ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

29 ապրիլի 2019 թվականի

թիվ 41

քաղ. Երևան

Եվրասիական տնտեսական հանձնաժողովի խորհուրդը որոշեց.

1. Հավանություն տալ «Եվրասիական տնտեսական միության անդամ պետությունների օրենսդրությունը եղանակի կանխատեսման և օդերևութաբանության հետ կապված ծառայությունների ոլորտի ազատականացման ծրագրի 8-րդ և 18-րդ կետերին համապատասխան ներդաշնակեցնելու մասին» Եվրասիական տնտեսական բարձրագույն խորհրդի որոշման նախագծին (կցվում է) և այն ներկայացնել Եվրասիական տնտեսական բարձրագույն խորհրդի քննարկմանը։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի խորհրդի անդամներ՝

«Ծառայությունների առևտրի, հիմնադրման, գործունեության և ներդրումների իրականացման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 16 հավելված) 55-րդ կետին համապատասխան, Եվրասիական տնտեսական բարձրագույն խորհրդի 2016 թվականի դեկտեմբերի 26-ի թիվ 23 որոշմամբ հաստատված՝ եղանակի կանխատեսման և օդերևութաբանության հետ կապված ծառայությունների ոլորտի ազատականացման ծրագրի 8-րդ և 18-րդ կետերի իրագործման նպատակով և հաշվի առնելով Եվրասիական տնտեսական հանձնաժողովի տեղեկատվությունը՝ Եվրասիական տնտեսական բարձրագույն խորհուրդը որոշեց.

Եվրասիական տնտեսական միության անդամ պետությունների կառավարություններին` կազմակերպել Եվրասիական տնտեսական միության անդամ պետությունների օրենսդրության ներդաշնակեցման աշխատանքը և 2021 թվականի հունվարի 1-ից (Ղազախստանի Հանրապետության համար՝ 2025 թվականի հունվարի 1-ից) եղանակի կանխատեսման և օդերևութաբանության հետ կապված ծառայությունների ոլորտի միասնական շուկայի գործունեության ապահովումը Եվրասիական տնտեսական միության անդամ պետությունների նորմատիվ իրավական ակտերի՝ հավելվածում նշված ցանկին համապատասխան փոփոխության և ընդունման ճանապարհով:

Եվրասիական միջկառավարական խորհրդի անդամներ՝

Հայաստանի Հանրապետությունից`

Բելառուսի Հանրապետությունից՝

Ղազախստանի Հանրապետությունից՝

Ղրղզստանի Հանրապետությունից`

Ռուսաստանի Դաշնությունից՝

ՀԱՎԵԼՎԱԾ Եվրասիական տնտեսական բարձրագույն խորհրդի 20    թվականի       -ի թիվ      որոշման

I. Փոփոխման ենթակա նորմատիվ

իրավական ակտեր.

1. Հայաստանի Հանրապետության 2001 թվականի մարտի 9-ի «Հիդրոօդերևութաբանական գործունեության մասին» թիվ ՀՕ-145 օրենքը:

2. Հայաստանի Հանրապետության կառավարության 2015 թվականի նոյեմբերի 19-ի ««Մթնոլորտային երևույթների վրա ակտիվ ներգործության ծառայություն» պետական ոչ առևտրային կազմակերպության՝ «Հայաստանի հիդրոօդերևութաբանության և մոնիթորինգի պետական ծառայություն» պետական ոչ առևտրային կազմակերպությանը միանալու մասին», «Հայաստանի հիդրոօդերևութաբանության և մոնիթորինգի պետական ծառայություն» պետական ոչ առևտրային կազմակերպությունը՝ «Հիդրոօդերևութաբանության և մթնոլորտային երևույթների վրա ակտիվ ներգործության ծառայություն» պետական ոչ առևտրային կազմակերպության վերանվանվելու մասին», Հայաստանի Հանրապետության կառավարության 2002 թվականի նոյեմբերի 28-ի թիվ 1872-Ն և 2003 թվականի ապրիլի 3-ի թիվ 467-Ն որոշումներում փոփոխություններ կատարելու մասին» թիվ 1329-Ն որոշումը:

3. Բելառուսի Հանրապետության 2006 թվականի հունվարի 9-ի «Հիդրոօդերևութաբանական գործունեության մասին» թիվ 93-3 օրենքը:

4. Վարչական իրավախախտումների վերաբերյալ Ղազախստանի Հանրապետության օրենսգիրքը:

5. Ղազախստանի Հանրապետության 2014 թվականի մայիսի 16-ի «Թույլտվությունների և ծանուցումների մասին» թիվ 202-V օրենքը:

6. Ղրղզստանի Հանրապետության կառավարության 2018 թվականի փետրվարի 20-ի «Հիդրոօդերևութաբանության ոլորտում լիազորված մարմնի կողմից հիդրոօդերևութաբանական գործունեություն իրականացնելու կարգի մասին հիմնադրույթի հաստատման վերաբերյալ» թիվ 103 որոշումը:

7. Խախտումների մասին Ղրղզստանի Հանրապետության օրենսգիրքը:

II. Ընդունման ենթակա նորմատիվ իրավական ակտեր

Ղազախստանի Հանրապետության բնապահպանական օրենսգիրքը (նոր խմբագրություն):

Պաշտոնական հրապարակման օրը՝ 22 հունիսի 2022 թվական: