ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
|
25 օգոստոսի 2020 թվականի |
թիվ 104 |
քաղ. Մոսկվա |
ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ 2011 ԹՎԱԿԱՆԻ ԱՊՐԻԼԻ 7-Ի ԹԻՎ 607 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Սանիտարական, անասնաբուժասանիտարական և կարանտինային բուսասանիտարական միջոցների կիրառման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի 12-րդ հավելված) 17-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված` Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 19-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.
1. Մաքսային միության հանձնաժողովի 2011 թվականի ապրիլի 7-ի «Երրորդ երկրներից Եվրասիական տնտեսական միության մաքսային տարածք ներմուծվող՝ հսկողության ենթակա ապրանքների միասնական անասնաբուժական սերտիֆիկատների ձևերի մասին» թիվ 607 որոշման մեջ կատարել հետևյալ փոփոխությունները.
ա) 18-րդ կետը «տերևահատ մեղվի» բառերից հետո լրացնել «, ծղրիդների, միջատակերների» բառերով.
բ) Եվրասիական տնտեսական միության մաքսային տարածք արտահանվող մեղրաբեր մեղուների, իշամեղուների և առվույտի տերևահատ մեղուների բոժոժների (թիվ 18 ձև) անասնաբուժական սերտիֆիկատի ձևի մեջ՝
սերտիֆիկատի անվանումը լրացնել «, ծղրիդների, էնտոմոֆագ միջատների» բառերով.
4.1-րդ կետն առաջին պարբերությունից հետո լրացնել հետևյալ բովանդակությամբ պարբերությամբ.
«Եվրասիական տնտեսական միության մաքսային տարածք արտահանվող՝ առողջ ծղրիդներն ու էնտոմոֆագ միջատները, որոնք ծագում են արտահանող երկրների բարեկեցիկ տնտեսություններից և վարչական տարածքներից՝ զերծ ակարապիդոզից, ամերիկյան փտախտից, տրոպիլելապսոզից, Aethina tumida բզեզից, եվրոպական փտախտից, նոզեմատոզից, վարրոատոզից (ակարիցիդների նկատմամբ կայուն տիզերի տեսակների առկայությունը), լոկուստակարոզից, կրիտիդիոզից, ասպերգիլոզից, սֆերուլյարիոզից, սուր վիրուսային պարալիչից, քաշմիր-վիրուսից, էնտոպոքս-վիրուսից, բուծման համար նախատեսված շինություններում զարգացող տիզերից, ինչպես նաև մելլիտոբիաներից, բրակոնիդներից, չրերի՝ չորացրած մրգերի հրաթիթեռից (Vitula edmandsae), գրեգարինոզից, սպիրոպլազմոզից, միազներից (սենոտաինիոզից), իշամեղուների և մեղուների համար ընդհանուր, ասկոսֆերոզից՝ վերջին 24 ամիսների ընթացքում՝ գոտիավորմանը համապատասխան վարչական տարածքում կամ տնտեսության տարածքում:»:
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
|
Եվրասիական տնտեսական հանձնաժողովի կոլեգիայի նախագահ` |
Մ. Մյասնիկովիչ |
Պաշտոնական հրապարակման օրը՝ 22 հունիսի 2022 թվական: