ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

3 դեկտեմբերի 2019 թվականի

թիվ 215

քաղ. Մոսկվա

«Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 43-րդ կետի 4-րդ ենթակետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Ղազախստանի Հանրապետությանը ծանուցել «Եվրասիական տնտեսական միության մասին» 2014 թվականի մայիսի 29-ի պայմանագրի 26-րդ հոդվածի և «Ներմուծման մաքսատուրքերի (համարժեք այլ տուրքերի, հարկերի ու վճարների) գումարները հաշվեգրելու և բաշխելու, դրանք որպես եկամուտ անդամ պետությունների բյուջեներ փոխանցելու կարգի մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 5 հավելված) այն դրույթները կատարելու անհրաժեշտության մասին, որոնք առնչվում են ընդերքօգտագործման ոլորտում (վառելիքաէներգետիկ հատվածում) իրավահարաբերությունների շրջանակներում Ղազախստանի Հանրապետության տարածք ներմուծվող (ներմուծված) այնպիսի ապրանքների համար վճարված ներմուծման մաքսատուրքերի գումարները հաշվեգրելու և Եվրասիական տնտեսական միության անդամ պետությունների միջև բաշխելու վերաբերյալ դրույթների կատարման անհրաժեշտության մասին, որոնց նկատմամբ, Եվրասիական տնտեսական միության մաքսային օրենսգրքի 460-րդ հոդվածի 2-րդ կետի (իսկ մինչև այն ուժի մեջ մտնելը՝ Մաքսային միության մաքսային օրենսգրքի 372-րդ հոդվածի) ուժով, կիրառվում (կիրառվել) է Ղազախստանի Հանրապետության մաքսային օրենսդրությունը, որին համապատասխան գործում (գործել) են համապատասխան պայմանագրերը։

2. Խնդրել Ղազախստանի Հանրապետության կառավարությանը՝ սույն որոշումն ուժի մեջ մտնելու օրվանից 2 ամսվա ընթացքում Եվրասիական տնտեսական հանձնաժողովին տեղեկացնել ձեռնարկված միջոցների մասին:

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: