ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
8 ապրիլի 2020 թվականի |
թիվ 37 |
քաղ. Մինսկ |
«ԵՎՐԱՍԻԱԿԱՆ ՄԻՋԿԱՌԱՎԱՐԱԿԱՆ ԽՈՐՀՐԴԻ 2016 ԹՎԱԿԱՆԻ ՕԳՈՍՏՈՍԻ 12-Ի ԹԻՎ 5 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՒ ՍԵՐԻԱԿԱՆ ԱՐՏԱԴՐԱՆՔԻ ԾԱԳՄԱՆ ՄԱՍԻՆ ՀԱՎԱՍՏԱԳԻՐԸ ԿԻՐԱՌԵԼՈՒ ՄԱՍԻՆ» ԵՎՐԱՍԻԱԿԱՆ ՄԻՋԿԱՌԱՎԱՐԱԿԱՆ ԽՈՐՀՐԴԻ ՈՐՈՇՄԱՆ ՆԱԽԱԳԾԻ ՄԱՍԻՆ
Եվրասիական տնտեսական հանձնաժողովի խորհուրդը որոշեց.
1. Հավանություն տալ «Եվրասիական միջկառավարական խորհրդի 2016 թվականի օգոստոսի 12-ի թիվ 5 որոշման մեջ փոփոխություն կատարելու և սերիական արտադրանքի ծագման մասին հավաստագիրը կիրառելու մասին» Եվրասիական միջկառավարական խորհրդի որոշման նախագծին (կցվում է) և այն ներկայացնել Եվրասիական միջկառավարական խորհրդի քննարկման համար:
2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո:
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից` |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից` |
Ռուսաստանի Դաշնությունից՝ |
|
|
|
|
|
|
|
Մ. Գրիգորյան |
Ի. Պետրիշենկո |
Ա. Սմայիլով |
Է. Ասրանդիև |
Ա. Օվերչուկ |
ԵՎՐԱՍԻԱԿԱՆ ՄԻՋԿԱՌԱՎԱՐԱԿԱՆ ԽՈՐՀՈՒՐԴ
Ո Ր Ո Շ ՈՒ Մ
|
« » ի 20 թվականի |
թիվ |
քաղ. |
ԵՎՐԱՍԻԱԿԱՆ ՄԻՋԿԱՌԱՎԱՐԱԿԱՆ ԽՈՐՀՐԴԻ 2016 ԹՎԱԿԱՆԻ ՕԳՈՍՏՈՍԻ 12-Ի ԹԻՎ 5 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՒ ՍԵՐԻԱԿԱՆ ԱՐՏԱԴՐԱՆՔԻ ԾԱԳՄԱՆ ՄԱՍԻՆ ՀԱՎԱՍՏԱԳԻՐԸ ԿԻՐԱՌԵԼՈՒ ՄԱՍԻՆ
«Եվրասիական տնտեսական միության մաքսային տարածքում ապրանքների ներմուծման և շրջանառության որոշ հարցերի մասին» 2015 թվականի հոկտեմբերի 16-ի արձանագրության 3-րդ հոդվածի իրագործման նպատակներով և «Եվրասիական տնտեսական միության մասին» 2014 թվականի մայիսի 29-ի պայմանագրի 16-րդ հոդվածի 1-ին կետի հիման վրա՝ Եվրասիական միջկառավարական խորհուրդը որոշեց.
1. Եվրասիական միջկառավարական խորհրդի 2016 թվականի օգոստոսի 12-ի «Առևտրի համաշխարհային կազմակերպությանը Ղազախստանի Հանրապետության միանալու հետ կապված՝ Եվրասիական տնտեսական միության մաքսային տարածքում ապրանքների ներմուծման և շրջանառության որոշ հարցերի մասին» թիվ 5 որոշման 2-րդ կետի «բ» ենթակետը «ապրանքների տեղափոխման ժամանակ» բառերից հետո լրացնել «եթե այլ բան նախատեսված չէ Եվրասիական միջկառավարական խորհրդի որոշմամբ:» բառերով.
2. Սահմանել, որ սույն որոշումն ուժի մեջ մտնելու օրվանից հետո 9 ամսվա ընթացքում Ղազախստանի Հանրապետության տարածքից Եվրասիական տնտեսական միության մյուս անդամ պետությունների տարածքներ Ղազախստանի Հանրապետության տարածքում արտադրված և թիվ 1 հավելվածի համաձայն ցանկում ներառված ապրանքների տեղափոխման ժամանակ СТ-1 ձևի ապրանքների ծագման մասին այն հավաստագրի փոխարեն, որը ներկայացնելը նախատեսված է Եվրասիական միջկառավարական խորհրդի 2016 թվականի օգոստոսի 12-ի թիվ 5 որոշման 2-րդ կետի «բ» ենթակետով, թույլատրվում է թիվ 2 հավելվածի համաձայն պահանջներին համապատասխան լրացվող` սերիական արտադրանքի ծագման մասին հավաստագրի օգտագործումը: Սերիական արտադրանքի ծագման մասին հավաստագրի տրամադրումն ու օգտագործման հսկողությունն իրականացվում են թիվ 3 հավելվածի համաձայն սահմանված կարգով: Արտադրանքի յուրաքանչյուր խմբաքանակ, որի համար տրվել է սերիական արտադրանքի ծագման մասին հավաստագիր, ուղեկցվում է այդ հավաստագրի պատճենով` հաստատված այն արտադրողի կողմից, որին տրվել է հավաստագիրը, ինչպես նաև ապրանքի ծագման մասին հայտարարագրով, որի տեքստը ձևակերպվում է «Անկախ Պետությունների Համագործակցությունում ապրանքների ծագման երկրի որոշման կանոնների մասին» 2009 թվականի նոյեմբերի 20-ի համաձայնագրի անբաժանելի մաս կազմող` Ապրանքների ծագման երկրի որոշման կանոնների 5-րդ հավելվածին համապատասխան:
Սույն կետի առաջին պարբերության մեջ նշված ժամկետը կարող է երկարաձգվել Եվրասիական միջկառավարական խորհրդի որոշմամբ:
Եվրասիական միջկառավարական խորհրդի անդամներ՝
|
Հայաստանի Հանրապետությունից՝ |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից՝ |
Ռուսաստանի Դաշնությունից՝ |
Պաշտոնական հրապարակման օրը՝ 22 հունիսի 2022 թվական: