
սագեր	3000	1500	500	1000
բադեր	5000	2500	800	1600
հնդկահավեր և այլ թռչուններ	5000	2500	800	1600
9. Ճագարներ (էգեր)	2000	1000	-	-
10. Ջրաքիսներ (էգեր)	2000	1500	-	-
11. Աղվեսներ (էգեր)	2000	1000	-	-
12. Բևեռաղվեսներ (էգեր)	1000	500	-	-
13. Շինշիլաներ (էգեր)	1000	500	-	-
14 Ժանտաքիսներ (տնային ժանտաքիսներ) (էգեր)	1000	500	-	-
15. Ջրարջեր (էգեր)	1000	500	-	-
16. Ճահճակուղբեր (էգեր)	2000	1000	-	-
17. Ձկներ մեծահասակ	400	300/600**	150	300***
18. Մեղուներ	5000	2000	100	-

*Բների՝ բնական և գործարանային ձվադրման դեպքում՝ ձկների համար, հոծ զանգվածակույտի մեջ տեղակայված ընտանիքների՝ մեղուների համար։

** Նոր տեսակ ձկնաբուծության մեջ։

*** Միջտեսակային հիբրիդների նոր ձևեր ձկնաբուծության մեջ։

ՀԱՎԵԼՎԱԾ ԹԻՎ 2 Եվրասիական տնտեսական միության անդամ պետություններում գյուղատնտեսական  կենդանիների նոր ցեղատեսակների, տիպերի,  գծերի և կրոսների ապրոբացիա  անցկացնելու կարգի

գյուղատնտեսական կենդանիների՝ ապրոբացիայի համար ներկայացվող նոր ցեղատեսակների, տիպերի, գծերի և կրոսների մեջ գործարանային գծերի նվազագույն քանակին, ինչպես նաև այն տնտեսությունների (նախիրների) նվազագույն քանակին ներկայացվող, որտեղ պահվում է գյուղատնտեսական կենդանիների՝ ապրոբացիայի ենթարկվող նոր ցեղատեսակների, տիպերի, գծերի և կրոսների տոհմային կենդանիների գլխաքանակը (ապրոբացիայի պահի դրությամբ)

Սելեկցիոն նվաճման տեսակը (ցեղատեսակ, տիպ, գիծ, կրոս)	Գյուղատնտեսական կենդանիների՝ ապրոբացիայի համար ներկայացվող  նոր ցեղատեսակների, տիպերի, գծերի և կրոսների մեջ գործարանային գծերի քանակը	Այն տնտեսությունների  (նախիրների) քանակը, որտեղ պահվում է գյուղատնտեսական կենդանիների՝ ապրոբացիայի ենթարկվող նոր ցեղատեսակների, տիպերի, գծերի և կրոսների տոհմային կենդանիների գլխաքանակը
1. Խոշոր եղջերավոր անասուններ
ցեղատեսակը	4	4
տիպը՝
գործարանային	3	1
մասնագիտացված	3	1
ներցեղատեսակային (գոտիական)	3	2
գիծը	-	1
2. Խոզեր
ցեղատեսակը	6	4
տիպը	3	2
գիծը	-	1
3. Ոչխարներ և այծեր
ցեղատեսակը	4	4
տիպը	2	2
գիծը	-	1
4. Ձիեր (գործարանային/տեղական)
ցեղատեսակը	4/2	4
տիպը	2	2
գիծը	-	1
5. Ուղտեր
ցեղատեսակը	4	4
տիպը	2	2
գիծը	-	1
6. Եղջերուներ
ցեղատեսակը	6	1
տիպը	4	1
գիծը	1	1
7. Թռչուններ
ցեղատեսակը	4	4
կրոսը	2	1
գիծը		1
8. Ճագարներ և մորթատու կենդանիներ
ցեղատեսակը	8	1
կրոսը	2	1
գիծը	1	1
9. Ձկներ ցեղատեսակը	6	1
կրոսը	2	1
գիծը	1	1
10 Մեղուներ
ցեղատեսակը	6	1
կրոսը	2	1
գիծը	1	1

Պաշտոնական հրապարակման օրը՝ 22 հունիսի 2022 թվական: