ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

29 հոկտեմբերի 2019 թվականի

թիվ 189

քաղ. Մոսկվա

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց․

1. Էքսկավատոր-փոխաբեռնիչը, որը ներկայացված է որպես անվավոր շարժամասով լրիվ դարձկեն ինքնագնաց մեքենա, բաղկացած տարաշարժուն հենարանային աութրիգերներով հենոցից, առջևի և հետևի կամրջակներից, ղեկային կառավարման հիդրավլիկ համակարգից, 360° շրջադարձի անկյունով դարձկեն հենահարթակից, որի վրա տեղադրված են ներքին այրման շարժիչը, օպերատորի խցիկը, հիդրավլիկ համակարգը, սլաքը՝ բռնալծակով և դրա ծայրին լրացուցիչ հիդրոգլանով կամ առանց դրա, և որը ստացիոնար դիրքում կատարում է աշխատանքների հետևյալ տեսակները՝

ա) գրունտի փորում և հանում (փոսորակների, խրամափոսերի, ջրհորների և այլնի մշակում)՝ էքսկավատորի շերեփի օգնությամբ, որը տեղադրվում է միայն լրացուցիչ հիդրոգլան ունեցող բռնալծակի վրա, կամ գրեյֆերային շերեփի օգնությամբ, որը տեղադրվում է ցանկացած տիպի բռնալծակի վրա.

բ) տարբեր նյութերի (խիճ, ավազ, շինարարական աղբ, մետաղաջարդոն և այլն) բեռնումը կամ բեռնաթափումը՝ ցանկացած տիպի բռնալծակի վրա տեղադրվող գրեյֆերային բռնիչների, բեռնային կեռի, մագնիսային բեռնային սալիկի օգնությամբ, Արտաքին տնտեսական գործունեության ապրանքային անվանացանկի մեկնաբանման 1-ին և 3-րդ (գ) հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8429 ապրանքային դիրքում:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: