ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

18 նոյեմբերի 2019 թվականի

թիվ 117

քաղ. Մոսկվա

««ԱՇԽԱՏԱՆՔ ԱՌԱՆՑ ՍԱՀՄԱՆՆԵՐԻ» ՄԻԱՍՆԱԿԱՆԱՑՎԱԾ ՈՐՈՆՄԱՆ ՀԱՄԱԿԱՐԳ» ՆԱԽԱԳԾԻ ԱՆՁՆԱԳՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական հանձնաժողովի ««Աշխատանք առանց սահմանների» միասնականացված որոնման համակարգ» նախագծի իրականացման մասին» 2019 թվականի սեպտեմբերի 9-ի թիվ 89 որոշման իրականացման նպատակով Եվրասիական տնտեսական հանձնաժողովի խորհուրդը որոշեց.

1. Եվրասիական տնտեսական հանձնաժողովի խորհրդի կողմից 2019 թվականի սեպտեմբերի 9-ի թիվ 89 որոշմամբ հաստատված ««Աշխատանք առանց սահմանների» միասնականացված որոնման համակարգ» նախագծի անձնագրի 7-րդ բաժնում կատարել հետևյալ փոփոխությունները.

«Ազգային պատվիրատու-համակարգող» բառերը փոխարինել «Ազգային պատվիրատու-համակարգող (Հայաստանի Հանրապետությունից՝ Հայաստանի Հանրապետության աշխատանքի և սոցիալական հարցերի նախարարության զբաղվածության պետական գործակալություն, Բելառուսի Հանրապետությունից՝ Բելառուսի Հանրապետության աշխատանքի և սոցիալական պաշտպանության նախարարություն, Ղազախստանի Հանրապետությունից՝ Ղազախստանի Հանրապետության աշխատանքի և բնակչության սոցիալական պաշտպանության նախարարություն, Ղրղզստանի Հանրապետությունից՝ Ղրղզստանի Հանրապետության աշխատանքի և սոցիալական զարգացման նախարարություն, Ռուսաստանի Դաշնությունից՝ աշխատանքի և զբաղվածության դաշնային ծառայություն)» բառերով.

«Ազգային բաղադրիչի օպերատոր» բառերը փոխարինել «Ազգային բաղադրիչի օպերատոր (Հայաստանի Հանրապետությունից՝ «Նորք» սոցիալական ծառայությունների տեղեկատվական տեխնոլոգիական կենտրոնի հիմնադրամ, Բելառուսի Հանրապետությունից՝ «Բելառուսի Հանրապետության աշխատանքի և սոցիալական պաշտպանության նախարարության տեղեկատվական տեխնոլոգիաների կենտրոն» հանրապետական ունիտար ձեռնարկություն, Ղազախստանի Հանրապետությունից՝ Ղազախստանի Հանրապետության աշխատանքի և բնակչության սոցիալական պաշտպանության նախարարության «Աշխատանքային ռեսուրսների զարգացման կենտրոն» բաժնետիրական ընկերություն, Ղրղզստանի Հանրապետությունից՝ Ղրղզստանի Հանրապետության կառավարությանն առընթեր միգրացիայի պետական ծառայության տեղեկատվական-խորհրդատվական կենտրոն, Ռուսաստանի Դաշնությունից՝ «Բյուջետային և ֆինանսական տեխնոլոգիաներ» սահմանափակ պատասխանատվությամբ ընկերություն)» բառերով։

2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։

Պաշտոնական հրապարակման օրը՝ 22 հունիսի 2022 թվական: